大仔大女媽媽會 今日: 0 | 主題: 177860

積分: 120

1^#

發表於 07-8-6 15:33 |只看該作者 |倒序瀏覽 |打印

momo今日返學, 哩個week返個半鐘, 不過校方建議家長留低小朋友之後就離開, 所以我同佢玩o左一陣之後就走, 放學先接番佢...但係佢一見我唔o係身邊就勁喊, 陰公豬:-( 終於今日返學哩個半鐘都要老師陪住佢同抱佢, 又唔肯食蘋果喎, 好唔開心咁....所以老師叫我聽日可以o既話陪埋佢一齊上堂.....唉.....唔知要幾耐先適應到呢?? 咁喊法真係肉赤死人咯.... :-( :-(

唔知大家o既小朋友返學返成點呢?

0 0 0

私人傳訊

ringmike

積分: 2342

2^#

發表於 07-8-6 16:36 |只看該作者

其實冇得陪時就預咗佢會喊!佢地都未離開過熟人,突然唔見咗又真係幾驚架!只希望佢地可以快D適應嘅咋!
oo第一日返學好開心,我問佢鍾意嗎:"鍾意""開心""何老師セセセ咁"唔停咀!

點知今日第二日就出事,老師俾咗嗰檸檬玩具佢揸住睇,佢當俾咗佢,之後收番就不停大喊,前前後後加埋15分鍾,又氹又閙都冇符!

咁少事都喊成咁,過2日冇得陪都唔知會點???

私人傳訊

積分: 28259

3^#

發表於 07-8-6 17:21 |只看該作者

cherie,
頭 1,2 日可以陪的話, 梗係陪下好 d 啦. 陰公豬, 喊 c 喇 ~~

蝦仔都係今日返, 但有得陪就好 d, 聽日都可以陪, 今日我都盡量縮埋一邊, 個衰豬都有摷我, 整體蝦仔算係 ok, 我叫佢就肯講下唔該, 多謝, 老師, byebye 嬸嬸, 但臨放學前一個字, 瀨尿囉

第 3 日冇得陪喇, 預左佢喊, 交晒比老師嬸嬸, 唔理得咁多.

[/url]

私人傳訊

lalacat

積分: 3803

好媽媽勳章醒目開學勳章畀面勳章

4^#

發表於 07-8-6 18:23 |只看該作者

焯毅仔都係今日返學,家長可以陪3 日返學,佢最開心係返學同老師byebye.返學前係都要帶D Thomas火車一齊返學,攪到個書包好重,自己吾肯拿,佢話:"媽媽羅"。

私人傳訊

Mom-to-be2005

積分: 404

5^#

發表於 07-8-6 23:19 |只看該作者

我囝囝都係今日閞始返學, 因為學校要家長陪3日, 所以無o麥小朋友喊, 我諗到第4日先會失控.
囝囝今日表現okay, 不過全程有我陪住, 包括食茶點同wee wee, 所以我諗不能作準.

另外, 我想請問大家o既小朋友每班有幾多人? 我囝囝o個班好似幾多, 有成30個; 雖然有2-3個老師, 但真有些少擔心佢地唔知可否handle 到.

私人傳訊

積分: 28259

6^#

發表於 07-8-7 17:00 |只看該作者

蝦仔聽日冇得陪返學喇, 今日我都閃開一邊, 好彩佢都勉強會聽話 ... 一陣咁多

嘿 ~~ 聽日冇得陪喇, 精彩咯.

[/url]

私人傳訊

lalacat

積分: 3803

好媽媽勳章醒目開學勳章畀面勳章

7^#

發表於 07-8-8 09:39 |只看該作者

Mom-to-be2005,
我囝囝o個班大約有13-14個小朋友，有2個老師。不過可能有D小朋友要到9月,10月先開學。
每班30個小朋友好似太多了。

原文章由 Mom-to-be2005 於 07-8-6 23:19 發表
我囝囝都係今日閞始返學, 因為學校要家長陪3日, 所以無o麥小朋友喊, 我諗到第4日先會失控.
囝囝今日表現okay, 不過全程有我陪住, 包括食茶點同wee wee, 所以我諗不能作準.

另外, 我想請問大家o既小朋友每班 ...

私人傳訊

Mom-to-be2005

積分: 404

8^#

發表於 07-8-8 14:11 |只看該作者

我都覺得30人太多, 不過無辦法la; 呢間係o係屋企附近 (不過都要搭校車) 又比較"四正"o既學校, 希望d老師真係professional 可以handle 到la.

三日陪課過程我都覺得大致okay, 聽日要自己上堂就唔知會點la, 我比較擔心食茶點同wee wee 時間, 估計應該會幾混亂. 另外, 又見到班中有d小朋友比較 "active", 會搶人野, 而我囝囝就係驚青型, 佢比人搶野實會喊.

不過, 我都知道呢個係佢人生o既必經階段, 佢開始要自已面對各類人/問題 ... 有時真係唔捨得佢咁快長大 ..

另外, 想問下有無小朋友都會/已搭校車呀? 有無野要注意呀? 我真係有d擔心; 不過無法啦, 細b快要出世, 我地唔放心工人姐姐帶兩個搭車呀.

私人傳訊

積分: 28259

9^#

發表於 07-8-8 14:41 |只看該作者

我囝囝呢間學校就少人 d, 正常一班都係 25-30 個人, 今次開學, N.1 得 6 個, 9 月份會有另一批, 所以一個老師 + 一個嬸嬸, 對 6 個小朋友好 ok.

我囝囝肯自己食野, 反而唔怕, 佢未戒到片, 實瀨, 但我見過嬸嬸好熟手, 就放心等佢地搞掂佢.

今日政政第一日自己入課室呀, 本來我o係門口同佢 say goodbye 時, 佢未喊架, 點知校長一抱起佢, 佢就喊住大叫 "媽咪" 咯

但我昅到佢入到課室, 嬸嬸即刻帶佢去拎玩具, 已經冇喊啦

所以佢都 ok, 肯跟嬸嬸 & 老師.

[/url]

私人傳訊

積分: 1785

10^#

發表於 07-8-8 23:22 |只看該作者

30人一班就真係多的.
我個班老師話限16個, 但講真, 有幾多又唔知架wor, 除非看坐上堂啦.

看妳千篇不厭倦,看妳的感覺像春天;美麗的季節,動人的詩篇;妳的唇齒之間, 印著我的親吻;妳的一切移動, 左右我的視線;妳的言語哭笑, 扣動我的心弦;擁有妳的感覺, 每日就似春天!

私人傳訊

積分: 1785

11^#

發表於 07-8-8 23:24 |只看該作者

hehe, 他而家總有無哭 ?
宇軒有個妹妹定弟弟呀 ?

原文章由 宇軒哥哥 於 07-8-6 15:33 發表
momo今日返學, 哩個week返個半鐘, 不過校方建議家長留低小朋友之後就離開, 所以我同佢玩o左一陣之後就走, 放學先接番佢...但係佢一見我唔o係身邊就勁喊, 陰公豬:-( 終於今日返學哩個半鐘都要老師陪住佢同抱佢, ...

私人傳訊

積分: 28259

12^#

發表於 07-8-9 09:43 |只看該作者

rosan,
而家芷殷返學返成點呀? 係咪返半日?

今日無帶蝦仔返學, 3 號風球, 湊佢上去婆婆度, 佢居然喊, 要跟我走, 可能鐘意返學呀, 我心諗, 第日放你o係學校 10 個鐘, 睇你有冇咁高興

[/url]

私人傳訊

積分: 120

13^#

發表於 07-8-9 10:48 |只看該作者

報告下先....

rosan,

肚入面果個係細佬唻o架....整定宇軒有個細佬同佢爭o野玩 :tongue: 我想生個好似芷殷咁o既小公主, 睇怕又要努力d先得咯

星期一開學果日, 我放低宇軒之後佢就不停咁喊, 所以星期二&三我都陪佢一齊上堂, 星期二都好黐身o架, 一步都唔肯離開我, 噚日就好o左少少啦, 我叫佢自己行開玩佢都肯, 不過玩玩下都要望下我o係唔o係度先得....所以老師話不如今日叫工人湊佢返學, 或者佢會冇咁黐身都唔定....原本係咁打算o架..點知今日三號波, 所有小朋友都唔駛返學, 哩個"適應大計"又要順延至聽日咯!!

希望佢真係可以順利適應啦!!

其實我覺得宇軒份人都好小心o架, 又或者可以話佢好細膽啦!! 好似噚日咁, 佢表現已經好o左好多, 我見佢都想坐埋小朋友&老師堆入面玩, 但係佢唔敢坐, 只係企o係側邊觀察, 由原本企得好開, 跟住越企越埋小朋友堆, 一路睇一路笑, 但始終都未敢埋堆, 希望佢望望下會敢埋堆啦....

私人傳訊

積分: 1785

14^#

發表於 07-8-9 19:05 |只看該作者

係呀, 聽日開學.
我朦查查, 原來有分國際班, 主流班, 去到拎書先知, 轉左國際班.
我覺得蝦仔會好快適應

原文章由蝦蝦於 07-8-9 09:43 發表
rosan,
而家芷殷返學返成點呀? 係咪返半日?

今日無帶蝦仔返學, 3 號風球, 湊佢上去婆婆度, 佢居然喊, 要跟我走, 可能鐘意返學呀, 我心諗, 第日放你o係學校 10 個鐘, 睇你有冇咁高興

私人傳訊

積分: 1785

15^#

發表於 07-8-9 19:11 |只看該作者

hoho~, 你同honey又要努力加油, 一於晌應曾特首, 生3個,
你大把本$$

momo豬都幾痴身下, 係咪少分開時間 ?
好正常啦, 好快適應, 我個時都唔會太心痛, 係覺得好好笑

她好狼, 扯住我頭髮, 把哭聲震撼大廈, 眼淚水尤如豆點撤落

原文章由 宇軒哥哥 於 07-8-9 10:48 發表
報告下先....

rosan,

肚入面果個係細佬唻o架....整定宇軒有個細佬同佢爭o野玩 :tongue: 我想生個好似芷殷咁o既小公主, 睇怕又要努力d先得咯

星期一開學果日, 我放低宇軒之後佢就不停咁喊, 所以星 ...

私人傳訊

積分: 120

16^#

發表於 07-8-10 11:22 |只看該作者

rosan,

你好搞笑, 咁話自己個女 "她好狼, 扯住我頭髮, 把哭聲震撼大廈, 眼淚水尤如豆點撤落" 想像下都覺得好似你俾人追數咁款...扯頭髮....嘩哈哈

係啦, momo豬好似哩排黐身o左咁, 平時都唔係咁o架, 而家返埋學就更加添呀....今日工人帶佢返學, 我就返工, 未知佢返成點添, 唔知情況有冇好轉到, 等老師打俾我先知.....

私人傳訊

積分: 28259

17^#

發表於 07-8-10 17:14 |只看該作者

我又黎報告下先, 尋日 3 號波, 政政勁掛住返學, 由朝講到晚 "返學"

今日好彩放學先掛 3 號, 佢返學時, 頭也不回自己入去課室啦, 可能掛住跟大隊, 連我係咁叫佢 bye bye 都唔啋我呀 :tongue: :tongue:

[/url]

私人傳訊

積分: 1785

18^#

發表於 07-8-13 10:09 |只看該作者

今日第1日返學, 頭先學校打電話來, 話可能同學見她得意,
有人係她塊面咬左一啖, 有無攪錯.:-( :-( :-( :-(

私人傳訊