仔仔就快2歲。我同C6都要返工，我既工作時間好長，有時仲要出TRIP。冇請工人，奶奶每日去我屋企湊孫。三個月前開始，每個星期WEEKDAY放佢响奶奶度瞓3﹣4晚，一來奶奶身體唔好，唔想佢咁頻撲，二來我地兩公婆多啲時間休息同做嘢。
不過每次仔仔返到自己屋企，我都覺得佢扭計咗好多，小小事都喊，以前教落既規舉冇哂，開頭我地以為老人家湊縱壞咗。後來慢慢發現佢比以前更加怕陌生人（佢一向都怕見人，但係去公園都肯同其他小朋友一齊玩），依家陌生人同佢打招呼會縮埋我後面，去公園見到有小朋友玩滑梯，佢連行都唔敢行埋去。夜晚瞓覺會紥醒，仲要抱住先肯瞓（佢响奶奶屋企係夠鐘自己上床瞓的）
我覺得佢好似好冇安全感，好想辭工自己湊返，但係C6做FREE LANCE，收入唔穩定，我真係唔夠膽辭工，不過見到佢咁真係好心痛，仲話諗住生多個陪佢，真係唔知點湊。。。
<div><a target=_blank href=http://www.pregnology.com/pregnancy/08/09/2012><img border=0 width=650 height=120 src='http://www.pregnology.com/preggoticker120/FF66FF/660033/My%20pregnancy/08/09/2012.png' alt='Pregnancy%20ticker'></a><br><a style=font-size:9pt;color:#444444 target=_blank href=http://www.pregnology.com>Make a pregnancy ticker</a></div>
發表於 
返回列表
