婆媳關係今日: 3|主題: 27758

收藏本版

發帖

返回列表

跳至頁

查看: 416 | 回覆: 2

你地99講「反話」嗎? [複製鏈接]

Borhai

別墅

積分: 890

1^#

發表於 14-9-8 11:03 |只看該作者 |倒序瀏覽 |打印

你地99, 會好似「老一輩」咁狂話會孫醜樣, 呢樣唔叻, 嗰樣唔掂呢?
我個B得8個月, 次次見親第一句就同我個女講「醜樣妹, 你睇你幾醜樣」雖然係笑住講, 但我真係越聽越火.
最近我朋友帶佢同齡嘅女上我屋企玩, 99咁啱喺我屋, 又不停同我朋友講,話我個女: 佢無用架, 成日唔肯食嘢好”咋”, 佢唔肯飲水好”咋”, 佢唔識爬好”咋” , 唔識企好”咋”(我朋友個女識爬識企)… … 不停喺度話我個囡唔掂, 唔夠我朋友個女叻.

我覺得我真係受夠, 其實我見佢真係唔多, 一星期可能得2個鐘, 但我覺得呢啲批評好無謂, 佢話自己係老一輩 (因為我老公同佢講過話我唔鍾意佢話我個女醜樣, 佢話自己係老人家, 係咁講嘢, 事後佢都講少咗, 仲有時讚佢靚, 但好多時都忍唔到口話佢醜). 我唔係要聽佢讚靚, 係覺得唔應該話佢醜.
不過, 佢老乜嘢人家呢? 佢只得59歲. 我自己屋企人完全唔會咁講嘢, 我一啲都唔慣, 亦唔想聽慣.

啱啱做節, 我地食飯時, 我俾個牙膠個囡咬, 佢又話: 佢唔鍾意咬呢個架!! 真係痴痴地架, 佢有幾何見我個女咬牙膠, 我個囡咬邊舊咬我唔知, 無啦啦答咀話佢唔鍾意咬, 廢話到唔廢.

依家阿囡學講嘢, 有時勁大聲咿咿呀呀, 我就同阿囡講, 要斯文啲, 細細聲 (我喺屋企都係咁同佢講). 99即刻答咀, 大大聲話 (佢講嘢一向大聲): 喺屋企, 個個都係自己人, 洗乜講嘢細聲呀? 我完全冇理佢, 一眼都無望過, 同個囡講, 我地女仔黎架, 講嘢要斯文啲. (我喺屋企都係咁講, 唔係特登講俾99聽)
阿囡依家唔識嘢啫, 到第時大個, 我教女, 佢喺隔離講相反嘅嘢咁點算? 傻的嗎?

我依家當99半透明, 但我唔一日當佢完全透明, 始於都係個個星期見, 我應唔應該同佢表達我唔高興嘅地方呢? 叫佢講少啲廢話 (間接講)

當然, 佢仲有其他行為我都不滿, 但我覺得佢出少句無謂聲, 俾我耳根清靜, 其他行為嘅嘢我都可以接受到.