婆媳關係 今日: 0 | 主題: 27770

積分: 40343

好媽媽勳章醒目開學勳章陪月勳章

1^#

發表於 08-6-14 20:37 |只看該作者 |倒序瀏覽 |打印

c6, 你到底知唔知其實我極度唔想見到你媽咪?
我知完全避而不見係冇可能, 邊個叫我好做唔做, 做咗你老婆&你媽咪個新抱?
但, 真的想告訴你, 我唔想見佢咁多!
過時過節, 生日食飯, ok冇所謂, 但唔該平時冇乜嘢就唔好迫我帶呀b見佢,
我好唔鍾意你生個bb出嚟係為咗討好6299!
好唔鍾意你成日迫我帶呀b見佢地係為咗氹佢地開心, 任佢地玩!
更加唔鍾意你成日當我冇到,
我周身骨痛發高燒肚痾都當我冇事, 由得我一人死頂,
係咪我唔死就當我係鐵人?
點解我要借阿b過橋話佢好累/唔舒服嚟做藉口, 才可倖免見你阿媽(一次半次就得, 次次梗係唔得啦)?
我唔鍾意講大話,
可否只是單純地"我想休息下, 唔過去喇"?
可否話"我想有我地o既family day, 唔過去喇"?
你咁鍾意成日見咪自己見飽佢,
我講過好多次, 次次同阿b見完6299都超累,
尤其對住你媽咪, 鬥智鬥力, 講嘢又要小心,
即使見到佢有咩唔啱都唔敢出聲,
我忍得好辛苦!
你係咪想迫我帶阿b走?

p.s.: 係咪我d戲太好, 好到你以為我好like你媽咪? 你錯了!

0 0 0

私人傳訊

onon1022

積分: 12596

好媽媽勳章

2^#

發表於 08-6-14 20:45 |只看該作者

其實你講既所有野...有無打算同你老公講...你唔講...你老公唔會知道...好多男人就係咁...忽略身邊既人既感受...好好同你老公傾下...

[url=http://lilypie.com][img]

私人傳訊

KoyeBaby

積分: 12890

醒目開學勳章畀面勳章

3^#

發表於 08-6-14 21:25 |只看該作者

得罪問句，你c6係咪愚孝仔嚟架?你病到五顏六色佢都要你去6299呀?我爸爸以前都試過咁對我媽咪,我媽咪病到就嚟暈爸爸都堅持要佢去醫院探我阿嫲,我媽咪嬲咗好耐,後來爸爸知道自己衰咗,依家對我媽咪關心到痺~~
我諗你要同佢傾下,話佢知你嘅感受!佢可能覺得唔啱聽,但係起碼俾佢知道你嘅痛苦呀!!

私人傳訊

hinhofion

積分: 4120

4^#

發表於 08-6-14 21:32 |只看該作者

原文章由 onon1022 於 08-6-14 20:45 發表
其實你講既所有野...有無打算同你老公講...你唔講...你老公唔會知道...好多男人就係咁...忽略身邊既人既感受...好好同你老公傾下...

如果c6係愚孝仔,e個方法係冇用架,我生完呀仔時都好似方麗娟咁,成日比c6迫去見99,明明好累say no都唔得,而且個時99攪到我有抑鬱,我已經好辛苦好慘,同c6講係冇用.....平日對住bb同c6係冇問題,但一關於99,要見99時,我情緒失控到自殘.....係咁撞頭,到個時c6先知問題嚴重,佢先肯去體諒個老婆.......

私人傳訊

wmpl

積分: 3000

5^#

發表於 08-6-14 21:55 |只看該作者

原文章由 方麗娟 於 08-6-14 20:37 發表
c6, 你到底知唔知其實我極度唔想見到你媽咪?
我知完全避而不見係冇可能, 邊個叫我好做唔做, 做咗你老婆&你媽咪個新抱?
但, 真的想告訴你, 我唔想見佢咁多!
過時過節, 生日食飯, ok冇所謂, 但唔該平時冇乜嘢就唔好迫 ...

我有時會諗，係咪我以前做人真係太天真？天真到上天要派一個咁嘅人嚟訓練吓我，等我唔好咁天真？

有時又會喺度諗，男人點解會咁死蠢？明明個老婆都已經話到明唔鍾意見到佢阿媽，點解佢又會成日喺度做埋啲雞仔媒人，唔通佢以為見得多就會冇事咁神奇？咁佢哋就唔淨止唔瞭解女人，係真正嘅又傻又天真！

如果見得多就可以化解愁恨，又唔見啲男人會成日約啲敵人出嚟行街飲茶食飯？

私人傳訊

hinhofion

積分: 4120

6^#

發表於 08-6-14 22:05 |只看該作者

原文章由 wmpl 於 08-6-14 21:55 發表

我有時會諗，係咪我以前做人真係太天真？天真到上天要派一個咁嘅人嚟訓練吓我，等我唔好咁天真？

有時又會喺度諗，男人點解會咁死蠢？明明個老婆都已經話到明唔鍾意見到佢阿媽，點解佢又會成日喺度做埋啲雞仔媒人，唔通佢以為見得 ...

冇錯,明明知道老婆同99之間相處唔到,係都要迫老婆去見99,佢地又唔會唸下會有反效果ga woo,要見,點解c6唔可以自己去見呢?好似方麗娟咁講,過時過節,生日喜慶見下面無妨,間中見一次都無妨,不過差唔多個個week都要見,連自己ga家庭日都冇埋,做老婆ga一定唔開心lor,皮質醇仲baba聲咁升tim呀,掉頸都要抖下氣la,成日比c6迫去見一個唔鍾意ga人,又點會開心呢....不過e d問題,10個有9個c6都唔會去子解,就算知道都唔會為個老婆唸下

私人傳訊

方麗娟

積分: 40343

好媽媽勳章醒目開學勳章陪月勳章

7^#

發表於 08-6-14 22:58 |只看該作者

只有你地才明白我...

同c6講又乜用, 提下都死, 吵大獲, 永遠只有佢啱晒, 我錯晒! 以前佢同好多男人一樣, 同老婆"嘈"其實都唔係嘈, 因為通常係女人bi li ba la, 佢唔出聲. 但而家, 我未講晒成句佢已經喪鬧, 鬧埋我屋企人, 我真係好唔開心. 當然, 唔係話佢永遠唔出聲至係好, 不過駛唔駛而家咁掛, 我一提親99/姑9(未講到戲肉喎)佢就剷到我上天花板? 明明係佢地唔啱都要話我錯?

算, 我已經唔會再同佢計邊個啱邊個錯, 因為錯的永遠是我. 只是, 我真係極度唔想見99見得咁密. 同佢講係冇用o既, 換來只有嗌交收場. 我唔想再同佢嘈, 所以盡量少同佢講嘢就最好.

私人傳訊

elkykit

積分: 10503

8^#

發表於 08-6-14 23:27 |只看該作者

原文章由 方麗娟 於 08-6-14 22:58 發表
只有你地才明白我...

同c6講又乜用, 提下都死, 吵大獲, 永遠只有佢啱晒, 我錯晒! 以前佢同好多男人一樣, 同老婆"嘈"其實都唔係嘈, 因為通常係女人bi li ba la, 佢唔出聲. 但而家, 我未講晒成句佢已經喪鬧, 鬧埋我屋 ...

咁妳可唔可以一早抱咗亞B出去話約咗人或返外囉,唔好等佢吓吓以為妳放假係隨時候命見99囉...

私人傳訊

wmpl

積分: 3000

9^#

發表於 08-6-15 04:56 |只看該作者

原文章由 方麗娟 於 08-6-14 22:58 發表
只有你地才明白我...

同c6講又乜用, 提下都死, 吵大獲, 永遠只有佢啱晒, 我錯晒! 以前佢同好多男人一樣, 同老婆"嘈"其實都唔係嘈, 因為通常係女人bi li ba la, 佢唔出聲. 但而家, 我未講晒成句佢已經喪鬧, 鬧埋我屋 ...

係呀~~~講多錯多,無論我點樣同佢講都好,佢都有歪曲晒我原意嘅本事,令我終於都明白到咩先叫做一家人?唔係話C6幫住自己屋企人係唔啱,但係佢一野蠻起上嚟,同佢阿媽簡直係一模一樣,講咩都係嘥氣!!

我而家覺得對付愚孝仔嘅方法會比較極端,一係你就好柔弱,一係你就要夠硬淨,有時又要二合為一,再唔係就~~,總之就係好鬼麻煩,
不過有一樣嘢係好重要嘅,就係要好睇佢阿媽係點嘅人再隨機應變,唉~~~估唔到屋企都係戰埸,隨時都預備要打仗,仲要諗好多計仔同手段去令到個老公幫自己,~~~~日日喺屋企都要扯行晒啲神經線嚟做人,你話有咩辦法唔人都癲?

私人傳訊

小寶貝兒

積分: 30295

10^#

發表於 08-6-15 05:03 |只看該作者

我話你地聽丫!! 男人, 真係以為99新抱見多D, 就可以了解多D, 就可以家和萬事興架啦!!!

以上, 係我老公親口同我講架!!!!

佢自己明知佢老母難頂, 佢自己讀大學果5年, 寧願自己洗衫煮飯, 一個月都唔會返屋企一次, 佢自己都頂自己阿媽唔順, 到結左婚就成日逼個老婆日日去搵佢老母, 陪佢老母!! (係想我自己一個人去搵99呀!!! 你話佢係咪傻左?!)

果時同佢講幾多道理, 叫佢點樣設身處地諗下我都冇用! (我問佢如果我要求佢成日去搵我父母傾計, 我不在場, 佢肯唔肯! 佢自己都即刻話唔肯啦!! 但佢又可以要求我自己一個去陪佢父母喎!!!)

直到我頂佢地唔順, 被佢地激到我有病, 我直頭覺得我有精神病添啦!
有次佢又鬧我唔肯過99度, 問我99有咩對我唔住, 佢地間屋係咪有野咬, 搞到我死都唔肯過去!

我鬧返佢, 你阿媽點樣對我你心知肚明丫! 而家仲黎問我, 99有咩對我唔住?! 你講笑咋話!!

佢冇聲出, 而我就被佢激到D眼淚吧吧聲咁流出黎, 走入廁所喊, 點知喊喊下就暈係地(其實正確黎講應該係手軟腳軟, 天旋地轉), 加上之前好幾次我被99激親, 我都發晒癲咁用個頭撞牆, 撞到嘭嘭聲, 又試過同老公行緊天橋時想跳橋, 又試過用窗簾繩吊頸, 之前都試過被佢阿媽激到係街度暈倒!

咁多野發生左, 佢先知道原來事情不簡單, 睇怕佢未夾硬逼到我同99感情好之前, 我就已經一命嗚呼!!!

之後先開始好轉, 每次見佢父母都必定陪住我, 佢阿媽激我時, 佢又識幫我兜, 我唔想再留底, 比暗示佢時, 佢又識得主動嗌走, 加上我話唔鐘意成日過去做賓妹, 最近都少左去佢地度食飯, 最多都係飲茶, 就算夜晚要食飯都會叫住要出街食, 等我唔洗做賓賓~~

好彩咋, 唔係我諗而家我已經去左賣蛋啦!!:;pppp:

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

wmpl

積分: 3000

11^#

發表於 08-6-15 05:32 |只看該作者

原文章由 小寶貝兒 於 08-6-15 05:03 發表
我話你地聽丫!! 男人, 真係以為99新抱見多D, 就可以了解多D, 就可以家和萬事興架啦!!!

以上, 係我老公親口同我講架!!!!

佢自己明知佢老母難頂, 佢自己讀大學果5年, 寧願自己洗衫煮飯, 一個月都唔會返屋企一次, 佢 ...

咪係囉~~~我都同C6講過無限咁多次,你自己都頂唔順你阿媽啦,成日去街去到黑,一有少少籍口就連訓都唔返屋企訓啦,你夠話唔駛理佢講咩啦,咁點解一個生你養你,對咗幾廿年嘅人你都唔想見,唔想理,反而要我日日夜夜對住佢仲要照顧佢,仲要對佢好,而我都做到晒咁滯,仲要係冇人撐我呀?請問佢係我邊位而你又係我邊位呀?真係佰幾二佰把火喺個頭殼頂到,
喺個心度係咁燒,係咁燒~~~~

就係知C6 有咁嘅心態,以為我過幾日又會自自然然自動冇事,所以我都費事再同佢客氣同佢講,直接啲話俾佢聽我好憎佢阿媽同哩世都唔會原諒佢就算~~~唔好再妄想同埋做啲多餘嘢嚟煩我呀~~
Leave me alone ,please!!!!

私人傳訊

A.C.C.

積分: 3786

12^#

發表於 08-6-15 13:07 |只看該作者

原文章由 小寶貝兒 於 08-6-15 05:03 發表
我話你地聽丫!! 男人, 真係以為99新抱見多D, 就可以了解多D, 就可以家和萬事興架啦!!!

以上, 係我老公親口同我講架!!!!

我老公之前都係咁諗....只可以講：D男人有時候好白痴

私人傳訊

蜜棗

積分: 11426

睛靈勳章畀面勳章 BK Milk勳章

13^#

發表於 08-6-15 13:22 |只看該作者

方麗娟,寶貝兒(如果仲有〝心滿意足〞都喺度仲好)
好好明白你哋感受.我知道我哋呢d做新抱從來唔會要求或奢望99對自己好.但都唔希望自己比99虾,但真係翩翩呢d嘢就一定會發生.發生呢d事,一定希望自己老公保護自己.
我bb 5月8出世,喺99度住咗兩日已經頂唔順 ,喊哂口打比我亞媽叫佢帶我走,我99開頭不知幾串,最後未又係要死狗過嚟.不過你哋都唔好話我衰.我真係勁唔想見佢,直頭係見倒佢想打佢.最後佢有一次過嚟,我叫都唔叫佢,係咁比說話佢聽,佢又敢喺我亞媽面前鬧我.之後唔敢過嚟,但又打比我,我未同佢嘈,宜家冇嚟咯!
我老公開頭都會叫我比bb佢哋見,但佢見我係咁喊,驚我抑鬱,都唔敢再開口.
唉!!!我99做咗太多賤嘢,宜家我哋搵倒屋搬.莫講話個孫,連個仔之後都小見..
係佢自己攞嚟

爆愛車縫作

私人傳訊

方麗娟

積分: 40343

好媽媽勳章醒目開學勳章陪月勳章

14^#

發表於 08-6-15 22:58 |只看該作者

原文章由蜜棗於 08-6-15 13:22 發表
方麗娟,寶貝兒(如果仲有〝心滿意足〞都喺度仲好)
好好明白你哋感受.我知道我哋呢d做新抱從來唔會要求或奢望99對自己好.但都唔希望自己比99虾,但真係翩翩呢d嘢就一定會發生.發生呢d事,一定希望自己老公保護自己.
我bb ...

hello蜜棗, 而家心情好d嗎? 餵人奶順唔順利呀?

比99搞到抑鬱真係好鬼唔抵, 但偏偏好多新抱都中招, 只有大家係新抱才明白箇中之苦! c6唔會明, 你地仲講得啱, 男人真係會好天真地以為見多d就了解多d, 大錯特錯! 正如佢地唔會想成日見到我地外家d人一樣! 係唔夾就唔夾, 點會見多d就變friend?

你地能夠將情緒發洩出嚟, 而老公又"驚咗你地", 都好丫, 起碼最後可以少d見99. 我就算有情緒問題都唔敢發洩晒出嚟, 喊, 有喊過, 但又如何, c6唔會理的.

由陀到7個月, 到生完bb後(坐月期間), 都想同阿b由屋企個廚房窗跳樓(唯一冇窗花而個身又過到), 同c6講過好多次我有呢d唔好o既諗法, 佢次次都淨係鬧我, 完全冇顧下我感受.

所以到而家我每一日都死頂, 唔開心時咪多d望下bb, 同佢玩下, bb才是唯一令我生存下去的動力. 我唔可以比自己有咩事, 唔可以比醫生證明我有情緒問題, 免得c6, 99佢地有"把柄", 第日要搶嚟湊可以咁攻擊我!

[ 本文章最後由方麗娟於 08-6-15 22:59 編輯 ]

私人傳訊

anitachs

民房

積分: 27

15^#

發表於 08-6-16 01:12 |只看該作者

原文章由 方麗娟 於 08-6-15 22:58 發表

hello蜜棗, 而家心情好d嗎? 餵人奶順唔順利呀?

比99搞到抑鬱真係好鬼唔抵, 但偏偏好多新抱都中招, 只有大家係新抱才明白箇中之苦! c6唔會明, 你地仲講得啱, 男人真係會好天真地以為見多d就了解多d, 大錯特錯! 正 ...

咁伙情況都有D抑鬱呀......不過你老公真係唔了解呢D係情緒既問題.....你上黎發洩下都好呀.....

mouth:
努力以赴

私人傳訊

小寶貝兒