懷孕前後今日: 2|主題: 330337

收藏本版

發帖

返回列表

跳至頁

查看: 2284 | 回覆: 45

孕婦食物安全 [複製鏈接]

12 3

麻辣媽咪

大宅

積分: 4555

1^#

發表於 15-1-14 02:53 |只看該作者 |倒序瀏覽 |打印

有少少掃興，見最近唔少post有關咩野食唔食得，有感而發，請勿見怪。

bb的確冇想像中咁脆弱，佢地生命力強，好多孕婦咩葉酸維他命都冇食過，bb一樣健康成長到出世。《《《不過》》》bb係好需要媽媽保護，我地食嘅飲嘅，入到血嘅，通過到胎盤嘅都會影響佢地，尤其某些細菌對平常人冇大影響，最多病吓痾嘔幾日，但對孕婦同bb就好大件事。李斯特菌就係最常接觸到嘅呢類惡菌，而消滅佢好簡單，高溫煮食就可以。

孕婦要揀熟食，係驚食物處理過程，存放方法出問題，餐廳廚房咁多人，咁多野，又生又熟，又唔知係咪個個都咁乖徹底洗手先處理食物（好明顯唔會，自己或朋友做廚房就明白，去完廁所唔洗手有幾閒），至於食物來源，宜家物價高漲，餐廳都以成本效益為先，仲會唔會咁注重食物來源安全。所以煮熟食物係基本保障。

我自己懷孕3個幾月，早前日日嘔幾次，冇胃口，想食嘅好多時唔食得，例如魚生，軟雪糕，沙冰，frozen yogurt，凱撒沙律... 試過喺雪糕counter前徘徊好耐，個店員都有少少唔好意思咁望住我。有時都覺得好慘，呢樣唔食得個樣又唔食得，沙律咁健康都話唔得，害喜已經夠辛苦啦，尤其見到人地食更難忍。不過我忍住，同自己講，明知唔得仲要做，有起咩事上黎，就係自作孽，唔通為bb忍下口都唔值得？（sorry講得嚴厲咗，呢個係我同自己講嘅對白，激勵自己。）

真係唔係食多食少嘅問題，碰著有菌，食一啖都中招。但如果jm真係忍唔到口，甘願冒險，大家都會尊重，但真係真係唔好教其他孕婦，話高危食物係食得，食少少冇問題，罪過罪過。

講完舒服晒，因為見到有jm唔明白點解揀熟食咁重要，個心有少許不安。祝福大家平安渡過孕期，日日開開心心，生完去放題擦餐勁！共勉之！

0 0 0

私人傳訊

02November

大宅

積分: 2717

2^#

發表於 15-1-14 06:09 |只看該作者

支持支持 <3 生冷野真係唔好博

私人傳訊

森蝶

大宅

積分: 2709

3^#

發表於 15-1-14 07:56 |只看該作者

引用：有少少掃興，見最近唔少post有關咩野食唔食

原帖由 麻辣媽咪 於 15-01-14 發表
有少少掃興，見最近唔少post有關咩野食唔食得，有感而發，請勿見怪。

bb的確冇想像中咁脆弱，佢地生命力強 ...

我都覺得有啲人唔知咩心態，覺得食少少ok. 其實中唔中睇彩數嘅啫，好似要bb咁，有人做極唔中，有人m住做都中啦。

其實個個人身體唔同，真係唔好教人食咩食咩，戒唔戒口都係個人行為，有人問咪講個風險佢知lor, 唔好話自己成日食無問題。

因為你唔知人地食咩份量，好似木瓜連西醫都話唔好食，但總係有人話自己大肚照食無問題，問題係可能你一個木瓜煲埋一大煲一家十個口飲，但聽你講果個一個木瓜滾埋兩公婆隊晒仲食埋啲瓜，你話陣間人地食左有事後唔後悔一世