想生BB

跳至

首頁
1

尾頁
   0


複式洋房

積分: 332


1#
發表於 13-9-26 11:20 |只看該作者
本帖最後由 bbcatss 於 13-9-26 11:25 編輯

已經睇過各位過往的分享, 主要擔心有弓型虫感染的問題

即使初期懷孕驗到沒有感染, 唔代表日後不會感染, 對嗎?

如果唔想將貓貓俾人暫養, 可否將佢地分隔係屋企指定一個空間, 而我唔接觸佢地, 咁樣係咪已經安全呢 ?
前幾日我去問過婦科醫生, 佢話最好唔好養寵物....

請有經驗的朋友, 可否分享下?


侯爵府

積分: 22849


2#
發表於 13-9-26 11:25 |只看該作者
本帖最後由 babybabywanted 於 13-9-26 11:32 編輯

回覆 bbcatss 的帖子

我朋友佢都係養兩隻貓,佢話唔掂佢地大小便就可以,你唔見演員羅敏莊養咁多隻都無問題啦!
唔好亂咁聽人話唔怕一萬最怕萬一個d,我覺得如果係咁,對寵物係好唔公平....

你多做一d reserch啦……

最後,希望你唔好咁輕易放棄,牠們都是生命……


大宅

積分: 1962


3#
發表於 13-9-26 11:39 |只看該作者
弓形蟲係寵物排出便便後24小時後才會有機會形成的,所以其實keep住每日清潔貓砂盤中的排洩物已沒有問題,還有就是懷孕時不要跟貓貓親咀,如果太擔心可叫家人代你暫時清潔貓砂盤,直至你生b為止~貓貓的日常生活是沒有問題的~~


複式洋房

積分: 365


4#
發表於 13-9-26 11:41 |只看該作者

回覆:貓 與 BB

最緊要係洗手





子爵府

積分: 10176


5#
發表於 13-9-26 11:55 |只看該作者
唔好清貓沙, 多d洗手, 好多人養貓陀b都冇問題,
衛生做得足就好,
有d醫生唔想自己有風險, 好輕易就叫人唔好養


大宅

積分: 2648


6#
發表於 13-9-26 12:48 |只看該作者
我由準備試做人開始就叫老公清貓砂。
我唔再惦貓 pet pet / 貓砂, 唔再錫 d 貓。
不過我依然同佢地玩呀抱呀咁, 佢地亦會同我地一齊睡,
但就唔會訓過我高頸部以上, 即係我頭部頸部唔會惦貓。
另外每次玩完貓就洗手。

獸醫話佢好多貓主人都有大肚有生 b, 照樣養貓的。

老公就叫我生完後最緊要唔好比 d 貓入 bb 房, 主要係怕 d 貓走上 bb 床度同 bb 訓而不小心焗親 bb。
同埋初生 b 就唔比 d 貓同 bb 玩, 始終初生 bb 免疫唔夠強。


大宅

積分: 1728


7#
發表於 13-9-26 12:57 |只看該作者
唔好話養唔養小動物, 有BB都要特別注意衛生
我自己養左4隻貓, BB都歲幾, 由bb一出世佢地就一齊訓, 一直都相處得好好, 其實好多時d人話bb唔可以同小動物共存, 我覺得只係藉口
當然如果清潔做得唔好, 小朋友係會好易感染到, 但只要做好呢方面, 就唔會有問題
動物同bb一樣, 都係一條生命, 所以如果接受唔到, 一開始就唔應該養喇


大宅

積分: 1459


8#
發表於 13-9-26 14:25 |只看該作者
其實我家有4隻貓 囡囡已經快2歲 懷孕期間 可以請老公幫忙清潔大小便 就唔係問題 而且一天清2次 是常識吧 那來有24小時 會形成蟲 何況我懷孕都是自己清理 可以帶手套 洗手1 注重清潔 完全冇問題 貓咪都是我們的家人 怎麼可能放棄呢
不過小朋友出世後 我反而好好保護貓咪 因為女兒不會控制力度 多時候都過份肉緊 所以我後來建立空間 等貓咪 可以住得舒服 我在家時候 可以比貓咪和女兒一起玩


男爵府

積分: 5150


9#
發表於 13-9-26 15:23 |只看該作者
基本上唔出街的家貓係唔會有弓型蟲....

弓型蟲都只係係便便度有....

有左BB唔掂佢地大小便, 叫家人代勞清理, 多啲洗手...完全冇問題...

利申: 懷孕20週, 家有2貓3狗, 有抱有玩有餵食, 只係暫停清理大小二便同唔俾佢地跳肚肚


大宅

積分: 1293


10#
發表於 13-9-26 20:35 |只看該作者

回覆:貓 與 BB

注意個人衞生就得啦,貓仲乾淨過人呀,我隻貓痾完嗅嗅,即刻叫你執屎!最多菌就係人!




大宅

積分: 3854


11#
發表於 13-9-26 22:35 |只看該作者

回覆:貓 與 BB

前一胎我屋企有3隻貓,仲一齊瞓!唔好掂佢D排洩物就ok


子爵府

積分: 14768


12#
發表於 13-9-26 23:54 |只看該作者
我陀B時,有四隻貓。不過由於我從來不會清牠們的糞便,所以沒有擔心。有咗BB後,我就無再掂佢地,連抱都無抱。
醫生說家貓基本上是安全的,不跟貓親嘴也不會有問題。
養貓在先,我不會因為BB而棄貓的。


公爵府

積分: 26910


13#
發表於 13-9-27 08:23 |只看該作者

引用:+本帖最後由+bbcatss+於+13-9-26+11:25+編

原帖由 bbcatss 於 13-09-26 發表
本帖最後由 bbcatss 於 13-9-26 11:25 編輯

已經睇過各位過往的分享, 主要擔心有弓型虫感染的問題
大把JM有BB都繼續養貓,只要緊記不要接觸尿盆及其poopoo就行作為婦科醫生理應先建議妳驗下有無抗體而非說些「最好不要養寵物」囉




男爵府

積分: 8974


14#
發表於 13-9-27 19:00 |只看該作者

回覆:bb8398 的帖子

我仲有日日幫貓貓執屎喎,老公返左工,佢痾係地下,無理由唔執,會成屋好臭架,最多執完洗手間


大宅

積分: 1515


15#
發表於 13-9-27 20:05 |只看該作者

回覆:貓 與 BB

除了不要俾貓貓出街,不掂排泄物,也唔好俾貓貓食生肉和掂到泥。

基本上香港的家貓是很難有弓型蟲的,醫生話


複式洋房

積分: 332


16#
發表於 14-4-6 13:12 |只看該作者
本帖最後由 bbcatss 於 14-4-6 13:14 編輯

我都驗左弓形虫, 冇事
我仍然同貓貓一樣床瞓, 不過就冇同佢地換厠所啦
多 d 換床單

我2隻貓都唔會出街既, 醫生 (係另一個醫生) 叫我繼續唔好俾貓貓出街


複式洋房

積分: 436


17#
發表於 14-4-6 20:55 |只看該作者
本帖最後由 kennakenna 於 14-4-6 21:00 編輯

孕婦因弓型蟲流產,百分之99.9喺外國發生,因為人地間屋有後花園,啲貓四圍走,香港人有幾多有後花園?幾多人會放養貓貓?除非你住村屋、任啲貓通山走。弓型蟲除左同糞便有關,仲要加埋泥土相輔相成先可以成到蟲,所以基本上貓貓唔出街,唔掂泥,係完全無機會惹到弓型蟲的。我問過自己個婦科醫生(都幾出名),佢話行醫十幾年都無接過弓型蟲既CASE,仲叫我唔好嘥錢去驗血!大家唔好人云亦云,有疑問就去問醫生。仲有,因為BB而唔要貓貓,為左一條生命唔要另一條生命,咁樣係令你BB未出世就作孽!懷孕時好多情緒波動,心情忐忑,我真係好多謝屋企兩隻貓貓,有左佢地我好多不適都減退左,因為老公唔係成日喺屋企,兩隻貓成為左我精神支柱。你有老公,有BB,但貓貓只有你一個!



男爵府

積分: 6159

畀面勳章 環保接龍勳章 BK Milk勳章


18#
發表於 14-4-6 21:22 |只看該作者

回覆:貓 與 BB

我家有2狗1貓,只要噁好掂貓砂,係無問題。

你養左貓幾多年?一般養左幾年你身體已經有抗體。


複式洋房

積分: 418


19#
發表於 14-4-6 21:30 |只看該作者

回覆:bbcatss 的帖子

我兩胎,有貓。

其實如果你隻貓唔自己去街(除非村屋)否則香港不同外國,弓蟲case真係好少。我婦科醫生已做了好多年,香港佢未見過病例。
佢都係第一句問我隻貓去唔去街。唔去的話本身就好安全。

沙盤叫其他人待勞吧。

我之前都有照清沙盤,早晚換(就算有蟲都唔夠時間佢develop,我本身就習慣佢一柯任何野我就即清,我不在家另計), 換完洗淨手。我隻貓唔出街的。

我都有同貓瞓及錫臉臉。

不用太擔心,唔自己清沙盤及勤洗手就好ok. 我都好多大肚貓友,有的成七八隻貓,小朋友都好健康。




首頁
1

尾頁

跳至
Presslogic Logo
Baby Kingdom Logo