吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 台灣聖誕3人親子遊 >>2014年12月24日~29日 ...

親子旅遊今日: 1|主題: 161669

收藏本版

發帖

返回列表

跳至頁

查看: 1140 | 回覆: 12

[台灣] 台灣聖誕3人親子遊 >>2014年12月24日~29日 [複製鏈接]

hobby

大宅

積分: 4892

1^#

發表於 14-12-31 09:44 |只看該作者 |倒序瀏覽 |打印

本帖最後由 hobby 於 14-12-31 09:49 編輯

台灣聖誕3人親子遊>>2014年12月24日~29日

12/24

因在長榮網直接買機機票, 所以在香港機場櫃位直接換巴士單程免費卷 (有3張, 因小童搭巴士不佔坐位可手抱,就省下一張回程時再用 J)

搭11點幾機,到台北取埋行李、買埋電話咭都2點幾,研究完幾間巴士公司, 飛狗可直達酒店,不過要3點10分先有車, 所以去食過快餐,再上巴士就剛剛好啦。

但
…. 架車好唔得, 我同自己講,唔會再搭飛狗!!!!!

因好遲先決定去旅行, 所以酒店沒太多選,第一晚住”富園國際”,住咁多次, 第一次要收小童錢,咁都冇法啦, 老爸訂房前沒問酒店,還好只住一晚, 多謝$600台幣。

房間唔算細, 阿囡就有自選糠果,入到房仲有聖誕禮物添 (2支迷里酒,零食), 放底行李, 出發去板橋站~新北耶誕城2014

http://www.2014christmas.tw/main.php

這裡有不同的免費機動遊戲, 啱晒小朋友玩, 如果跟係海洋公園排,真是太舒服了, 起碼不會有人不停推你,緊貼你 …

玩完就去鼎泰豐食飯, 噢, 取了飛, 要等60分鐘, 唯有行埋上其他樓層看一看, 間間都要等好耐,最後, 落返鼎泰豐, 阿囡肚仔餓,就買咗個包俾佢食住先, 而結果等45分鐘就有位了, 感覺上, 幾間鋪,呢間最好食呢。

食完, 就搭返捷運返酒店了 … 可惜 … 由這晚開始落雨 … … 一直落直落到走那天…

0 0 0

私人傳訊

hobby

大宅

積分: 4892

2^#

發表於 14-12-31 09:45 |只看該作者

12/25

全日Babyboss, 今日在台灣不是假期, 但人流比我上次在復活節時多很多, 很多熱門的職業, 上一場一入, 就差不多要開始排, 上次4點入場玩到8:00, 打到6份工, 今次10:30入塲, 玩到6:00收鋪, 也只打了9份工。

阿囡平日要午睡, 今日就幾倦都要玩, 仲要排住隊咁食飯, 玩完一離開京華城, 未過馬路已瞓咗…

今次玩了: 消防員, 牛奶牧場, 電力公司, 航空公司~機司, Pizza House, 加油站, 建築工地, 藝術家, 考古洞穴
其中電力公司得阿囡一個玩, 超正, 哈哈哈!!!

因落大雨, 阿囡又瞓咗, 我就去酒店check in, 今晚轉另一間~康華大飯店, 老公就返富園取行李及去家樂福買水果。大家都倦晒, 又落雨, 所以過酒店對面間爭先鯨吞18碟+2湯, 全部劃一30一碟, 味道都可以。

私人傳訊

hobby

大宅

積分: 4892

3^#

發表於 14-12-31 09:46 |只看該作者

12/26

在酒店寄存行李, 就搭捷運去市政府站, 搭首都客運過宜蘭。車程約一小時, 搭得好舒服, 可惜都係不停落雨, 落車, 就搭的士去”宜蘭葛瑪蘭七賢休閒農場”(跟錶TWD220)。這農場, 真是沒太多東西看, 唯一是可以騎馬仔, 啲動物困晒係籠, 其實幾可憐。

http://www.gemalan.com.tw/
葛瑪蘭七賢休閒農場﹙原名葛瑪蘭馬術俱樂部﹚
地址：宜蘭縣員山鄉七賢村溪洲路498號
電話：039-220118
營業時間：平日09:00 - 18:00／假日08:30 – 18:00（每周一公休）
官網︰http://www.gemalan.com.tw/index.php
清潔費：50元不可抵消費可看動物（國小以下及65以上老年人及身心障礙者免費入園）
消費︰軌道小火車（投幣50元）、投幣車（投幣20～30元）、F1電動小型賽車﹙100元櫃檯購票﹚、騎馬（100元櫃檯購票）、牧草﹙20元﹚、羊駝專用飼料﹙20元﹚。

玩完, call的士去羅東火車站 (TWD 350)揾食, 去到羅東車站, 部分鋪頭已休息, 食咗間街邊鋪, 都可以喎, 阿囡仲食咗成碗魯肉飯添。
唉, 遇著長命雨, 都唔知去邊好, 所以就近近地, 行去”羅東林業文化園區”

http://www.lanyangnet.com.tw/ilpoint/ld08/

如果唔落雨, 這裡會是一個散步好地方, 加埋有舊火車, 小朋友會幾鐘意。行到收工, 就行埋去“挪亞方舟海鮮百匯”。

宜蘭縣中正路一段230號五結鄉宜蘭
http://www.godislove.com.tw/

個人味道就覺得普通, 不過5百幾台幣一個人, 又唔係貴嘅, 加埋環境, 有詩歌音樂, 舒舒服服的一餐。食完, 就叫的士返羅東火車再轉火車返礁溪了。今晚住的是”礁溪天隆大飯店”, 5百幾港紙一晚, 房有按摩浴江, 頂樓有2個池浸, 小朋友玩得好開心呢。

私人傳訊

hobby

大宅

積分: 4892

4^#

發表於 14-12-31 09:48 |只看該作者

本帖最後由 hobby 於 14-12-31 10:08 編輯

12/27

雨, 仍繼續落, 唉, 由酒店行去火車站, 都沒停過, 原本想過宜蘭火車站那邊看看, 都放棄了。結果, 因不想行返去搭客運 (實濕身), 就搭火車返台北, 不過要差不多2小時車程, 所以就係車上開餐及讓囡囡係火車上睡一睡。

跟著, 就去了臺北松山文創園區看”PIECE OF PEACE~樂高®世界遺產展”。睇完LEGO, 順路買12/28的DISNEY票和看了交通部觀光局東部海岸國家風景區管理處－歡迎來做部落客（觀光局部落觀光成果發表會)", 我們還玩了DIY手繩呢。

最後, 行返去市政府站, 食麻布茶房, 又完成一天的行程了。

12/28

今日, 我們又到了臺北松山文創園區, 今次看的是迪士尼90周年特展, 這個塲, 最啱是影相, 影完, 就行去101 (諗住食鼎泰豐), 點知要等100-110分鐘, 噢, 最後選了食”凱林鐵板燒”, 我們選了食2人餐, 味道不錯, 阿囡又食咗一碗飯。

食飽飽, 阿囡又瞓著了, 逛了幾逛, 最後在天仁買了杯茶休息了一陣。露天地方, 很多人抽煙, 所以, 偉大的爸爸又抱著女兒行去新光三越A8兒童館了。

幸運地, 遇上了由”why and ½”舉行的免費活動, 有5個簡單遊戲，仲有汽球和畫臉，就這樣，囡囡又開心的玩了一個多小時了。呢個時候，又到偉大的爸爸出場，行返去１０１鼎泰豐取位，到差不多時間，我們又行返去食晚餐了。食完出來才６：３０，但已經要等１２０分鐘了，真感激爸爸走來等取票！

返酒店梳洗完，我們再出發去西門町行街街。

12/29

今日要離開台北, 天也終於放晴了, 時間不多, 只能到中正紀念堂拍些照, 就返酒店吃午飯, 今次在松江南京站下車, 走到對面商圈,吃了間算是地道的鋪頭仔, 麵食都不錯, 食飽飽, 帶著點遺憾離開, 好吧, 下次再來好了。