吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公唔係9962親生,我好唔鍾意我99

夫婦情感今日: 14|主題: 42710

收藏本版

發帖

返回列表

跳至頁

查看: 3847 | 回覆: 32

老公唔係9962親生,我好唔鍾意我99 [複製鏈接]

ellen0610

洋房

積分: 118

1^#

發表於 07-9-7 19:12 |只看該作者 |倒序瀏覽 |打印

老公一出世係俾6299領養,但係由佢女麻女麻湊大,99根本就冇湊過我老公,直到我老公讀小學佢先自己湊返,聽女麻女麻講99以前唔係咁分老公,可能唔係自己親生,但係而家99成日好似好緊張老公,又做到好鍚佢,都唔知係咪睇在錢份上,老公一出糧落大雨都死過黎拎錢,平時又唔見佢拎d湯俾佢飲!因為即使而家結左婚,我老公都要養佢地。我地結婚o個陣,99一樣野都冇買過俾我,結婚秉有錢當然係我老公自己出,可能佢真係冇錢,都算,到我有左,薑醋又唔煲,又旨意我絲咪煲,我62都有叫佢煲架,佢自己話"佢阿媽會煲啦,煲呾多食唔晒"最後又要我媽咪煲,99一份錢都冇出過,買補品當然更加唔洗講,但係冇錢唔緊要,冇心我就真係好介意!我坐月o個陣,佢一次都冇燉過野俾我食,咁耐只買過隻雞過黎,坐月全部都係我媽咪負責,$又係我娘家出,到我搬屋,間屋係我屋企人買俾我住o既,所有野都係我屋企俾錢,個仔搬屋都唔會話幫下手,次次都要我媽咪出錢買野入黎,99黎到我屋企又唔會幫下手,果陣我坐緊月唔好成日濕水,佢都唔會話幫我洗下阿b d衫,扮唔知,淨係識得玩阿b同坐o係度,我媽咪就做到成隻狗咁,每次星期日黎,都唔會話煲下湯俾個仔飲,唔會問佢食左飯未,洗唔洗買飯俾佢食,呢d野全部我媽咪都會做,佢鍚我老公仲好過99對我老公。好喇,請完佢一分錢都唔洗出,仲要彈埋我間屋,成日o係我媽咪面前話間屋點唔好,我係住村屋o既,佢話"呢度咁靜,死左都唔知咩事""阿b第日大個,冇人同佢玩,佢會唔會自閉?"我咪話"人地外國o個d咪仲靜,不過你住關公屋,可能唔慣咁靜姐"初頭以為佢嫌唔方便,原來係嫌間屋唔夠"富麗堂皇",同埋要佢掃花園(不過佢次次黎都唔會主動幫手掃,係62自己掃同見我媽咪掃,佢咪唔好意思,扮下野囉),但我老公好滿意間屋喎,仲話唔想搬,大佬,買埋俾你仲想點呀!佢自己又唔係咩大富人家,佢有咩資格彈我地先!之前未結婚時同佢一齊住,我都會忍下佢,而家我唔會俾面佢,唔岩聽就會串佢,我又唔洗靠佢,難聽d佢o個邊乜都靠晒我屋企,電費千幾蚊都係我媽咪俾錢交,我老公話俾返佢,媽咪話唔洗,99o個陣都聽到,完全冇出聲,唔會話覺得唔好意思!好啦,到12月我又搬,間屋都係我屋企人買o既,今次99好鍾意喎,梗係啦,又有泳池個大堂又靚,梗係鍾意啦!就算細而家一半佢都好想我地搬去住,佢話就話為阿b好,其實係方便佢自己同埋唔洗佢掃花園,佢正一懶人黎架,一個月都唔會拖下個地同掃下個地,咁都頂得順,咁得閒冇返工都唔會做下家務。不過而家唔洗同佢住,我唔會好似以前咁俾面佢,佢都唔俾面我屋企人啦,你地話係唔係!

0 0 0

私人傳訊

小麵麵

男爵府

積分: 6329

2^#

發表於 07-9-7 21:33 |只看該作者

你99好鍾意你間新屋bor,小心佢日日走來搞你,
重有就係記得唔好比key99,如果唔係有排你煩呀

私人傳訊

honeyBB

男爵府

積分: 8684

2024年龍年勳章 2018復活節勳章好媽媽勳章醒目開學勳章

3^#

發表於 07-9-8 01:29 |只看該作者

其實,點解要期望你99要做咁多0野呢?
我就寧願唔受人恩惠喇!對99......我本著君子之交淡如水.
正所謂,你對我冇要求,我對你都冇要求.

原文章由 ellen0610 於 07-9-7 19:12 發表
老公一出世係俾6299領養,但係由佢女麻女麻湊大,99根本就冇湊過我老公,直到我老公讀小學佢先自己湊返,聽女麻女麻講99以前唔係咁分老公,可能唔係自己親生,但係而家99成日好似好緊張老公,又做到好鍚佢,都唔知係咪睇在錢 ...

私人傳訊

momo_bb

別墅

積分: 987

4^#

發表於 07-9-8 01:58 |只看該作者

點解你媽咪要貼咁多錢出黎0既,重要幫佢交電費???

私人傳訊

成媽

男爵府

積分: 7645

5^#

發表於 07-9-8 02:39 |只看該作者

係lor...點解你會期望佢做野呢????
唔駛理佢地la...攪到自己咁angry...
不過我想問下y 你媽出咁多錢幫你地既?????

私人傳訊

ChammyMAMA

瑪瑙宮

積分: 145006

好媽媽勳章醒目開學勳章畀面勳章

6^#

發表於 07-9-8 10:27 |只看該作者

唔止呀...仲會帶埋班3姑6婆嚟添呀,小心...小心!

原文章由 小麵麵 於 07-9-7 21:33 發表
你99好鍾意你間新屋bor,小心佢日日走來搞你,
重有就係記得唔好比key99,如果唔係有排你煩呀

緣是天意，份是人為，有緣相遇者，珍惜緣份的來臨

私人傳訊

kary512

別墅

積分: 739

7^#

發表於 07-9-8 13:04 |只看該作者

原文章由 momo_bb 於 07-9-8 01:58 發表
點解你媽咪要貼咁多錢出黎0既,重要幫佢交電費???

係啦~~~照計講真..點都好..你媽咪話唔使..你老公都要俾返啦...!依家好似你老公入贅你屋企咁既?(sorry~希望唔好介意)因為間屋又係你屋企人買...你老公有冇出一份?雖然你媽咪果o的唔介意姐..但係都唔係咁好喎!同埋我覺得你99唔做就算啦..話哂都唔係親生仔...唔係個個都好似添叔咁偉大架嘛~仲要添叔係電視人物先有..當然我唔排除現實生活有囉..!!!所以你對佢唔好有要求啦..當然都唔俾佢對你都有要求啦..!!!

私人傳訊

rickymi

別墅

積分: 642

8^#

發表於 07-9-8 13:29 |只看該作者

好同意honeybb所講.你對我冇要求我對你都冇要求.我99係咩都唔理架,雖然好衰格,但未必唔係一件好事.最起碼佢以后有咩事我都唔使理

原文章由 honeyBB 於 07-9-8 01:29 發表
其實,點解要期望你99要做咁多0野呢?
我就寧願唔受人恩惠喇!對99......我本著君子之交淡如水.
正所謂,你對我冇要求,我對你都冇要求.

我個預產期係12/3/04 又期待又緊張亞[/quote] :-D :lol: :-) :lol: :-P :roll: :pint: :hammer:

私人傳訊

CutieMommy

別墅

積分: 839

9^#

發表於 07-9-8 13:34 |只看該作者

原文章由 momo_bb 於 07-9-8 01:58 發表
點解你媽咪要貼咁多錢出黎0既,重要幫佢交電費???

係囉!唔好意思.可能唔係咁岩聽.
你地係大人離架啦.仔都生埋.應該自立先岩.點解樣樣都係你呀媽幫你比埋架.
就算你呀媽話比.你地咁大個人,都應該唔好意思收啦.
如果自己冇錢,咪唔好買樓囉,點解樣樣都係你呀媽比架???就算你呀媽好有錢都係咁話啦,做成年人要負番自己既責架嗎?

至於你99, 就算親生/唔親生,錫唔錫都好啦.佢養到你老公咁大,冇功都有勞.而家你老公長大成人,婚又結埋,仔又生埋.應該係報答番佢老人家既時候,你又點可以要求你99 e樣果樣架!!!!!

可能唔係咁岩聽.你係咪獨女,被阿媽種壞晒,耍個個人都就晒你,錫晒你果d呀.唉!你做左人呀媽架啦,成熟d啦!唔好樣樣都要人地比你先得架!!!!!

私人傳訊

yau_grace

子爵府

積分: 14680

10^#

發表於 07-9-8 15:19 |只看該作者

完全同意呀!

1. 妳 99 係唔係你老公親生媽咪跟本唔重要. 再者, 可能比親生更偉大 -- 因為唔係親生都養到佢咁大.

2. 老人家老了, 點解要求佢要服侍你地?

3. 妳媽咪對你地好, 唔代表奶奶要一樣咁好. 妳媽咪有錢0者!

4. 你地兩老婆都成年啦~ 點解仲要咁靠妳媽咪?

我完全冇惡意架! 只係分享下0者.

原文章由 CutieMommy 於 07-9-8 13:34 發表

係囉!唔好意思.可能唔係咁岩聽.
你地係大人離架啦.仔都生埋.應該自立先岩.點解樣樣都係你呀媽幫你比埋架.
就算你呀媽話比.你地咁大個人,都應該唔好意思收啦.
如果自己冇錢,咪唔好買樓囉,點解樣樣都係你呀媽比架??? ...

私人傳訊

ellen0610

洋房

積分: 118

11^#

發表於 07-9-8 17:26 |只看該作者

我一定唔會俾我屋企條key佢,不過就算俾佢佢都唔會成日黎,次次黎親探我地,都係62主意,好似叫99得閒過閒煲湯俾老公飲,拎阿b d衫過黎...等等。
首先,我老公係女麻女麻收養佢,然後先俾我6299,老公細個o個陣,我99係唔理佢,成日去賭馬同打牌,上年唔知佢做咩事,冇左5萬蚊,佢話俾人呃,而家又要我老公幫佢還!我而家唔係要求99做d咩,我只係覺得,佢平時得閒過黎,咁煲下湯俾個仔飲都好應該,唔係為我當為個仔,終於有次佢過黎煲湯,我以為佢咁好死,原來係62叫佢,佢仲好似唔多願煲,於是我開到口,叫佢過開黎就煲下湯俾老公飲,佢話:我怕阻住你丫嘛。唔係掛,怕阻住我?怕阻住我又過黎??懶就懶啦,不過佢過黎睇阿b,其實係想綁住個老公,因為62一放假就返大陸,自從阿b出世之後,62一放假就過黎睇阿b,我好記得阿b初初出世o個陣,99只係望左幾眼,叫佢抱,佢就話:哎呀,唔好喇,唔好喇...咩唔好呀!我阿b有菌咩!我都唔希罕佢抱,不過尊重你先叫你抱下。我就係覺得我媽咪咁鍚我,可以為我做咁多野,點解99唔會咁做,就係佢唔係好鍚我老公,我老公都知架,同埋我最嬲係佢成日o係我媽咪面前彈三彈四,咁我媽咪會點諗?
我覺得99o係新抱坐月時照顧佢先係一個好99,我媽咪都會對我細佬個老婆一樣咁好,我而家唔係要食佢d鮑參翅肚,我只係覺得佢連咁o既心都冇,我老公個fd仲問我:你99有冇燉野俾你食呀?我啞口無言,只係講左句:我99住得好遠,多數都係媽咪燉。咁已經証明佢對我好極都好限,所以我都唔會對佢好!最重要係,佢唔俾面我屋企人!
我想講,我唔係要靠我媽咪,我媽咪真係真心,出錢出力幫我地,佢知我老公冇錢(每月仲要幫99還錢,多得佢唔少!99o個陣仲口口聲聲話:唔洗你地理,我自己會還,而家呢?還佢條命!)但佢唔會睇唔起佢,仲當佢仔咁,我老公有堅持俾返錢我媽咪,但我媽咪堅持唔要,佢覺得佢有能存幫到我地,佢係唔會介意!基本上我屋企人個個對我老公都好好,我阿爸一樣唔會因為老公冇錢而睇佢唔起,佢同我講,只要佢鍚我同有上進心顧家就得,第日有咩困難可以同我講,睇下我地幫唔幫到你。我屋企人係講明架,所以佢地係唔會介意出錢。
同埋我住得比較偏僻,好少出街買"食送",用bb車好唔方便,而且我用揹帶阿b又勁喊,唯有我媽咪幫手,我想搬左後會開始獨立,唔會成日靠媽咪喇,媽咪平時好得閒,而且佢又想見阿b,每日都會幫我買d"食送"入黎,我99仲話:你阿媽會買架啦,你阿媽會煲架啦,咁你唔買你唔煲咪我媽咪做晒囉,我又唔係要求佢日日入黎幫我,只係叫佢入黎順便煮餐飯俾個仔食姐,佢一樣唔肯...坐月o個陣我媽咪間唔中都有黎過夜,咁我媽咪都攰架,咁我咪叫我老公叫99黎過一晚夜幫下手,點知佢話:唔好喇,呢度咁多蚊(幾矜貴呀),到我開口叫佢,佢又話:唔好喇,呢度乜都冇,冇o既意思係指冇床俾佢訓,要佢訓梳化,不過呢d都係藉口,事實係佢根本唔想湊阿b,咁咪算囉,自此次後,有闔阿bo既野我乜都唔會要佢幫,家上佢做野好求其,唔幫好過幫!

私人傳訊

judith07

大宅

積分: 1127

12^#

發表於 07-9-8 23:21 |只看該作者

原文章由 yau_grace 於 07-9-8 15:19 發表
完全同意呀!

1. 妳 99 係唔係你老公親生媽咪跟本唔重要. 再者, 可能比親生更偉大 -- 因為唔係親生都養到佢咁大.

2. 老人家老了, 點解要求佢要服侍你地?

3. 妳媽咪對你地好, 唔代表奶奶要一樣咁好. 妳媽咪有錢0者! ...

完全同意.
樓主.你對"好99既"要求,真係好誇張喎,要咁樣服事你法先得

又將自己靠晒呀媽,美化成佢地真心幫你.....etc.你都幾多歪埋架喎!!!

冇本事咪唔好結婚生仔住囉.樣樣都耍呀媽貼.你同你老公都好厚面皮姐

私人傳訊

CutieMommy

別墅

積分: 839

13^#

發表於 07-9-8 23:43 |只看該作者

原文章由 ellen0610 於 07-9-8 17:26 發表
我一定唔會俾我屋企條key佢,不過就算俾佢佢都唔會成日黎,次次黎親探我地,都係62主意,好似叫99得閒過閒煲湯俾老公飲,拎阿b d衫過黎...等等。
首先,我老公係女麻女麻收養佢,然後先俾我6299,老公細個o個陣,我99係唔理佢 ...

係囉.樓主,你講米講去,咪又係話你99服侍得你唔夠囉....冇煲湯比你飲,冇幫你洗衫.....etc. 大佬呀! 你大人離架啦.咪下下自己d野都要人地幫你做埋先得架.你呀媽種壞晒你,搞到你而冢覺得人地唔服侍你就好似對你唔住咁...

講真,你99老人家,養大左你老公(唔好又話唔錫你老公啦)好好丑丑你老公而冢都大人一個啦,你99而冢應該係享福既時候.
你成日話要人煲湯比你地飲. 你有冇唸過做人新抱更加應該煲湯比99飲啦!!!

私人傳訊

onon1022

子爵府

積分: 12589

好媽媽勳章

14^#

發表於 07-9-9 00:57 |只看該作者

其實你奶奶唔幫你做家務...咁咪由得佢囉...間屋佢又無份住...唔幫你都無辦法...你阿媽咁鍚你...咁你就要鍚多d你阿媽...反而你應該同你阿媽講...唔好幫你奶奶交電費啦...費事比你老公感覺要靠外家...或者將來你同你奶奶嘈既時候...話係你阿媽幫佢交電費...你老公可能會唔開心...同埋...唔好將你阿媽同你奶奶比啦...始終人人都唔同...佢唔理你...你咪唔好理佢囉...費事令你老公難做...

[url=http://lilypie.com][img]

私人傳訊

Ruby06

大宅

積分: 2667

15^#

發表於 07-9-9 01:23 |只看該作者

原文章由 onon1022 於 07-9-9 00:57 發表
其實你奶奶唔幫你做家務...咁咪由得佢囉...間屋佢又無份住...唔幫你都無辦法...你阿媽咁鍚你...咁你就要鍚多d你阿媽...反而你應該同你阿媽講...唔好幫你奶奶交電費啦...費事比你老公感覺要靠外家...或者將來你同你奶 ...

係呀! 間屋係你既. 你99又冇份住. 佢冇幫你做家務好正常.佢又窖係你エ人. 我唔明有咩問題. ?-(?-(?-(?-(?-(?-(

私人傳訊

hongkongpeople

民房

積分: 9

16^#

發表於 07-9-9 02:24 |只看該作者

點解你自己唔煮飯煲湯比老公, 要奶奶做, 坐月不代表奶奶一定要照顧你和幫你做家務,
就算你老公是她親生, 也不代表要服侍你們

[ 本文章最後由 hongkongpeople 於 07-9-9 02:27 編輯 ]

私人傳訊

盈盈262

禁止訪問

積分: 2769

17^#

發表於 07-9-9 04:32 |只看該作者

提示: 作者被禁止或刪除內容自動屏蔽

私人傳訊

purplechili

子爵府

積分: 11438

好媽媽勳章醒目開學勳章

18^#

發表於 07-9-9 04:43 |只看該作者

而家Ｄ人諗野咁奇怪既，你奶奶無經驗揍細路（無揍大你老公），咁唔抱你ＢＢ唔出奇丫，一陣佢整喊你個ＢＢ，你又賴佢唔識唔好學人抱ＢＢ啦。
總之一句講晒你奶奶唔係賢妻良母型媽媽，唔好祈望咁多啦。係你阿媽縱慣你者，咩都我媽咪乜我媽咪物。

私人傳訊

麟媽媽

王國長老

積分: 87379

好媽媽勳章王國長老

19^#

發表於 07-9-9 13:45 |只看該作者

生娘不及養娘大！你老公係孤兒，當然對奶奶好啦！
你對你奶奶咁多要求，你又為佢做過D 咩野？！
你生完仔又話佢唔整野你食，又話佢唔煲湯比你地飲，
咁佢唔舒服有病，你做新抱又有無整野比佢食呢？
又有無照顧過佢，同佢去睇醫生咁呀？！

私人傳訊

kary512

別墅

積分: 739

20^#

發表於 07-9-9 13:47 |只看該作者

唔~~其實你真係都幾過份~!!我睇唔出你99既好..但係都睇唔出佢衰!因為講真..第一,你話點解佢唔可以好似你媽對你咁好..梗係喇~你又唔係佢個囡..佢又點會對你好似你阿媽咁好丫?第二..個仔又唔係佢親生既...你就唔好諗佢係咪錫你老公..因為呢個真係好個人..!!好似我99咁..佢有三個仔...佢都唔係好錫我老公架..唔通我又嬲佢喇喎...親生仔黎架..但係咁又點?偏心係人之常情..何況佢唔係親生呢?第三..有好多老人家都怕整親o的bb...尤其係剛剛出世!!我估就唔係話驚你bb有菌既,放心!
我個女出世果時,我99都冇煮過野俾我~更加只係探過我一次架咋..!唔係只有你99係咁既~多o的睇bk....大把人99衰過你99喇~你要求太高喇~可能第時你生個仔...你都係咁樣呢...將來既事好難講~!