吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭 › 鐘點工人› 很差的陪月.

鐘點工人今日: 0|主題: 16560

收藏本版

發帖

返回列表

跳至頁

查看: 4545 | 回覆: 24

[其它] 很差的陪月. [複製鏈接]

忌廉烏冬

大宅

積分: 3405

1^#

發表於 14-9-4 18:02 |只看該作者 |倒序瀏覽 |打印

~偷我食物. 我唔介意佢係銀碼打斧頭, 但好介意佢係食物度做手腳.

~蒸雞, 只得雞背, 2隻雞翼尖, 1/3個雞胸, 雞脾失踪,

~青木瓜熟木瓜個功效唔識分, 用熟木瓜黎煲湯俾我上奶. 我同佢講生木瓜才有效, 佢仲駁我咀.

~打爛野又唔認.

~摷我櫃.

~偷食我D山珍海味. 螺頭海參煲完湯無左一半.

~一大樽幾十年既陳皮, 第3日無左半樽. 問佢用左去邊, 佢話煲湯. 但我睇番湯渣係無. 佢話煲爛哂. 但我飲湯完全飲唔出有陳皮味.

~本數簿, 寫住買左1斤菜, 但煮出黎得1/3斤都無. 我話我都識煮飯. 點解佢煮完D送菜少左咁多. 佢淨係答: 係咁架太太!

~再暗中CHECK佢, 日日都袋走我一大堆食材. 包括當日煮送的食物 , 以及陳皮瑤柱等乾貨,

~有日我有急事同老公同BB 一齊外出, 返黎佢連我個廳櫃都摷埋, 仲主動話佢搵到我D燕窩. 然後逼找俾佢整黎食, 我話你都唔俾我補身, 你燉我D燕窩做乜, 佢答唔出, 就淨係話要燉左擺係雪櫃每日食一啖. 我話你都唔俾我進補, 燠黎做乜呀. 佢又答唔出, 但攞實我盒燕窩唔肯放手, 同我搶. 仲有花膠都係, 話要一次同我將10條花膠出水切粒放電櫃, 第日攞黎燉, 我拒絕. 因為之前俾左一條花膠佢煲湯, 佢切一件件, 煲完得番1/3份量. 我覺得佢係想整好哂, 留黎自己食. 明明話我唔可以進補, 點解不停要搞我D燕窩花膠阿膠海參呢？

~成個月無燉過補品俾我, (我係順產), 佢一直話我惡露未清一直淨係烚菜同蒸肉.

~但佢自己除左偷我D食物, 佢仲每日食我2大碗薑醋, 我一啖都未食過, 炒佢後我打開, 得番好少薑, 腳無哂, 成煲淨番D醋.

~唔抹BB肚臍, 叫都唔抹.

~同佢講乜都駁咀, 淨係識話: "無野架太太！唔驚架太太！係咁架太太！" 仲同我爭拗生熟木瓜個效用.
BB飲奶chok親, 咳, 佢都仲繼續隊佢飲. 我叫佢停手佢都唔停.

~換完片, 夠胆死就咁將BB放係椅然後自己行開.

~個人勁污糟, 洗完D碗仲係肥林林, 惹來小強, 又打爛我D碟然後唔認.

~無野做又DUMP波鐘, 然後寫自己OT

已經幾個月, 講起都把鬼火, 大家小心此人. 專X陪月中心 - 盧X鈴(鈴姐)

0 0 0

私人傳訊

may12888

大宅

積分: 4289

2^#

發表於 14-9-4 20:08 |只看該作者

回覆：忌廉烏冬的帖子

可憐樓主！請著個大賊婆.有冇搵番介绍中心投訴？佢真係做衰陪月介呀！

私人傳訊

Miyatachan

大宅

積分: 2916

3^#

發表於 14-9-4 20:46 |只看該作者

回覆忌廉烏冬的帖子

害羣之馬,真px。睇到把火,騙子

做全職媽媽真係唔簡單吖!

私人傳訊

sasa0516

侯爵府

積分: 24874

瞓得好勳章

4^#

發表於 14-9-4 21:06 |只看該作者

引用：~偷我食物. 我唔介意佢係銀碼打斧頭, 但好

原帖由 忌廉烏冬 於 14-09-04 發表
~偷我食物. 我唔介意佢係銀碼打斧頭, 但好介意佢係食物度做手腳.

~蒸雞, 只得雞背, 2隻雞翼尖, 1/3個雞胸, ...

哇…好得人驚呀如果係bk請就開名唔好有下一位受害者啦

私人傳訊

chaeey

男爵府

積分: 7181

5^#

發表於 14-9-5 00:05 |只看該作者

回覆：很差的陪月.

攪錯！咁都得！

私人傳訊

從前sukilam

大宅

積分: 1851

畀面勳章

6^#

發表於 14-9-5 00:10 |只看該作者

回覆忌廉烏冬的帖子

出佢名！等新手媽媽知道！咁好影響媽媽心情和身體！衰人一名！

私人傳訊

bb_hero

民房

積分: 12

7^#

發表於 14-9-5 00:41 |只看該作者

真係一山還有一山高，我都覺啲陪月煲湯唔見哂啲渣，平魚當貴魚煲，我之前果個恩X金牌陪月歡姐都終止咗合約，我今次最唔甘心是本身我倆不是有錢人，儲咗好耐錢去請陪月，只為想搞好太太的身體，當初討論區見呢間的X澤陪月評語不錯，睇中咗叫容姐，點知出來時臨時又叫多個叫曾X歡(歡姐)，見恩X陪月網月都有呢個歡姐，利是又平啲，咁咪算囉。
簽約時我地問不見恩X公司的資料，佢話不透過公司做，不用被抽COMMISSION，大家都開心，諗番轉頭有少少局簽的感覺。
誰知仆哂街，個零月人仔，又要早產，點可能飲要四安，好彩有驚無險，只住院兩天便出院，同佢講番，雖然冇似鈴姐駁咀，但都唔覺自己有問題，所以任何陪月公司都信唔過，專X又好，X澤又好，還是朋友介紹最實際。