大仔大女媽媽會今日: 0|主題: 177860

收藏本版

發帖

返回列表

跳至頁

查看: 938 | 回覆: 8

[2008年] 我的陪月 [複製鏈接]

chh0416

別墅

積分: 807

1^#

發表於 08-6-7 13:05 |只看該作者 |倒序瀏覽 |打印

我係4月媽咪, 我想o係度講下我的經歷......我初時係o係bk度睇到有媽媽介紹陪月員而試著打電話俾"盈姨"問下佢有冇期可以幫到我, 但..由於佢full哂..所以佢介紹左另一個叫"阿寶"的朋友給我; 本來請陪月係一心諗住可以令自己坐月都坐得舒服d, 又有人可以幫我照顧到阿b的, 但..我呢個陪月真係實在"太不稱職及太商業了"!!!
以下是她的6宗罪:
1) 請假:第一日返工已同我講明天下午有事要請假, 仲要一星期後我問佢才同我講逢星期二下晝要請假, 解釋係初時無諗住接我呢單job, 所以已報了course !! <我心諗...點解我當初同佢見工時佢一句都無提過, 而且仲要係返工一個禮拜後我同佢傾開計佢先至同我講呢 ??>

2) 打爛野唔出聲: 佢返工頭3天已打爛了我結婚用的茶壺蓋都唔同我講, 等我過2天後發現左問佢..佢先至講 : oh!!係呀, 我唔記得左同你講tim, 我賠番俾你呀 !! <我當時都同佢講..你試下盡量去配拉! 點知...直到佢走的一日一句都無提及過呢件事!! 雖然..我都無諗住佢會買到, 但...係咪點都要交代一聲呀!!>

3) 哂命: 成日同我講..佢以前幫邊邊個補習天皇打工做了3年, 人地人工高過我etc.... <有冇攪錯呀!!! 當初都係同佢傾好左人工係$9,000蚊你先返工架拉, 你依家o係度嫌三嫌四!! 雖然你口口聲聲話以前做開係$10,000 ~ $11,000, 如果你o甘唔滿意...你當初點解要接呢單job呀??>

4) 出糧問題: 見工時佢自已同我講明每做13天出糧一次的, 而且我講明只會用佢到6月4日, 而佢亦清楚同我講佢下單job係6月20日開始的!! 點知...佢o係第11-1/2日早上一入門口就同我講張提款咭禁機時食左, 要我按比例出糧比佢! <我亦都立即應佢要求即時出左糧俾佢>

以下2點是令到我同我老公最嬲的 !!!
5) 嚇親阿b : 佢成日都o係阿b瞓緊覺時剿醒佢起身沖涼的, 第一日時我已經同佢講反正阿b依家o係度玩緊, 不如你先同佢沖涼拉, 佢當時好唔鍾意o甘答...得拉, 我自已會安排!!! 點知...每日我都聽到阿b於沖涼時好慘o甘起勢o甘係度喊, 我當時都隻眼開隻眼閉, <我心諗, 一日做8個鍾, 點解你唔係就阿b d時間而安排工作, 而係你自已喜歡幾時就幾時做?? >
點知...有一日, 我突然聽到阿b喊到變哂聲..仲要好聲西力竭喊破喉嚨, 我立刻出去睇下發生咩事拉, 原來唔單止又剿醒阿b起身沖涼又夾硬夾住阿b幫佢剪手指甲, 我當時見到阿b好驚好惶恐, 心都痛哂, 佢仲要同我講...係我控制佢..唔係佢控制我架 !!! <有冇攪錯, 呢個陪月一d愛心都無, 最基本做陪月應有的工作態度都冇, 平時其他野我都可以忍, 但呢樣野真係令到我好嬲!!!>

6) 突然話唔做就唔做 : 未到期時突然間o係第19日早上一入門口就同我講下單job的媽咪生了, 所以下午就要走, 仲要我即刻出糧俾佢!! 佢仲要計多1/2日, 好彩當時佢o係lift口我嗌得到佢返轉頭俾翻1/2天錢俾我o乍 !!! <我當時都有同佢講叫佢幫多我3天上午好唔好, 佢斷然拒絕!! 我心諗有冇攪錯呀...你一話唔做就唔做, 你都要俾d時間我安排搵人黎幫我架, 一d相量余地都無 !!! 仲有就係出糧仲要報大數!!!>

之後我都有打俾個介紹人"盈姨"投訴"阿寶", 點知換來的結果係...一)打爛野好正常o即; 二)請假: 可能佢唔記得同你講o即; 三)聽你依家把聲你都唔可以需要人幫你拉;

**總括黎講: 我覺得呢d係一個最基本要有的工作態度及對工作的熱誠及誠信的要求, 你點做點哂命都唔緊要, 最緊要係幫我照顧得阿b妥妥當當, 點解要o甘樣嚇親我阿b, 同埋..做陪月唔係要好有愛心仲要識得點樣舒緩產婦情緒的人嗎 ??

所以..依家我把我的經歷告知各位媽咪要小心呢2位陪月員, 特別係幫我o個位"阿寶", 佢真係絕對係一個不稱職/沒有愛心/沒有誠信/及連基本的工作態度都無責任o既人, 敬請各位媽咪小心!!!