Baby Kingdom - 親子王國 香港 討論區 › 首頁 › 夫婦情感› 你們會怎樣做? 教教我.

夫婦情感

收藏本版
發帖
返回列表
跳至頁

首頁
12

尾頁
   0
emeraldlam


公爵府

積分: 29293


1#
發表於 04-3-29 18:44 |只看該作者

你們會怎樣做? 教教我.

你們會怎樣做? 教教我.

我現在懷孕5個月,(預產期是8月4日). 一向同亞媽關係麻麻地. 無乜野講. 我亞媽已經開口話要同我陪月, 但要收HK$8k, 材料另計, (之前話薑醋都係人工加材料). (我結婚後, 都有拎家用返屋企) 而我同老公一直都想揾街外人湊 (費事日後多說話聽). 咁我咪同我亞媽講, 男家已有親戚幫忙 (因老爺同奶奶都去世), 而亞媽就唔係好信同不斷咁同我亞哥講叫佢說服我.

有一日, 佢問我身體點, 咁我話有點腰酸, 佢答我, 你估全世界得你一個大肚婆咩. 我生兩個都係咁啦, 有咩咁巴閉. 個刻, 我想問你係咪我亞媽, 咁樣同我講, 現在我只係覺得佢向錢看, 無關心我同BB. 係女家, 我BB係第一個小朋友, 個個都好開心, 買了好多BB用品俾我, 但我亞媽隻字不提. 只係話要收人工, 咁同我出去找人幫我有什麼分別, 我還可以唔駛受氣.

有時見到其他人話佢亞媽如何幫佢. 但我亞媽就..... 教教我.謝謝
私人傳訊

小manman


翡翠宮

積分: 84779


2#
發表於 04-3-29 19:13 |只看該作者

Re: 你們會怎樣做? 教教我.

好難想像你有個咁的阿媽,呢個似係奶奶的行為多d~
好難教你應該怎樣做,如果個個係奶奶就話可以唔比佢理你咁多姐,但呢個係阿媽,其實,有邊個阿媽唔鍚自己的子女架,我諗你媽咪係唔識得表達佢錫你多d,令你地之間有好多誤會~
私人傳訊

Galaxia


洋房

積分: 176


3#
發表於 04-3-29 19:17 |只看該作者

Re: 你們會怎樣做? 教教我.

It's better to be honest with your mother, talk about how you feel, how her behavior is upsetting you. I don't know what happened in the past between you and your mother, only open up and talk about it will get things going. At the end of the day, you're her daughter, I'm sure she loves your dearly at the bottom of her heart.
Be your true mind
私人傳訊

該用戶已被刪除

4#
發表於 04-3-29 19:31 |只看該作者

Re: 你們會怎樣做? 教教我.

提示: 作者被禁止或刪除 內容自動屏蔽
私人傳訊

該用戶已被刪除

5#
發表於 04-3-29 19:33 |只看該作者

Re: 你們會怎樣做? 教教我.

提示: 作者被禁止或刪除 內容自動屏蔽
私人傳訊

stkyo


象牙宮

積分: 206246

牛年勳章 HiPP勳章(1) 2018復活節勳章 15週年勳章 親子王國15週年勳章 親子王國15週年勳章 玩具勳章 畀面勳章 環保接龍勳章 大廚勳章 親子達人勳章 wyeth冷知識勳章 BK Milk勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 最關心BB問題熱投勳章 開心吸收勳章


6#
發表於 04-3-29 19:44 |只看該作者

Re: 你們會怎樣做? 教教我.

吓！我亞媽成日倒貼比我架喎......我生完之後住咗係奶奶度，我亞媽請大假嚟日日煲雞汁我飲，又幫BB沖涼......

真係好難講，如果係我，我會寧願請其他人陪月，因為出面都有好多陪月既助理，我諗到時你亞媽見到你BB出世就會心軟嚟睇你陪你架喇！
私人傳訊

該用戶已被刪除

7#
發表於 04-3-29 20:11 |只看該作者

Re: 你們會怎樣做? 教教我.

提示: 作者被禁止或刪除 內容自動屏蔽
私人傳訊

小白427


大宅

積分: 3548


8#
發表於 04-3-29 20:24 |只看該作者

Re: 你們會怎樣做? 教教我.

唔.. 我媽咪同你個case都有d相同.. 我又係同媽咪關係好平淡. 佢要錢多d.. 每次佢打黎, 都係要錢, 所以我一向好怕接佢電話.

我生左bb通知佢, 佢問我痛唔痛, 我話痛, 佢話, 你知生仔痛咩?!?!

佢話佢預備薑醋, 因為"費事"俾男家以為女家乜都冇做..

話佢湊bb, 未生時我應承左, 後來決定自己湊番, 通知佢時, 佢話, 我都係收你3000蚊之嘛.

有d巳記不起, 因為對呢個人印象開始淡忘..

最後因為細佬闖左禍, 要一筆錢擺平, 我地冇能力亦唔支持, 佢問隔離屋呀太借, 借完"通知"我地比番人(要加家用, 每月還俾人), 我冇理佢, 佢係咁打黎, 要我去佢所謂"家庭會議" (我冇理), 某朝佢發爛渣打黎, 要我即刻返屋企開"家庭會議", 我話, 我話湊住bb唔去, 佢問, 係咪要個家散丫, 我答, 個家一早散左啦, 乜你唔知咩, 有乜事你唔好打黎.. cup左佢線.. 個年新年都冇返去..

某日.. 我收到佢電話, 佢好好聲氣, 話, 做乜過年唔返黎呀, 我冇答佢, 問佢, 話乜事呀. 佢話, 冇.. 呀姨媽娶新抱, 想問你老公全名寫帖, 我講左之後, 佢話, 有冇錢呀, 我就話, 依家係街, 遲d先覆你.. cup左佢線..

呢個係我同佢最後對話..

心中好平靜地即去改電話.. 以後都冇聯絡.. 屈指一算.. 都有4-5年.. 冇掛住佢.

佢頭果2年都間唔中打俾我由細到大既老死, 初時叫我打番黎, 後來行動升級, 話我唔浦頭就報警云云.. 又係我老死面前話我不是 (由細到大的不是)..

我老死好好, 佢話好耐冇聯絡..

emeraldlam唔知你會點諗呢.. 我當時都唔知點解會咁做好絕, 真係好絕, 後來想.. 可能叫做.. 哀莫大於心死, 真係傷心到底時, 心裡面既感覺會帶領你去做決定..
私人傳訊

wyl


珍珠宮

積分: 38891

母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 2018復活節勳章 畀面勳章 BK Milk勳章 hashtag影視迷勳章 開心吸收勳章


9#
發表於 04-3-29 20:31 |只看該作者

Re: 你們會怎樣做? 教教我.

我嗰時都係亞媽陪月, 都係佢倒貼我架! 佢仲照顧得我好好, 我到依家都好感激佢, 唔係佢我都唔知會唔會有產後抑鬱, 因為我咩家務都唔識做, 真係"嗱手唔成世"!
如果我係你, 我會選擇搵人揍bb, 因為生完已經好辛苦, 真係好需要有人真正幫到你同照顧你, 如果唔係心情會好忟憎. 尤其是bb喊時, 真係自己都想喊埋一份, 有個幫得手o既人揍開吓, 你心情會好d, 你自己亞媽份人係點, 你自己最清楚, 如果你一向同你媽的關係不好, 好難expect佢會真正幫到你喎! 到時自己辛苦, 佢幫唔到仲要比氣你受就真係產後抑鬱都有之呀!
私人傳訊

stkyo


象牙宮

積分: 206246

牛年勳章 HiPP勳章(1) 2018復活節勳章 15週年勳章 親子王國15週年勳章 親子王國15週年勳章 玩具勳章 畀面勳章 環保接龍勳章 大廚勳章 親子達人勳章 wyeth冷知識勳章 BK Milk勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 最關心BB問題熱投勳章 開心吸收勳章


10#
發表於 04-3-29 21:17 |只看該作者

Re: 你們會怎樣做? 教教我.

小白427,

我覺得你好堅強！

emeraldlam,

講真，真係好少亞媽會咁樣對自己個女，吓吓講錢，所以寧願唔好比佢湊好過，唔係到時有咩拗撬，佢又話"我收你個少少錢炸喎"，而且$8,000-已唔少(我人工都無咁多，簡直係獅子開大口)，其他嘢仲要另計.......都唔知點講！我大肚個陣，我亞媽又整燕窩，又整人蔘我食，而家BB開始大，又想幫我個女買份保險(佢供)，買好質地既衫褲比我囡囡，個次仲想買一條好貴既日本抺身巾比我個女，不過比我阻止咗，因為我覺得唔值，佢話"日本出既質地好，無咁容易整到皮膚敏感"。有時真係感動到想喊。
私人傳訊

小白427


大宅

積分: 3548


11#
發表於 04-3-30 00:03 |只看該作者

Re: 你們會怎樣做? 教教我.

stkyo

其實我某程度都要感謝佢, 因為佢幫人湊bb, 但落手落腳的多係我, 所以湊bb對我黎講冇難度.

但換來的係母女情薄, 因為我覺得媽咪應錫我, 但我分唔到愛, 仲要俾佢鬧做得唔好. 佢亦唔會感謝我幫佢手, 覺得係應份. 唔該都冇句..

後來我結婚, 冇俾佢上黎屋企(邊區佢亦唔知), 亦冇俾屋企電話佢, 一切都係手提電話聯絡. 所以我改左手電後, 佢根本搵唔到我.

而家諗諗下反而有少少淚光, 唔係因為掛住佢, 而係我細個時生活就係好似少左d野..

去沖個涼轉移視線先...
私人傳訊

arron媽


子爵府

積分: 14856


12#
發表於 04-3-30 02:36 |只看該作者

Re: 你們會怎樣做? 教教我.

會唔會因為有時父母無錢使, 所以要用這種方法(幫揍仔)來賺錢呢?當佢地一窮二白時, 除了仔女, 仲可以問邊個拿?? 有時睇電視見老人家好可憐, 都會諗, 點解無仔女比錢佢地??
我都曾經覺得母親成日講錢, 但現在大個女識諗, 就知佢因為真係無錢, 我地有時比有時唔比, 佢覺得攤大手板好肉酸, 於是下下借啲意拿點錢, 依家我地四個仔女定額每月比, 佢生活好左, 不必擔心下個月無錢使, 關係好左好多, 有錢剩仲會貼番我地。
私人傳訊

stkyo


象牙宮

積分: 206246

牛年勳章 HiPP勳章(1) 2018復活節勳章 15週年勳章 親子王國15週年勳章 親子王國15週年勳章 玩具勳章 畀面勳章 環保接龍勳章 大廚勳章 親子達人勳章 wyeth冷知識勳章 BK Milk勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 最關心BB問題熱投勳章 開心吸收勳章


13#
發表於 04-3-30 09:39 |只看該作者

Re: 你們會怎樣做? 教教我.

小白427,

我朋友個亞媽都係咁，將錢放係第一位，下下講錢，又話"親生仔不如近身錢"，攪到我朋友唔鍾意返屋企，不過近年佢亞媽睇化左，開始知道親情既重要，所以關係都好左，我諗你亞媽過多幾年都會開始睇化，到時如果你真係掛住佢，可以聯絡佢。

講真，我o地做人仔女o既，梗係想孝順父母，想個個月有錢比佢駛，但係有D父母真係睇錢睇都好緊要，咁樣只會破壞大家關係，如果你o地老公/老婆成你同你講錢，關係都唔會好。
私人傳訊

AJ


等待驗證會員

積分: 6690


14#
發表於 04-3-30 10:41 |只看該作者

Re: 你們會怎樣做? 教教我.

emeraldlam

Pls check pm.

Aj
私人傳訊

emeraldlam


公爵府

積分: 29293


15#
發表於 04-3-30 16:45 |只看該作者

Re: 你們會怎樣做? 教教我.

All
多謝你地的意見, 可能亞媽佢唔識表達自己, 同埋見仔女大了, 驚我地唔理佢. 但我由出來做野就一直都有俾錢佢. 有時同佢去街, 佢想買的野都有買俾佢 (當然唔係乜野大數目的野, 可能係幾百, 一千) 真係唔係好明佢點解要下下講錢. 咁樣好傷感情. 佢一咁同我講收HK$8K, 我已經唔打算俾佢陪月同湊孫, 費事話我, 俾少少錢, 洗到佢盡. 我真係控制唔到亞B唔扭計. 費事佢又話亞B難湊, 我情願俾人湊, 咁樣我的自主權都多點.

小白427
我同亞媽係唔friend, 但咪去到我唔想見佢. 我同老豆好friend, 乜都傾, 老豆都唔贊成我俾亞媽陪月, 因為佢唔想我受氣. 其實我唔係想唔同佢傾計, 但實在唔對channel. 溝通唔到.
私人傳訊

sunlithk


洋房

積分: 701


16#
發表於 04-3-30 17:07 |只看該作者

Re: 你們會怎樣做? 教教我.

emeraldlam:
我係俾媽咪幫手湊仔仔的, 有樣野, 我諗要同你講:
俾媽咪湊, 好受氣, 佢o地會倚老賣老, 用佢自己o個套, 奶奶可能仲忌你幾分, 自己媽咪就去到好盡都有, 真係激到我彈起 :evil: :evil: 我o地成日都吵, 坐月o個個月搞到我產後抑"屈" :cry:

但係, 我平日返工好放心, 我重來唔會擔心佢點樣我個仔, 佢真係好錫佢, 超過我同我老公, 咩都以我個仔為先, 會教我仔學野, 會同佢玩, 好保護佢, 呢樣野, 係發自真心咁愛佢, 俾人湊同請工人都好難會有哩樣, 佢o地會俾佢食飽, 著暖, 其他..... 我就唔知la, 舉例比人湊o個d, 屋企多數有一兩個, 要做家務, 要跟功課, 唔會得閒同佢玩&教佢學野. 咁工人就更加la, 如果可以請個正常d ger工人己經三生有幸la, 唔好話仲想佢愛佢&錫佢, 我樓下好多工人, 見佢o地湊小朋友, 有d似玩公仔, 有d就愛理不理, 有d就整到個小朋友受傷........... 呢d如果你開個topic問, 我諗好多有工人ger媽咪會答你.

所以就算我媽咪點同我嘈, 點同我計, 我都會忍, 最尾得益人都係我個仔, 諗到哩樣, 我咩氣都順晒

但係又好老實講ar, $8000, 太多la, 俾得起我會俾, 俾自己媽咪有物所謂ar, 但係, sorry la, 我俾唔起, 所以媽咪都有少少唔開心, 但係, 唔怕la, 我個仔都就黎2歲la, 我會送佢返幼兒院, 自己接送放學, 媽咪ger錢我一個仙都唔會減, 大家都happy la
楊楊媽咪 :-) -----------------------
私人傳訊

bandband


子爵府

積分: 11510


17#
發表於 04-3-30 17:07 |只看該作者

Re: 你們會怎樣做? 教教我.

emeraldlam,

亞媽點唔好都好,但至少你有個善解人意既爸爸啦...算啦,呢個世界上咩人都有,好似我媽咪咁,雖則無你媽咪咁嚴重,但係都係令我氣頂既人...等我又講吓我生仔那段日子...

我生左仔之後第二日(我係開刀生),我奶奶一早就煮好飯餸同靚湯到醫院俾我飲,每日照顧我兩餐(午飯同晚飯),咁我媽咪响我生完第二日就黎睇我,咁佢好似唔抵得咁猛同我講:"你奶奶咁大年紀,叫佢唔駛日日送兩次飯黎醫院食嚟俾你啦,等媽咪做咪得囉!"原先我都好感動,仲叫我奶奶唔駛送飯嚟,咁之後第二日佢真係有送飯嚟啦,但第三日,我由十二點等到佢四五點都未有飯嚟,又無打電話俾我,咁我咪打俾佢問佢發生乜事(我己經餓到暈暈地),佢話:"無呀,我今日煮咗架喇,但我又要去打牌唔得閒,諗住叫你大佬送嚟,佢又番緊工唔得閒,所以咪無送到囉!"我當堂嬲到傷心到差啲喊埋出嚟:"咁你又無打嚟通知聲我?"我媽咪仲用反問既態度答:"我都唔係專登唔送嚟,係你大佬唔得閒幫我送飯嘛!" :-x 真係俾佢吹到BEAR BEAR聲!!!事後我打俾老公話我未食過嘢,我老公都驚到即刻放底手頭上既工作,拿拿聲買兩盒飯嚟醫院陪我食飯啦!之後我奶奶知道,即晚又攞咗好豐富既飯餸同湯俾我食!
跟住我同BB出院番屋企住,我奶奶陪我坐月,由我個仔出世到依家,我媽咪嚟我屋企探我地既次數不足十次,話佢腰痛嫌我屋企遠(咁我奶奶咪好堅?日日由沙田出太子...),跟住每次叫我嚟佢屋企食飯,又話我個仔曳,怕我個仔打爛佢個玻璃櫃,叫我個仔不如擺去俾老豆嗰邊工人湊(我父母一早離左婚)...連我老公都話:"做乜講到我地個仔咁曳架!",你話,我媽咪係咪極品,佢仲兜口兜面咁同我講話佢係鍚仔多過鍚女咁話... :-x 真係唔怪得我成日話我奶奶似我親生亞媽多啲!至少我奶奶真心對我好!好過自己媽咪!唉...
老公VOICEMAIL 1 2 3
私人傳訊

AK媽咪


複式洋房

積分: 252


18#
發表於 04-3-30 17:40 |只看該作者

Re: 你們會怎樣做? 教教我.

唔緊要喎emeraldlam, 我亞媽又咪係唔理我, 我奶奶又咪係唔來同我坐月, 唔洗唔開心喎, 佢地要向錢看係佢地既事, 我覺得做女人點都要留返d錢係自己身邊, 所以, 請人咪請人囉, 費事到時唔開心又唔出得聲變左抑鬱重煩呀

emeraldlam 寫道:
你們會怎樣做? 教教我.

我現在懷孕5個月,(預產期是8月4日). 一向同亞媽關係麻麻地. 無乜野講. 我亞媽已經開口話要同我陪月, 但要收HK$8k, 材料另計, (之前話薑醋都係人工加材料). (我結婚後, 都有拎家用返屋企) 而我同老公一直都想揾街外人湊 (費事日後多說話聽). 咁我咪同我亞媽講, 男家已有親戚幫忙 (因老爺同奶奶都去世), 而亞媽就唔係好信同不斷咁同我亞哥講叫佢說服我.

有一日, 佢問我身體點, 咁我話有點腰酸, 佢答我, 你估全世界得你一個大肚婆咩. 我生兩個都係咁啦, 有咩咁巴閉. 個刻, 我想問你係咪我亞媽, 咁樣同我講, 現在我只係覺得佢向錢看, 無關心我同BB. 係女家, 我BB係第一個小朋友, 個個都好開心, 買了好多BB用品俾我, 但我亞媽隻字不提. 只係話要收人工, 咁同我出去找人幫我有什麼分別, 我還可以唔駛受氣.

有時見到其他人話佢亞媽如何幫佢. 但我亞媽就..... 教教我.謝謝
私人傳訊

IRON


男爵府

積分: 8513

好媽媽勳章


19#
發表於 04-3-30 18:15 |只看該作者

Re: 你們會怎樣做? 教教我.

記得駝緊仔仔時媽咪同二嫂輪流黎照顧我, 當時頭三個月都要訓床安胎, 真係大小都唔落得床果只喎, 佢地都唔嫌污糟, 我已經寫低落仔仔日記度. 不過生完後媽咪黎幫手就真係有d麻煩, 原因係佢用返佢自己諗果套方法湊bb, 例如7月大熱天時仲包到bb實一實搞到成頭成身熱痱; bb一喊唔係尿尿就話佢肚餓要我再餵(岩岩至餵完無耐); 十幾日就"斗"佢尿尿; 半夜bb喊佢就抱住行黎行去粒幾鐘, 訓左都唔放返落床仔, 搞到仔仔好大個都要抱住行先訓...... 當時成日因呢d問題同佢嘈, 大家都唔開心, 後來自己仲發脾氣叫佢唔駛黎幫, 佢又喊住走. 老公安慰我查實媽咪係真心鍚bb, 不過佢仲源用幾十年前佢自己既方法, 不如請個工人教用我地想用既方法啦. 終於請左個印印, 至今時不時同媽咪飲下茶, 大家仲高興. 所以話, 有媽咪幫就算唔駛錢都未必係好事, 最佳既係自己要出外時請媽咪黎屋企坐陣, 做野就工人, 媽咪就及住個工人.
私人傳訊

Mummy


男爵府

積分: 5874


20#
發表於 04-3-30 19:00 |只看該作者

Re: 你們會怎樣做? 教教我.

我生過兩個, 我從來冇諗過要搵自己阿媽幫手, 因為我唔想同佢嘈交, 因為我平時已經頂佢唔順, 唔好話 "非常時期"黎攪住我, 一定會產後抑鬱! 仲有, 你比錢佢唔代表你當 "請人番黎" 做, 角色唔同, 所以如果我係你的話, 我寧願自己請出面人湊好過, 可能佢係等錢使, 我覺得你比錢佢還比錢佢, 好過比左d錢佢要佢幫你做野。 我生第一個時, 比萬幾蚊請陪月都唔叫自己阿媽, 我阿媽聽到我用萬幾蚊請個陪月, 即時上黎 "睇下", 跟住就當自己係 "皇上" 使 "下人" 一般, 帶埋成棚人上黎, 到晚飯時候我要我老公帶佢地出去食飯, 唔好留係度 (因為屋企細兼唔想d3姑六婆嘈hun巴閉), 佢就好睇唔過眼咁話, 乜唔係佢煮咩?!! 咁貴請佢番黎做乜? 激死...
美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見