本帖最後由 stw37emily 於 14-5-19 00:20 編輯
其實都唔太關99 事，但係唔知放係邊個板。
老公既阿姨係一個好要面既人，乜都要威好攞彩，我地結婚個年因為同左表哥撞左，到而家佢阿姨都好臭臉。見到面叫佢一聲都唔會回應你個d。。。
點知個表妹岩岩撞正老公生日，老公已經唔想去架啦，
我起初都無乜野既，等老公話事law。。。。。
點知。。。。。
有一日阿姨公告天下佢個女結婚，係咁同人講左十萬九千次話幾月幾號擺酒，到時會點安排之類。
突然，好似好容滿面咁望住我：
「呀。。。。。。。。。呀邊個邊個。。。。。。」
我望一望佢。
「呀。。。。。。。xx（我老公個名）既老婆呀。。。。。 唔好意思。。我真係記唔起你叫咩名。。。。，你要咩名？？」
我當下有少少呆，下？
我（已經feel 到自已個面有d黑）：「我叫xxx」
佢：「哈哈，哦。。。到時早d到呀」
xyz！！！！一向都唔同我講野既人，同我講野，仲要咁樣開場。。
仲要一丁點兒既禮貌都唔識。
回家途中，我火住滾咁同我老公講。。。。「佢個女結婚，我唔去！ 連叫聲人都阿邊個邊個。。。。」
老公有一次同左99表達佢自己既意願。
點知99講：「生日jer，人地結婚wor，識做人d啦」
講真，如果係想去，就生日都會去。
唔想去，生日只係一個籍口，就算唔係生日都唔想去。
仲有一個月就係啦。。。
我老公仲未諗到咁同99講我唔去時佢又唔想去。。。。
in: charlotte_simple_life
發表於 
地址都5知點去飲! 又要人做人情比佢， 餅卡都慳，無野吖佢?
我c6個親阿姨又係咁，不嬲唔會叫我，理我……點知有次我地要去99度食飯，佢見到我即叫阿……阿邊個……過黎整餸呀……c6即刻話我地啱啱到咋，椅都末坐底喎！！(老公事後話應該係99叫佢幫手，阿姨唔想做)
一家4口~
佢想連張餅卡都慳番，你咪連啲人情都慳番囉，不過如果你地結婚時人地有做人情咁就另計。既然佢冇比貼，你咪當記錯日子囉，因為冇貼嘛，果日就唔好聽任何親戚電話，之後解釋留話一家去左北上收唔到電話囉
返回列表
