婆媳關係

收藏本版
發帖
返回列表
跳至頁

首頁
12345

尾頁
   9
jessicalamyk


別墅

積分: 659


1#
發表於 14-8-10 11:57 |只看該作者
人物背景：
我今年25歲（末婚）有一個女5歲，另懷孕3個月。
我老公30歲，雖然末簽紙，但我倆覺得唔係重大問題，遲下再補。
我62 54歲，同我99已離婚，有大仔（我老公），二仔28歲（有一個仔3歲半，但早已同佢女朋友分開。），三女15歲。
我另一個新99 33歲（大陸人），同我62生左一個仔4歲，一個女1歲。
62有間鋪，但幾過呢幾年變化，已轉名落二仔。
故事：
62一向女朋友多，之前一直係大陸同佢女朋友G1一齊。09年12月我大女出世，先開始同我老公，62，一個工人一齊住（不包括佢女朋友，但會隔唔中落黎）自從係香港租樓一齊住，62少左上去，所以好快又有新女朋友G2，從而禁止G1落黎。同G2一齊唔夠1個月，就有左bb，當然女方家人睇唔起我62（因為我62做過好多衰野，坐過監），所以好快就落左。基於女方家人睇唔起我62，所以我62就想結束關係。一個月內，由一個夜總會媽媽生介紹左我新99俾我62識，好快新99就同我地一齊住，有埋bb。
2010年，一開始我地冇野，因為新99同62好爛賭，所以唔係日日見到面。期間，62想開分店，但又冇資金，所以要我老公間借財務幫佢。我老公當時因覺得一開始係62出錢租屋，所以想幫返佢。
[[另有小插曲，2009年，我老公細佬（叔仔）識左個花心又貪慕虛榮既女朋友，以為我地有鋪頭就有錢，所以同佢一齊，但叔仔份人好軟，都算聽我老公話，所以有好多事叔仔都冇意見。佢女朋友見到咁，引左叔仔話要生bb，咁佢地就會有地位，有大d既屋住，又有工人用。所以就有左bb。但係我地全部人都唔贊成佢地一齊，因為佢女朋友有前科，06年結過婚生左一個女，唔夠半年就離婚，女跟爸爸。所以我地肯定呢個bb出生會冇媽媽。不出所料，2011年個仔出世後，佢好快就有第二個男人，然後走左，個仔跟我地住。]]
私人傳訊

jessicalamyk


別墅

積分: 659


2#
發表於 14-8-10 11:59 |只看該作者

回覆：jessicalamyk 的帖子

續：
2010年12月62同新99個仔出左世，所以要請多個工人照顧bb，基於新99唔識英文，所以屋企好多野都係由我整理，而新99就會學我。新99坐月2個月後，又出去賭過。期間，佢地輸大左，所以新99係大陸有層供緊既樓要賣，賣出大約40萬，要蓋左條賭數。呢一年大家都冇事，因為唔係日日見到面，而我就專心照顧我個女，另外2個工人就照顧另外2個bb。
2012年，因62同新99輸得太多，分店做唔黎汁左，差人過百萬數，所以佢帶埋個仔返上去大陸3個月避債。而d手尾就交左俾我老公，我老公呢幾個個月都好辛苦，因為每月都要找幾條賭數，又要交屋租，鋪租等等。而佢地就黎係大陸輕輕鬆鬆，得閒就叫我老公匯d錢上去。
9月佢地終於落黎，唔知點解佢地個仔自從返左大陸，性格變左好多，成日用玩具打叔仔個仔個頭，有幾次仲打到瘀晒流血，連工人都阻止唔到，工人又唔出聲。有一次，叔仔個仔反擊咬返我新99個仔，點知新99用指甲彈到叔仔個仔個咀流晒血，話佢係狗。我事後知道講俾我老公聽，連我99都話新99好毒，咁樣打小朋友，99仲打whatsapp鬧我62，62知道不但覺得冇野，仲鬧我地多事。所以我一向睇我個女睇得好實。有一次，我老公係屋企，見到62個仔又多手met叔仔個仔塊面紅左，所以就打左佢面仔一下（我老公輕輕打一下），比佢知道打人係會痛。點知新99聽到佢個仔喊，即刻係房出黎問咩事，佢知道成件事之後好嬲，話佢個仔冇錯，又問我老公點解唔打叔仔個仔，因為之前佢咬人。但問題我地知道，佢咬人係因為被人打先+出於自衛，加上新99已經報復成功，打到叔仔個仔個咀流血。跟住，新99打電話俾62叫佢即刻上黎，話個仔俾人打塊面紅晒，62一上到黎，二話不說話係我老公錯，又話會打到耳膜穿，又講粗口等等。自從呢次，我地決定以後唔教佢個仔，而且我老公都唔會當佢係細佬。
[[你地可能覺得好奇怪，點解叔仔唔出聲？因為叔仔唔係同我地一齊住，佢另外租左隔離棟大廈既劏房同女朋友住。加上，叔仔份人唔定，冇責任心，覺得有工人睇住個仔就算。就算佢個仔俾人打，叔仔都只係會暗地裡打返62個仔報復，之後就話幫唔到個仔。]]
私人傳訊

jessicalamyk


別墅

積分: 659


3#
發表於 14-8-10 12:00 |只看該作者

回覆：jessicalamyk 的帖子

續：
一個月後，我62又搞新野，同人夾份開賭局，但佢地又冇錢，所以又叫我老公借財務，今次我出聲話唔好借，因為之前d數差少少就可以還晒，但最終都係借左出黎俾佢地開賭局。個場開唔夠2個月，佢地就做唔黎，同人嘈，又差人錢等等。點知，12月尾我新99又有左bb。2個月後，我都有左，點知新99背後話我：人生你又生，我好嬲，但冇出聲。不幸地，我bb因冇心跳而要引產。我好傷心，唔明點解係我，而新99咁衰可以有bb。我小產後，除左我老公+我娘家安慰我，我62同新99不但覺得冇事，而且新99仲成日係面前摸自己個肚，又好開心今胎係女，食飯又係我面前摸肚，話個女好大食等等。我心情好難受，不過我冇出聲，但就愈來愈憎佢，唔想佢個女出世。
其實我知道新99成日背後話我地。而我62又唔知發生咩事，晚晚唔到12點都唔係屋企，因為我62本身係一個唔痴家既人，佢寧願係屋企樓下茶餐廳坐，都唔想對住自己老婆仔女。
2013年8月，佢地個女出世，但屋企得返一個工人，所以更加煩。幾個月後，我62又搞新野，今次個partner係唔錯既女人，不過個女人結左婚，住我地附近。我同我老公覺得62對人有好感，因為62好有心，日日同人食lunch，有時仲好早就出門口約人食早餐。據我所知，新99都冇呢種待遇。之後，62仲同個女人一齊join course上堂，甚至晚飯都同人食。但好可惜，個女人最後頂唔住62既性格，而要拆夥。
私人傳訊

jessicalamyk


別墅

積分: 659


4#
發表於 14-8-10 12:01 |只看該作者

回覆：jessicalamyk 的帖子

續：
2014年5月，工人放假1個月返鄉下，屋企要有人煮飯做家務。所以新99個女放左係大陸俾人照顧，而個仔要返學留係香港。叔仔個仔就跟99住。第一日，我叫我媽黎教我煮飯，我地去買餸，洗同煮都需要時間，8點食飯，但新99不但冇感謝竟然仲問我地煮好未好肚餓。食完飯新99坐係到同佢個仔睇電視，而我就要執碗，我老公負責洗。自此之後，我唔想奉旨照顧佢地，所以我寧願辛苦d，去我媽屋企煮，帶餸俾我老公。日覆日，新99頂唔住日日叫外賣，所以叫62阿媽煮飯，但被拒絕左。新99唔死心，所以就話淨係煮午餐，62阿媽就日日煲瘦肉粥算。
呢一個月，我自問唔算係做左好多野，但都會拖地，汁野，而我老公負責倒垃圾。有時，重要汁新99個仔d手尾。有一次，我地終於因為小朋友既問題嘈起上黎，我忍唔住講左：你老公出面有女人！成日嫌你煩，跟出跟入，連錢都唔想俾你！其實呢幾年我62出面有冇女人，我唔係好肯定，但我就知道62電話不離身，好多時都同女人whatsapp，因為62有時會問我地對方講咩，內容係英文。睇完覆完人就會delete內容。而我新99就成日check住，有一次意外地俾佢睇到，當然62死口唔認。又有一次62收到whatsapp，新99想攞黎睇，62一手折住，話係d客人，之後9秒9走左，打電話俾二仔叫佢即刻send whatsapp俾佢，話條八婆要check佢。62上到黎問咩事，但基於有小朋友在場，所以我唔想講住，跟住我就同個女去我媽度食飯。
期間，我知道62係咁鬧我老公，話我地煩到佢，用晒粗口，連我老公份人唔講粗口都講埋。我好嬲，但我媽叫我算，我老公又話幫左我鬧返佢地，叫我忍下。我仲想爆埋新99個仔個名係我舊99之前改俾佢個女，但後尾又唔用，而我62諗都唔做諗就用！而且我62曾經送過chanel包俾我舊99，但我舊99唔鍾意，想放左佢，點知個款太舊唔收，我62就叫二仔偷返黎，當新送俾我新99。可惜，我舊99知道，趁佢地上左去大陸黎我地屋企扔左。新99仲成日問個袋係邊。

私人傳訊

jessicalamyk


別墅

積分: 659


5#
發表於 14-8-10 12:03 |只看該作者

回覆：jessicalamyk 的帖子

總結：
其實呢幾5年，我一聲62、99都冇叫過佢地，因為我睇唔起佢地，佢地唔值得我叫。新99明明係一向俾男人包，又係夜總會媽媽生介紹，一份正經工都未返過，但又話自己付出最多。又唔識教仔女，佢個仔間學校都係我搵。屋企既野咩都係我做。62更賤，做過偷車、綁架、非禮，就算坐緊監果陣，都叫人唔使照顧佢老婆（即係我舊99），但就叫人每月俾5萬佢出面收埋既女人。佢地仲連累到我老公而家差財務百萬數！重有好多數至不盡既事，但好難一一盡錄......
私人傳訊

阿流


男爵府

積分: 5965


6#
發表於 14-8-10 12:20 |只看該作者

回覆：我家庭環境有d複雜，希望有人聽下我5年內既故事。

離開62啦
私人傳訊

winnielee415


用戶要求終止服務

積分: 6040


7#
發表於 14-8-10 12:21 |只看該作者

回覆：我家庭環境有d複雜，希望有人聽下我5年內既故事。

你老公都愚孝，明知個呀爸咁樣都仲要同佢還債又借錢，點養家呀？
你們同62、新99一齊住架？
私人傳訊

leechansandy


子爵府

積分: 11511


8#
發表於 14-8-10 12:23 |只看該作者

回覆：我家庭環境有d複雜，希望有人聽下我5年內既故事。

很複雜
私人傳訊

mrschocolate


珍珠宮

積分: 31074


9#
發表於 14-8-10 12:47 |只看該作者

回覆：我家庭環境有d複雜，希望有人聽下我5年內既故事。

睇左一半，已覺得好恐怖。搬走，當62同個可怕女人係陌路人算啦
私人傳訊

cps2014


大宅

積分: 1364


10#
發表於 14-8-10 12:54 |只看該作者

回覆：阿流 的帖子

係囉！ 點解唔搬？離開62 同 新99 就解決晒d 問題啦
私人傳訊

nanaaixi


男爵府

積分: 8220


11#
發表於 14-8-10 13:04 |只看該作者
做乜唔搬吖。咁恐怖。以後你女大咗之後，身教都好重要架。d咁極品既人，同佢地用埋一間廁所都唔知有無毒，覺得好污糟。
做人，5好難为自己
私人傳訊

lailan


複式洋房

積分: 282


12#
發表於 14-8-10 13:07 |只看該作者

回覆：我家庭環境有d複雜，希望有人聽下我5年內既故事。

個62甘衰！點解你老公仲幫佢借財務？佢要做生意咪叫佢老婆自己借囉！樓主，搬出去一家三口生活仲開心啦！
私人傳訊

做個靚太


水晶宮

積分: 50280


13#
發表於 14-8-10 13:08 |只看該作者

回覆：我家庭環境有d複雜，希望有人聽下我5年內既故事。

你老公都傻下傻下啦！以為鬧番你62有用咩？！淨識用個口嘈！
啲錢借完又借，又唔諗下自己有老婆仔女，還到幾時？佢以為自己搵自己還就唔駛你地煩？挨壞身體做錯野咪又係要老婆承擔幫拖！！
尼個家庭真係複雜過啲乜！樓主你真係諗清楚先好再生！
私人傳訊

MillyT


別墅

積分: 519


14#
發表於 14-8-10 13:18 |只看該作者
其實如果係咁，會唔會可以分開住？因為咁樣，對你自己個小朋友成長都唔好。唔係不孝，而係你哋都要為自己個家著想。
私人傳訊

lokyan0901


侯爵府

積分: 23486

BK Milk勳章 hashtag影視迷勳章


15#
發表於 14-8-10 13:43 |只看該作者

回覆：我家庭環境有d複雜，希望有人聽下我5年內既故事。

其你老公問大d，咁都仲要幫
我睇GE美日韓劇PART 2
私人傳訊

alphabetagamma


珊瑚宮

積分: 108855

環保接龍勳章


16#
發表於 14-8-10 14:32 |只看該作者

回覆：我家庭環境有d複雜，希望有人聽下我5年內既故事。

幫佢背咁多債做咩仲同佢住，亂到七彩，直頭可以斷來往啦。
人邁向新的一天跨新步放眼遠方迎來朝暉將人照亮
私人傳訊

小雞脾媽媽


男爵府

積分: 8140


17#
發表於 14-8-10 14:59 |只看該作者

回覆：我家庭環境有d複雜，希望有人聽下我5年內既故事。

咁你老公都好愚孝
私人傳訊

方方媽媽


水晶宮

積分: 74328


18#
發表於 14-8-10 15:46 |只看該作者
你C6連62咁大條數都還得到,即係有賺錢能力,咁就好快D搬走啦.
但叔仔個仔就慘啦,一定比人虐待.
私人傳訊

jessicalamyk


別墅

積分: 659


19#
發表於 14-8-10 15:50 |只看該作者

回覆：alphabetagamma 的帖子

搬屋呢個問題頭三年真係冇諗過，我以為可以忍到，係近呢年幾愈來愈多事先想走。
首先，一齊住既第二年，發生左少插曲。我老公個妹因為同佢阿媽嘈，所以係我地屋企住過一個月。期間，有一日新99飲完酒返黎發酒瘋，話點解個個都要搬過黎住，唔想養住我地（事實上佢唔係打牌就係訓），佢仲瘋到扲起張櫈打欄道門，又話抱個仔走（我心諗係走就快d），但最後佢都係返左房訓，第二日當冇事發生。但之後佢成日好天真同d工人講：我搬走啦，搬去d豪宅住。因為我62都好天真，一時又話識人可以係大陸拎到塊地，賺到中間人錢有幾百萬。一時又話識人賣油。最離譜一次係話幫人洗黑錢可以賺到50萬。令到我新99成日有幻想。
自上次同我新99嘈完，我同我老公話要搬，我地第二日即刻去睇樓租，但62阻止左我地，話佢地一個月後真係搬。我地覺得一動不如一靜，就俾一個月時間佢地，但最後佢地依然係度。因為新99搵親都要大單位，按金+上期，又要買傢俬，加加埋埋要15萬先可以搬，而且根本冇可能。
可能你地覺得有問題，點解唔自己搬，原因好簡單：冇錢！我老公仲差財務百萬，點走？
冇錯！我老公係愚孝，但點解佢會咁？因為62係我老公細細個已經要成日走佬，我老公細細個就冇同過佢老豆一齊住，所以今次就想試下同老豆一齊住係咩感覺，但冇諗過會咁。
私人傳訊

jessicalamyk


別墅

積分: 659


20#
發表於 14-8-10 16:03 |只看該作者

回覆：jessicalamyk 的帖子

其實我地並唔係有錢人，有鋪頭都冇用，因為我地而家仲差2個月鋪租，屋租未交。我地既生活係一日過得一日。鋪頭爆左就乜都冇！
私人傳訊


首頁
12345

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見