大仔大女媽媽會今日: 0|主題: 177860

收藏本版

發帖

返回列表

跳至頁

查看: 745 | 回覆: 3

[2007年] 各位媽媽,唔知點做才好,入嚟俾d意見,thx!! [複製鏈接]

tiksze0328

別墅

積分: 917

1^#

發表於 07-10-15 03:24 |只看該作者 |倒序瀏覽 |打印

我仲有兩星期就返工,BB日頭會由外婆湊,夜晚就自己湊番,宜家b女食緊全人奶,我的奶係夠供應俾佢
自生完後,肥左兩個碼,d衫全部著唔返,但因為餵緊人奶,又唔可以減肥,加上餵人奶令到我兩邊一邊好大(真係太大了.....)另外一邊就細d(但其實都好大,只係比另一邊細...)我覺得好煩惱,出街又每三個鐘就要搵地方泵奶,或者限住外出的時間,到時到候就返家泵奶....其實初初我好有決心餵到bb6個月,後來就退到餵三個月,宜家就唸緊好唔好餵到返工就唔餵,趁住呢兩個禮拜慢慢幫佢介人奶...但唸到好似好對佢唔住時,我真會喊,好憎自己咁自私,我都唔知點做好,理智上我知應該有得餵人奶已經好好,應該keep going,但實際上生活遇到的情況,又令我好想give up......大家有咩睇法呀?可唔可以俾d意見我呀?thx!!!!(我老公就冇所謂,佢話餵唔餵都支持我ga決定,佢驚我俾太大壓力自己)

0 0 0

私人傳訊

suzanne0819

別墅

積分: 646

2^#

發表於 07-10-15 09:45 |只看該作者

原文章由 tiksze0328 於 07-10-15 03:24 發表
我仲有兩星期就返工,BB日頭會由外婆湊,夜晚就自己湊番,宜家b女食緊全人奶,我的奶係夠供應俾佢
自生完後,肥左兩個碼,d衫全部著唔返,但因為餵緊人奶,又唔可以減肥,加上餵人奶令到我兩邊一邊好大(真係太大了.....)另外 ...

我下星期就返工喇, 你有無儲個人奶stock? 如果有泵開, 都好易儲架, 詳情打去健康院問下, 如果可以餵又夠奶, 辛苦d都無所謂啦, 都係呢幾個月, 時間好快會過, 做到幾多得幾多, 又唔好太壓迫自己, 我都無信心架, 諗住泵到幾多咪用幾多, 再唔係用哂d冰奶都唔夠既咪補奶粉lor, 如果太辛苦補補下咪轉埋奶粉lor, 我自己係咁諗, 不過我能力做到既, 餵到一歲又點話:)

私人傳訊

22oct

複式洋房

積分: 282

3^#

發表於 07-10-15 09:54 |只看該作者

原文章由 tiksze0328 於 07-10-15 03:24 發表
我仲有兩星期就返工,BB日頭會由外婆湊,夜晚就自己湊番,宜家b女食緊全人奶,我的奶係夠供應俾佢
自生完後,肥左兩個碼,d衫全部著唔返,但因為餵緊人奶,又唔可以減肥,加上餵人奶令到我兩邊一邊好大(真係太大了.....)另外 ...

我無幾耐之前因為塞左搞到乳線炎, 叫lactation counsellor上門清清唔到, 針抽抽唔到, 最後都係做手術, 醫生唔俾再餵, 要我回奶. 一夜之間我由全人奶轉晒奶粉, 我好自責塞左無好緊張立即去醫, 搞到bb一刀切無得食人奶. 轉左奶粉之後, bb喊多左好多, 便便硬左好多, 由一日幾次到一日得一次, 個樣明顯辛苦左, 皮膚又明顯差左, 面仔頸仔同背背都紅色一達達. 我真係好唔開心.
其實母乳真係好過奶粉好多好多, 但係我已經俾唔到佢. 我好羡慕你可以做到全人奶餵得咁好, 希望你堅持到.

私人傳訊

Karena1015

男爵府

積分: 9099

4^#

發表於 07-10-15 14:43 |只看該作者

我個b而家都係全人奶，我已經返左工兩星期喇，頭果個星期唔慣返工泵，諗住返屋企先泵，點知就搞到乳腺炎，諗住補奶粉比阿b啦，點知佢情願瞓都唔肯食(試左兩隻奶粉都係唔肯食)，見佢咁我真係心痛死，之後就決定點都要keep住餵，而家返工都keep住泵兩次，返到屋企就埋身比佢食，自己真係會覺得有d辛苦架！不過見到佢食得開心咁我已經好滿足喇。

其實既然而家餵得咁好，可以既咪keep住餵囉，最緊要而家儲多d儲備，如果要轉奶粉都係慢慢轉架嘛，比d時間自己諗下係咪真係咁麻煩，如果真係唔餵既轉奶粉唔係唔好既事，好多bb都係飲奶粉大，唔洗自責喎，最緊要你自己唔好比咁多壓力自己，餵到兩個月已經好叻架喇，仲有呀！如果你要轉奶粉就趁早試定喇，唔係既好似我咁，阿b飲幾隻都唔得，又唔夠奶比阿b果陣真係唔知點好喇。