吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我都越來越唔中意奶奶

婆媳關係今日: 1|主題: 27758

收藏本版

發帖

返回列表

跳至頁

查看: 2093 | 回覆: 20

我都越來越唔中意奶奶 [複製鏈接]

lanloo

男爵府

積分: 9909

認識瑞士牛牛第一回

1^#

發表於 14-8-21 14:40 |只看該作者 |倒序瀏覽 |打印

同奶奶住咗3年，越來越唔中意佢！
佢只會偏心自己既仔女，係其他人面前就好似好关心我咁！
我由一同佢住埋一齊就日日洗碗，佢無開過口叫我洗，係我主動洗，起初我有幫手煮飯，後來因為放咗工真係好攰所以無幫手煮。
食完飯我一定會執野返廚房，老爺倒垃圾，其他包括奶奶都走開了，甘D碗碟好自然由我洗。
就甘只要我有份一齊食飯D碗碟就由我洗，除非我收工有時收好夜唔一齊食先唔使洗！
住咗甘耐就洗甘耐，姑仔(已嫁)曰日返黎食都無洗過一次！
終於有一曰，我同老公呻點解D一定要我洗，係咪飯唔係我煮所以要曰日洗碗？
甘老公就話幫我洗，而家差唔多日日係佢洗，因爲我而家有咗bb。老公怕我辛苦。
而家我無返工，日日要對住奶奶，日日要同佢出街才有野食，唔出街就自己煮才野食，佢
唔會野俾我食，但就會煮俾姑仔食，我諗佢覺得我識煮所以要我自己煮，但我感到佢就是偏心！
另外，大姑仔有咗bb既時候，奶奶就個個禮拜煲花膠，d膠留晒俾姑仔同自已，見到咁，我都吾會不d膠黎食，到我而家有咗都兩個幾月，佢都只煲過1次咁多，又唔見佢淨係留D膠俾我食，見到我老公食淨D膠(老公唔食花膠)佢就夾到自已碗度講：俾我食啦唔好”晒”！
奶奶偏心自己仔女係好正常，但我就只感到自己好外人，遲Dbb出世我都唔知點算！
我好驚到我坐月唔知點，唔通要請陪月？
好煩呀

0 0 0

私人傳訊

moonychan

珍珠宮

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

2^#

發表於 14-8-21 14:52 |只看該作者

請陪月就自己舒服 d, 起碼 "洗" 人做都唔洗受氣.

另外, 你姑仔始終係佢個女, 媽媽愛錫自己仔女都好正常, 可能你99以為你亞媽會整比你食呢, 唔好唔開心.

如果我遇到呢 d 情況, 我會叫我老公做足 d 比我自己算. 因為我先可以 control 佢.

私人傳訊

melmelyan

男爵府

積分: 8594

3^#

發表於 14-8-21 15:20 |只看該作者

回覆：我都越來越唔中意奶奶

唔覺你99有問題bor，10隻手指有長短，自己生既都會偏心啦，何況你又唔係佢生既，佢對你好係bonus，唔服侍你亦都冇錯。你都識講你宜家冇返工，咁夜晚佢煮你洗好正常jer。你唔想洗，你c6幫你洗都好正常。

私人傳訊

小溱

男爵府

積分: 8488

4^#

發表於 14-8-21 15:23 |只看該作者

0甘你咪返去你媽度叫你媽煲囉... 錫自己仔女有咩問題... 你都錫自己阿媽多0的啦...

私人傳訊

hehazoey

大宅

積分: 1276

5^#

發表於 14-8-21 15:31 |只看該作者

回覆 lanloo 的帖子

始終都不是自己親生, 同埋有d 99會覺得個仔俾人搶走左, 自己d 女嫁左係做工人, so 會對自己d 女好好, 因驚佢地會係外面俾人蝦, 但又唔會識得對自己個新抱好你試下同佢去d 特別地方or 買d 野送下俾老人家, 唔好咁計較, 做人都會開心d, bb 都會開心d
大家努力, 我都學緊點樣可以氹好99

私人傳訊

M.A.C

伯爵府

積分: 17773

6^#

發表於 14-8-21 15:47 |只看該作者

我明白呀！我啱啱係另一個標題講左類似的事件。

係咁架啦！
99當然錫自己個女，因為人地個女自然有亞媽錫囉！
所以唯有希望自己有個好媽媽。否則一缸眼淚自己哭。

其實都好，第日99有乜頭暈身興，咪叫返姑9，姑仔做返哂囉！
鬼叫99要咁唔識做人咩!!! 我都係咁安慰自己架咋。

你對我好，我對你好，大家互相關心，咪有來有往，呢個道理好簡單。

私人傳訊

looklook_66

禁止訪問

積分: 10048

7^#

發表於 14-8-21 17:18 |只看該作者

回覆：我都越來越唔中意奶奶

提示: 作者被禁止或刪除內容自動屏蔽

私人傳訊

cream090909

侯爵府

積分: 21319

我的育兒心得勳章

8^#

發表於 14-8-21 17:26 |只看該作者

回覆：我都越來越唔中意奶奶

好正常啫，睇開d啦，有老公呀b錫同自己屋企人錫我就夠，其他人咪由得佢囉，咁上心做咩！！

私人傳訊

做個靚太

水晶宮

積分: 50398

9^#

發表於 14-8-21 18:07 |只看該作者

回覆：我都越來越唔中意奶奶

我就覺得，99你最好顧好你自己頭家，你啲仔女，唔好煩到我！
我一粒米都唔需要你咁辛苦煮俾我食，費時又話我貪心，又話我唔識報恩！
你算好架啦！有老公幫手洗，我99如果見到老公洗，會發脾氣架！
不過有能力嘅，就自己請陪月啦！
我諗你99都係啲斤斤計較嘅人，佢敢照顧你，你都驚佢有目的有居心啦！
不過你地住埋一齊，好多野真係只可以逆來順受。。。。
所以我打死都會分開住！

私人傳訊

mena

大宅

積分: 3743

10^#

發表於 14-8-21 18:43 |只看該作者

好正常, 多數呀媽梗係錫自己仔女多些, 就等於我錫自己呀媽多D, 最好99唔好理我, 我就還神落

私人傳訊

mrhappy123

男爵府

積分: 7484

11^#

發表於 14-8-21 18:50 |只看該作者

引用：我明白呀！我啱啱係另一個標題講左類似的事

原帖由 M.A.C 於 14-08-21 發表
我明白呀！我啱啱係另一個標題講左類似的事件。

係咁架啦！

agree, 99 到時咪旨意姑9/仔孝順自己囉，冇欠佢係最好，唔洗驚佢追我找數..

點評

做個靚太咪係，俾99追數同大耳發表於 14-8-22 00:20

私人傳訊

SARABO

大宅

積分: 1956

12^#

發表於 14-8-21 19:05 |只看該作者

引用：同奶奶住咗3年，越來越唔中意佢！佢只會偏

原帖由 lanloo 於 14-08-21 發表
同奶奶住咗3年，越來越唔中意佢！
佢只會偏心自己既仔女，係其他人面前就好似好关心我咁！
我由一同佢住埋 ...

你始終唔係親生女嘛，而且你大緊肚，佢或者唔知你會仲意食咩野，又或者驚會煮唔岩野比你食啊，自己仔女當然就自然d識煮啦！你唔好成日諗埋呢d野，佢始終唔係阿媽，換個角度來諗，如果係你要煮野比99食呢，你都一樣會覺得困難唔知煮咩先岩架喎，但係如果煮比自己媽媽食就自然得多啦。

私人傳訊

mmki

子爵府

積分: 11707

畀面勳章

13^#

發表於 14-8-21 20:09 |只看該作者

回覆：我都越來越唔中意奶奶

有咩出奇？我媽都係錫我多過亜嫂9萬倍，冇辦法，因為我係我媽親生的

私人傳訊

lanloo

男爵府

積分: 9909

認識瑞士牛牛第一回

14^#

發表於 14-8-21 23:27 |只看該作者

首先好多謝各位不同既意見！
我是深切知道每位媽媽疼錫自己子女這道理
或者我一直認為一家人所以覺得自己比較似外人
我知人是無完美，偏心自己子女也不是錯，只是感受到了總會有吾開心！
我都係呻下啫
明知係咁架可以點？奶奶知我媽咪無整野俾我，媽咪住得遠，我之前又見紅，都
無返屋企成個月，各樣野加加埋埋，吾開心實有
我都會放開D，不要計較咁多，bb紧要d，而家好擔心，今日又見到少少紅！

私人傳訊

我愛Corina

瑪瑙宮

積分: 137453

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

15^#

發表於 14-8-21 23:44 |只看該作者

引用：同奶奶住咗3年，越來越唔中意佢！佢只會偏

原帖由 lanloo 於 14-08-21 發表
同奶奶住咗3年，越來越唔中意佢！
佢只會偏心自己既仔女，係其他人面前就好似好关心我咁！
我由一同佢住埋 ...

你地係獨立個體，佢唔係你工人，點解佢唔食要煮比你食?自己想食乜煮乜唔會仲好咩？

你都唔係佢工人，但你洗碗係唔洗煮有得食，都係洗下碗，咪當分工合作啦

至於佢個女，佢亞媽鍾意服侍佢，係無問題架。不過你唔需要去服侍佢。

私人傳訊

M.A.C

伯爵府

積分: 17773

16^#

發表於 14-8-22 08:43 |只看該作者

回覆 lanloo 的帖子

同道中人，明白既。。。

有乜苦水都心照，你無問題，

只係我地太心軟和太有人性，

最好學足壞prc既新抱，咁99自然唔敢蝦我地。

私人傳訊

mrs193

大宅

積分: 1532

認識瑞士牛牛第一回

17^#

發表於 14-8-22 09:02 |只看該作者

lanloo 發表於 14-8-21 14:40
同奶奶住咗3年，越來越唔中意佢！
佢只會偏心自己既仔女，係其他人面前就好似好关心我咁！
我由一同佢住埋 ...

自己請陪月啦! 同埋叫C6買補品給陪月煮.

我6299在我有嘅時候就煲嘢俾我食(其實係俾個孫食), 生咗之後完全冇........

都係靠自己好啲~~~

私人傳訊

candy-chiu

大宅

積分: 4483

18^#

發表於 14-8-22 10:02 |只看該作者

你對咗你 99 3年 , 佢 D 仔女一出世就對住佢 , 而且係佢生既 , 錫自己仔女係正常 ? 你話住咁耐洗咁耐碗 , 咁 99 煮飯 , 你洗碗又好正常 , 咁宜家你大肚 C6 洗又係好正常 , 好似我咁我要返工 , 之前 99 煮我洗 , 無問題喎 , 一齊住就係要分工 , 宜家我都係大肚都係 C6 洗碗 , 你話姑仔唔洗 , 咁其實你都係洗多姑仔一雙碗筷 , 其他平時都係要洗嫁啦係咪 ? 睇開 D , 唔好下下要同姑 9 / 姑仔比 ~

你話 99 唔比花膠你食 , 咁你咪返娘家叫自己媽咪整囉 !! 坐月想請陪月就請 , 唔好旨意你 99 , 如果娘家可以比你回去坐月既就返娘家坐月 , 記住 C6 既父母係 6299 唔可以同佢 D 仔女比 , 問心自己都錫自己父母多 D 啦 ! 你宜家大緊肚 , 凡事要想開一點 , 點解一定要 99 對自己好似對佢 D 仔女咁對你 ? 只要 C6 同自己父母愛錫你就夠了 , 你日後生完 BB 你就會明白 , 親生既仔女就係親生既 , 外人既仔女(就算自己兄弟姐妹生既小朋友) 你對待自己既仔女同佢哋 D 仔女都唔同啦 !! 所以凡事睇開一些 ~

有咗 BB 要開開心心嫁 !! 睇開 D ~