dordor1207 發表於 14-4-24 00:00 
yes.. that's true... 所以我睇完得啖笑... 我話買部麵包機成兩年都未行動.. 上年想買蕉糕機又無, 今年又 ...
冇,我好有自制能力,而且最重要係我冇錢,上年最大手筆係買咗部衣車,
仲要係大減價買,話買mixer兩年都未買,或者今年年尾大減價會買番部,
因為老公都心思思,佢唔似我咁契而不捨,手打蛋白半個鐘都面不改容,
麵包機我都提咗兩年,又係未買。至於衫褲鞋襪,無計架,
我唔買俾自己都要買俾兩條化骨龍,佢地大得好快,一陣又要換新。
屋企始終都係用OK唔太貴嘅不銹鋼煲同煎pan,有隻平平鑄鐵煎pan咁大把,
其實我真心覺得鐵鑊好用,細個屋企果隻黑色鐵鑊好用到爆,
係要開鑊,但由細到大都粗用,日煮夜煮,煮完擦乾淨洗好就掛起,
邊鬼要又養又唔好擦仲要敷mask。我屋企有4個爐頭,加埋焗爐,
最多都係咁多位,買太多都冇用。碗碟我唔少,平貴都有,總之夠就得啦,
買太多唔只荷包負擔唔起,要我搵地方放都有困難。
花旗太太生活在花旗國,留意時差,你問我未必即時答到。