吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 發現原來細公司少同事都照有人際問題...==||| ...

自由講場今日: 2120|主題: 1355116

收藏本版

發帖

返回列表

跳至頁

查看: 3306 | 回覆: 91

發現原來細公司少同事都照有人際問題...==||| [複製鏈接]

12 3 4 5

~仔仔媽咪~

水晶宮

積分: 51912

1^#

發表於 15-1-13 23:36 |只看該作者 |倒序瀏覽 |打印

純呻...(我都覺得成件事都好白痴...但真係白痴到一個點我係唔多頂得順...今日忍唔住訓話個同事...)

話說我離開臨時演員呢個行列,出咗嚟揾咗份正職,

原以為細公司人少少會更加好做,唔會有咩辦公室政治野或人際問題...

我公司加埋我得四丁友,兩個老細,加埋我同另一個後生仔同事係伙記...

原本我專登降GRADE,唔再做番私人秘書,降下呢做番個普通文員店員仔會輕鬆好多,

誰知咁都俾我遇着個同事係有問題的.

其實佢平時真係對我好客氣又似乎冇乜野,

但佢個人工作能力,尤其文職能力真係好麻麻,做野好慢好唔識得變通...簡單直接坦白一句係:"笨"

成日做錯野,做埋好多好stupid既方法,又成日理解唔到人地講咩或工序,簡單工序複雜化...

笨唔係一個問題,但佢成日出錯出事,可能就係成日因為咁而俾老闆們鬧,鬧到佢自己都驚,

依家多咗我响樹,佢竟然走嚟A字卸膊,將佢做漏冇做或做錯既野講成係我做漏冇做或做錯!

呢下我係極介意囉!佢又要做又要心虛,上星期佢又是係咁,結果佢跣完我後嗰日成個下晝都自動唔敢行近我或講野!係差唔多收工時,我開聲先,佢至好似小朋友得到大人原諒咁好開心咁一輪咀繼續同我談天說地..

今日又係咁,又要扮大佬點我做野(講真佢都只係早我番呢份工三個月左右咋),但又係唔用腦,我即時彈佢拒絕佢要求,要佢自己做番!一日幾鑊,仲要今日明明係我提出意見叫佢唔好剪爛包貨張雞皮紙,我叫佢又話唔聽,死都話張紙留嚟冇用,仲聲氣大話就算老闆响度,佢都係咁話,唔會用番張雞皮紙包番件貨,我話留嚟包其他貨都好啦,佢至話唔剪碎佢,但堅持話唔會包番今日要送既貨,呢頭佢牙擦大支野完,嗰頭老闆打嚟,佢竟然走嚟食我口水尾,將我先前呢個建議,變成係佢自己諗出嚟,領功咁款同老闆娘講話佢就係諗住張紙咁大張,所以冇剪爛,一早留低嚟包貨!...真係得喇佢...

最頂癮就係呢期我幫老闆整理緊網頁同翻譯產品名,唔知係咪大工程得滯,佢地日日見我都顧住集中整呢壇野,以為我好似呢條粉皮咁扮勤力扮忙唔幫手做野,今早老闆ORDER佢去整野,佢叻到竟然大反應反問番老闆:"...我做呀???" 個老闆呆咗一呆,都似乎好錯愕佢會咁問,我老闆即時回敬佢一句:"梗係您做啦!"佢呢下真係聰明到呢...

咁佢咁樣,老闆擔心我真係扮忙,結果臨放工前突然要我交功課~!XDD 結果,我求其講少少我呢幾日做既野啲細節俾老闆聽,已經交代到我真係每日番嚟咁多個鐘真係堅係埋頭苦幹搞好壇野...聽日交功課我仲有一份超有份量既EXCEL FILE加我無限口頭報告,簡單嚟講我真係"大把貨"!XDD 自己做野做得慢想借啲2暗示同老闆講我HEA?傻啦,我做三日既野,絕對多過呢位小朋友做一個月既野,佢自己都識講,佢做野堅慢,仲要咁樣靠呃靠HEA...我好難慢得過佢囉.

其實真係唔多理佢,但有時佢咁樣A字膊,我真係怕終有一日我會當住老闆們面前鏟爆佢...明明我真係想收歛下自己啲燥底...我都想忍,但比着您地會唔會當場踢爆佢或者鬧爆佢? 定係姑念佢冇野時真係對我客氣兼冇野,而由佢?

我都知自己燥底一名,但又怕唔出聲,會變成縱容佢再進一步做埋啲無賴野...=.="

0 0 0

私人傳訊

~仔仔媽咪~

水晶宮

積分: 51912

2^#

發表於 15-1-13 23:39 |只看該作者

不過好在佢冇文職底,我有秘書底,我每日做過啲咩都會用簿MARK低,依家發現佢咁樣,我更加好好MARK低我每日做過既野,等下次佢又再將自己做錯既野講大話講成係我做錯或冇做時,我可以更實牙實齒去証實嗰啲錯野唔係我做.

私人傳訊

天佑我們

珍珠宮

積分: 44781

畀面勳章

3^#

發表於 15-1-13 23:40 |只看該作者

回覆：發現原來細公司少同事都照有人際問題...==|||

少人先困獸戰

私人傳訊

天佑我們

珍珠宮

積分: 44781

畀面勳章

4^#

發表於 15-1-13 23:41 |只看該作者

引用：不過好在佢冇文職底,我有秘書底,我每日做過

原帖由 ~仔仔媽咪~ 於 15-01-13 發表
不過好在佢冇文職底,我有秘書底,我每日做過啲咩都會用簿MARK低,依家發現佢咁樣,我更加好好MARK低我每日做過 ...

醒呀,做開秘書係會清楚好多,有文有路,唔會比人亂到

私人傳訊

pingling13

大宅

積分: 1585

5^#

發表於 15-1-13 23:42 |只看該作者

回覆：發現原來細公司少同事都照有人際問題...==|||

私人傳訊

Bling11

子爵府

積分: 12943

6^#

發表於 15-1-13 23:43 |只看該作者

回覆：發現原來細公司少同事都照有人際問題...==|||

人少仲多是非，困獸鬥

私人傳訊

~仔仔媽咪~

水晶宮

積分: 51912

7^#

發表於 15-1-13 23:46 |只看該作者

天佑我們發表於 15-1-13 23:41
醒呀,做開秘書係會清楚好多,有文有路,唔會比人亂到

我根本就係逗文員既人工,但堅持以私人秘書既做事方式同態度去做呢份工!

細公司我唔介意,我仲更有HEART想幫兩位老闆搞起間公司!順便過下我條工作狂條根!

我地做過私人秘書既,慣咗乜野都會記住同MARK低,呢樣真係有莫大益處!

噚日連我老闆問我上個月我啱啱入職冇耐曾經跟過兩日既野,我都可以即時摷得番俾佢睇,張LIST我仲KEEP住,所以其實咁樣大家都方便既.

私人傳訊

wonderlulu

珊瑚宮

積分: 118281

8^#

發表於 15-1-13 23:48 |只看該作者

~仔仔媽咪~ 發表於 15-1-13 23:36
純呻...(我都覺得成件事都好白痴...但真係白痴到一個點我係唔多頂得順...今日忍唔住訓話個同事...)

話說我 ...

人多, 幾大問題都攤薄,

人少, 少少問題都係只有你俩個揹硬。

私人傳訊

天佑我們

珍珠宮

積分: 44781

畀面勳章

9^#

發表於 15-1-13 23:49 |只看該作者

引用：Quote:天佑我們發表於 15-1-13 23:41 醒呀

原帖由 ~仔仔媽咪~ 於 15-01-13 發表
我根本就係逗文員既人工,但堅持以私人秘書既做事方式同態度去做呢份工!

細公司我唔介意,我仲更有HEART想 ...

你老闆請著你真係抵,希望佢識用人,善用,唔係真係走寶

私人傳訊

~仔仔媽咪~

水晶宮

積分: 51912

10^#

發表於 15-1-13 23:52 |只看該作者

Bling11 發表於 15-1-13 23:43
人少仲多是非，困獸鬥

唉...我仲以為係咪我未適應到【唔係獨立工作】既環境至係咁,,,原來仲衰過番大公司...

我都係頭一次番細公司咋...咁我係咪應該做番秘書好過? 咁事實上我真係慣咗獨立工作,

唔鐘意人去干涉我點去做野囉...依家呢度連我點做野都會被過問&教我點做事,好似當我係【初出茅籚】咁款,我確實仲未接受到...不過呢排老闆都似乎知我有呢種特性,冇再監督我或企响我隔離睇我用電腦...算叫做好咗好多...之前我係唔慣到有啲燥...冇錯...我之前真係好易燥底同着火...所以呢次我真係唔想守唔到,份新工未過試用,我就露出我兇狠既真面目(>.<" 成日燥底發脾氣...)

私人傳訊

MMQ

子爵府

積分: 13570

11^#

發表於 15-1-13 23:54 |只看該作者

回覆：發現原來細公司少同事都照有人際問題...==|||

我公司有個人同你同事好似好似，又係做嘢慢、唔識變通、簡單複雜化、抄橋當自己原創

仲有一點係佢永遠做錯嘢都一定係其他人連累或者其他人嘅問題。。。

但係，佢唔係我同級，而係我上司

私人傳訊

~仔仔媽咪~

水晶宮

積分: 51912

12^#

發表於 15-1-13 23:55 |只看該作者

wonderlulu 發表於 15-1-13 23:48
人多, 幾大問題都攤薄,

人少, 少少問題都係只有你俩個揹硬。

暫時我都幾乎冇乜點俾老闆話過...不過聽您咁講,我真係驚喎...咁係咪反而我照樣惡死番會保護到自己啲呢?用做私人秘書對老細既脾性(阿媽湊仔格)嚟做呢份工?

私人傳訊

katiels

禁止訪問

積分: 649

13^#

發表於 15-1-13 23:59 |只看該作者

回覆：發現原來細公司少同事都照有人際問題...==|||

提示: 作者被禁止或刪除內容自動屏蔽

私人傳訊

good_pig

寶石宮

積分: 318142

開心吸收勳章 hashtag旅遊勳章大廚勳章畀面勳章 BK Milk勳章

14^#

發表於 15-1-14 00:06 |只看該作者

天佑我們發表於 15-1-13 23:40
少人先困獸戰

同意, 唔岩傾又要局埋一齊

私人傳訊

~仔仔媽咪~

水晶宮

積分: 51912

15^#

發表於 15-1-14 00:06 |只看該作者

MMQ 發表於 15-1-13 23:54
我公司有個人同你同事好似好似，又係做嘢慢、唔識變通、簡單複雜化、抄橋當自己原創

仲有一點係佢 ...

咁大鑊!!!仲難頂喎...仲要係自己上司...蠢唔係一個問題,但唔好扮叻扮大佬,叻唔切係咁點人做野,好似我依家公司呢位小朋友咁...佢幾乎日日都嘗試當我係佢條LAN嚟點我做野,我真係一聽到唔係路既就即刻彈佢!唔會聽佢支笛囉!

好似今日咁,又係佢自己LAI既屎,明明人地速遞一早打電話上嚟要佢補番張INVOICE單,嗰時都五六點啦,人地真係趕收工同急,佢都仍然可以聽完電話收咗人線後,繼續做其他野同去廁所加後樓梯煲煙,十五分鐘後至慢條斯理咁【懶係】急咁同老闆講速遞要求呢樣野,結果人地等咗已經好耐,打上嚟又催又寸又鬧,直頭個速遞話丟番我地件貨落車我地都麻煩啦咁嚟兇我地...已經急到甩碌,佢都仲好意思用埋啲好stupid既方法去打單---逐隻字去打...其實只要花兩分鐘時間上公司system打貨號就已經可以COPY & PASTE所有產品英文全名同價錢上去佢個word file(打緊invoice)度搞掂,明明只需幾分鐘既野,佢用咗個花費十倍時間既方法去做...仲要好笑到叫我幫佢打俾個速遞問個速遞响邊...我即時拒絕&話:"唔打!要您自己去打啦!人地已經嗌您落樓下交張單俾佢,已經响樓下做住西北風等咗好耐,仲打去搏鬧呀?"跟住佢話要抄低速遞個電話號碼先喎!又白痴多一鑊,電話紙只係A4紙一大張,咁趕仲可以咁有閒情去揾紙筆抄底,張紙好重?仲有好多時間?仲嫌人地速遞做唔夠西北風?嗰下佢白痴到一個點係我都真係有啲受不了到好想好好鏟鑊佢!

私人傳訊

~仔仔媽咪~

水晶宮

積分: 51912

16^#

發表於 15-1-14 00:09 |只看該作者

katiels 發表於 15-1-13 23:59
你要加油啊

我會好好加油架!依家我乜都唔理,完全要求自己一心一意做好份工.

點評

究竟我是誰

發表於 15-1-14 10:16

wcpcelia

發表於 15-1-14 08:58

私人傳訊

wonderlulu

珊瑚宮

積分: 118281

17^#

發表於 15-1-14 00:12 |只看該作者

~仔仔媽咪~ 發表於 15-1-13 23:55
暫時我都幾乎冇乜點俾老闆話過...不過聽您咁講,我真係驚喎...咁係咪反而我照樣惡死番會保護到自己啲呢?用 ...

我又覺得唔使C惡起晒鋼

只要你"食"住份工做好自己, 個同事只要唔添煩添亂俾你, 佢做得慢又如何呢?

冇咗佢, 你老板會俾埋份人工人乎?

有佢係度, 先有得比較能力呀。呢啲係見慢打慢, 見快打快。

細公司弱點係缺乏紀律同硬性工作規範, 所以HEA人去到細公司, 好難再翻身。

但能律己嘅人通常易工字出頭/學到野。一身刀仔要發展要轉位都有優勢。

私人傳訊

~仔仔媽咪~

水晶宮

積分: 51912

18^#

發表於 15-1-14 00:14 |只看該作者

天佑我們發表於 15-1-13 23:49
你老闆請著你真係抵,希望佢識用人,善用,唔係真係走寶

其實依家我做份工,真係志在有滿足感,能力得到認同 & 真係幫到手!

人老咗,心態唔同咗,番份工最緊要開心!

以前真係後生時,我真係只會着眼人工多少,老闆唔肯加人工或俾人工低,我果時真係會留力,淨係肯俾我認為值嗰個人工既工作能力俾人!但依家真係唔理,連個職位都唔care,您出價唔高但合理,就算您請我時個職位係文員仲要係文員仔,我都用盡我所有能力去好佢,當係秘書工咁做,自己心安理得又對得住自己嘛!