自由講場

收藏本版
發帖
返回列表
跳至頁

首頁
1

尾頁
   0
政軒媽媽


大宅

積分: 3094


1#
發表於 08-1-15 15:41 |只看該作者
第一：我老公上年係佢度做全身檢查，等左幾日都未有報告，咁就上去問啦，佢地竟然話因為唔見左我老公篤屎所以做唔到化驗，要再痾過！大佬呀，唔見左好心佢就即刻通知我地丫嘛!!

第二：我個仔琴日訓完晏教起身，我媽話佢好似好攰，跟住嘔左好多野出黎同埋有ｄ燒，咁我媽就帶佢去左上次果間診所阿盧醫生度睇。到我夜晚放工返黎見到淨係得一支退燒藥、一支止嘔藥同２粒塞肛藥咁大把！你知啦細路仔發燒真係可大可小嫁嘛! 咁我就問我媽有無同醫生講我個仔可能有少少感冒攞定ｄ傷風感冒止咳藥，但係我媽就唔記得左因為星期六，日個仔係我湊返；我媽唔知佢作緊病，預防萬一丫嘛！跟住我仆落診所已經關門大吉，咁咪諗住聽朝一早打返去配藥，咁我就將個情況同返姑娘講問佢可唔可以配埋果ｄ藥俾我，咁佢就話喇．．

姑娘：如果而家要配多兩支藥for感冒止咳要俾多$8O
我：吓?!我琴晚先睇完一次咋喎!
姑娘：咁你媽話佢嘔咋喎，無話過佢感冒呀！同埋嘔 & 感冒係兩種唔同病黎嫁喎！
我：吓!?咁就算如果我媽琴晚有講埋呢2個病徵,咁唔通你地就會收2個費用 = $15O x 2? 同埋無理由我媽話佢嘔你地就淨係開d止嘔藥俾我個仔食嫁嘛!你個醫生識診斷嫁嘛, 我個仔又無食錯野, 無啦啦嘔個身體一定有ｄ事嫁啦！一定有個病因我個仔先會嘔嫁嘛！咁我而家打黎無非都係想攞定傷風感冒藥姐，因為我個仔之前都有幾聲咳，星期六，日我自己湊返佢果２日先開始咳，我唔係無錢俾果$8O, 只係點解個醫生check都唔check就咁同我計？其實係咪個個醫生都係咁樣收費嫁呢？

枉我仲諗住以後轉個仔去佢度睇，因為我本身睇開果間響上水，睇怕而家都唔會喇！為人父母緊係緊張ｄ仔女嫁啦！見到個仔咁辛苦做夠媽既點會唔心痛呀！雖然果$8O唔係d咩大數目，但係係佢既醫德有問題，人話嘔佢就開ｄ止嘔藥俾人，咁樣我都識做醫生啦！仲要我叫個姑娘同我拉條線俾醫生我自己同醫生傾，佢話醫生好忙唔得閒聽電話，我唔信佢咁好生意囉！一兩分鐘時間都有卦！到而家都仲未覆我電話，搞錯！仲有呀, 臨收線前, 個姑娘堅持都要收嗰$80喎如果我真係要配藥!!


但我依家咁樣同佢宣傳, 我係咪好衰呀? 會唔會俾佢哋告嫁, 如果會唔該呀大臣delete呢個post, thanks.

[ 本文章最後由 政軒媽媽 於 08-1-15 16:34 編輯 ]
私人傳訊

jutaubing


大宅

積分: 2713


2#
發表於 08-1-15 16:05 |只看該作者
其實呢...
第一點好明顯係佢地疏忽

至於第二點呢.... 因為你媽咪冇講佢有少少咳啊等等徵狀, 你睇完醫生先講呢d野, 佢未必知你個仔係睇醫生之前惹到or 睇完醫生之後先惹到架嘛, 所以佢收番你配藥錢都ok o既, 怪只怪o個時冇講明病情俾佢聽
下次仔仔睇醫生時你不在場, 叫媽咪俾個電話你同醫生講仔仔病徵啦
私人傳訊

juicypig


珍珠宮

積分: 30278

環保接龍勳章 hashtag影視迷勳章


3#
發表於 08-1-15 16:15 |只看該作者
SORRY呀, 我睇到忍唔住笑咗出嚟:

”我老公上年係佢度做全身檢查，等左幾日都未有報告，咁就上去問啦，佢地竟然話因為唔見左我老公篤屎所以做唔到化驗，要再痾過！大佬呀，唔見左好心佢就即刻通知我地丫嘛!!”
一個人之所以快樂,不是因為她擁有得多, 而是因為她計較得少
私人傳訊

小蜜蜂818


大宅

積分: 1220


4#
發表於 08-1-15 16:36 |只看該作者
我仔現在是睇粉嶺名都"方國華"尚算ok, 以前是睇上水"林大均"也算是ok, 不過他較喜歡用擴生素, 所以, 如果"方國華"休息我才會睇"林大均"

私人傳訊

政軒媽媽


大宅

積分: 3094


5#
發表於 08-1-15 16:48 |只看該作者
原文章由 小蜜蜂818 於 08-1-15 16:36 發表
我仔現在是睇粉嶺名都"方國華"尚算ok, 以前是睇上水"林大均"也算是ok, 不過他較喜歡用擴生素, 所以, 如果"方國華"休息我才會睇"林大均"


小蜜蜂818,

Thanks very much for your suggestion. Do you try Dr Lo in the past? I tried Dr Lam but doesn't work on my son, Dr Wong Ka Leun is good but where is far away for me.
私人傳訊

happyvv


男爵府

積分: 9254


6#
發表於 08-1-15 16:50 |只看該作者
我個仔o係呢度打針!但有咩頭暈身慶就唔敢睇佢啦,因為佢quali麻麻!

仲有就係佢d姑娘好無禮貌,其實可能你呢個情況係佢地自把自為,無問過醫生.因為我曾經見過佢地對醫生d態度都好差,即係老細都食唔住d伙記
私人傳訊

renren


子爵府

積分: 12024

好媽媽勳章


7#
發表於 08-1-15 16:56 |只看該作者
唔好意思但真係好好笑.....唔見左篤屎 你問番佢邊個見到咁好味忍唔住食左?
春有百花秋有月 夏有涼風冬有雪 若無閒事掛心頭 便是人間好時節
私人傳訊

政軒媽媽


大宅

積分: 3094


8#
發表於 08-1-15 16:58 |只看該作者
原文章由 happyvv 於 08-1-15 16:50 發表
我個仔o係呢度打針!但有咩頭暈身慶就唔敢睇佢啦,因為佢quali麻麻!

仲有就係佢d姑娘好無禮貌,其實可能你呢個情況係佢地自把自為,無問過醫生.因為我曾經見過佢地對醫生d態度都好差,即係老細都食唔住d伙記 ...


話時話我都覺, 佢哋真係死都唔肯pass條line俾我同醫生傾!
私人傳訊

小蜜蜂818


大宅

積分: 1220


9#
發表於 08-1-15 17:05 |只看該作者
原文章由 政軒媽媽 於 08-1-15 16:48 發表


小蜜蜂818,

Thanks very much for your suggestion. Do you try Dr Lo in the past? I tried Dr Lam but doesn't work on my son, Dr Wong Ka Leun is good but where is far away for me.


政軒媽媽,

DR. LO 我未去過, DR. WONG 有試過一次, 這次他莫名其妙地寫信給我入醫院 我仔只有少許發燒.
私人傳訊

曱甴人


大宅

積分: 1044


10#
發表於 08-1-15 17:39 |只看該作者
原文章由 政軒媽媽 於 08-1-15 15:41 發表
第一：我老公上年係佢度做全身檢查，等左幾日都未有報告，咁就上去問啦，佢地竟然話因為唔見左我老公篤屎所以做唔到化驗，要再痾過！大佬呀，唔見左好心佢就即刻通知我地丫嘛!!

第二：我個仔琴日訓完晏教起身，我媽話佢好似好攰，跟住嘔 ...


不過呢, 我覺得第二果度冇乜問題喎, 其實我反而唔認為妳自己應該問醫生拎感冒藥呀傷風藥呀咁, 佢先係醫生, 俾乜野藥應該由佢決定, 又未知係咪真係感冒/傷風, 話唔定係腸胃炎, 令佢抵抗力弱左呢? 佢嘔就真係應該止嘔先, 如果有其他癥狀先至再配過藥, 或者我唔諗錢既問題, 係睇個細路仔邊個stage有咩病就食咩藥, 唔係自己預先拎定其他藥. 如果星期日仲惡化左, 我寧願再同細路去睇其他醫生/醫院門診部睇.

再配多d藥, 就應該收錢架,因為佢當初都藥費冇預妳傷風感冒嘛! $80都唔算貴啦!

[ 本文章最後由 曱甴人 於 08-1-15 17:41 編輯 ]
私人傳訊

mayjoey


洋房

積分: 72


11#
發表於 08-1-15 17:45 |只看該作者

忍不住要投訴粉嶺帝庭軒盧x章醫生

Hi,

我之前都有睇佢, 貪佢近同時間開得長, 依個醫生同d姑娘都係廢物離. (果日係星期日下午)我個仔(三歲)發緊燒成103度幾,仲嘔左幾次tim. 我同個姑娘講:[仔發高燒可唔可以優先睇先], 點知個姑娘話:[個個都睇先咪唔駛排隊掛號啦!] 都算,睇到阿仔咁辛苦唔想抱佢上水咁遠. 入到去我同醫生講:[阿仔發高燒仲嘔左幾次],佢只係摸吓我個仔聽都無聽就叫我地返出去等攞藥, 最後都係比左同你一樣得一支退燒藥同止嘔藥囉. 當晚我個仔依然發燒最後去左睇急証.
我以後都唔會再去睇佢
私人傳訊

曱甴人


大宅

積分: 1044


12#
發表於 08-1-15 17:49 |只看該作者
原文章由 mayjoey 於 08-1-15 17:45 發表
Hi,

我之前都有睇佢, 貪佢近同時間開得長, 依個醫生同d姑娘都係廢物離. (果日係星期日下午)我個仔(三歲)發緊燒成103度幾,仲嘔左幾次tim. 我同個姑娘講:[仔發高燒可唔可以優先睇先], 點知個姑娘話:[個個都睇先咪唔 ...


燒到103都冇得睇先又真係離譜. 至少都要塞肛卦.
私人傳訊

2heiBBmama


公爵府

積分: 27067

好媽媽勳章 親子達人勳章 BK Milk勳章


13#
發表於 08-1-15 22:00 |只看該作者
篤屎都可以唔見?! 唔係掛! 間診所都好有問題喎, 通知都無聲:tongue: :tongue:
神未曾應許天色常藍;但衪曾應許生活有力!
私人傳訊

均均媽


大宅

積分: 2249

好媽媽勳章


14#
發表於 08-1-16 01:04 |只看該作者
一.佢地唔見左你老公篤"唔唔",應該係當垃圾掉左?-(
二.我做左幾年診所,我認為盧醫生既姑娘們太自把自為,佢冇問過醫生就答病人家長既問題係好冒險,有咩答錯左醫生係要承擔風險 因為病人家長係假設醫生下放左權力俾姑娘答問題,所以都會信晒姑娘;我做左咁耐,一入行醫生就教唔好亂答病人問題,一定要問醫生先,即使轉頭覆病人或者要病人等都冇問題,病人會體諒,最緊要係答得正確 尤其係老人同小童,食錯藥真係可大可小~
講起食錯藥我都有個工作上既經歷 話說我做到senior既時候係長註藥房執藥,執完醫生check左,就由另一個姑娘發藥
我記得個次係一個由細睇到大既妹妹發燒,由爸爸帶來睇醫生,我好記得佢係要食一隻antibiotic叫Zithromax,正常係一天食一次..我按醫生藥方指示晌盒上寫下服藥標籤,點知當晚晚上個爸爸打電話黎話亞女仲燒得好犀利,仲話就黎食晒支抗生素..咁醫生就叫佢帶埋個女同藥落黎,點知發現原來發藥個姑娘同左人地講一天食3次,6小時一次...即係話個妹妹已經食左兩次,佢一日內食左兩天份量,爸爸話支抗生素就黎食晒我都覺得奇,雖然一支藥粉只係開好少ml水,但一定夠亞妹食3日,原來個老豆淨係記住姑娘教佢點食,冇睇過標籤 而我記得我一定冇寫錯標籤,最後教錯病人個個姑娘當然俾醫生剷到上天花板啦... 好在人地係熟客,而且醫生再同妹妹檢查過食重左份量冇影響,補返一點藥,人地就冇追究
至於樓主話姑娘話開多兩支藥要收80蚊..其實咪就係佢冇問醫生,唔曉轉彎既惡果囉 我做野個度如果按配藥咁計都係40蚊一支,但問題係病人岩岩先睇完就唔係咁計喎,我地既病人多數食左一兩日藥唔掂醫生都會換藥,除非係要加一些貴藥,如果唔係都唔洗收錢...如果下下都錢錢錢就好冇醫德:tongue: 同埋唔會留到客
私人傳訊

朗仔


侯爵府

積分: 21529


15#
發表於 08-1-16 01:40 |只看該作者
原文章由 renren 於 08-1-15 16:56 發表
唔好意思但真係好好笑.....唔見左篤屎 你問番佢邊個見到咁好味忍唔住食左?




:lol :lol :lol
私人傳訊

jordas320


男爵府

積分: 5417

畀面勳章


16#
發表於 08-1-16 02:37 |只看該作者
我在港島區診所做助護, 希望政軒媽媽唔好介意...我以下講嘅野, 你未必會啱聽, 但絕對係事實..
i) 103F都冇得睇先?
星期日下午, 通常都好多人, 可能真係未必安排到俾你睇先, 但我地做法係會喺可以嘅情況下, 盡量排佢早d, 不過一般都要等成粒鐘..
ii) 配葯要加錢??
絕對正常, 一般做法係診金連葯費所指的"葯費"係dr經診斷後認為病人有需要而開嘅葯, 並不包括病人想攞,而dr認為冇需要的葯. 因為而家d人好怕蝕底, 睇一次dr總係想要哂d唔同病徵嘅葯黎看門口. 但係又唔知咳水有好多種, 收鼻水葯亦有好幾種,dr未幫你檢查過你嘅情況,點知邊隻啱使.自己亂咁配葯食葯, 食完唔好又返黎嘈....所以我地唔建議就咁配葯.
iii) 姑娘死都唔肯俾dr聽電話
我地dr都唔會同病人直接對話, 所有問題都會由我地問完dr意見再轉告病人, 因為如果個個病人打黎都可以同dr傾計, dr仲使睇症嘅??

間間診所都有唔同做法, 但一句說話用唔同語氣/聲調說出,意思可能會有所差別,此乃關係到個人修為問題...算吧la...

希望你仔仔早日康復~
私人傳訊

政軒媽媽


大宅

積分: 3094


17#
發表於 08-1-16 12:36 |只看該作者
Exactly!!!
我就係見佢同我仔打咗2枝流感針打得幾好. 咪繼續睇佢law. 其實個醫生態度都ok, 只係無mug人情味姐, 係都要堅持收多hk$80, 我已經o個晚睇完, 第朝即call佢哋喇.

[quote]原文章由 均均媽 於 08-1-16 01:04 發表
至於樓主話姑娘話開多兩支藥要收80蚊..其實咪就係佢冇問醫生,唔曉轉彎既惡果囉 我做野個度如果按配藥咁計都係40蚊一支,但問題係病人岩岩先睇完就唔係咁計喎,我地既病人多數食左一兩日藥唔掂醫生都會換藥,除非係要加一些貴藥,如果唔係都唔洗收錢...如果下下都錢錢錢就好冇醫德:tongue: 同埋唔會留到客
私人傳訊

masrear


民房

積分: 17


18#
發表於 08-1-17 15:05 |只看該作者
我想你唔使驚佢告你，只要你所講的全屬事實，應構成誹謗的。另外，我覺得医生應回覆病人的詢問，即使能立即回覆，稍後也要回。若是診所護士阻撓，医生知道嘅話，應即刻警戒佢地，嚴重要炒魷。Ｄ護士真你咁做，都係倒米壽星，幫老世趕客，但亦唔排徐係医生叫佢地咁做。
至於你要求附加醫傷風感冒药，我想應先讓医生檢驗兒子，才是較正確的做法。
以後，你可選其他"好"医生的。
大多數私家医生都是向"前"看的，甚麼是医德，也不知去那?





原文章由 政軒媽媽 於 08-1-15 15:41 發表
第一：我老公上年係佢度做全身檢查，等左幾日都未有報告，咁就上去問啦，佢地竟然話因為唔見左我老公篤屎所以做唔到化驗，要再痾過！大佬呀，唔見左好心佢就即刻通知我地丫嘛!!

第二：我個仔琴日訓完晏教起身，我媽話佢好似好攰，跟住嘔 ...
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見