吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 你會唔會搵"呢一個"醫生接生? 可唔可以比d意見? ...

懷孕前後今日: 0|主題: 330324

收藏本版

發帖

返回列表

跳至頁

查看: 1887 | 回覆: 12

你會唔會搵"呢一個"醫生接生? 可唔可以比d意見? [複製鏈接]

朝日太太

大宅

積分: 3717

1^#

發表於 07-11-20 23:49 |只看該作者 |倒序瀏覽 |打印

今日係我睇第3個婦產科醫生, 本來我諗住睇一睇ok就會confirm架喇, 點知.......佢令我極度失望
第一個醫生佢唔接生既, 本來去政府生, 所以無諗住轉
firm左去私家, 第二個醫生都ok, 不過我老公prefer女醫生
就睇埋第3個, 今日係第一次去

我唔認為我要求高, 不過你地又點睇?

約左佢5:20分, 好快就有得睇, 一入到去, 佢問我之前睇過咩醫生, 我只係講左對上一個, 仲係上個week, 我好坦白同佢講我prefer女醫生, 而且我知道床位好緊張, 大家當時都understand左我係搵佢接生既
佢就問:
1.幾時last m?
2.有冇食煙飲酒?
3.血壓高糖尿病?
4. 係咪想順產定開刀?
再問過之前係咪健康院跟, 做左結構未等等

佢就打電話去reserve床位, 點知對方既reply係無位, 佢收左線, 佢都唔知可以點好, 我就話我昨日先問左有位, 而且我上week都問過, 佢地好認真問我邊個醫生, 幾時last m, 仲查左一陣先reply我有(即係唔算隨口up), 咁佢話照左bb先啦

照既時候無乜特別, 話係腳呀, 手掌呀, 幾重呀咁, 跟住返去醫生desk, 佢繼續講佢要諗諗辦法點好, 仲問我打邊一個電話, 佢話叫我不如出去一陣, 我話好丫, 我打多次電話, mark低d details啦

我出去打電話, 佢地話如果醫生話無就無架喇, 咁我解釋完, 咁結果係有啦, 無問題喇, 我就同姑娘講我要入返去見醫生...

點知一直呆等, 一直叫其他人入去, 我好唔耐煩, 因為我趕時間, 等左半個鐘, 另一個姑娘問有乜幫到我, 我話我未睇完架, 佢話佢會同醫生講, 再等多10分鐘, 第3個姑娘竟然叫我個名拿藥, o個一刻我嬲到震, 我再講[[我睇左5分鐘咋我等緊返入去, 我已經同兩個姑娘講左我未睇完!!!]]

最後"入得返去", 醫生就同我講book好左喇, 要快d交錢, 而且佢話通知我-----o係我預產期前10日至前2日, 佢去旅行, 如果我當期時呢個period生得,就會有另一個醫生幫我, 我問邊個呀? 佢話唔知呀, 到時先知道, 但一定有人幫我...
佢最後同我講係下一次帶返健康院d報告返睇, 比佢睇睇, 咁就可以唔使再抽血....

我等多差唔多45分鐘"入得返去"...原來只係講多幾句

我估唔到, 我而家搵佢接生, 佢只係問左我幾個問題(last m, 食煙等等)就得, 我唔怪佢去旅行, 又唔怪佢唔知搵邊個幫我,我再唔怪佢由得我o係出面呆等, 更加唔怪d姑娘無同佢講我ready入得返去, 佢話我知無位但明明有都當唔係佢問題喇......

但........佢係咪"求其"左少少?

[ 本文章最後由朝日太太於 07-11-20 23:56 編輯 ]

0 0 0

私人傳訊

B.B.BaBa

大宅

積分: 1575

2^#

發表於 07-11-21 10:24 |只看該作者

你認為點樣先至唔算求其呢？

問o左幾個重要的問題，又幫你照過 bb，產檢就係咁上下o架喎。你下次帶埋 d 驗血報告俾佢睇，如報告顯示無問題的話，都係頂多又同你照下 bb 就走得。

其實你想知乜就要主動問。你唔問o野，好多醫生都係 assume 你一切 ok。

如你覺得佢放假太近你預產期，又唔想到時有個素未謀面的醫生幫你接生的話，你就要拿拿聲再換醫生。搵私家醫生接生都係想求個安心o者，佢唔能夠令你安心的話，真係無謂幫襯佢。

私人傳訊

snowkit

大宅

積分: 2446

3^#

發表於 07-11-21 10:38 |只看該作者

其實我覺得一般醫生都係咁,我都睇過兩個醫生,我都有你的感覺,覺得d醫生唔係好informative,但我睇兩個都一樣,可能對佢地來說懷孕真的很簡單,如果沒有甚麼特別,佢地都係照下bb,如果你無問題佢地都唔會同你講多兩句,佢都有同你講這隻是手那隻是腳,我個醫生要我問先同我講,否則連正唔正常都沒有講

不過如果你睇完真係唔開心不如都係趁早轉人,費時每次睇完都唔開心,而且醫院的booking是跟醫生的,現在床位又緊張,如果你遲d先轉就真的可能沒有位了

私人傳訊

bebesoky

子爵府

積分: 12105

2011至尊種植勳章

4^#

發表於 07-11-21 11:13 |只看該作者

其實妳第３個醫生做既野係一般婦產科醫生做．．
而且程序正常．．

我試過１個女醫生未開始睇，係診所等多人到無位俾妳坐，姑娘態度惡劣，等要兩個鐘，睇就５分鐘，仲要睇睇下會過隔離房到睇其他人，講唔夠十句

跟住我睇過男醫生，雖然都多人揾佢睇，但有地方俾人坐，姑娘又細心（話明醫生轉頭睇係要等幾個孕婦睇咗先再入去），如果醫生去咗接生未返，佢地會叫我地行陣街或食野先，然後俾電話我地．

入到去，醫生都問妳頭先講既野，然後計預產期，
跟住照聲波，講手／腳／頭圍／肚圍／臍帶位置／重量等（正常動作，私家通常次次都做，政府睬妳都傻）
如果係政府睇過，佢地會妳幫慳錢，
叫妳用番政府驗血報告，係政府攞報告最多咪幾十蚊，我７月攞用咗２蚊咋，係私家到做分分鐘過千

醫院留位，我７月生的，６月開始要交留位費，醫生都要我即即交，唔係我都無得係私家醫院生，因為由果陣開始啲醫院爆到出年３月，因為妳話有睇政府，佢預妳會係政府生，所以我估佢係想推妳話無位囉．

妳去健康院／政府醫院檢查最好唔好講妳係私家到睇過，如果唔係，佢地乜都唔同妳驗呀．攞報告果陣妳話妳要keep record/claim insurance 用就得，唔駛講咁多．

仲有係政府生無得揀醫生亦未必有得陪產（呢點妳要知呀），隨時抽中男醫生幫妳做檢查，妳可以同老公講，唔係一定女醫生好，我就遇到個極衰的，我接生係男醫生，老公全程陪足，佢都做唔到啲咩．

想醫生講多啲，就好似我咁去檢查時，寫低晒要知啲乜，佢無講就即時問佢，咁就得喇．．依家個個醫生都係咁

唔明再問啦

原文章由 朝日太太 於 07-11-20 23:49 發表
今日係我睇第3個婦產科醫生, 本來我諗住睇一睇ok就會confirm架喇, 點知.......佢令我極度失望
第一個醫生佢唔接生既, 本來去政府生, 所以無諗住轉
firm左去私家, 第二個醫生都ok, 不過我老公prefer女醫生
就睇埋第3 ...

[ 本文章最後由 bebesoky 於 07-11-21 11:18 編輯 ]

私人傳訊

3008

別墅

積分: 670

5^#

發表於 07-11-21 11:26 |只看該作者

你宜家幾多週&幾錢睇一次呀? 既然你對佢唔係咁滿意，又唔係佢幫你接生，又唔係得佢一個女婦科，咁你搵過第二個睇囉，做嘜要令到自己咁受氣喎﹗

私人傳訊

朝日太太

大宅

積分: 3717

6^#

發表於 07-11-21 11:41 |只看該作者

其實我唔覺得受左委屈或者受左氣, 但係我覺得好似好兒戲咁, 佢問既問題仲簡單過我去睇普通科醫生傷風
我去過健康院, 醫院, 2個婦產科醫生, 都有問我d details, 好簡單都有問我: 做左oscar未? 結構未? 係咪一切正常, 家族中有冇遺傳病? 大病入過院? 係咪planned? 點check第一次? 有冇舒服? 有冇食維他命? 記得介口, etc 始終第一次見佢都應該問得詳細d, 我好記得唔知道亞爸有血壓高定血壓低, 之前個醫生笑我無心肝添呀
我話背部痛, 另一個醫生又好認真問我咩位, 同教我要留意如果呢度痛=乜, 呢度痛=物

難聽d講句 , 呢個醫生佢連我有冇大病都唔知亦唔關心,生生下我死左,佢都唔知咩事 :tongue:

私人傳訊

朝日太太

大宅

積分: 3717

7^#

發表於 07-11-21 11:43 |只看該作者

而家24周喇, 昨日睇左$440囉, 唉....bb就黎比照聲波照到叫救命

私人傳訊

DaisyDaisy

別墅

積分: 910

好媽媽勳章

8^#

發表於 07-11-21 13:40 |只看該作者

朝日太太,

I recommend you to make up your mind soon. As you know, you are now in 24 weeks now. If you would like to deliver your baby in private hosipital, you have to catch up time la as time runs short. You may wish to see the sisiters' recommendation on docters and decide la. A lot of people will deliver baby in the coming months. Both hosipital and doctoers are full.

私人傳訊

朝日太太

大宅

積分: 3717

9^#

發表於 07-11-21 14:35 |只看該作者

:tongue: 係呀, 我就黎打電話打到痴左線

c6又迫我睇女醫生...佢話唔想老婆同女女都比人睇蝕哂, 激死我

比較出名既女醫生都full到爆, 唉.....反而好似好多男醫生都好細心, 而且男醫生有多d, 無咁爆囉

昨晚發惡夢無人接生添呀:-(

私人傳訊

NokNam

大宅

積分: 1018

10^#

發表於 07-11-21 14:57 |只看該作者

朝日太太

我想問你係問邊一區的醫院? 因為我25週, 但係喺19週的時候問私家醫生的時候, 佢已經話太遲, 所有出年3月份嘅已經full 唒。我之後都打過電話問d 九龍區嘅醫院都係話full 唒。:cry:

不過, 表面睇, 你所講的醫生又唔係好似有大問題, 可能佢聽你講話上個wk睇過另一個醫生, 佢assume 你唔會有太大問題, 所以只係問咗d 最基本嘅野。不過, 如果你覺得果醫生唔係最理想的話, 既然有疑慮, 又好難100% 交俾佢, 我覺得都係搵過第2個醫生喇。

私人傳訊

朝日太太

大宅

積分: 3717

11^#

發表於 07-11-21 15:36 |只看該作者

noknam
新界區

邊間就心照啦

係呀, 好煩呀, 之前睇左一個醫生, 佢都話浸會同法國full左, 我自己上星期打電話去問, 法國話無可能有位架喇, 浸會就話基本上無, 如果我睇駐院醫生, 就有可能book到床位, 到時end up用邊一個醫生都可以

今日搞左一大輪, 呢間新界區醫院話今日cut off喇,我叫做reserve左床喇
咁因為我想轉醫生, 同一集團中, 轉醫生問題唔大, book左12月中見第一次, 所以希望第4個醫生唔好放假, even佢鬧我都可能搵佢接架喇