Baby Kingdom - 親子王國 香港 討論區 › 首頁 › 自由講場› 你地請人工係為左咩?

自由講場

收藏本版
發帖
返回列表
跳至頁

首頁
1234

尾頁
   0
man4good


大宅

積分: 1217


1#
發表於 07-12-27 14:20 |只看該作者
好多師奶請工人都係因為自己生活忙，好多都係有小朋友，但其實好多人都唔多唔少將照顧小朋友既責任推左落工人身上；當然，有時因時間分配唔到，呢樣野係避免唔到，但係要記住，工人既職責係打理家務，並唔係揍仔，工人幫你們打理家務讓你們有更多時間專注家庭，揍仔永遠都係父母最重要既責任，有好多人無論家庭大小事務都要個工人做，個家庭係自己的，就好似公司的老闆，公司係佢，唔係我，如果半夜公司火燭，老闆應第一時間去睇，而不是叫我去睇，佢自己去訓覺。同樣，請工人都係一樣，工人只係幫輕日常家務，不是去照顧家庭，揍仔。我由小屋企已經有工人，當我後生夜晚出去玩夜返屋企，我自己食野，碗碟係我自己洗，我諗，點解要叫醒工人幫我洗，或放在盤上等佢聽朝洗，做僱主應該知道僱員有日常工作的時間，規律，只係請返黎幫手，不是奴隸。而家，我對我公司下屬都一樣。

去旅行是自己家庭事，為何要工人陪揍仔？除非，除非佢係好願意，好開心一齊去，我都試過叫工人一齊去旅行，不過唔係叫佢照顧我家人，而係一齊去玩，照顧家人係我自己責任

[ 本文章最後由 man4good 於 07-12-27 14:23 編輯 ]
私人傳訊

newcook


水晶宮

積分: 51341

2025勳章 2025勳章蛇年勳章 2024年龍年勳章 2023年兔年勳章 牛年勳章 好媽媽勳章 醒目開學勳章 畀面勳章


2#
發表於 07-12-27 14:23 |只看該作者
講得好！
私人傳訊

wkchoy


伯爵府

積分: 18101


3#
發表於 07-12-27 14:23 |只看該作者
我好認同你講法
我覺得依家好多父母以為請o左個工人, 就等於將湊小朋友責任交o左比工人, 其實好多教小朋友細節理應係父母去教, 而唔係因為忙而將責任推比工人, 若然係咁忙的話, 不如唔好生算喇
私人傳訊

方方媽媽


水晶宮

積分: 74328


4#
發表於 07-12-27 14:30 |只看該作者
唔好意思,我有唔同睇法.
我同意湊仔係自己責任.
但係,工人係我請番來幫手湊仔,亦幫手做家務.
如果唔係生左bb,都唔洗請工人.
如果我食完飯既碗自己洗,我都唔會請工人.
我唔明,點解唔可以食完飯,留番隻碗比工人洗?
我已經好夜返工,工人就早早同小朋友瞓左,我無叫醒佢,但我做到咁辛苦,留隻碗比佢第二日幫手洗都唔arm??-(
你鍾意自己做番自己既野,係好事.
但唔等如別人叫工人做家務係有問題.
如果我日日都係好夜先放工,咁唔通所有野都自己做番晒?
咁佢做咩?
衫都係我自己著污糟,夜媽媽換出來既衫,留番佢日頭先洗,又得唔得?
我出街搵佢幫手,係咪唔合法?
如果係,唔該講聲比大家知.

私人傳訊

mrs_chan


大宅

積分: 3544


5#
發表於 07-12-27 14:33 |只看該作者
只請工人係想多d時間照顧小朋友,
將d家務比工人做,
做家務的時間就可以照顧小bb ^^
私人傳訊

codychan


男爵府

積分: 6571


6#
發表於 07-12-27 14:41 |只看該作者
我請個工人番嚟係幫手湊仔，而唔係幫手教仔

最重要是做家務

[ 本文章最後由 codychan 於 07-12-27 14:43 編輯 ]
私人傳訊

tsuitung


伯爵府

積分: 18456


7#
發表於 07-12-27 14:42 |只看該作者
以前請工人係因為兩公婆都要工作，沒有時間照顧小朋友，家中的大小事務（除了買餸）外，都是交給工人，甚至有時小朋友玩都係搵工人多過搵自己父母，其實自己諗番起都覺得好唔啱，小朋友是自己的管教也應該由父母灌輸應有的知識。

有時在街上見到個小朋友（都有7-8歲）對住個工人攬到實一實，如果唔睇真d，真係以為是兩母子，為何子女與工人的感情仲好過同親生父母呢？仲有小朋友到左小學仍然不懂自己食飯（仲要餵）、執拾，一手一腳都係由工人加以幫忙，工人為了不想讓僱主罵，就每一讓都親自動手，不讓少主人操勞，好多時就釀成現今的小朋友不懂自立，飯來張口。

我以前的工人就係這個原因，她實在太愛我的小朋友，每一樣都幫小朋友做，可能她認為這是自己應有的責任，不過，最終也讓我罵了一大頓，最後她遲了工，而我也沒有再請工人，而兩年後我也辭了工，因為我想對囡囡有更多的關心，給她更多以前沒有給她的愛及時間，看著囡囡每一天的笑臉，也是值得。
世間最美妙的事情，就是擁有一個溫馨的家庭。我們可自然從容地回到家中，無拘無束地被家庭接納為其中的成員。 ;-) (維斯各特)
私人傳訊

siufaizi


別墅

積分: 673


8#
發表於 07-12-27 14:43 |只看該作者
我相信很少数人想自己的孩子给工人教，但多数请工人的雇主是没法子。

工人成日对着小孩，对的时间比父母还要多，很多时孩子日常的举动，言行父母根本不知道，如果每每孩子做错事，说错话，不是立时改正便没有功效。好的工人是要懂得教孩子的。 不是光做家务便算！

至于要工人跟雇主去旅行带孩子，我并不觉得有问题。 你老板要你去外公干，又有甚麽问题呢？



原文章由 wkchoy 於 07-12-27 14:23 發表
我好認同你講法
我覺得依家好多父母以為請o左個工人, 就等於將湊小朋友責任交o左比工人, 其實好多教小朋友細節理應係父母去教, 而唔係因為忙而將責任推比工人, 若然係咁忙的話, 不如唔好生算喇 ...
私人傳訊

Garfield


大宅

積分: 2603


9#
發表於 07-12-27 16:25 |只看該作者
查實各有各睇法, 我自己都係生完bb先請工人, 主要是幫手做家務, 返左工既時候, 工人就負責睇細路, 放左工返屋企, 工人通常已經洗好晒d送菜我會自己煮, 之後會同細路玩, 同佢地訓覺講故事, 我工人就會洗碗同收衫做家務, man4good有部份亦講得啱, 有時夜返自己煮野食, d碗其實自己應該要洗番, 因為浸過夜真係唔衛生, 同埋自已都落手煮, 點解唔可以洗埋, 一係就叫醒埋個工人叫佢煮比你食 (不過我唔會囉), 佢無精神, 第二日咪又係自己受番, 所以跟本唔好爭議, 各家人有各家人用工人的方法和態度..
私人傳訊

kerkermui


伯爵府

積分: 18610

醒目開學勳章 BK Milk勳章


10#
發表於 07-12-27 17:37 |只看該作者
所以我同c6有言在先, 我地盡量有人早d返屋企陪bb同tum佢瞓覺 (8pm就要瞓!), weekend盡可能自己湊番, 出親街都好少叫埋工人, 由得佢自己執屋
私人傳訊

bigbighei


珍珠宮

積分: 38452


11#
發表於 07-12-27 17:46 |只看該作者
我請工人都係因為我地2個都要返工, 仲要係唔會準時放工果種, 我地請工人都係想佢幫輕吓家務, 都係想爭取多D時間同小朋友一起, 教育佢地,唔通仲用晒D時間做屋企嘢咩, 一個好既工人真係可以多咗對手咁, 我一放工只係想返去對住個小朋友,仔當然係要自己照顧啦, 再要我煮飯洗衫當然無可能啦!!!!
私人傳訊

renren


子爵府

積分: 12024

好媽媽勳章


12#
發表於 07-12-27 19:09 |只看該作者
雖未至於半夜叫人洗碗/煮食,但日頭兩頭忙,仲要買餸煮飯洗衫燙衫掃地拖地抺塵?未計洗小朋友d衫,奶樽,清潔玩具,收拾玩具,為左咁先請工人.
我地兩公婆帶埋個仔番公司,奇實好難集中精神做野,但係教同管係父母責任,真係唔可以旨意工人,錢係搵少左,但多左好多同小朋友相處時間,日日見住佢成長,每日有進步,學好多野,呢d金錢係代替唔到.
大多數家庭公一份婆一份,當然係搵工人幫手湊仔,理想的最好加個褓姆,如果請多一個褓姆,做媽媽的唔使出去做野維持家計啦.係人都想一手一腳湊大個仔,但時代唔同,如果而家仲有外發黐膠花,剪線頭,杆電子零件,我都會攞番屋企做,一邊做一邊湊仔
春有百花秋有月 夏有涼風冬有雪 若無閒事掛心頭 便是人間好時節
私人傳訊

朝日太太


大宅

積分: 3717


13#
發表於 07-12-27 19:35 |只看該作者
其實我唔係好明白樓主想表達d乜野

對我黎講, 工人係我既helper, 我想佢幫我做乜就會叫佢做, 但唔代表佢係奴隸

工人同我既關係好好, 可能因為咁,我唔係太明白

如果bb出左世,去旅行, 我都會叫佢去, 對我黎講, 個問題只係比多份錢咁簡單
佢去旅行見識下, 肯定開心死
而且佢會有咩做? 咪同平時一樣幫我手囉, 地點唔同左之ma
我坐完台北【一個無腳的的士司機】之分享! (有圖)

http://forum.baby-kingdom.com/thread-2442319-1-1.html
私人傳訊

激激


禁止訪問

積分: 562


14#
發表於 07-12-27 20:04 |只看該作者
提示: 作者被禁止或刪除 內容自動屏蔽
私人傳訊

2heiBBmama


公爵府

積分: 27067

好媽媽勳章 親子達人勳章 BK Milk勳章


15#
發表於 07-12-27 20:09 |只看該作者
我唔太認同樓主既講法
我2公婆都要番工, 唔係有小朋友都唔會請工人, 如果好似樓主咁講, 我夜晚番到屋企仲要自己洗番d碗, 唔可以留比工人洗, 咁我請工人做乜?!?-( 我唔介意工人聽朝先洗, 但要好似樓主咁講, 我又要親子, 又要自己洗番自己d碗, 咁夜我應該親子先, 定係洗咗碗先呢?!?-( 我番工咁辛苦番到屋企, 我覺得親子係我應該做既, 但家務此終都係應該工人做番囉, 唔係我請佢做乜, 我唔係乜都要工人做既人, 好多時我都親力親為, 唔會每樣事都交比工人做, 但家務就係家務, 我唔覺得留番比佢第2朝洗會有問題?!
無可否應, 有部份家庭長期依賴工人照顧小朋友, 有d就對工人呼呼喝喝, dd僱主先至要檢討
神未曾應許天色常藍;但衪曾應許生活有力!
私人傳訊

激激


禁止訪問

積分: 562


16#
發表於 07-12-27 20:37 |只看該作者
提示: 作者被禁止或刪除 內容自動屏蔽
私人傳訊

朗仔


侯爵府

積分: 21529


17#
發表於 07-12-27 20:42 |只看該作者
原文章由 方方媽媽 於 07-12-27 14:30 發表
唔好意思,我有唔同睇法.
我同意湊仔係自己責任.
但係,工人係我請番來幫手湊仔,亦幫手做家務.
如果唔係生左bb,都唔洗請工人.
如果我食完飯既碗自己洗,我都唔會請工人.
我唔明,點解唔可以食完飯,留番隻碗比工人洗?
我 ...




講得好好!!!
私人傳訊

2heiBBmama


公爵府

積分: 27067

好媽媽勳章 親子達人勳章 BK Milk勳章


18#
發表於 07-12-27 21:28 |只看該作者
原文章由 激激 於 07-12-27 20:37 發表
家庭傭工邊會話介意洗隔夜碗架,介意果個都有問題啦~

反而我地身為僱主既,要浸番d水係d碗碟度至真, 為環保為乜都好啦(易洗d,第二日用少d水同洗潔精),但 c6們未必會做先激死呀!!

...


Hi 激激,
我當然有用水浸住d碗碟啦, 我都洗過碗, 雖然唔係我洗, 我都唔會要工人難做既, 因為我都無當過我工人係奴隸嘛~
神未曾應許天色常藍;但衪曾應許生活有力!
私人傳訊

cy1203


大宅

積分: 4090


19#
發表於 07-12-28 01:19 |只看該作者
唔係好明樓主post呢段說話為咩呀？

係想話我哋呢D師奶, 要工人揍仔&隔夜碗就一定會當佢係奴隸？
我就請工人嚟揍仔, 煮飯&做家務，請問你工人平時喺屋企做咩呀？
用到公司火燭呢個比喻又似乎不當，公司火燭咁大件事，而且係佢嘅財產，老闆當然要睇啦！同樣，屋企有事，我當然要理．但身為老闆，如果連鎖碎事都要自己做，請人嚟做咩呀？
我都要返工，喺公司上至見客，批稿，下至聽電話，我都會主動做，呢D係我嘅職責，我無覺得老闆當我係奴隸; 同樣，我工人都有佢職責，佢唔介意揍仔, 煮飯&做家務．只係每個人職責不同．

我工人每晚12點幾同BB訓到9點幾先起身，屋企所有食物任佢食，轉季會買衫比佢，每個星期比佢打idd返屋企，平時連m巾都offer埋，出街時，我食飽魚，佢都食飽魚，但我都要工人揍仔，亦試過浸住D碗，要佢洗隔夜碗，咁我算唔算當佢係奴隸呀?

[ 本文章最後由 cy1203 於 07-12-28 01:30 編輯 ]
私人傳訊

Sadness


男爵府

積分: 8460


20#
發表於 07-12-28 01:25 |只看該作者
原文章由 tsuitung 於 07-12-27 14:42 發表
有時在街上見到個小朋友（都有7-8歲）對住個工人攬到實一實，如果唔睇真d，真係以為是兩母子，為何子女與工人的感情仲好過同親生父母呢？仲有小朋友到左小學仍然不懂自己食飯（仲要餵）、執拾，一手一腳都係由工人加以幫忙，工人為了不想讓僱主罵，就每一讓都親自動手，不讓少主人操勞，好多時就釀成現今的小朋友不懂自立，飯來張口。

我以前的工人就係這個原因，她實在太愛我的小朋友，每一樣都幫小朋友做，可能她認為這是自己應有的責任，不過，最終也讓我罵了一大頓，最後她遲了工，而我也沒有再請工人，而兩年後我也辭了工，因為我想對囡囡有更多的關心，給她更多以前沒有給她的愛及時間，看著囡囡每一天的笑臉，也是值得。


同意以上所講。

我自己覺得唔係話叫個工人做下家務都唔應該或者唔可以，而係要清楚明白自己請工人的目的，工人係要用來減輕同幫手自己的家務 (例如：清潔、買餸、煮東西等)同湊小朋友的鎖碎事務，而唔係因為工人既出現，什麼事情都全部依賴晒個工人，原諒我坦白：我自己都見過好多小朋友比工人湊到成個廢人咁，6-8歲仲要工人餵，有d更甚仲要將d食物剪碎來食，上到中學的連鞋帶都唔識綁...，飯來張口，衫來張手...乜都要人服待...

但某程度上工人唔咁做或唔當小朋友係皇帝咁服待或讓下小朋友自己做的，又可能會比主人罵，莫講話工人有權力去糾正小朋友的缺點了...如果用工人用到咁，就真係唔係幾好囉..我自己覺得..

[ 本文章最後由 Sadness 於 07-12-28 01:31 編輯 ]
淡而無味
私人傳訊


首頁
1234

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見