大仔大女媽媽會 今日: 0 | 主題: 177860

積分: 459

1^#

發表於 07-9-26 09:46 |只看該作者 |倒序瀏覽 |打印

我BB女是7月1日出世，在這裡最大係我啦，但可能最輕都係我，差不多三個月大只有11磅，她的奶量十分之小，最多只係飲到4安士，還要飲個多小時，每一次還要等她瞓着先可以喂她，要她在迷糊之際先同你啜啖，所以我每次喂親都冇心機。就算每隔4小時都只係飲60ml或以下就停，餘下嗰d就坐熱水，座完再座，就係咁飲一餐都飲好耐，時間每日都"吞"後哂，一喂就哭又推開支奶，她亦不會哭肚餓，過了鐘都係飲小小。她飲和光堂的，我又試過比s-26，A+，森永都係一樣，又換過其他牌子的奶咀試，又篤大奶咀孔，她又係唔係好飲，我覺得是佢本身的問題，她跟本不用力去啜，我好DOWN:cry:

0 0 0

私人傳訊

積分: 810

2^#

發表於 07-9-26 12:12 |只看該作者

米康，

我係joyce呀，我係嬰兒醫護果邊都見過你話唔肯飲奶的一個post喇。呢個問題唔止你一個，仲有我。我Ｂ女7月10日出世，體重我相信都係同你女女差不多。你女女同我Ｂ女既情況簡直係一樣，我為此都不知喊過多少次。我Ｂ女係瞓覺大過天，試過一瞓10個鐘都唔醒，你叫醒佢佢會發脾器，唔肯飲奶。所以次次都係要佢瞓醒先可以餵到。放個奶咀入口時又用脷頂放出黎，玩好耐，好彩的就會同你飲左支奶去，唔好彩的又喊一輪，要放返低等佢平伏返先再餵過。呢兩日我Ｂ女飲到5安奶喇，但係佢飲奶時間每日都會有偏差，因為我地係要等佢瞓醒，先餵到，4個鐘一次。佢仲試過一日只食到3餐。我都不知幾担心。呢兩日叫做好少少，食餵時tum下佢，唱下歌仔佢會食得好Ｄ，如果佢真係唔肯食，就唔好迫佢，佢會更加唔鐘意。我個ＥＥ教我，佢真係唔飲，就餓下佢，等佢知道真係好餓時就會肯食。呢一招我早中兩日試過，因為佢係咁瞓，又唔係好醒，所以心痛都要由得佢，等佢自己餓醒，之後所餵既每餐都ok順利，起碼一餐唔駛餵成個鐘，最長20分鐘都食完，最快就10分鐘，你不如試下咁得唔得。

私人傳訊

積分: 459

3^#

發表於 07-9-26 14:11 |只看該作者

JOYCE1024
你話現在等他肚餓先俾佢飲奶,咁現在你一日俾幾多餐佢飲,每餐俾幾多安士?現在他幾多磅?

原文章由 joyce1024 於 07-9-26 12:12 發表
米康，

我係joyce呀，我係嬰兒醫護果邊都見過你話唔肯飲奶的一個post喇。呢個問題唔止你一個，仲有我。我Ｂ女7月10日出世，體重我相信都係同你女女差不多。你女女同我Ｂ女既情況簡直係一樣，我為此都不知喊過多少次。我Ｂ女係瞓覺大 ...

私人傳訊

積分: 459

4^#

發表於 07-9-26 15:01 |只看該作者

[我個女7月1日出世，出生時2.96kg，一直都係食好小奶，現在仍是飲和光堂，仲為持緊飲100ml，而其他差不多日子出生都飲起碼5 oz 以上，每次飲的時候只飲30至40ml就停不會再飲，因每餐飲得小所以我堅持她要完成支奶，而每餐都飲個多鐘頭，好似監佢飲咁，這件事好困擾住我，我好唔開心。我以經每四小時喂她，她爭係掛住啜手指，不會哭肚餓。打針醫生話她的月數要過20安士先得，但每日食得小和慢已將d 時間"吞" 後晒，每日都是17至18 oz，我心想她莫非不喜歡這隻奶粉嘅味道？我又試過飲出院隻奶粉"愛他美" 和又買了惠氏s-26, A+比她試情況衣舊冇改善，所以我懷疑不關奶粉事，是他本身不喜歡飲奶。而健康院姑娘又話不要同人比較，只要有重到及大便好的話就得，可能佢細食啫，現在十一磅，這3個星期的體重增長得很慢，再係咁落去都唔知點算:-( ，每次飲飲吓就用雙手推開奶樽，我已經好嬲，但又要憶壓住自己情緒好辛苦。點解人哋的bb成日哭肚餓唔夠食，而我嗰個偏偏又唔食:-(

私人傳訊

jeanne1120

子爵府

積分: 11135

5^#

發表於 07-9-26 15:18 |只看該作者

米康

首先你不用太擔心你囡囡的體重
我bb 係6月尾出世的 (不過預產期係7 月頭，所以我都主要黎7月媽媽會)，不過佢都好輕磅，兩個月三星期時在醫生處磅重都係得10 磅半 (連衫連尿片)，但醫生話佢雖然不重，但都唔算輕，因為BB 大約係4 個月大時就會達到佢出生時體重的double。我個仔出世時得2.7公斤 (5磅15 安士)。你見其他bb 體重咁重，其實唔代表什麼，重不代表健康 (健康院姑娘都係咁講)，總之體重係within range 就可以。

至於唔食奶問題，雖然我bb 暫無呢個問題 (我bb 宜家係接近全人奶)，不過之前我在Bk 另一個forum 都看見有人提及這個問題，叫「生理性厭奶」。我頭先search 下個term，搵到d 有關資料，希望幫到你。不過我諗如果情況持續，你又好困擾，就唔好再屈住屈住，都係帶bb 去睇醫生好d！

1.生理性厭奶
原因/影響
(1) 3個月大的寶寶對週遭的環境開始好奇，若有人走動，或其它聲響，就會停止吸奶。
(2)開始對牛奶以外的副食品好奇。
(3)厭奶太久就會形成病理厭奶，胃容量是彈性的，如果太久不撐，漸漸習慣不覺得餓，胃容量會愈來愈少，就會形作病理性厭奶。
(4)寶寶在入睡狀態下，半強迫式餵奶，寶寶在睡時被餵飽，所以清醒時缺少饑感，所以清醒時不吃奶。
(5)缺乏鋅：寶寶缺鋅時，味蕾功能減退，味覺不靈敏影響食慾病理性厭奶。

改善方法
(1)餵奶時選擇不受干擾的環境，如果寶寶有拒絕奶瓶時，不要強迫，否則可能更厭惡奶瓶甚至哭鬧，嘔吐。
(2)開始添加副食品，用湯匙餵食可增進寶寶的興趣，同時可補充營養，若寶寶食量乃很少，擔心營養不夠，可給予維他命滴劑或粉狀綜合維他命。
(3)改變食物種類：飯、粥、肉魚豆蛋、豆漿、優酪乳(建議最好1歲以上才用)。
(4)可添加益生菌。
(5)添加消化酵素：Biodiastase。
(6)補充含鋅的營養品。

2.病理性厭奶
原因/影響
1.慢性疾病：先天性心臟病，代謝性疾病及腫瘤長期消秏較多熱量，因貧血或血氣不足而影響食慾。
2.急性感染：急性咽喉炎、鵝口瘡、造成口腔疼痛，使食量突然變少。
3.急性呼吸道感染，導致鼻塞，寶寶吸奶無法呼吸。
4.急性腸胃炎，尿路感染造成腹痛發燒。
5.長期的生理性厭奶。

改善方法
(1)急性感染時：如咽喉炎及鵝口瘡時可給冷的流體食物如葡萄糖水。
(2)開胃藥物：Preiactin。

私人傳訊

jeanne1120

子爵府

積分: 11135

6^#

發表於 07-9-26 15:24 |只看該作者

仲有呢兩個網站你都可以睇下

http://big5.china.com/gate/big5/classad.china.com/showinfo.php?id=68536

http://www.baby-life.com.tw/baby-mother.com.tw/baby-life/2005/08/link-1.htm

私人傳訊

積分: 459

7^#

發表於 07-9-26 15:35 |只看該作者

Jeanne1120

Thanks your information:lol:

原文章由 jeanne1120 於 07-9-26 15:18 發表
米康

首先你不用太擔心你囡囡的體重
我bb 係6月尾出世的 (不過預產期係7 月頭，所以我都主要黎7月媽媽會)，不過佢都好輕磅，兩個月三星期時在醫生處磅重都係得10 磅半 (連衫連尿片)，但醫生話佢雖然不重，但都唔算輕，因為BB 大 ...

私人傳訊

得巴

積分: 635

8^#

發表於 07-9-26 16:31 |只看該作者

我好明做阿媽見自己個BB唔肯食奶係好沮喪既一件事，我之前都出過post講呢個問題。而家我都係餵唔到阿B食奶樽奶，呢一個禮拜都係咁:-(，佢一見我拎奶樽未放入去就已經喊到拆天，兩隻手仲係咁推開個樽，半夜個人又累，又驚阿B嘈醒老公，又唔可以發脾氣我真係好忟。不過如果係我工人餵就會乖乖咁食，工人放假個日我就好擔心。

私人傳訊

積分: 810

9^#

發表於 07-9-26 20:14 |只看該作者

米康，

今日出了街街，依家先見到你個post。唔知你今日點呢？
我Ｂ女依家一日大約食5餐，每餐4.5至5安士。每朝佢大約會around 5點至7點呢個鐘數起身，一起身會食奶，之後每4個鐘餵佢（會視乎佢幾點起，有時可能瞓耐少少，就由得佢，不會迫。因為一迫佢更加唔食，咁就會影響到之後的餐數。）所以佢最後一餐奶會大約係10：30至12：00。呢個pattern我試左差不多一星期了，都算順利，不過出過街就會麻煩少少，因為在街外食奶的話，一定要找一個安靜的地方，好似今日咁，我都要哄左佢大約半個鐘先肯食，因為個地方太多人了，佢分心，又喊。所以打後我盡可能都唔帶佢出咁多街住，或者盡快返屋企，免得佢係出邊會“野性”左。
幫我手揍Ｂ女的ＥＥ都成日叫我唔好同人比較，因為個個小朋友都有自己性格，不能一下只好似吹波咁pump佢。叫我慢慢來，最緊要有耐性，都係多得佢成日咁安慰我，如果唔係我都仲係度日日喊。有邊個媽咪唔想自己仔女健健康康，肥肥白白丫。但係佢有佢自己既性格，都唔可以迫佢，可能佢細食呢。我99都有成日講，話做乜佢咁細粒，又同其他小朋友比較，話人地果ＤＢＢ先似樣，我聽完真係好唔開心，好似講到係我問題咁。不過呢Ｄ聽完就算，我呢兩人都學識放低。

我Ｂ女既磅數應該同你ＢＢ一樣，11磅咁上下，我呢個星期冇磅到，因為我唔想成日睇住個磅俾自己壓力。

你都係唔好咁担心，你可以參考一下我個方法，我知道每個ＢＢ都有不同，可能你Ｂ女都有一Ｄ喜惡，你要探索一下。好似我Ｂ女好怕熱，所以食奶時個地方熱Ｄ都會影響佢唔肯食。

加油啊，大家互勉之。

私人傳訊

yohopiglet

積分: 1002

10^#

發表於 07-9-27 12:17 |只看該作者

米康,

加油呀!

我個都係咁架! 佢仲輕呀

7月11日出世得2.53kg.

我個囡初時都係食半支奶就訓著唔肯飲發脾氣,

依家好dd 飲到 2/3 先唔肯飲發脾氣,

佢都係飲和光堂架.

不過好多朋友都話bb唔會餓親自己架!

健康院姑娘又講唔好監bb飲奶呀!

如果唔係第日佢見到支奶就驚架喇!

所以你個bb飲得幾多就幾多啦!

*Welcome to my Blog**寫我情真*

私人傳訊

積分: 459

11^#

發表於 07-9-27 13:52 |只看該作者

joyce1024 & yohopiglet

我昨日在奶奶家吃中午飯, 已每4小時喂她, 在12時15分喂,其實她不會哭肚餓.
我見夠鐘就比, 每一次都係飲到一半就停下來, 餘下o個d就分好多次飲, 攪足成個鐘. D 時間又吞後晒,
變o左飲完與下一餐相隔近o左無4個鐘, 但唔理,又在4 時15分又喂過她,又係大約飲一半就停下來(有時飲30ml就唔飲), 我開120ml比佢的. 餘下的奶最好等她睡著迷糊之際,就會完成.到晚上8:15又再喂, 她直情唔飲, 當時在街的, 我試過好多次,她都用舌頭頂出來和哭, 所以我唔再喂, 回家先算,真係好激氣.

回到家都10:00, 她沖涼後我就交比工人喂, 她開頭又哭,唔肯飲, 應該係扭眼瞓, 後來又傾下計, 唱下歌, 就飲了大半, 飲了大約25分鐘完成. 但昨日共飲了17oz咋, E生話最好20-25oz. 到今早工人致電我, 話他9時不肯飲, 沖了120ml, 但飲得20ml. 其餘的在11時她再喂, 工人見她睡著在搖搖椅上不咁抱起她, 就拿起奶樽放入她口中, 而張紙巾都要慢慢放在她的頸上, 之後用了5分鐘飲番盛餘的100ml, 但每次都要在她無意識下睡著飲都唔係辨法的 !!

Joyce1024

你又話你b女喜歡瞓, 等她睡醒先喂, 她可以咁準時瞓到4個鐘後會自動餓醒? 又無飲到一半就停?可以一氣呵成?

我好想好似你咁哭餓先喂, 但我驚一日都唔知喂唔喂到5餐, 因為時間吞後晒:cry:

私人傳訊

sammischu

積分: 1984

12^#

發表於 07-9-27 16:02 |只看該作者

米康, joyce & yohopiglet,

我囡囡雖然呢排食得好左, 但之前我都俾相同既問題困擾, 我囡囡7月9日出世, 重2.96kg, 我餵左20日人奶, 之後都係餵返奶粉, 佢係食和光堂, 滿月返健康院佢只係比剛出世重左1磅.......... 當時我好擔心, 唔知有d咩問題, 之後既2個星期我餵親奶都好驚, 怕佢唔肯食, 都唔知阿囡係唔係feel到, 剛出世返屋企佢都食到3-4安, 1個月後好多時佢食2安就收工........... 之後我換左個奶咀, 用chuchu十字咀個隻, 佢又食得好d.........

宜家佢食5-6安奶, 但其實都唔係重你地囡囡好多, 13/9返健康院磅佢都係得4.62kg (10.1磅), 我覺得除左睇佢食得多唔多, 都要睇bb吸唔吸收, 同埋我地bb飲和光堂可能真係唔會食得佢地好重, 好多肉......... 我擔心左2個月, 宜家我想通左, 最重要係bb有重到, within生長個range, 同埋佢健健康康就ok了.......

私人傳訊

積分: 810

13^#

發表於 07-9-27 22:33 |只看該作者

米康：
我好明白你既感受，早個零星期之前我都係同你一樣，餵奶餵到忟，發脾氣。我之前都係一支奶攤好長黎飲，最慘我果Ｄ係人奶，解凍後同佢個咀掂過後，唔放得太耐，每一次都好怕佢“sai”我Ｄ奶，變左每次餵奶我都好有壓力，好想佢飲晒，而且又要係適當時候座奶，所以果陣我覺得餵奶呢個任務真係好難。

我個女係好鐘意瞓，之前朝早餵奶我真係想死，佢果陣日頭可能食得唔夠，朝早四、五點會餓醒，我一聽到佢聲就會去坐奶，但試過坐完奶佢又瞓返，咁我支奶都坐左，又唔知等佢等到幾時，我就唯有抱起佢，叫下佢等佢醒下，見佢醒醒地就放個奶咀入去，但佢一係就頂來頂去唔食，大喊，我迫唔到唯有放低佢，之後佢又會瞓返，要等佢再醒，有時一等就兩三個鐘，再醒之後通常會順利少少，但都會“了”一輪奶咀先食。或者有時你放左個奶咀入去，佢就含住唔郁，“tum”極佢都唔食，之後眯埋眼又瞓左。因為我知道迫唔到佢，所以一樣等佢瞓醒先再試過。就因為咁樣，食奶既時間都“吞”後晒，變左一日四餐，更試過一日得三餐。有時中間見佢好似肚餓，就去開奶粉試下俾佢食飽ＤＤ。但食兩三安就喊，迫唔到佢再食落去，所以佢真係食得好少，一日都係得果十幾安。

我不停同人呻，後來一個ＥＥ就同我講，叫我唔好担心佢食得少，佢肚餓就自然要搵食，係本能。同埋唔好俾佢一餐攤咁長，咁樣佢個“鐘仔”唔會較得好，變左有時食少有時食多，因為佢知道好似成日都有得食咁。而且第時食糊仔都好難搞。後來ＥＥ黎左幫我揍佢幾日，其中一餐可能真係餓透左佢，就係打後果Ｄ餐數開始“正常”返，每一餐都清得晒, 無半路停低。而佢真係之後都好定時咁4個鐘就要食，我個女係用啜手指來表示佢肚仔餓，以我呢個星期既觀察都係岩，所以餵得順利左（佢唔係一放入口就啜，仍然會用條脷頂奶咀，同埋喊一陣，但係通咁樣扭大約5至10分鐘到佢就會食，咁樣我都以經好開心喇）。

你先唔好在意個餐數同個ＢＢ既磅數（我初時都好mind，都係個ＥＥ成日話住我，叫我唔好諗），你試下先搞好佢食奶既時間，唔好dum奶，一餐儘量唔好餵超過45分鐘，佢食唔晒有得佢，等佢下一餐。如果佢係4個鐘前好似肚餓，都唔好俾佢食住，拖下先，拖得越長越好。如果佢到4個鐘後，都唔係好食，就由得佢。佢真係無野到過肚仔，會feel到肚餓（我個女就係咁）。唔好心軟，你諗下如果成功的話，你就唔駛再担心，好過日日係咁愁。加油呀，呢度都仲有人陪緊你。

sammischu，yohopiglet:

你講得好岩，我見到佢精精靈靈，健康就得，始終俾太大壓力自已都唔好，為此我以經冇乜人奶，可能真係太担心所致，睇黎下星期開始都會變全奶粉了。

私人傳訊

積分: 459

14^#

發表於 07-9-27 23:23 |只看該作者

joyce1024

好多謝你詳盡的回覆，有人同我傾計我個心舒服了很多，我明日開始會叫我工人跟你的指引去做，因為我要番工又成日加班，明晚還要去飲喜酒，我有好消息再通知你吖！平時邊個幫你凑b女的？個姨姨又幾好喎可以幫你睇幾日，又能夠幫到你及開解到你，我都好多謝你:lol:

私人傳訊

積分: 810

15^#

發表於 07-9-28 13:01 |只看該作者

米康：

不用客氣啊！記得慢慢來，唔好心急！！
我屋企有一個yan yan架喇，會幫手睇下ＢＢ，本來我講果個ＥＥ係我陪月姐姐個朋友來的，之前我想請佢幫我揍（因始終唔太放心yan yan), 但後來因為時間唔係太夾，所以就唔成事，不過我有咩唔識都會問下佢。我下星期返工架喇，所以就得返yan yan, 我會睇下情況點，如果佢真係揍唔掂，我會搵返ＥＥ，最多我返工果邊Ｄ時間就一就，唔好等ＥＥ要揍太耐時間啦。
其實我ＢＢ算易揍，只係食奶有問題，希望呢個問題可慢慢改善啦。我Ｂ女今朝第二餐又有少少扭計喇，食左3安就唔食，希望佢下一餐會聽話啦。

Good Luck!!!

私人傳訊

babypig2007

洋房

積分: 73

16^#

發表於 07-9-28 14:12 |只看該作者

米康：
我仔仔也有相同問題，也未能解決。我就發覺他打了第二針之後，即滿2個月的第一針，開始扭計不飲奶。請問你有沒有發覺這個情況？各位媽咪，如有相同情況，請回復。
打了第二針之後，家庭環境不變，奶粉不變--雪印思敏兒，奶咀不變—NUK，真令我煩腦。

私人傳訊

積分: 459

17^#

發表於 07-9-30 01:06 |只看該作者

babypig2007

係呀你講起都係，我個女7月1日出世，在9月１日打第二針，(5合1及輪病毒第一劑),我在私家打的，之前健康院姑娘仲話重得幾好，在8月1日打政府針有3.74kg,在9月4日磅有4.58kg，在9月份只重了1磅，到現在11磅。但現在仲食得少過頭一個月，我頭個半月用奶粉及泵人奶喂的，雖然他不嬲都係食得唔好，但現在真係仲衰過以前好多，我又有9日15日打埋肺第一針添，我都唔知有冇關係的，不過你講起又有咁嘅可能

私人傳訊

積分: 459

18^#

發表於 07-9-30 01:53 |只看該作者

joyce1024

請問你教我的方法你試了幾多天就成功？我賓賓試了兩天啦。
28/09/07 (Fri)

05:00 120ml (15 minute) sleeping feed
09:20 80ml (20 minute) sleeping feed
13:00 20ml ( 5 minute) she wake up to drink the milk
14:30 60ml ( 5 minute) she cry, so my maid feed her
again. (sleeping)
18:30 60ml (30 minute) wake up to drink
22:30 80ml (10 minute) sleeping feed

Today total drink 420ml (14 oz) 小小大便

29/09/07 (Sat)

06:10 80ml (10minute) sleeping feed
11:15 70ml ( 5 minute) sleeping feed
15:15 40ml ( 3 minute) wake up to drink,
20ml (20minute)
19:00 110ml, my maid no write down use how many
minutes.(sleeping)
23:30 100ml, my maid no write down use how many
minutes. (sleeping)

Note :Whole day she drink 2oz water

Today same yesterday total she drink 420ml (14oz)
冇大便

我個女成日都喜歡啜左手的手指公，但扯起她的手後喂飲奶就哭，她每一次都係頭嗰part飲得好，而餘下的就攪好耐都唔飲，而且大多數都係瞓着先飲，飲淨嗰d就因為飲飲吓醒咗所以就死都唔肯飲，我限時30分鐘的。以前日日迫她完成就每餐攪個多小時，但平均一日都可以飲到18-20oz的。這兩天好似仍然冇改善，所以要問你試了這方法幾多天？她就算好似叫肚餓後而又夠4個鐘都係飲得唔多，在這個九月份仲飲得少過7月份，14oz這份量好像初生月份的份量咁！駛唔駛見吓醫生呢？

私人傳訊

pigletcoco

積分: 1255

好媽媽勳章

19^#

發表於 07-9-30 13:44 |只看該作者

各位, 我個女都係有咁既情況, 而家2個半月, 都唔知點解一知我地餵奶就cry到傻, cry到成肚風, 好煩, 下星期我返工啦, 我好worry既食奶....因為會俾一個ee揍住先. 點解會咁架.:-( 依家平均只可以飲到5餐, 每餐只係得3-4oz...

私人傳訊

哈呣