母乳餵哺

收藏本版
回覆 發帖
返回列表
跳至頁

首頁
1

尾頁
   0
Toffeenut


大宅

積分: 1304


1#
發表於 08-2-23 00:11 |只看該作者
生左bb都1星期, 大約day3上奶, day5開始有少許漏奶, 進度都幾滿意, 但bb day4因黃胆高被母嬰健康院refer回醫院照燈, 幾個姑娘都不停叫我要補奶粉, 因為全人奶的bb因為食唔夠, bb特別易黃. 雖然bb黃胆度數不是超出好多, 只是剛好過了度數要照燈, 但而家真係唔知點好....

而且bb好似唔多夠食, eg, 今次食左邊乳房30mins, 開頭15mins都努力吸啜, 之後就要我不停整佢提佢食奶, 食完一陣, 有時半個鐘有時1個鐘, 又咀啜啜想食, 我又好似無奶俾佢喎... 應該俾右邊佢食嗎?

希望大家俾d suggestion教教我!
私人傳訊回覆 引用

jensan


禁止訪問

積分: 14653

環保接龍勳章 大廚勳章


2#
發表於 08-2-23 01:16 |只看該作者
提示: 作者被禁止或刪除 內容自動屏蔽
私人傳訊回覆 引用

全人奶B


大宅

積分: 1274


3#
發表於 08-2-23 12:09 |只看該作者
原文章由 Toffeenut 於 08-2-23 00:11 發表
生左bb都1星期, 大約day3上奶, day5開始有少許漏奶, 進度都幾滿意, 但bb day4因黃胆高被母嬰健康院refer回醫院照燈, 幾個姑娘都不停叫我要補奶粉, 因為全人奶的bb因為食唔夠, bb特別易黃. 雖然bb黃胆度數不是超出好 ...



我果時呀b都有黃架..18-9度但唔駛照燈..而姑娘都話餵人奶可能會難退d(我個b成個月先退晒)..當時我休息唔夠奶又唔夠.所以晚上補3餐奶粉等自己可以休息下..4-5日後改為補2餐跟住隔幾日就1餐...(3星期)後變全人奶
如果真係唔夠奶比bb食補1餐半餐奶粉冇乜問題既..
聽你咁講頭15分鐘bb是應真啜奶..但啜下又訓下就可能當左你係人肉奶咀~初生bb係好容易訓著同埋好需要安全感所以時常放他自己睡好快要喊住要啜..餵奶時同佢著少d衫或者郁下佢手手腳腳整醒佢....加油呀!要堅持^^祝你同bb健康快樂
私人傳訊回覆 引用

astermama


複式洋房

積分: 467


4#
發表於 08-2-23 13:50 |只看該作者
Toffeenut媽媽你好，係呀，食人奶嘅bb好易黃，我仔仔day3就要照燈，出院之後去健康院檢查，醫生又再轉介他回醫院照，仔仔當時有250度左右，我唔開心到喊，因為怪自己唔夠奶，之後出出入入醫院好多次，當時好難過，但而家諗番，其實同仔仔有好特別嘅經歷，同埋好珍惜餵奶的片段。仔仔最後要一個月d黃先退晒，只要呢段期間佢食得飽，重得好，又夠濕片就ok，唔駛擔心！
我初時曾經有補奶粉，因為佢係special care唔可以成日入去，後來醫生鼓勵我努力餵，盡量唔好補，因為會影響我出奶。佢都好似你bb，食吓瞓食，最高峰期每一個鐘食一次，都好辛苦，但係佢係幫我出多d奶。就算覺得無奶都要俾佢啜多d，個腦收到訊息就會做奶，都係信心考驗。
希望可以鼓勵到你，如果你仲有問題，可以回覆，我哋再一齊傾下。

  
私人傳訊回覆 引用

joannechow1031


大宅

積分: 1953


5#
發表於 08-2-23 15:57 |只看該作者
我都好明日你的擔心, 其實中國人bb都好容易有黃胆, 係好正常的反應, 10個有9個都有呢個問題, 並不是因為你餵人奶的問題, 我亞b都有黃疸, 但不用照燈, 但要keep住每星期去健康院check, 當時, 我奶奶就係咁叫我餵奶粉, 比水佢飲(我奶奶一直都唔支持我餵人奶), 但健康院d醫生話不段餵佢, bb食多d, 我d便便,vv, 慢慢就退, 同埋佢時時也想食,也是正常, 如果可以, 你咪比佢食囉, 幫你快d上奶, 多d奶, 食唔夠咪比埋另一邊佢食囉, bb都係一星期, d奶大部份係初乳, 會食得好密, 頭一個月係咁啦, 所以唔好放棄, 最後, 我亞b頭一個月就肥咗3磅, 仲退曬d黃胆, 所以不用擔心!!支持您.
私人傳訊回覆 引用

Toffeenut


大宅

積分: 1304


6#
發表於 08-2-23 20:30 |只看該作者
多謝你地既鼓勵! :)
請問你地如果補奶粉, 係用番奶樽定奶杯補呢? 唉... 我呢兩日乜都試過晒, 奶樽用chuchu母乳奶咀, 健康完母乳姑娘話bb有少少nipple confusion, 因為佢啜啜下會啜淺左, 又要再拉出乳頭來過, 而且bb一樣食一陣就訓, 掃風時醒一醒, 一訓番斜少少就又訓過! 用餵杯補奶, 不論補人奶定奶粉, 都係一半俾左條紗巾... bb成日用口"養"住啖奶唔吞, 一陣就由咀邊流番出黎, 但每次用餵杯bb都好似好想好想我快d倒奶入佢口咁, 好心急但又食到成頸都係...

聽完你地講, 我同老公個心都無咁up, 不過我bb始終係食得少, 體重唔理想, 健康院醫生話又唔算好低, 當然我想bb食多d啦.

我仲想問, 其實有多餘奶用pump pump出來, 是否會越pump越少呢? 還是只要我一路keep住經常俾bb埋身啜就用埋pump都ok?
私人傳訊回覆 引用

yanlongma


男爵府

積分: 5016


7#
發表於 08-2-23 22:15 |只看該作者
樓主，
餵人奶的bb係會黃得比較耐(好多時會超過一個月)，但呢d黃係無傷害性的，所以唔需要擔心。
只要密密餵就可以了，黃的bb會比較眼瞓，所以好多時餵5分鐘就瞓左。你可以同佢掃下風，換下片，比少一件衫佢着。總之盡量要佢食多d。
我唔讚成你補奶粉，你bb仲係細，最初呢個月，係要俾bb啜得d，你先會生產多d奶。如果補奶粉，bb啜少左，你的供應便會追唔上bb的需求了。
另外，如果用奶樽餵，就會容易有nipple confusion。有d bb用左奶樽，更會唔要媽媽添！
所以只要bb一喊就餵，一喊就餵，咁你的奶量就可以好快咁增加了。
有時候，你以為無奶，或泵唔出奶，但bb都可以啜到的。記住，個泵永遠都唔及你bb叻。
呢個時候，餵奶會好密，媽媽會好累，所以我都唔讚成你另外再花時間泵奶。
與其花時間泵奶，洗工具，消毒工具，倒不如抱bb埋身餵啦，係咪？
相信母乳，相信自己，相信bb！
私人傳訊回覆 引用

全人奶B


大宅

積分: 1274


8#
發表於 08-2-23 23:05 |只看該作者
原文章由 Toffeenut 於 08-2-23 20:30 發表
多謝你地既鼓勵! :)
請問你地如果補奶粉, 係用番奶樽定奶杯補呢? 唉... 我呢兩日乜都試過晒, 奶樽用chuchu母乳奶咀, 健康完母乳姑娘話bb有少少nipple confusion, 因為佢啜啜下會啜淺左, 又要再拉出乳頭來過, 而且bb ...



我bb果時係用奶樽架...可能就係因為咁所以我乳頭都損晒啦!當初咩都唔識壓力又大兩邊損晒太辛苦..所以比奶粉呀b食
其它媽咪都講得好o岩~如果乳頭唔損可以比呀b啜多d真係快d上奶架.同埋食多d野好有效架!
果時我b出世3.33...滿月都係3.9姑娘都話有重就得啦.佢支持我續繼餵...到呀b兩個月5.17.佢都話冇問題.最更要食得訓得就ok 架啦 唔好比咁大壓力自己.情緒都影響奶量架~祝你成功
私人傳訊回覆 引用

Toffeenut


大宅

積分: 1304


9#
發表於 08-2-28 19:31 |只看該作者
yanlongma,

你講得好岩!!!! 雖然我呢兩日又忙又累, 無上網睇你留言, 但, 我呢幾日終於成功餵全人奶啦! 正如你所講, 可能之前對自己欠缺信心, 成日怕BB食唔夠, 好在老公好堅定, 我心軟想補奶粉時老公在旁支持同幫手, 我終於都無俾到奶樽bb呀, 今日bb12日大, 去健康院磅重bb由出世3.1kg, 收水後2.85, 今日3.25kg, 醫生都話好理想, 我都好安慰呀, 我會努力繼續餵全人奶, 希望所母乳媽咪同bb都身體健康, 祝福咁多位!!!
私人傳訊回覆 引用

maggie3w


別墅

積分: 634


10#
發表於 08-2-28 21:19 |只看該作者
我亞b都係有黃疸問題, 所以佢一咸我就餵人奶, 點知每次的結果都係嘔番晒出黎, 唔知係唔係食得太飽. 所以我每次都餵得好有壓力, 次次都唔敢比佢食太多, 有時佢食得太急我都驚, 總知心理壓力好大
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見