吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 有冇屋企個小朋友係平時好活躍，但喺學校就好靜唔出聲 ...

自由講場今日: 12|主題: 1350427

收藏本版

發帖

返回列表

跳至頁

查看: 15834 | 回覆: 45

有冇屋企個小朋友係平時好活躍，但喺學校就好靜唔出聲 [複製鏈接]

12 3

Silver1127

男爵府

積分: 6438

1^#

發表於 14-6-7 04:35 |只看該作者 |倒序瀏覽 |打印

我大女今年4歲，讀緊K1, 開學幾個月之後，老師一直都同我講話佢好喺學校好靜唔出聲，問佢嘢又唔係好肯答，最近同我講話覺得佢社交有問題，唔係好同同學玩，於是我已經搵緊d 發展社交嘅課程，等緊開班。但今日放假，送女返學，老師就話覺得我個女同其他小朋友唔同，懷疑佢有自閉症，叫我帶佢做評估，我一直都有同老師講話佢喺學校先係咁，但老師唔係好信，覺得我唔肯面對。
4月時喺學校觀課，我沒發現佢有問題，係比較靜少出聲，當分組玩玩具時，佢冇玩，只係週圍去睇下同學玩咩，然後又笑笑口咁。老師俾佢嘅指令，佢都做到晒，自理能力幾好，基本上唔洗老師點理。老師講課時好專心，一眼都冇偷望我。我當時就覺得佢係觀察型唔擔心，因為由讀N 班(當時係讀另一間學校）時，老師都係同我讀，話佢係觀察型，唔洗擔心。我問老師學校做學習評估時係點，因為基本上都答啱晒，但老師話佢……問一句，答一句law。

自從老師同我講佢嘅問題，我已經不斷鼓勵佢返喺學校要多主動……吵鬧又鬧過，氹又氹過。問佢喜唔喜歡返學，佢又話喜歡。每日返來都有同我分享學校嘅事，包括老師電咗髮、同學幾日冇返學……等等。

我同身邊朋友講，包括有自閉症小朋友媽媽，佢地第一個反應係話冇可能，只不過係慢熱同內向，當玩熟咗就好熱情。平時喺屋企同妹妹，表哥表姐同鄰居玩都係好多嘢講。呢呢事已經困擾我，諗極都唔明點解喺學校同平時性格係差咁遠，同時亦擔心佢嘅交際問題，可能學校會冇咩朋友，老師又未必重視佢，對佢整體發現有影響。同爸爸講，爸爸一d 都唔擔心，個個性格唔同，話我地知個女冇問題咪得law。

我想問下大家有冇累似經驗，可唔可以分享下有咩方法？小朋友大d 會唔會情況有改善？感謝

0 0 0

私人傳訊

茄子

男爵府

積分: 6916

2^#

發表於 14-6-7 05:00 |只看該作者

回覆：Silver1127 的帖子

不是自閉！不用擔心！
性格好難改，不要罵佢，鼓勵下佢，俾多D機會佢同其他小朋友玩呢！

私人傳訊

beiette

侯爵府

積分: 24510

畀面勳章

3^#

發表於 14-6-7 06:27 |只看該作者

回覆：有冇屋企個小朋友係平時好活躍，但喺學校就好靜唔出聲

我囡同你個囡差唔多！但老師冇話佢有問題，只係話佢less confident.... 我囡係學術上成績好好，但就係內向，有時去到公園，叫佢同其他小朋友玩就唔太願意，同自己熟既朋友又可以玩到好癲。。。。但宜家我面對既難題係有時我報左興趣班，佢會咕願意同我分開，單獨上堂，要同佢講解足4堂，佢先肯入，但佢入過去上堂，就好鍾意上，到同佢再報多個興趣班，佢又唔想同我分開單獨上新既興趣班，但舊既興趣班就冇問題

私人傳訊

wonderlulu

珊瑚宮

積分: 118281

4^#

發表於 14-6-7 06:47 |只看該作者

引用：我大女今年4歲，讀緊K1,+開學幾個月之後，

原帖由 Silver1127 於 14-06-07 發表
我大女今年4歲，讀緊K1, 開學幾個月之後，老師一直都同我講話佢好喺學校好靜唔出聲，問佢嘢又唔係好肯答， ...

間學校好大競爭呀? 佢以年紀論，係班上分4組，佢排邊組?
返k1前，係生活圈內，有超過十個小朋友嗎?

有時做大女都係一種壓力，尤其間學校老師要求高，細過自己的同學表現出色，就擔心自己表現唔完美就唔想俾人知道。你越心急，俾佢壓力越大。

私人傳訊

aaaiqc

公爵府

積分: 28326

2024年龍年勳章畀面勳章

5^#

發表於 14-6-7 06:56 |只看該作者

回覆：有冇屋企個小朋友係平時好活躍，但喺學校就好靜唔出聲

我２個女都係, 老師話佢地好乖, 但踏出學校門口就唔同哂, 變左第二個人咁.
我老公睇佢地上堂, 話佢地把口上左拉鏈咁, 番屋企就變左開籠雀. 佢地話其實係學校扮乖喎.

私人傳訊

blackgarlic

男爵府

積分: 5504

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章

6^#

發表於 14-6-7 06:58 |只看該作者

會唔會係d 朋友仔唔o岩玩? 或者佢唔識表達點去埋堆?

如果老師觀察到咁, 我會帶小朋友去睇醫生評估, 始終每個人都有至少兩種行為, 響屋企覺得安全咪玩多d, 響出面見d 唔熟既人咪靜d. 帶佢去評唔止要證實佢有冇自閉症, 仲有係睇下搵唔搵到佢有弱點或者心事, 可以針對性去處理.

你問咁多人, 包括自閉症小朋友既媽媽, 佢地唔熟你個女, 對自閉症既認識有幾多又唔知 (我意思係佢地對仔女既問題係最熟悉, 但可能對其他自閉症類型未必真正了解), 就算我睇完你既描述, 都覺得你個女只係文靜, 多d 鼓勵佢, 同佢玩多d role play 就得, 但實際係點真係你係最清楚. 點解仲咁堅持唔去搵專業人士仔細評估呢?

私人傳訊

peachcreamy

男爵府

積分: 8276

叻叻勳章畀面勳章睛靈勳章

7^#

發表於 14-6-7 07:11 |只看該作者

引用：我大女今年4歲，讀緊K1,+開學幾個月之後，

原帖由 Silver1127 於 14-06-07 發表
我大女今年4歲，讀緊K1, 開學幾個月之後，老師一直都同我講話佢好喺學校好靜唔出聲，問佢嘢又唔係好肯答， ...

唔好迫同鬧，佢做唔到可能佢真係有原因或者有嘢焦慮，我們大人未必明白。自閉是很廣闊的定義，有時小朋友唔算自閉症但又會有其中某些特質而又智力能力全部正常架。所以睇定少少有需要就做評估未必是壞事，因為可以知道點幫佢。同埋多些留意同年紀小朋友的表現，你會知道佢比起同齡小朋友的社交發展如何。我介紹你睇啲有關social story社交故事的書，你可以用呢套書的方法幫小朋友。學識咗方法可以自己編寫合適情境的故事，同小朋友畫埋圖添！加油！

私人傳訊

venus228

侯爵府

積分: 20805

好媽媽勳章

8^#

發表於 14-6-7 07:22 |只看該作者

回覆：有冇屋企個小朋友係平時好活躍，但喺學校就好靜唔出聲

我睇過一片文章，大約係講，在家很有安全感，家人會知道他想怎樣，所以覺得很有安全感，會把自己所有的情感都表達晒出黎。
相反，在學校太多人，安全感會少d,亦都無人會集中噤留意佢、明白佢，所以下意式會保護自己，情感就唔會表演晒出黎。
我二女上幼稚園三年都係有噤樣的問題，唔多出聲，老師面對面問到會答，平時都好似你個女噤！
上到小學一年班，開始好少少，到二年班已經失控，玩到痴晒線。
如果你呀女平時無咩野真係唔需太擔心。

點評

neko138 我仔都係咁，多謝你分享發表於 14-6-7 09:15

湊3個真係好辛苦！希望個個快高長大、身體健康![color=DarkOrchid]

私人傳訊

tam_bb

男爵府

積分: 6285

9^#

發表於 14-6-7 07:31 |只看該作者

引用：Quote:原帖由+Silver1127+於+14-06-07+發表

原帖由 peachcreamy 於 14-06-07 發表
唔好迫同鬧，佢做唔到可能佢真係有原因或者有嘢焦慮，我們大人未必明白。自閉是很廣闊的定義，有時小朋友唔 ...

請問social story 社交書名是什麼？一般書局有售嗎？

私人傳訊

peachcreamy

男爵府

積分: 8276

叻叻勳章畀面勳章睛靈勳章

10^#

發表於 14-6-7 07:34 |只看該作者

引用：Quote:原帖由+peachcreamy+於+14-06-07+發

原帖由 tam_bb 於 14-06-07 發表
請問social story 社交書名是什麼？一般書局有售嗎？

你在google 查 social story便有很多資料，公共圖書館都有得借，有團體譯了中文版，可查社交故事。反而書店較難找。

私人傳訊

ChinoB

侯爵府

積分: 20138

11^#

發表於 14-6-7 07:42 |只看該作者

回覆：有冇屋企個小朋友係平時好活躍，但喺學校就好靜唔出聲

同我性格好似喎，我係極度慢熱。同埋適應陌生環境需要嘅時間比其他人長。

我覺得佢慢慢適應緊，當有嘢係令到佢自信嘅，我諗佢好快適應學校生活，有時太怕失敗，寧願唔踏出第一步。

愈嚟愈冇記性

私人傳訊

ChinoB

侯爵府

積分: 20138

12^#

發表於 14-6-7 07:46 |只看該作者

回覆：有冇屋企個小朋友係平時好活躍，但喺學校就好靜唔出聲

佢返到學校，應該有一種壓力令到佢咁樣，試下睇下問唔問到壓力來源，有時小朋友自己都未必講得出，你多啲觀察下。我以前都俾人話我自閉，我用咗兩三年時間先適應到。同埋，唔好鬧佢，愈鬧愈無自信。

愈嚟愈冇記性

私人傳訊

kiki_0128

大宅

積分: 4570

13^#

發表於 14-6-7 07:49 |只看該作者

回覆：有冇屋企個小朋友係平時好活躍，但喺學校就好靜唔出聲

我個仔而家21個月，佢都係唔多同其他人玩，我哋屋企人，成日見佢冇問題，玩得好開心好癲，但帶佢去公共場所，例如公園，反斗城，佢見到有小朋友就唔過去，其他小朋友對佢熱情d，佢都縮開，或返來我身邊。而家開始同表哥表姐見面都好少少，但都要warm up 一段時間先肯同佢哋玩。但佢同大人玩又冇問題，我都冇哂辦法

嚟緊9月會返N班，希望佢到時可以改善啦，我都想個仔主動d, 合群d，唔好咁怕羞。

私人傳訊

sara_saracheung

別墅

積分: 775

14^#

發表於 14-6-7 07:51 |只看該作者

回覆：peachcreamy 的帖子

其實如果你自己都覺得阿女無問題，咁咪得囉
不過老師咁講都可能係出於關心，此終cheak下就安心D，或者係佢比較慢熱、有心事，多D同佢傾下會好D架，打同罵係無用架

私人傳訊

iamyiten

男爵府

積分: 8987

15^#

發表於 14-6-7 07:58 |只看該作者

回覆：Silver1127 的帖子

我仔四歲k1, 在學校係坐唔定，係破壞者，說話能力比同齡小朋友差，情緒化。
老師都建議我帶仔去評估，去完健康院評估，再去尤德排期。學校話去尤德肯接納你個case係好既，對你小朋友非常好。
其實你都不防去做下評估，初步話比健康院姑娘知老師話你小朋友響學校的情況，睇下姑娘點同你講先。
放鬆d,不要太擔心

私人傳訊

kam825

男爵府

積分: 8527

睛靈勳章

16^#

發表於 14-6-7 08:01 |只看該作者

回覆：有冇屋企個小朋友係平時好活躍，但喺學校就好靜唔出聲

應該唔係自閉症, 我細個都係咁的, 唔使太擔心

私人傳訊

一人之下

侯爵府

積分: 23934

17^#

發表於 14-6-7 08:08 |只看該作者

回覆：有冇屋企個小朋友係平時好活躍，但喺學校就好靜唔出聲

我仔都係咁架，係屋企好多野講，多到要叫佢停下個口，係學校係好靜，靜到老師要叫我多d 鼓勵佢講野，當時我仔已經可以自己講到一個故事出來。不過老師只是話佢怕羞，吾敢講，又無要佢去評估，如果老師有咁的建議，不妨同健康院姑娘講，寧願檢查左吾係，好過.miss 左個醫治我時機。

私人傳訊

blackypurin

珍珠宮

積分: 43161

好媽媽勳章

18^#

發表於 14-6-7 09:06 |只看該作者

回覆：有冇屋企個小朋友係平時好活躍，但喺學校就好靜唔出聲

我女都係咁，在家好多嘢講，但在陌生人面前（其實都認識，但不是家人天天見已經係「陌生」），佢就唔多願講嘢，唔鍾意睬人答人問題。佢從n開始就係咁，到而家k1改了點但都係怕羞型，老師都話佢唔願講自己感受成日收埋自己唔係咁好，不過就唔係自閉。

雖然仲有待改善，不過我覺得我女已進步好多，主要都係比佢多d參加課外活動，同多d鼓勵佢囉。另外我將佢由英普幼稚園轉去普通村校，嗰度老師比較有愛心，肯花時間「瞭」我女玩，而家返學開心好多。