母乳餵哺 今日: 0 | 主題: 85707

積分: 40343

好媽媽勳章醒目開學勳章陪月勳章

1^#

發表於 08-5-15 11:42 |只看該作者 |倒序瀏覽 |打印

其實都唔算全人奶足6個月, 因為頭一個月有餵奶粉, 到大約1.5個月才正式全人奶(可能是唔適應奶粉, 開頭經常肚痾, 難為阿仔仲捱咗一個月奶粉).

回顧過去:
- 試過2次乳腺炎, 10次以上nipple被bb啜損, 塞咗+含膿+發炎要call lactation consultant上門通返, 簡直係女人最痛!
- 呢半年來, 從未試過連續訓多過4小時...
- 仲有 "ddd" - 唔係個胸ddd cup而係"墮 dur dum".
- 20磅肥肉仍然跟住我, 再加上每日驚人的食量, 睇怕一日仲餵人奶一日都唔會瘦.

然而, 種種令人感到氣餒的現象, 並無拖垮我的意志. 今日我為bb, 為餵人奶而感到驕傲! 令我感到自豪的:
- bb好鍾意笑, 相信是感到媽媽的愛, 而餵母乳絕對能讓bb感到被愛護, 又有滿足感...

- 我同bb呢半年來都未病過(傷風感冒果d)!!

- 米芝蓮bb

: 出世 - 6.6磅, 今日6個月, 20磅!!

[ 本文章最後由方麗娟於 08-5-15 11:45 編輯 ]

0 0 0

私人傳訊回覆引用

積分: 40343

好媽媽勳章醒目開學勳章陪月勳章

2^#

發表於 08-5-15 12:10 |只看該作者

相比其他堅持餵到一年, 年半, 兩年甚至更耐的媽咪,
我只有半年係微不足道,
但仍然感到十分開心, 滿足, 自豪,
因為, 呢條路一D都唔易行, 我卻一步一步咁行落去, 冇諗過停,
而更重要的是,
以前我係一個事虎頭蛇尾的人, 玩/讀書/工作...都係冇恒心,
想不到餵人奶和湊BB呢2樣嘢, 我竟然可以默默克服一個又一個的困難,
那份堅持和勇氣, 唔係我一個人可以支撐,
有老公, 有BK媽咪的支持, 鼓勵和指教, 我才可以走下去.
好多謝有BK呢個平台, 有各位熱心又願意分享的媽媽!!
其實你地先係最大功勞!! thank you very much!!
我和囝囝都要多謝你地!

私人傳訊回覆引用

積分: 8276

叻叻勳章畀面勳章睛靈勳章

3^#

發表於 08-5-15 12:10 |只看該作者

恭喜你的寶寶6個月生日呀！

「捱下捱下,頂住頂住,唔開心又上來呻下呻下」唔經唔覺我都餵左就來3個月人奶!!!除左好彩冇發過炎外,你講的"氣餒現象"都有發生在我身上...

但係你講得好岩,餵人奶的幸福和好處,係只有媽媽同BB先感受到架~~由BB出世幾日weight loss要入院到而家有肥手臂長腳仔;由要補奶粉到人奶多到可以幫BB沖涼;到而家為止除左生熱痱都冇睇過醫生....健康院的姑娘睇見我地個file都讚叻 !!

而家晚晚臨訓, bb都要埋身吃過媽媽奶被媽媽攬住先訓得香甜, 我就咩野辛苦都唔記得晒~~ --> 雖然呢個就係99所講的"痴身"現象,但我不知幾enjoy佢痴我 (sorry,這時候是不該提起99的...)

記得未生前在健康院聽過姑娘講過,餵人奶可增進母子關係,餵牛媽奶隔離屋個二叔公都可以拎你個BB去餵...而家諗返起都會心微笑

嘻嘻,唔好意思,借你個thread又講左自己野tim....

原文章由 方麗娟 於 08-5-15 11:42 發表
其實都唔算全人奶足6個月, 因為頭一個月有餵奶粉, 到大約1.5個月才正式全人奶(可能是唔適應奶粉, 開頭經常肚痾, 難為阿仔仲捱咗一個月奶粉).

回顧過去:
- 試過2次乳腺炎, 10次以上nipple被bb啜損, 塞咗+含膿+發炎要 ...

私人傳訊回覆引用

積分: 8276

叻叻勳章畀面勳章睛靈勳章

4^#

發表於 08-5-15 12:15 |只看該作者

有老公, 有BK媽咪的支持, 鼓勵和指教, 我才可以走下去.
好多謝有BK呢個平台, 有各位熱心又願意分享的媽媽!! -->太感動!!

老公的支持和維護令我毫無顧累堅持餵人奶
BK媽媽的分享和支持,為我解決實戰的問題
沒有BK平台,我可能真的放棄左or產後抑鬱屈c左...

原文章由 方麗娟 於 08-5-15 12:10 發表
相比其他堅持餵到一年, 年半, 兩年甚至更耐的媽咪,
我只有半年係微不足道,
但仍然感到十分開心, 滿足, 自豪,
因為, 呢條路一D都唔易行, 我卻一步一步咁行落去, 冇諗過停,
而更重要的是,
以前我係一個事虎頭蛇尾的人, ...

私人傳訊回覆引用

sa~

積分: 6968

5^#

發表於 08-5-15 12:21 |只看該作者

叻!!!!繼續餵落去....最辛苦既已過...e+可以享受e 這種只有你同個BB先至感受到既愛

私人傳訊回覆引用

積分: 40343

好媽媽勳章醒目開學勳章陪月勳章

6^#

發表於 08-5-15 12:52 |只看該作者

原文章由 peachcreamy 於 08-5-15 12:10 發表

唔緊要呀! 大家互相支持, 你也繼續努力! 有咩唔開心咪上嚟呻, 不過都要多D諗下同BB一齊的開心嘢, 個人先會平衡d架! 我都係咁, 望住阿仔就開心晒~

私人傳訊回覆引用

OneOneMa

積分: 1038

7^#

發表於 08-5-15 13:58 |只看該作者

我個囡下星期都六個月勒... 而家都係全人奶, 真係架, 辛苦的時間已經過咗, 我都好開心, 由於亞 b 的"運動量" 勁大(全日不停踢腳 fing 手), 所以之前都唔係好長肉, 而家見佢開始有對肥腳仔都好開心架, 佢而家開始食粥仔, 相對我都唔使咁大壓力去泵奶, 真係好開心, 我想繼續餵, 方麗娟, 我地一齊努力啦~

私人傳訊回覆引用

carton514

積分: 4011

畀面勳章

8^#

發表於 08-5-15 14:55 |只看該作者

好叻呀,

繼續努力,

支持你!

私人傳訊回覆引用

cececeliawong

積分: 6833

9^#

發表於 08-5-15 15:14 |只看該作者

我都餵咗全人奶8個月喇

阿b出院後都冇食過奶粉,

大家一齊努力

私人傳訊回覆引用

望望媽

積分: 2018

10^#

發表於 08-5-15 16:16 |只看該作者

我都餵咗全人奶七個月喇，係呢..唔知關唔關事，我阿b都係成日笑嫁，佢都有病過，但病住都笑o既，又識得自己好返，所以我全部都歸功人奶，我媽咪最初都有叫我幫阿b戒嫁，後未佢見阿b病咗都識自己好返o既時候，一見我唔夠奶就會話"咁唔得喎！等我煲返啲木瓜魚湯先

私人傳訊回覆引用

積分: 8276

叻叻勳章畀面勳章睛靈勳章

11^#

發表於 08-5-15 16:38 |只看該作者

多謝你呀~~見到個女笑真係咩唔開心都冇晒~~前幾日自己唔開心喊左好多次,阿女又食少左奶,朋友話媽媽唔開心d奶會酸...所以我都要開心d,等d奶甜d先得...

原文章由 方麗娟 於 08-5-15 12:52 發表

唔緊要呀! 大家互相支持, 你也繼續努力! 有咩唔開心咪上嚟呻, 不過都要多D諗下同BB一齊的開心嘢, 個人先會平衡d架! 我都係咁, 望住阿仔就開心晒~

私人傳訊回覆引用

brbaby2007

積分: 37656

好媽媽勳章醒目開學勳章畀面勳章 BK Milk勳章 hashtag影視迷勳章

12^#

發表於 08-5-15 18:13 |只看該作者

食人奶同bb笑得多有關架咩? 我個女都係成日笑架喎, haha~

方麗娟, 我想講......唔係你之前個topic, 我都捱唔到今日~~~

私人傳訊回覆引用

babushka

積分: 6472

13^#

發表於 08-5-15 18:24 |只看該作者

大家加油.....

好快就好似我噤一年架啦...

私人傳訊回覆引用

adfayfay

積分: 1599

14^#

發表於 08-5-15 23:47 |只看該作者

我bb都全人奶6個月零1星期了~雖然都補過少於5次奶粉~但真係好開心~記得當初餵到喊，自己都懷疑自己憂鬱，被我阿媽話餵人奶肉酸無營養~到現在我阿媽都叫我阿哥如果有bb時要餵人奶，健康d！那份滿足感真係難以形容~每次見到囡囡笑，我都好開心~so far 好好彩，從未有乳腺炎(touchwood)，bb除打針後試過發少少燒外，真係一次都未病過，但其實我全家人都病過哂~所以我真係覺得是人奶的威力~而事實bk這個平台是我支持到今天的動力~ 人奶媽，加油~餵餵餵~

私人傳訊回覆引用

JJBB2

複式洋房

積分: 140

15^#

發表於 08-5-16 10:39 |只看該作者

我個囡剛兩個月啦，雖然我自己唔夠奶，返工時泵出來的奶唔佢第二日下午食，日日都要補奶粉，不過由上星期一日補2-3餐奶粉，到今個星期，只係需要1-2餐奶粉，都覺得好開心，希望唔洗好耐可以唔需要再補奶粉啦。

私人傳訊回覆引用

積分: 8276

叻叻勳章畀面勳章睛靈勳章

16^#

發表於 08-5-16 11:00 |只看該作者

加油呀~~ 一定得架~~ 你有冇邊餵邊泵呀?我返工開始早晚邊餵邊泵,d奶量仲多過放產假時呀~~

原文章由 JJBB2 於 08-5-16 10:39 發表
我個囡剛兩個月啦，雖然我自己唔夠奶，返工時泵出來的奶唔佢第二日下午食，日日都要補奶粉，不過由上星期一日補2-3餐奶粉，到今個星期，只係需要1-2餐奶粉，都覺得好開心，希望唔洗好耐可以唔需要再補奶粉啦。 ...

私人傳訊回覆引用

OneOneMa

積分: 1038

17^#

發表於 08-5-16 11:18 |只看該作者

我個囡差唔多六個月, 已經開始食粥仔, 所以而家每日4-5支奶減到2-3支, 你地又開始俾粥仔未呢? 我媽咪中午會俾米水佢飲, 亞囡初初唔肯飲, 媽咪就加小小奶粉俾佢, 亞囡即刻飲晒, 今日開始, 我俾多一支兩安的人奶亞媽, 叫佢加落米水俾亞囡飲 (因為我唔想佢食奶粉), 希望亞囡肯飲啦...

咁呢, 我即係而家開始可以泵小D, 我應該點減好呢? 我而家個 Schedule 係: 朝早, lunch, 放工飛返去 & 夜晚), 係咪應該減放工嗰次呢? 如果減一次, 會唔會其他時間都小咗奶呢? 定係照泵4次好呢? 大家有咩意見可以俾我?

私人傳訊回覆引用

JJBB2

複式洋房

積分: 140

18^#

發表於 08-5-16 17:20 |只看該作者

原文章由 peachcreamy 於 08-5-16 11:00 發表
加油呀~~ 一定得架~~ 你有冇邊餵邊泵呀?我返工開始早晚邊餵邊泵,d奶量仲多過放產假時呀~~

我之前都試過，但係次次都攪到bb唔係好夠食。

私人傳訊回覆引用

Happygirl33

別墅

積分: 763

19^#

發表於 08-5-17 07:41 |只看該作者

Add oil ar, breastfeed path really not easy gar, but is the best to baby and close relationship between us and our little one, this feeling very sweet, it's worth it we lack of sleep, painful.....etc. I fully breastfeed my little girl for 1 year la, my target is she naturally stop. Anyways congratulation!!

私人傳訊回覆引用