細佬剛過咗6歲生日，
帶佢同家姐一齊去打每年一次嘅預防針，
醫生話細佬牙石問題嚴重，要洗牙，
而洗牙要麻醉，醫生建議割埋頭頂粒肉肉，
因為手術風險唔算高，只係落麻醉藥嘅危險大啲，
而粒肉肉由出世到大都有，唔知係良定惡性，
趁而家仲細做手術，復原得好啲，風險都冇咁大。。。
同老公同意去做呢個手術。。。
做手術前12個鐘唔食得嘢唔飲得水，
對平時最為食嘅細佬嚟講已經係一個折磨。。。
因為琴日老公要番工，
只有我帶細佬去做手術。。。
落樓仲落毛毛雨，開始大風，
佢又驚又涼，成身震晒。。。
搭的士嘅路上係噉嗌，我已經好心痛。。。
做手術前要簽紙，因落麻醉藥有風險，真係好想喊。。。
臨走前同細佬講要叻叻，做完手術媽咪就會接番屋企。。。
番到屋企家姐係噉喵我，應該係覺得冇咗細佬喺度好唔妥。。。
家姐同細佬經過12小時冇食嘢（因為我哋唔想俾細佬見到自己冇得食家姐有得食，會更加唔開心），但家姐都唔肯食，好似佢都好唔開心噉。。。
終於接細佬番屋企喇，醫生話佢好叻，冇嗌過。。。
同埋佢醒嘅情況都算快，已經係噉抓個箱。。。
不過頭頂傷口都頗大，因為醫生將成串組織切除，免除後患。。。
見到個傷口我都覺得好痛。。。
番到屋企，細佬嚟冇晒心機，仲係噉呼家姐。。。
醫生話夜晚可以俾細佬飲水食嘢，
但細佬完全唔想食，唔想飲。。。
係噉喺屋企亂行，又要行2步就冇力，撞落地。。。
想跳又跳唔到，係噉撞。。。
我哋最驚係撞到佢頭頂傷口，爆咗就大件事。。。
之後我抱起佢，攬住佢，一陣就恰埋眼。。。
我估佢係好wing，又好驚，所以亂咁衝。。。
但其實啲麻醉藥藥力未過晒，佢仲好攰。。。
之後成晚喺梳化陪佢。。。
但我真係好攰，抱咗佢上床，訓喺我同老公中間，佢又好安心噉訓咗喇。。。
今朝細佬仲係好吽，全日訓喺我身邊，見到家姐都仲係好惡噉呼佢。。。
朝早都係唔肯食嘢，不過飲咗好多水喇。。。
老公買咗個細啲嘅頭盔俾佢，佢先食咗啲糧，之後俾佢食藥（俾醫生鬧我哋唔一早餵藥，一日要食2次）
但食完嘢都係吽吽的。。。
一係想亂衝亂撞，一係就爬喺床，冇晒心機。。。
聽日我同老公都要番工喇，我哋都好擔心佢會撞親頭。。。
放佢入籠成日又好慘，點算好呀！
從未怕我會失禮 為我勞苦都不計 還在說我如上天賞給你的獎勵
其實我那算寶貴 尚有你寵先珍貴 眼看今天一切統統都靠你先可發揮
就算翻天風雨蓋過我 攻擊批判都很多 不管怎樣也有你陪著我 再痛苦撐得過
未見得位位都會愛我 在這個世界 偽裝的很多 誰似你會講真話幫我 感激鞭策我
發表於 
返回列表
