時政擂台今日: 5|主題: 60274

收藏本版

發帖

返回列表

跳至頁

查看: 129 | 回覆: 2

旺角．十月三．圍城．愛字頭．黑警 [複製鏈接]

bcw1

民房

積分: 2

1^#

發表於 14-10-4 11:50 |只看該作者 |倒序瀏覽 |打印

2014年10月4日最新文章綜覽,社會運動 Kevin Lee

芸芸佔領區中，旺角喺我覺得最可愛嘅地方。

唔同金鐘學生激情中帶幾分稚氣，呢度有中年阿叔、家庭主婦、MK少年：一浸濃厚草根氣息。喺旺角，冇主流年齡層，亦冇階級之分。茁壯嘅民主思想，可以滲入每個階層。

停泊喺路中心嘅巴士，失去載客功能。市民用便條紙貼滿，承載住各人嘅祝福、打氣同希望，賦予一層深意。

亞皆老街嘅汽車，戴上FUCK689車牌，守護過夜市民。而市民就獻上嘅黃色玫瑰，靜靜噉別在水撥上。

每條橫街，都有市民自發圍成圈，月旦時事。喺呢度，冇大台，冇領頭羊，每個市民享受平等嘅公民身份，賦予車水馬龍嘅彌敦道另一種意義。

路邊服務自由行嘅金舖錶行關門大吉，橫街小店生意依然不絕，並且無私支援留守市民，塵封嘅舊香港人情味，彷彿煞那間重現。

遺憾嘅係，重現，不過煞拿間。

旺角圍城

工作日下晝嘅旺角，本來留守嘅人就唔多。三點幾，愛字頭開始糾黨衝擊佔領區，一路摧枯拉朽，眾多義工帳蓬慘遭破壞。集會志士退守亞皆老街大帳蓬，四面楚歌。

愛字頭群魔亂舞，不停出言挑釁，投擲水樽雜物。群眾築起薄薄嘅兩層人鏈，誓死守住最後嘅城池，等待他人放工增援。現場劍拔弩張，氣氛極爲緊張。與此同時，警察居然安排一旁嘅巴士駛開，志士側翼頓時無險可守，暴露喺土共爪牙面前。呢幾架巴士，幾日以來一直靜靜咁沉睡喺和平嘅彌敦道，巴士公司並冇嘗試駛回，亦冇受到途人毀壞，事出令人錯愕，無法唔猜度係政府有預謀所為。而遠處嗰架便條紙巴士，亦只能目送緩緩遠去。嗰種失落同無力，非筆墨可以描述。

十字路口間，只有區區一百人。無可否認，警察喺外圍築起人鏈，阻止愛字頭衝擊。面對頻頻推撞，警員嘅紅黃警告標語，忽然變成莫邪重劍，唔輕易出鞘。胡椒噴霧？用嘅係納稅人嘅錢，當然係留畀納稅良民享用。面對跋扈新移民極力爭取，警察依然貫徹中港區隔，胡椒福利非愛字頭可有。

「頂住！啲人放工就會嚟！」

六點幾，電話傳嚟一個絕望消息：戴耀庭呼吁市民撤出旺角，留守金鐘。

在場志士無不憤慨莫名，我哋畀人拋棄喺呢個被遺忘嘅十字路口。朋友whatsapp紛紛表示前往金鐘，我哋一邊精神繃緊噉抵禦愛字頭，一邊乞求友人支援。我哋冇時間商討，冇投票，但知道要咬緊牙關撐落去。因爲，我哋信，我哋信香港人會帶我哋出重圍。乜嘢佔中三子，從來都冇期望。

雨，打濕每個人，但前綫朋友拒絕擔遮，任由身體被打濕，只因唔想衝突時，遮骨刺傷一旁隊友及警員。

慢慢噉，街尾微弱嘅打氣聲逐漸壯大，一度坐喺高凳上面，囂張藐咀嘅高達彬，亦唔見咗蹤影。我哋在場人士，大概鬆一口氣。但警方面對我哋和平集會，依然不停呼吁我哋離去。

選擇性執法，令人作嘔嘅公關

我身旁嘅港加混血兒，開始同我攀談起來。佢進入馬路中心前，喺路上被愛字頭襲擊，遭到拳打腳踢。警察將佢塌落地鐵站入口，不停叫佢「Relax！Relax！」並檢查身份證。擾攘過後，放佢返地面。而襲擊佢嘅暴徒，似乎未有受到警方「禮待」，繼續衝撞及拋擲水樽。

有市民遭到暴徒圍毆，有學生妹慘遭非禮，有路人遭噴胡椒噴霧。警方理應嚴正執法，諷刺嘅係，暴徒獲得警員護送離開，受害者則遭到逮捕帶署。現場民憤難平，「拉人！」口號此起彼落，甚至有市民睇唔過眼，主動代警執法。

後來，警方似乎意識到潛在公關危機，就捉起一個暴徒祭旗，有如馬戲團表演一樣繞場一周換取掌聲同傳媒拍攝，再挾往同警車相反方向嘅街尾釋放。廿分鐘後，又從某處起出黑膠袋，帶到聚光燈面前，展示「執法成果」——疑似武器，一塊塊磚頭。其公關技巧，足以呃港豬婦孺有餘，而明眼人不足。

警黑合作，無往而不利

之前仲對警隊有幻想嘅大眾，大概此刻可以心死。警隊沉淪，已經唔只係政治工具咁簡單，警黑合作已經浮於水面。回歸六十年代無法無天，大概已經唔難遇見。

如果你係有良知嘅警員，請立馬辭咗呢份工！

http://www.vjmedia.com.hk/articles/2014/10/04/87172