大仔大女媽媽會 今日: 0 | 主題: 177860

積分: 30556

畀面勳章 hashtag影視迷勳章

1^#

發表於 08-7-30 13:40 |只看該作者 |倒序瀏覽 |打印

至少我係，仲變本加厲，因為佢開始認人。

我唔介意個仔跟我，實情我都唔知幾開心我個仔黏我。我唔介意唔可以夜晚去街街，或者同老公少左二人世界等。

但有時我覺得我個仔好似黏得有點過份......

最簡單的就是夜晚沖涼，通常我回家後我會沖先，然後幫個仔沖涼。問題在於，由我入去沖涼一刻開始，直至我出來我個仔望到我那一刻為止，傲宏仔就喊到拆天，好似驚我唔要佢咁，無論我老公點氹，又抱佢做咩都好，佢都唔會止哭。我已經盡快沖涼，但點都要10分鐘左右，佢就喊足10分鐘，仲要聲嘶力竭那種。

我試過沖涼前先安撫佢，等佢心情靚靚我先去沖涼，呢招通常只可延誤佢遲1-2分鐘哭；我試過同個仔講道理，話媽媽好快出來抱佢，無用；我試過唔理佢快手快腳走去沖涼，佢眼角一見唔到我就喊......

其實佢好多時都係咁，見唔到我就喊。不過平日如果係因此阻住我做家務等，我老公可以代勞，但我沖涼我老公唔可以代沖...... 我晚晚聽住佢不停咁喊，我個心好痛呀！

有無媽媽有類似經驗，可以點做呀？我只係唔想我每次去沖涼，我個仔就哭得咁淒厲呀！

0 0 0

私人傳訊

ivymeoow

積分: 5160

2^#

發表於 08-7-30 14:43 |只看該作者

我比阿b佢坐搖床仔,
開住門沖涼囉......
咁當然, 得我地兩公婆先會咁......

同埋好彩阿女有時會鐘意佢老豆同佢玩先得....

私人傳訊

angiefmy

別墅

積分: 694

3^#

發表於 08-7-30 15:48 |只看該作者

Freesia_cat

你不如等個仔瞓咗先沖涼, 佢愈大就只會愈跟你, 無可能唔黏你.
佢晚晚都喊, 你鄰居以為你虐兒.

私人傳訊

tomato100hk

積分: 9603

4^#

發表於 08-7-30 16:05 |只看該作者

我個女都好痴我, 所以我一定會話比佢聽我將會做D咩, e.g.媽咪而家去沖涼, 你乖呀, 同爸爸玩一陣, 媽咪好快出黎!! 敢佢又真係唔喊, 好似曉聽敢!! 之前試過唔講比佢聽佢隔一陣見唔到我就嚎哭,之後我行去邊我老公就抱住佢望住我見到我先得!!唉….

私人傳訊

積分: 30556

畀面勳章 hashtag影視迷勳章

5^#

發表於 08-7-30 16:09 |只看該作者

等個仔瞓左，都已經過12(mid)啦！

宜家有時我唯有放工唔過我媽度，直接返屋企，在個仔同老公返來前就沖涼先...... 但如果要OT遲返屋企，就只有聽住個仔喊去沖涼！

我都好怕鄰居以為我地虐兒呀！

講真我沖涼無鎖門，如果個仔真係要望下我都可以，不過老公就唔想咁縱個仔，佢想點就點囉......

私人傳訊

積分: 30556

畀面勳章 hashtag影視迷勳章

6^#

發表於 08-7-30 16:11 |只看該作者

tomato100hk：

你呢招我試過，佢好似明白咁，轉個頭又喊啦！

私人傳訊

tomato100hk

積分: 9603

7^#

發表於 08-7-30 16:42 |只看該作者

原文章由 Freesia_cat 於 08-7-30 16:11 發表
tomato100hk：

你呢招我試過，佢好似明白咁，轉個頭又喊啦！

如果佢再喊我沖完涼會同佢講:頭先媽咪咪話左去沖涼囉, 你都沖完啦, 你唔比媽咪沖咩?敢"烏租"點抱你呀?

私人傳訊

Agnes34

複式洋房

積分: 475

8^#

發表於 08-7-30 17:34 |只看該作者

我贊成直接同bb講, "la....媽咪依家去沖涼, 之後再同你玩吓...."
久而久之你BB會明白, 唔喊等你出唻ga啦!

Be Patient ar傲宏媽媽!

私人傳訊

積分: 30556

畀面勳章 hashtag影視迷勳章

9^#

發表於 08-7-30 18:04 |只看該作者

其實你地有所不知啦！我沖涼前係點都會同佢解釋，話媽媽只係去沖涼，好快就出來啦！沖完涼就會即時同佢講，媽媽沖完涼出來啦...... 不過都係無用，佢都係照喊！

私人傳訊

Allyly

積分: 8127

2011至尊種植勳章畀面勳章親子王國15週年勳章

10^#

發表於 08-7-30 18:36 |只看該作者

原文章由 Freesia_cat 於 08-7-30 18:04 發表
其實你地有所不知啦！我沖涼前係點都會同佢解釋，話媽媽只係去沖涼，好快就出來啦！沖完涼就會即時同佢講，媽媽沖完涼出來啦...... 不過都係無用，佢都係照喊！ ...

咁平時你返o左工時佢有冇扭計呀?

私人傳訊

tsl0511

別墅

積分: 835

11^#

發表於 08-7-30 20:42 |只看該作者

我個仔有人抱佢就咩都得, 真係有得玩就唔識亞媽, 不過抱抱下唔見佐我就會喊, 之後我就要抱番, 一抱佢就收聲. 試過放佐bb係媽咪度, 我去完街一入屋, 明明見佢比我媽咪抱得好好地, 一見我就喊, 仲好可憐咁...我就要抱番佢, 佢先收聲....唉........

可能你要搵d佢鐘意的玩具轉移佢的視線.

私人傳訊

bobo-ma

別墅

積分: 836

12^#

發表於 08-7-30 23:13 |只看該作者

freesia_cat .. 我諗 .. 你要同你個仔 ..
玩多 d 躲貓貓 ( 即係伏呢呢 ) ..
你叫老公抱住個仔 .. 之後你就呢埋 ..
之後就出現返 .. 開始時就短 d 時間 ..
慢慢加長 d 時間 .. 等佢知道你一定會出現返 ..
咁你就可以去沖涼啦 ..

我個囡都好黏我 .. 都唔係太跟老公 ..
我依家個工人未到 .. 有時要做家務 ..
bb 由老公抱住 .. 太耐都唔係好掂架 ..
不過起碼都抱到 20mins 以上 ..
而且我係做家務 .. 其實都係屋企行來行去 ..
bb 都會望到我 .. 就唔會覺得我走開咗 ..

希望咁幫到你啦 ..

私人傳訊

gozzila

積分: 1317

13^#

發表於 08-7-31 06:23 |只看該作者

原文章由 Freesia_cat 於 08-7-30 18:04 發表
其實你地有所不知啦！我沖涼前係點都會同佢解釋，話媽媽只係去沖涼，好快就出來啦！沖完涼就會即時同佢講，媽媽沖完涼出來啦...... 不過都係無用，佢都係照喊！ ...

無用架, 哈哈哈~~我兩隻小魔怪, 只要一比佢地聽到我把聲開始就扭計, 要癡實我, 爭抱, 唔可以離開佢地視線笵圍呀~~

好彩既佢地就只會大叫搵你返黎, 唔好彩就一齊大喊, 喊到拆天要你返去佢地身邊, 可憐到我好似虐待佢地咁呀~~但係我返工, 佢地就好乖, 你話死唔死~~~

私人傳訊

貓MIMI

積分: 7610

2018復活節勳章好媽媽勳章畀面勳章陪月勳章

14^#

發表於 08-7-31 07:03 |只看該作者

我bb又無喎,可能平時婆婆湊開,佢見到我地2個走左去都無咩,但耐就梗係no啦......
係咪你個仔少左街呀,所以會黏住你呢

私人傳訊

積分: 30556

畀面勳章 hashtag影視迷勳章

15^#

發表於 08-7-31 09:02 |只看該作者

平日返工，個工人會過來我度(工人住我父母家)，我就同BB及工人一齊離開屋企，一齊乘MTR，到我爸媽家個站工人就帶BB返父母家，我就繼續MTR trip返工....... 佢早上就唔係好扭wor。

我個仔都好跟我爸，在我爸家我個仔會不停扭佢，連我老公上到去我爸家，個仔都唔要佢要我爸(老公呀老公，你真係好無地位)。係我上去，我個仔先可能唔要我爸要我。

玩躲貓貓...... 其實都試緊，不過效果暫時未見。我老公話，我個仔係會不停track住我，到我在門口消失那一刻，佢就已經即時喊...... 仲點躲貓貓？

昨晚試過個仔沖先，然後等佢瞓先，我才去沖涼....... 佢係無喊啦，不過我累死啦！如果你地有睇過我另一個topic，都知我個仔宜家日間食好少奶，結果夜晚我就要不停咁追奶，而我個仔沖完涼就基本會瞓，食少少就zzz，所以追奶必須在佢未沖涼前進行，結果我搞到成12點幾先有得沖涼，成1am先有得人zzz，少於6小時睡眠令我好辛苦！

最慘係昨晚傲宏又半夜起身要食奶，今朝就唔肯食奶...... 激死我！

私人傳訊

jj032008

積分: 2350

16^#

發表於 08-7-31 10:32 |只看該作者

我之前都唔覺得我個囡特別跟邊個架，但係尋晚阿囡半夜醒左大喊，我就抱佢，抱到佢差唔多要訓，就轉手比我老公抱，點知一轉手阿囡就大喊，點氹都唔得，比返我抱，阿囡又即刻唔喊繼續訓，試過兩次都轉唔到手比我老公，放係床又係大喊，終於要我抱住佢訓左成鐘。

私人傳訊

pingapinpin

積分: 2210

17^#

發表於 08-7-31 11:30 |只看該作者

Freesia_cat,
我隻臭豬妹情況有好轉(雖然有時都睇佢心情, 仍然都係要跟我多過我老公)呀, 之前又係我沖涼咁耐就喊足咁耐, 佢把聲又大, 我個c6都好驚人哋報警話虐兒~ 由於老公嗰排驚佢喊, 所以主力由我揍, 佢做家務, 但係我覺得咁落去唔得囉, 隻臭豬妹愈來愈跟我, 後來我叫我老公多d同佢玩(係真係同佢玩, 唔係抱住佢睇電視), 仲有把聲放柔d同佢講o野(開頭我會o向附近, 之後慢慢行開, 隔多一兩日就俾佢哋獨處, 慢慢加長d時間), 又叫老公同佢沖涼(c6識同佢沖o架, 我坐月都係佢同臭豬妹沖), 咁佢開始跟佢爸爸~仲有呀, 到您同佢玩o個時您多d同佢講"爸爸", 又問吓佢"爸爸o向邊呀?"跟住您老公要配合引吓佢笑, 玩玩吓佢就肯跟您老公耐d...
希望傲宏仔遲d好d啦~

私人傳訊

pingapinpin

積分: 2210

18^#

發表於 08-7-31 11:36 |只看該作者

sorry...題外話...

Gozzila,

您對孖女愈大愈可愛呀~

私人傳訊

pocket

積分: 3193

19^#

發表於 08-7-31 11:42 |只看該作者

我大囡果時都係甘............
好在我冇做野,我盡量係6點前/訓左我先沖,最難頂係大小急.......
好彩我又發現個囡好中意睇電視(bb教材),甘我一要行開就比佢睇,大大下就冇野啦!你一係搵d佢中意既野/玩具,引開佢注意啦!一係就唔理佢定時去行開等佢習慣!!!

原文章由 Freesia_cat 於 08-7-31 09:02 發表
平日返工，個工人會過來我度(工人住我父母家)，我就同BB及工人一齊離開屋企，一齊乘MTR，到我爸媽家個站工人就帶BB返父母家，我就繼續MTR trip返工....... 佢早上就唔係好扭wor。

我個仔都好跟我爸，在我爸家我個仔會不停扭佢，連 ...

私人傳訊