回覆 Piggy926 的帖子
Hello Piggy926，您BB可以坐到一陣都好好呀，證明佢本身都有能力支撐自己身體，相信要學會轉身問題不太。BB仲未掌握轉身技巧都有好多因素架，例如體型比較肥胖或﹑穿著太厚既衫等。媽媽可以先主力增強返BB頸﹑背部肌肉既發展，例如帶BB出街/去公園時俾佢坐住BB車，並將坐位調較至一個相當直既角度，當周邊既事物都吸引到佢既注意，就會坐得直甚至會轉下頭仔去留意身邊既事物，從而慢慢就會鍛練到頸﹑背部肌肉啦。另外，要練習轉身時，可以製造一個較大空間俾BB活動，例如係屋企地下加D地墊俾BB扒下同碌來碌去。繼而用D顏色鮮豔﹑最好識得發聲既玩具引佢去拎，有需要可以先安排BB一個準備轉身既姿勢開始做起。如果反到一半，都可以輕輕推下patpat幫一幫佢。多D同BB做轉身練習，相信BB好快就會學識架喇! 加油!
我有一個願望，就是想見到每個BB食得好、瞓得好、笑得好、Poo得好，
有個海綿級肚仔，每天盡情體驗新事物、吸收新樂趣！
發表於 
返回列表
