論盡家傭今日: 0|主題: 134066

收藏本版

發帖

返回列表

跳至頁

查看: 627 | 回覆: 3

終於炒咗個工人 [複製鏈接]

Spceci

複式洋房

積分: 191

1^#

發表於 14-5-3 02:15 |只看該作者 |倒序瀏覽 |打印

昨日終於炒咗個未做夠三個月的印傭, 我就真係輕鬆咗。
本來佢係我媽咪的工人介紹, 等我生完bb幫我。佢初到香港,未係其他地方做過, 唔識廣東話但本身有一個小朋友。初頭仲諗熟人介紹應該會好d, 點之仲衰。

1)同佢溝通唔到, 差不多每次都要用手語。叫佢做野都話“係”同“知”之後物都做錯。叫我媽工人翻譯及同佢溝通。後嚟發覺佢識聽,但扮唔識, 就可以唔做。

2)本來主要希望佢可以湊b, 點之佢聽到bb喊會扮聽唔到, 話過佢之後,就得閒就行過嚟同bb講bb你好之後就走開。

3)有日有朋友嚟,所以叫佢湊b餵奶, 佢掛住睇電視, bb食極都食唔到,之後喊到唔停,佢都唔理。共2個鐘1安都未食到, 個晚我b,因食咗好多空氣, 到我餵佢時, 吐奶仲好辛苦。我成晚冇瞓。

4)成日偷懶, 我住村屋有天台, 成日唔見人。問佢去咗邊到做緊物野, 佢就話天台洗衫同晾衫。我話邊有咁多衫洗, 仲要日日都係咁。點之有次比我發現佢係上面講電話,比我知之後仲話係同親戚講之嗎。

5) 佢清潔普通, 唔之點解我以前一星期先清潔一次都冇蟻佢日日洗,但就有一隊蟻出現,仲要係我阿b d衫到發現咗好多, 問佢佢話唔知喎。我地d衫洗完仲好臭, 但佢自己果d就好香。佢嚟咗未夠2個月, 就用咗我2大枝洗衣液,4枝洗地水,3枝bb清潔劑, 3枝bb洗衣液。成日同我老公講用哂要買, 攪到我老公都差唔住問係口咪攞咗嚟飲。

6)佢掛住瞓覺, 未夠10點就沖涼瞓覺, 有時仲9點就瞓, 野都未做好。

7)有日我叫佢洗好個煲先, 佢黑面咁做, 但其他野就冇做。第二日我話佢我就好似好委屈咁喊, 仲發脾氣整爛個刷。跟住果晚煲湯, 咸到七彩要加多1倍水都仲咸。因為我煲湯不會加鹽, 唔夠咸就自己加, 所以冇可能咸。問佢佢就話唔關佢事喎。

8)第二日,仲發現佢攞咗我老公條睡褲放咗係佢張床。問佢佢就話要羅去喎。

9)專登整爛我個韓燒爐, 仲同家姐工人講, 佢唔想做, 好辛苦。

還有好多, 佢係我生完出院後嚟,幫我手湊b同清潔家居。點之整過坐月,佢仲舒服過我, 佢似少奶多過我。

終於忍唔住琴日炒咗佢, 賠咗一個月加本身人工。
我媽工人琴日知道就發我阿媽脾氣話我好炒佢親戚。不過,今日聽我媽工人講,佢今日已搵到工啦！其實佢地搵工真係好易,由於供不應求, 無論做得好唔好總之係香港就有人請。希望佢下一個僱主好運啦, 或者佢會改變得好d啦!