夫婦情感 今日: 0 | 主題: 42786

積分: 6

1^#

發表於 07-10-16 16:54 |只看該作者 |倒序瀏覽 |打印

我同我老公結婚兩年，囝囝剛剛出世，未結婚之前，佢對我好好，我地拍了半年拖就籌備結婚。那時結婚，有兩個原因，1) 剛和前男友分手，跟他拍了四年拖，大家都視對方為結婚對象，但男方覺得年紀尚輕，所以沒有結婚，但最後因性格不合而分開，分開數月，便認識我現在的老公，可能因為咁，所以現在的老公向我求婚，我便應承。2) 因為他在結婚之前，我覺得佢好愛我。

但結婚之後，可能見面時間多咗，佢都好似冇對我咁好，好多時都做自嘢，雖然大家係屋企，但相處時間並唔多，佢有佢玩電腦，我有我睇電視，晚上連親密也越來越少，長時間都係一個月一次至二次。有時候，我覺得好似和我結咗婚，就唔駛對我咁好。同佢講過好多次，佢都係咁對我。令我覺得越來越心淡。

結婚約一次後，以為生小朋友會令我地個關係變好，以為我大肚佢會對我好，點之....係大肚其間，我地鬧過好多次交，離家出走都走過幾次，次次都係我自已走返屋企..............。到BB出世，情況都係咁，我真係好心淡。

最近發夢，常常見到我前男友，夢中係講我同佢响返一齊。現在成日都好想念我以前男友，可能我忘記唔到佢，因為佢係我曾經的最愛，我地一齊係經歷過好多野。但這種感覺令我好辛苦，我成日都覺得，如果老公愛我多D，對我好D，我係唔好咁。我好想講佢知我而家感受同忘記唔到我以前個男朋友，我好想叫佢對我好D，令我覺得幸福同感受到愛。但我又怕講咗又會影響到我同佢之間的感情。大家可以教吓我點做？

0 0 0

私人傳訊

jacquesau

積分: 35592

2^#

發表於 07-10-16 16:59 |只看該作者

講而家既感受, 唔好講忘記唔到以前個男朋友, 男人好忌諱呢樣...你咁講, 佢可能會發爛炸的！

你話你好愛佢,好想可以二人世界, 可以甜蜜下.....

可唔可以放低bb兩個出去行下呀

原文章由 LAMMUM 於 07-10-16 16:54 發表
我好想講佢知我而家感受同忘記唔到我以前個男朋友，我好想叫佢對我好D，令我覺得幸福同感受到愛。但我又怕講咗又會影響到我同佢之間的感情。大家可以教吓我點做？

好好過每一天......

私人傳訊

fennieng

積分: 45904

BK Milk勳章

3^#

發表於 07-10-16 17:03 |只看該作者

如果掉返轉你老公同你講話成日夢見以前女朋友,你會點呀?
我個人就認為唔好同佢講囉

原文章由 LAMMUM 於 07-10-16 16:54 發表
我同我老公結婚兩年，囝囝剛剛出世，未結婚之前，佢對我好好，我地拍了半年拖就籌備結婚。那時結婚，有兩個原因，1) 剛和前男友分手，跟他拍了四年拖，大家都視對方為結婚對象，但男方覺得年紀尚輕，所以沒有結婚，但最後因性格不合而分開， ...

私人傳訊

積分: 6

4^#

發表於 07-10-16 17:24 |只看該作者

原文章由 jacquesau 於 07-10-16 16:59 發表
講而家既感受, 唔好講忘記唔到以前個男朋友, 男人好忌諱呢樣...你咁講, 佢可能會發爛炸的！

你話你好愛佢,好想可以二人世界, 可以甜蜜下.....

可唔可以放低bb兩個出去行下呀

...

其實之前都有講過，但係你越話愛佢，佢越老定，因為佢知道唔駛用心去氹你，你就會好愛佢，相反如果你話對佢心淡，佢反而會對你好一兩日，但之後又打原形。

私人傳訊

bkfans

禁止訪問

積分: 67524

5^#

發表於 07-10-16 17:25 |只看該作者

提示: 作者被禁止或刪除內容自動屏蔽

私人傳訊

tassel8

別墅

積分: 559

6^#

發表於 07-10-16 18:53 |只看該作者

一點點人嘍，其實好似我咁，我結佐婚都係兩年多點，仔仔就來一歲啦。我而家全職湊仔，可能冇乜做，所以成日會發夢，而且久不久都會夢見以前的男友，我就同老公講，老公話我傻，要我得閑出去行行，就會好點（因為我之前同佢講，以前男友好差，成日同我拿錢使）。老公驚我唔開心，所以就要我記得佢0既好，就.會唔記
得之前0既唔開心啦
所以你都要睇開點，得閑出去行行，就唔會胡思亂想了。婚姻生活其實平平淡淡都好啊，點都好過家噪屋閉嘍

http://www.flickr.com/photos/tassel8

http://571111397.photo.qq.com

私人傳訊

edea

王國長老

積分: 119115

王國長老

7^#

發表於 07-10-16 18:56 |只看該作者

千祈唔好講妳仲掛住以前男友, 呢d野唔講得架,一講佢個心永遠有條刺, 好hurt架.

而家唔係諗以前男朋友既時候, 妳同老公仔都生埋,諗以前既人同事毫無幫助且不切實際, 不如認真想辦法改善同老公既關係.

我唔係經常上BK, 想搵我嘅朋友請email: [email protected]

私人傳訊

siufung

子爵府

積分: 13005

8^#

發表於 07-10-16 22:25 |只看該作者

首先你要對你自己, 你老公同你小朋友負責任....
你已經揀左你老公.... 結左婚就應該一條心...
而且, 你可能都係一時間懷緬過去, 講真, 永遠都係得不到係最好... 就算真係比你同番以前0既一齊, 相處多左磨擦多左就會有問題, 到時你或者又會同自己講"早知揀另外果個"
有時有0的野只能在心中, 間唔中回味一下唔係大罪過, 但係要識抽離...
千其唔好同佢講你掛住前度, 咁對佢係好大傷害.... 除非你決定離開佢, 否則無謂0係有問題0既關係上雪上加霜
我相信男人大多係一樣, 相處落關係會變清淡, 但細水長流亦有好處。男人唔識維繫加固感情, 我地女人就要諗諗計,試下投其所好, 花少少心思。
人心肉做, 佢娶得你唔會唔愛你0既.... 唔好因為少少野諗埋一面... 積極0的...

私人傳訊

Bching

積分: 139

9^#

發表於 07-10-17 01:24 |只看該作者

會唔會你之前對"婚姻生活”期望過高，到真係結咗婚，發覺原來同你之前所"想像”有出入，所以唔開心呢？

加上你初為人母同太太，生活改變得太快,而可能你本身係"理想主意者”愛幻想，所以生活上有小小同"你所想”唔多似，便有d後悔自己會否選擇錯誤或太衝動，認為自己"嫁錯咗人"。

其實唔好咁心多啦！俾d時間大家(你同老公)去適應"新生活”,因為你哋2個人由相識到結婚生仔日子都唔長，你自己(同老公)根本未ready就做晒所有程序(結婚生仔)，2個人心生都未消化好。所以你哋e+生活好似怪怪咁！

就好似轉咗份新工，title同工作性質完全唔同及以前根本未做過，你都會面對好多失敗經驗甚至乎會問自己是否轉錯工或入錯行，但當你過咗試用期及從失敗中學習改過，冇話做唔掂嘅！只係有冇耐性啫。唔同一唔ok就轉工，咁一年要轉幾多份工之得？

其實乜都要"時間”的，不要一未如理想便放棄，你已經係"人母"啦！你再唔可以持"一個人嘅任性"，要對bb負責任，bb好需要你的啊！

做夫妻係一個好高深同考耐力的學問，每對恩愛嘅夫妻背後都係經過好多"磨合"才白頭到老的。

邊到有2個人100%合拍的呢！同你再似都唔等於完全無分歧啦！

有時侯雙方冷戰、爭執、埋怨，然後又冷靜、傾訴、討論....不斷反反覆覆才修訂到"共識”。

俾d時間大家，凡事冧多d好嘅嘢.....向前看....，你成日亂冧嘢，對佢態度久而久之自然唔方好得去邊....咁大家關係咪只會越來越差囉......明明無嘢都變咗有問題啦....

仲有千祈唔好用"激脹發"，大人黎架，講嘅說話要負責同收唔番，講者無心聽者有"自己意思”，萬一佢誤會你說話含意，你點解釋都廢呀！

同埋好似之前d人回應，如果你ex好，你就嫁咗俾佢啦！e+只係你一時唔開心所以亂咁冧啫...

珍惜眼前人....唔好將來出事同老公分開咗......又冧"其實老公真係對我好好架！”...唔係每件事都可以返得轉頭好似無事發生過一樣..........

如果真係只是你多心同一時情緒作用.....受最大傷害嘅係bb呢！

私人傳訊

CLBT

積分: 226

10^#

發表於 07-10-17 03:22 |只看該作者

:-|係囉樓主唔好自己成日型住啦
咁其實愛你唔一定要下下講出口嫁嘛
可能咁樣大家冇咩溝通又係辛苦d既
但係樓主你自己有冇諗多左?
或者好似樓上既mami話可唔可以
搵人湊下bb 2個人去下街呢?
最緊要多d溝通 2公婆,其實邊有計,我覺得有咩唔怕講丫
不過就真係唔好講前度既事喇
男人好介懷就算係女人或多或少都會介意男人既前度啦,

私人傳訊

積分: 6

11^#

發表於 07-10-17 09:36 |只看該作者

好多謝你地呀! 冇你地分析，我真係會冇諗過老公的感受，囝囝個半月，昨晚老公想同我親密，我有嘗試，但係我好似唔係好想咁，所以最後都冇(但未生之前，我都有投訴過次數少，之後佢就好似成日為了迎合我才造。)唉! 我都好想改善，但係真係同佢講過好多次，希望佢可以比愛的感覺我，但係頭一兩天都有，之後就打回原形。咁我可以點？

私人傳訊

clc_ivy

大宅

積分: 3347

12^#

發表於 07-10-17 10:18 |只看該作者

原文章由 CLBT 於 07-10-17 03:22 發表
:-|係囉樓主唔好自己成日型住啦
咁其實愛你唔一定要下下講出口嫁嘛
可能咁樣大家冇咩溝通又係辛苦d既
但係樓主你自己有冇諗多左?
或者好似樓上既mami話可唔可以
搵人湊下bb 2個人去下街呢?
最緊要多d溝通 2公婆, ...

無錯愛唔一定要講出口,但係一定要比對方感覺到,我老公都係咁...
以前同99住佢可以幫手湊bb,我哋就成日去玩,但係我c6係夜晚3點返工,下午4點放工,所以呢d時間好快就消失,之後佢每日放工就瞓有時連食飯都唔起身,連放假都係,嗰時我有段時間無工返,日日喺屋企對bb,99,62,姑仔佢哋成日都唔喺度,我有時都覺得好慘,有我會發皮4佢都以為我玩,依家搬咗佢都會係咁,我前幾年撞車到依家無做嘢,有一次我喊住同佢講,'我需要你嘅愛,要你關心我,就算你唔想開口講,最起碼都要比我感受到先得架!我覺得你愛個枕頭多過愛我',佢次次都話明,但係成日都做唔到,其實我知佢辛苦,我都唔係好高要求只要兩個鍾就夠,咁少嘅事都做唔到,仲敢要求咁多.....

私人傳訊

alleeckw

伯爵府

積分: 15661

13^#

發表於 07-10-17 10:43 |只看該作者

原文章由 edea 於 07-10-16 18:56 發表
千祈唔好講妳仲掛住以前男友, 呢d野唔講得架,一講佢個心永遠有條刺, 好hurt架.

而家唔係諗以前男朋友既時候, 妳同老公仔都生埋,諗以前既人同事毫無幫助且不切實際, 不如認真想辦法改善同老公既關係. ...

同意~

私人傳訊

kiki.kiki

積分: 49031

醒目開學勳章環保接龍勳章

14^#

發表於 07-10-17 11:11 |只看該作者

你諗真D, 你有冇响生完BB之後, 大部份時間都係照顧BB, 而忽略咗老公?

關係係要兩個人配合架, 好似你講, 你老公想同你親密, 但你又唔想. 如果試多幾次, 都係一個想一個唔想, 咁久而久之, 關係就只會更疏離.

有時侯結咗婚真係冇咁多野講, 我C6有時會掛住上網/打機, 我就會自己睇電視. 我會話佢唔理我, 佢亦會話番我成日睇電視唔理佢.

而家我地有時會各自各做野, 間中我會"漏"佢玩"鋤大D", 有D溝通, 都幾開心架.

你千祈唔好同老公講你掛住前男友, 佢心入面點都會有條刺. 好似我一話親我偶像靚仔, 我C6都唔開心架.

仲有, 你唔好 "以為生小朋友會令我地個關係變好", 呢個想法係唔正確架, 有人會係因為生個BB出嚟, 關係會變得唔好架.

所以, 你最重要係兩個人溝通, 你期望老公對你關懷, 咁你又知唔知你老公覺唔覺得你關懷佢呢?

原文章由 LAMMUM 於 07-10-17 09:36 發表
好多謝你地呀! 冇你地分析，我真係會冇諗過老公的感受，囝囝個半月，昨晚老公想同我親密，我有嘗試，但係我好似唔係好想咁，所以最後都冇(但未生之前，我都有投訴過次數少，之後佢就好似成日為了迎合我才造。)唉! 我都好想改善，但係真 ...

私人傳訊

sulamita

積分: 484

15^#

發表於 07-10-17 15:37 |只看該作者

樓主你同我個case好鬼似, 我識左我老公唔夠8個月就結婚, 結婚時已經有6個身孕。
結婚前, 我都好似你咁, 覺得老公無初初追我時咁好, 係屋企又係佢有佢睇電腦, 我有我睇書睇電視, 又成日吵架, 初初大肚時, 又因為好多屋企事同老公鬧交, 我又係離家出走(大住個肚) 佢又係唔會揾我, 我自己返屋企架!!!

生左bb之後都走過幾次架! 不過我就無前男友呢樣野!
一直以來, 我都不斷自我開解, 同盡量明白老公點解咁對我, 老公的名言就係, [你發脾氣時係唔理人架! 你會比我理你咩?] [呢度係你屋企, 你隨時話走就走, 有無尊重過呢個家先?]
我老公同我鬧起交上黎時係唔退讓的, 佢話 [我無做錯, 點解要讓你] [我對你好你就得串進尺架啦] [人地對你好你自己唔知姐!], 我就回敬佢 [我食飽我自己唔知飽? 人地對我好我會唔知?]

不過, 原來兩公婆相處係咁架, 兩個人係屋企有自己空間係絕對正常的, 好似你同屋企人住時咪一樣, 老公都係屋企人姐!
至於鬧交, 原來係兩人溝通的一大渠道, 我個死黨教落, 同老公鬧交時, 一定要緊記佢鬧你d point, 因為佢平時唔會講, 一講就會講返轉頭, 你果時先會知原來佢對你咁多不滿, 但女人好多時係即日鮮, 有咩唔滿意就即日講架!
咁我咪真係記低佢講d野, 然後再分折下, 慢慢就明白佢係一個好簡單的大男人, 咁我咪同自己講, 嫁就嫁左喇! 唯有自己調節自己的生活步伐及性格, 知道邊d地雷一踩即死, 就盡量避開, 知道佢的容忍度去到邊, 就睇住黎玩, 千奇唔可以過火! 相對地, 老公都有因為我而改變, 雖然唔多!
另外, 鬧交真係會比對方知道多d你的真正性格, 好似我老公同佢以前個老婆, 老公話佢地無咩點鬧交, 唔似我地鬧得咁多, 所以佢地咪離婚lor, 當然, 就唔好成日鬧, 同埋鬧完之後要好好珍惜鬧交時得來的資料, 要做賽後檢討啊!

續....

私人傳訊

sulamita

積分: 484

16^#

發表於 07-10-17 15:37 |只看該作者

至於講到話兩公婆結婚之後唔係好甜密, 呢樣野就真係要好認真咁改!
我老公係一條木頭, 平時係屋企唔會話同我攬攬錫錫(初初就有), 咁我就覺得好唔開心, 咁上網睇人地分享點同木頭相處, 就發現原來一定要做老婆的主動, 鬼叫你嫁左個木頭, 好處就係佢唔會主動去滾, 但會被動比人滾! 因為通常木頭人都會有個唔開心既老婆, 因為木頭人唔會主動, 個老婆就覺得比人冷落, 做咩要做返主動呢! 咁就好容易比第三者入到位喇! 因為木頭人對街外人係好dd, 因為佢當左屋企個老婆係傢俱嘛!
所以我唯有改, 自己變左個開心果, 成日逗老公講野, 講笑話引佢笑(奇實都係自娛架!), ML都係我主動多, 唔怕羞架! 對住自己個老公做咩怕羞呢!!!??? 平時仲會主動讚揚佢. 又會成日”爹”佢. 咁結果係, 老公真係變左, 多左野同我講, 仲會識得玩返我轉頭, 話我係佢大女wor.

我會咁樣同我自己講, 當老公係情人, 同佢ML時當自己同緊好鐘意既男人偷情, 唔係次次有得同佢一齊, 咁就發覺自己珍惜左好多。
平淡的生活梗係有, 但我就成日幻想佢係白馬王子, 一遇到佢唔合作就爹佢, 但佢唔受你爹時, 好嚴父咁既樣時, 就即刻變身做佢個女, 試緊架都係, 時Work時唔work啦! 總體來說, 進步當中! 希望你睇得明我講d咩, 同對你有用啦!

私人傳訊

micmic40

大宅

積分: 3079

17^#

發表於 07-10-17 15:48 |只看該作者

我覺得你講得好好！

原文章由 sulamita 於 07-10-17 15:37 發表
至於講到話兩公婆結婚之後唔係好甜密, 呢樣野就真係要好認真咁改!
我老公係一條木頭, 平時係屋企唔會話同我攬攬錫錫(初初就有), 咁我就覺得好唔開心, 咁上網睇人地分享點同木頭相處, 就發現原來一定要做老婆的主動, ...

私人傳訊

sulamita

積分: 484

18^#

發表於 07-10-17 16:10 |只看該作者

都唔係淨講架, 係血淚史o黎o架!
但喊過痛過就算, 唔會記住(鬧交時另計),
都揀左嫁比佢, 就要有決心一生一世, 咁用幽默心態去面對婚姻問題先會長久!

謝謝你的讚賞!

原文章由 micmic40 於 07-10-17 15:48 發表
我覺得你講得好好！

私人傳訊

積分: 6

19^#

發表於 07-10-17 22:58 |只看該作者

好多謝各位對我的關心及分析，你地的意見真係令我得益不少，我真係會好好咁諗吓我同老公之間的關係、怎樣相處.........

sulamita,謝謝你用咁多時間去分享的你經歷，這對我真的是得寶貴的分享，另外還有多謝有回覆我這個topic的媽媽,當我見到你們的回應，我真的哭了，你們給我證明到這個世界真係有無私的付出。

私人傳訊

jojoplanet