香港18區媽媽會今日: 0|主題: 156966

收藏本版

發帖

返回列表

跳至頁

查看: 895 | 回覆: 0

[元朗區] 點解咁文明Ｏ既社會入邊仲有咁多哩Ｄ咁Ｏ既人 [複製鏈接]

Hazel媽媽

複式洋房

積分: 238

1^#

發表於 08-6-2 15:14 |只看該作者 |倒序瀏覽 |打印

守規距真係咁難？
星期日去新北江打算買個早餐，諗咗好耐唔知食乜好，經過PIZZAXXX前邊間食日本嘢Ｏ既舖頭咪是但諗住係果度買個早餐外買攞返屋企食，去到果時個收銀行咗入去幫手，我咪排頭位諗住等下都無乜所謂，人哋好似好忙咁。點知，個收銀行緊返嚟果時，有個啱啱食完嘢Ｏ既男人，一句唔該都無，就咁將佢要埋單張死人咭掉上去收銀枱面，我即時話要排隊架喎，點知個收銀聽到都唔理照計佢數，我同個收銀講乜家陣比錢唔駛排隊？佢就同我講你買嘢呀等陣啦。我即時發起，話佢，有無攪嘢，家陣算係乜呀，我買嘢唔駛比錢架，唔通外賣係免費Ｏ既？若然我係男人真係想問候佢全家。
一個無禮貌Ｏ既客人，再加一Ｄ無禮貌Ｏ既收銀，真係想行返轉頭問佢經理係唔係度，但係結果我都無咁做，因為間嘢咁細，睇怕都唔會有Ｄ乜經理，實係自己人幫自己人啦……
哩Ｄ咁黑人憎Ｏ既行為，仲會成日發生，我之前係上水返工，係上水搭２７６A返天水圍果時，總會有一大班人，係龍頭插隊，每次若然我排到龍頭有人插我隊，我實出聲話佢，差一個半個其實對我無影響，但係我唔鐘意哩班咁Ｏ既人，唔守規距，大Ｏ既係咁，連佢哋帶住Ｄ小朋友都學埋，都試過有小朋友插係我前邊，我照話佢，等佢Ｄ家長知道，唔好以為靠個小朋友就博人同情，我好鍾意小朋友，所以先唔會比佢哋咁做，唔係日後哩個社會會變成點？
都唔知幾時，哩個社會全部人都可以變得守規，哩Ｄ咁無知Ｏ既行為點可以比佢一路傳落去比下一代？
最憎哩Ｄ咁Ｏ既人，”排隊”連幼稚園學生都知，所謂成年人，香港仲有咁多年免費教育，但係仲有一班咁Ｏ既人，事問哩排人又點去教好自己Ｏ既小朋友？