大仔大女媽媽會 今日: 0 | 主題: 177860

積分: 21203

好媽媽勳章醒目開學勳章畀面勳章環保接龍勳章

1^#

發表於 07-12-9 19:03 |只看該作者 |倒序瀏覽 |打印

真係忍唔住要爆啦, 呢個女人我連奶奶都唔想叫佢一聲, 正衰人!!!
未生前我睇住佢湊大我老公個侄仔, 侄仔俾佢湊係因為兩公婆要返工迫於無奈, 果陣侄仔只係歲幾, 佢夠膽死放佢一個在商場, 自己走左去買六合彩, 係要搭車架, 唔係行兩步果隻, 俾我發現左就話唔怕, 又要商場d sales會睇住佢, 直至有次真係唔見左知驚打俾我老公, 搵左好耐在商場間酒樓中央搵番佢, 跟住仲要死撐賴侄仔周圍走!!! 另一次在商場, 話侄仔發脾氣, 將佢放上高身既垃圾桶, 等佢驚, 侄仔不停喊, 佢又唔聽我勸, 結果有警察經過話可以告佢虐兒先俾佢落黎!! 又教侄仔跌左野落地要執番來食, 出街唔使著鞋, 在十幾樓屋企個window嗌落去等等..... 一萬樣野數唔晒!
所以我有左開始, 已經決定唔俾佢湊寧願請人湊,
我個女未滿月果陣返屋企, 我撐左半個月之後實在太累, 有日唔小心放手俾佢湊, 即刻出事!!! 我個女疴左便便, 佢幫佢換片, 咁啱我個女口角漏左少少奶出黎, 佢竟然用張抹過屎既濕紙巾抹佢個口, 話唔怕! 我老公即刻搶番阿女返黎, 佢發脾氣, 拖住侄仔嘭門入房, 我嬲到喊, 因為我無錯亦無出過一粒聲, 之後無理佢, 隔左幾日扮無野同我講野我就算數, 個女滿月, 老公屋企裝修, 我同阿女老公搬去我媽度住, 過左半年安樂日子後, 上星期搬返去, 佢每日諗計整走我個工人, 又話佢唔拖地, 又話拖得唔乾淨, 大佬咪當我盲架啦, 明明睇住佢拖, 其他家務係我叫工人唔使日日做, 因為專責睇實阿女, 點知佢趁我返左工, 教我個女扶住茶几企, 我個女係識企, 但係當然要扶實, 佢竟然放手個茶几有wheel, 我個女卜一聲成日向後跌, 跌親個頭仔叫工人唔好同我講!!! 離晒譜, 跟住前兩日我媽來我屋企, 佢煲粥仔俾阿女食, 個八婆夠膽死同我媽講:「七個月大BB唔使食粥仔架」我阿媽都費事睬佢, 張d粥換落瓦煲煲綿d, 個八婆搶左碗粥, 然後倒落水度, 話BB唔使食咁淋, 我媽媽嬲到彈下彈下我聽到仲嬲, 憎到佢死!!!! 日日喉住我個女, 之前阿女傷風話要帶佢落街吸新鮮空氣, 果陣得10度咋, 都白痴架, 我個女食開6安奶, 又話要開夠9安, 又成日偷偷地俾d無謂野佢食, 例如醃過的酸瓜、白烚大大條芥蘭等!! 真係無誇張架, 我阿媽舊陣聽我講佢, 見我咁憎佢都話我偏激, 但係自從黎過幾次後領教完, 就明白我啦!!

我真係好唔開心... 唔好意思借個位黎呻呻, 搬左過黎好似推阿女去死咁!
好想走呀!!

0 0 0

但求順利

私人傳訊

susuki415

洋房

積分: 378

2^#

發表於 07-12-10 02:59 |只看該作者

原文章由 paklok 於 07-12-9 19:03 發表
真係忍唔住要爆啦, 呢個女人我連奶奶都唔想叫佢一聲, 正衰人!!!
未生前我睇住佢湊大我老公個侄仔, 侄仔俾佢湊係因為兩公婆要返工迫於無奈, 果陣侄仔只係歲幾, 佢夠膽死放佢一個在商場, 自己走左去買六合彩, 係要搭車 ...

點解唔搬出去住

？比我就算死慳都要搬出去住！相見好同住難呀！但妳老公無反應咩

？佢有無咩意見？妳就算有工人都無用，因為工人唔可以話妳99，如果妳99要湊bb，工人都無佢辦法:( ！我都係唔想比99湊，但我又費事比人話我有99都要請工人！加上我都唔放心咁細個bb比工人湊，所以到最後，同老公商量過，寧願慳d都要自己湊番，等bb大d先再考慮請工人，但我一定唔會比99湊，費事有衝突

！

私人傳訊

Smallpigbb

積分: 3406

3^#

發表於 07-12-10 09:44 |只看該作者

我都好明白你0既感受, 我99雖然唔同我住,不過我返工我99就會0黎我屋企睇住個工人, 始終有個人幫忙會好D, 不過我放工亞女就會好想訓因為99成日同亞女傾計同玩唔係好俾佢訓覺, 自己個女又鍾意玩無法.

仲有一樣0野係最慘就係我99鍾意抱亞女訓,一路抱一行就搖搖0下0添, 亞女訓0左仲抱住拍拍0下, 整到亞女依0家要訓到好"淋"先俾你放落床, 老公都警告過佢話, 如果亞女夜晚訓唔到要抱要搖就打電話叫佢夜晚0黎抱到亞女訓為止, 因為有一晚我頂唔順要我老公抱, 我老公抱到亞女1點幾先訓。

所以我依0家有0羊不滿就同老公講叫佢同99交涉。

[ 本文章最後由 Smallpigbb 於 07-12-10 09:46 編輯 ]

私人傳訊

amypekkle

珍珠宮

積分: 38006

好媽媽勳章

4^#

發表於 07-12-10 09:52 |只看該作者

paklok,
你老公個阿媽真係極品.

不如搬出去住啦, 又或者, 可唔可以繼續在你媽屋企住?
總之為了bb的安全, 唔好再同你老公個阿媽一齊住了.

私人傳訊

alysiayip

積分: 2466

5^#

發表於 07-12-10 10:17 |只看該作者

搬出去啦~ 人地阿媽始終唔係自己阿媽, 好難相處的.

私人傳訊

積分: 21203

好媽媽勳章醒目開學勳章畀面勳章環保接龍勳章

6^#

發表於 07-12-10 10:39 |只看該作者

我同我老公一人一份工, 又要俾錢工人, 又要俾錢屋企, 如果真係搬出去住, 我驚連阿女份保險都危危乎呀, 再講, 其實我阿媽阿爸屋企有地方住架, 只係我老公唔鍾意返外家住所以擱置, 咁呢樣我明既, 俾我都唔喜歡啦...
我已經同我老公講明, 如果你同阿女揀, 我一定會揀阿女, 有咩野既, 我會同阿女返阿爸度住, 我有信心我會養得佢掂!!

我係覺得你擺奶奶款無所謂, 咁我係應該尊重你既, 但係千祈咪搞我個女囉, 佢又唔係你生, 你要管你管自己生果幾件啦 ,我唔會阻止佢gor wor!! 大佬個女係我命根黎架, 可能呢世人生一件架咋!

但求順利

私人傳訊

amypekkle

珍珠宮

積分: 38006

好媽媽勳章

7^#

發表於 07-12-10 11:07 |只看該作者

原文章由 paklok 於 07-12-10 10:39 發表
我同我老公一人一份工, 又要俾錢工人, 又要俾錢屋企, 如果真係搬出去住, 我驚連阿女份保險都危危乎呀, 再講, 其實我阿媽阿爸屋企有地方住架, 只係我老公唔鍾意返外家住所以擱置, 咁呢樣我明既, 俾我都唔喜歡啦...

係呀, 我覺得如果你99再有咩易招意外的攪作, 就要同你老公講, 為了囡囡的安危, 要去婆婆屋企住.
你99做的野實在太可怕了.

私人傳訊

Kami

積分: 4179

8^#

發表於 07-12-10 12:02 |只看該作者

你真係好好脾氣,比我一早就返阿媽到住,老公唔肯,自己同個女返,阿女最緊要,其實你老公都知邊一面住會對個女好D,比D壓力佢,等佢自己選擇!

原文章由 paklok 於 07-12-10 10:39 發表
我同我老公一人一份工, 又要俾錢工人, 又要俾錢屋企, 如果真係搬出去住, 我驚連阿女份保險都危危乎呀, 再講, 其實我阿媽阿爸屋企有地方住架, 只係我老公唔鍾意返外家住所以擱置, 咁呢樣我明既, 俾我都唔喜歡啦...
我 ...

私人傳訊

積分: 21203

好媽媽勳章醒目開學勳章畀面勳章環保接龍勳章

9^#

發表於 07-12-10 14:32 |只看該作者

唉, 根本我老公知左十世啦, 因為佢都睇住佢湊侄仔架嘛, 但係我老公會話:「我媽都係細路仔啫!」都痴架所以佢講完我咪答佢, 佢係細路我咪bb, 咪剩係整叫我唔好嬲, 唔使理佢, 佢呢d人咪都唔會理架, 咁置身事外對佢黎講都應該既, 無理由成日嫌自己阿媽既!

但求順利

私人傳訊

pollybell

子爵府

積分: 14001

10^#

發表於 07-12-10 17:31 |只看該作者

帶個女返亞媽度湊,你放工放假先帶佢返屋企,到佢返學先返99度啦.唔係你個女都好危...............

私人傳訊

ypjchan

別墅

積分: 591

11^#

發表於 07-12-10 21:46 |只看該作者

不如試吓將個女同工人都放係自己媽咪度湊,假期先自己湊返,最多自己瀕撲D,起碼唔怕比個可怕奶奶攪事....你都好犀利架喇,比我肯定同個女人嘈咗好耐,老公都冇面比

私人傳訊

積分: 21203

好媽媽勳章醒目開學勳章畀面勳章環保接龍勳章

12^#

發表於 07-12-11 00:12 |只看該作者

我唔嘈既原因一來唔想老公難做, 二來除左因為個女同佢有衝突之外, 其餘時間相處係無問題既, 因為我好少出廳, 都有諗過將工人同阿女放過媽咪度, 但係好唔捨得, 因為放假唔定, 放工又唔定.. 唉

但求順利

私人傳訊

drm

積分: 24212

13^#

發表於 07-12-11 00:21 |只看該作者

Your 99

.

I think 99 is not suitable to take care of the child la. she don't know what is dangerous.

May be talk to your husband again la. May be don't hire the 工人. And move next to your Ma Ma house. So, Your Ma Ma can take care of your daughter. Is it possible?

原文章由 paklok 於 07-12-11 00:12 發表
我唔嘈既原因一來唔想老公難做, 二來除左因為個女同佢有衝突之外, 其餘時間相處係無問題既, 因為我好少出廳, 都有諗過將工人同阿女放過媽咪度, 但係好唔捨得, 因為放假唔定, 放工又唔定.. 唉 ...

:-D :-D :-D :-D

私人傳訊

J.Kong

積分: 3186

14^#

發表於 07-12-11 00:51 |只看該作者

你真係要盡快同你老公諗下解決既辦法, 你老公講得無錯佢亞媽係一個細路, 咁你問你老公,一個細路点樣去照顧你哋個bb呀

呢Ｄ野唔係講笑, 唔通真係要有事發生先至黎傾同識驚咩 (touchwood).你99真係勁攪笑.......我諗佢需要人照顧多D.?-(

私人傳訊

積分: 21203

好媽媽勳章醒目開學勳章畀面勳章環保接龍勳章

15^#

發表於 07-12-13 18:00 |只看該作者

J.Kong,
你呢句"你真係要盡快同你老公諗下解決既辦法, 你老公講得無錯佢亞媽係一個細路, 咁你問你老公,一個細路点樣去照顧你哋個bb呀" 真係無得頂, 我老公再咁様同我講一定咁樣回禮!!

我有同老公傾架, 佢來來去去都係叫我聽到佢老母講野就左耳入右耳出, 但係我已經自閉仔啦, 佢成日撩我, 我深信有日會頂唔住~

但求順利

私人傳訊

fredacheung

別墅

積分: 618

16^#

發表於 07-12-14 11:08 |只看該作者

嘩,妳99有無攪錯呀

咁妳有無可能自己搬出去住呀,再咁落去好危險架!

私人傳訊

J.Kong

積分: 3186

17^#

發表於 07-12-14 13:43 |只看該作者

原文章由 paklok 於 13/12/07 06:00 PM 發表
J.Kong,
你呢句"你真係要盡快同你老公諗下解決既辦法, 你老公講得無錯佢亞媽係一個細路, 咁你問你老公,一個細路点樣去照顧你哋個bb呀" 真係無得頂, 我老公再咁様同我講一定咁樣回禮!!

我有同老公傾架, 佢來來去去都 ...

扮聾扮啞係人都識做啦. 至怕係你哋返左工睇佢唔到

或者試吓比bb返育嬰園囉

私人傳訊

積分: 21203

好媽媽勳章醒目開學勳章畀面勳章環保接龍勳章

18^#

發表於 07-12-14 14:09 |只看該作者

所以依家咪放個工人睇實佢囉, 有咩風吹草動, 我個工人會即刻報串架!

但求順利

私人傳訊

cutienat

別墅

積分: 717

19^#

發表於 07-12-15 10:14 |只看該作者

你真係好脾氣,喺咁嘅情況下我一定會以個囡嘅安全行先,同奶奶吵大鑊,老公難唔難做我一定唔會理,我諗你都係寧願自己辛苦D,將個B放喺你阿媽度啦,就算佢唔危害你個B嘅安全,你個B第陣學足佢D嘢,要教要改就好難.

私人傳訊