夫婦情感 今日: 0 | 主題: 42710

積分: 1691

1^#

發表於 04-4-22 18:51 |只看該作者

Del

本帖最後由 SweetieBaby 於 12-10-12 12:28 編輯

Del

私人傳訊

lilywl

男爵府

積分: 5165

2^#

發表於 04-4-22 19:06 |只看該作者

Re: 我係唔係應該離開?

咁你仲愛唔愛你老公阿?咁你又唔會有咩罪惡感(始終
係你唔要佢先!) ,不過我無可能話你知離唔離開佢~
佢咁多年都依賴你,我都會覺得好辛苦.唔同佢一齊可
能對佢又好喎,等佢睇清楚自己既處境,maybe會發憤
做人俾你睇!
但係追你個男人你都唔係識左好耐喎~係我就唔會咁
有信心同大膽將自己交俾佢啦!不如再耐d,了解同清楚
佢多d先一齊啦~咁樣對自己有保障d嘛~好過比人"扼"
,到時傷心多次阿~!!!

希望你快d有決定啦!同將來生活幸福美滿!

[size=x-small]囡囡出世~重

私人傳訊

bandband

積分: 11510

3^#

發表於 04-4-22 20:24 |只看該作者

Re: 我係唔係應該離開?

係我都唔會咁輕舉妄動去投入另一個男人懷抱...講真,你擔唔擔保佢會對你好過你老公對你先???坦白講,有邊個女人唔想老公養得掂自己同屋企吖...但你睇吓依家既環境,唔係個個都可以做到幸福少奶奶架...我都係養起成頭家既人,有時我都會同你一樣會覺得好攰,想唞吓,做一陣少奶奶,亦都有埋怨老公無工做既時候...但問心老公又對我好好,真係一條心咁愛我,我又覺得唔應該咁計較邊個負責養家囉~!時代唔同咗,有好多時,唔係一定男人養家,女人都可以架~!!始終個屋企大家都有份,你係愛佢既,就唔好計較,大家咁努力工作,無非都係但求有個安穩同幸福既生活啫...邊個有呢個能力去賺錢,咪邊個負責養家囉~!我覺得只要大家都係開心既,老公又鍚我,真係無乜所謂...你千祈唔好行錯一步!如果你跟咗第二個男人,而嗰個男人之後對你無你依家個老公咁好,

咁咪好搵自己笨???你認真要考慮清楚呀!

老公VOICEMAIL 1 2 3

私人傳訊

ivo

積分: 445

4^#

發表於 04-4-22 22:04 |只看該作者

Re: 我係唔係應該離開?

你好強調你唔係見異思遷, 但請你認真諗下, 冇呢個執定間房等你去訓

私人傳訊

積分: 1691

5^#

發表於 04-4-22 23:34 |只看該作者

Re: 我係唔係應該離開?

有!! 冇e個男人出現前我己經有諗過!
我最失望係我老公唔肯開工(唔係冇工開).我個個月都冇錢剩,佢明知我地

私人傳訊

cherry66hk

禁止訪問

積分: 4834

6^#

發表於 04-4-23 00:32 |只看該作者

Re: 我係唔係應該離開?

提示: 作者被禁止或刪除內容自動屏蔽

私人傳訊

ywpw

男爵府

積分: 6545

好媽媽勳章

7^#

發表於 04-4-23 01:10 |只看該作者

Re: 我係唔係應該離開?

其實我都明d你既感受, 你覺得佢唔重視呢個家庭, 唔肯付出, 女人最怕唔係怕男人窮, 最怕係無上進心同無骨氣(唔好介意)
愛始終有一日變唔愛, 不如比次幾會佢, 同佢講明你既處境, 比佢知你有幾會會離開佢, 睇下佢會唔會有改過, 畢竟你地已有小朋友, 睇下有無轉機........

私人傳訊

helen-law

積分: 315

8^#

發表於 04-4-23 09:55 |只看該作者

Re: 我係唔係應該離開?

你有沒有跟他講你的辛苦和你的決定,讓他有危機感. 給他一個決定, 如果eg. 3 個月内, 還沒有找到工作, 你會離開, 傾時不要發脾氣, 要理智分析給他聽是他一手造成的結果.

看他怎麽想, 如果他想留住你, 他就要積極找工作. 否則你可以名正言順離開他一段時間, 看他如何補救.如果他依然故我, 你就可以做你的選擇.

如果他還很愛你和bb,又找到工作, 你還是給他一次機會吧, 因爲你跟第二個, 也會有各樣的問題的.

私人傳訊

Kirsten

積分: 12439

畀面勳章

9^#

發表於 04-4-23 10:03 |只看該作者

Re: 我係唔係應該離開?

ywpw 寫道:
其實我都明d你既感受, 你覺得佢唔重視呢個家庭, 唔肯付出, 女人最怕唔係怕男人窮, 最怕係無上進心同無骨氣(唔好介意)
愛始終有一日變唔愛, 不如比次幾會佢, 同佢講明你既處境, 比佢知你有幾會會離開佢, 睇下佢會唔會有改過, 畢竟你地已有小朋友, 睇下有無轉機........

I agree

Kirsten born at 31/12/2003 N/B Weight = 3.33 kg One Month = 4.6 kg Two Month = 5.37 kg Three Month = 6.11 kg Four Month = 7.3 kg (70cm long) Five Month = 8.11kg Six Month = 9.37kg (72cm long) 7.5Month = 10.9kg (24 lbs) 8 Months = 11.1 kg (24.4 lbs) 9.5 Months = 11.5kg (25.3 lbs) 10.5 Months = 11.8kg (26 lbs) 12 Months = 11.4 (25 lbs) 16.5 Months = 30 lbs 20 Months = 16kg (35.2 lbs)

私人傳訊

bb5

積分: 199

10^#

發表於 04-4-23 13:17 |只看該作者

Re: 我係唔係應該離開?

bandband 寫道:
係我都唔會咁輕舉妄動去投入另一個男人懷抱...講真,你擔唔擔保佢會對你好過你老公對你先???坦白講,有邊個女人唔想老公養得掂自己同屋企吖...但你睇吓依家既環境,唔係個個都可以做到幸福少奶奶架...我都係養起成頭家既人,有時我都會同你一樣會覺得好攰,想唞吓,做一陣少奶奶,亦都有埋怨老公無工做既時候...但問心老公又對我好好,真係一條心咁愛我,我又覺得唔應該咁計較邊個負責養家囉~!時代唔同咗,有好多時,唔係一定男人養家,女人都可以架~!!始終個屋企大家都有份,你係愛佢既,就唔好計較,大家咁努力工作,無非都係但求有個安穩同幸福既生活啫...邊個有呢個能力去賺錢,咪邊個負責養家囉~!我覺得只要大家都係開心既,老公又鍚我,真係無乜所謂...你千祈唔好行錯一步!如果你跟咗第二個男人,而嗰個男人之後對你無你依家個老公咁好, 咁咪好搵自己笨???你認真要考慮清楚呀!

bandband
妳講得好好.

bb5

[img align=right] http://img143.imagevenue.com/loc247/th_77143_Dogs002resize.jpg[/img]

私人傳訊

積分: 1691

11^#

發表於 04-4-23 19:44 |只看該作者

Re: 我係唔係應該離開?

多謝你地開解.....我舒服d
我試下同我老公再傾多次,唔到last一步我都唔想走

私人傳訊

~BB~

民房

積分: 5

12^#

發表於 04-4-27 00:52 |只看該作者

Re: 我係唔係應該離開?

SweetieBaby,

hello, 你同你老公傾成點呀?有無進展呀?
我唔覺得你來po文係想有人support你離開.我好明白個種想離又離唔開o既感受. 反覆去諗係咪呢一生就這樣過下去既痛苦.由不斷既失望到不再期望....

"離不開的心應早已失去信心
只因天真心裡面間中再等
愛過痛過我竟開始心有不甘"
~這是我當時的心中寫照~

因為見到你o既處境,我諗起以前o既我......................
之不過我無你地一齊咁耐亦無小孩,所以最後我係選擇左離開.........
在此,祝福你, 希望你能儘快找到出口

私人傳訊

積分: 1691

13^#

發表於 04-4-30 02:32 |只看該作者

Re: 我係唔係應該離開?

~BB~, 多謝你! 我同我老公傾過,佢話會改,但到今日仍.......
我好傷心.......我用左好多心血去經營e段感情,我真係唔想將金錢牽入e段感情入面...我真係好想佢好,但我無力感好重。
有時我覺得我用錯左方法去愛佢,先縱到佢今日咁...無左我,佢可能會好d....

私人傳訊

Lok1206

積分: 12826

好媽媽勳章

14^#

發表於 04-4-30 02:54 |只看該作者

Re: 我係唔係應該離開?

不如你試吓返自已媽咪屋企住下,睇吓佢會点！
因為我個Case同你差不多!
BB出世後3星期便回媽咪屋企住到現在,我走後不足一星期BB爸爸就搵到工啦！到現在連早上派報紙都做啊！

不要五十步笑一百步；不要看見人地眼中既刺而忘記了自己眼中的樑木；做人要對得住自己~

私人傳訊

Irvan-mama

別墅

積分: 694

15^#

發表於 04-4-30 14:07 |只看該作者

Re: 我係唔係應該離開?

我也是過來人，有時覺得，吾想分開，其實只是習慣的問題；如果能夠暫時分開，可以令頭腦清醒d、理性d處理一便事••無可無不可；當然，暫時分開，不等於離婚或另結新歡，就當是給大家一個考驗！請不用怪負自己曾經縱佢，只怪他逃避現實、不願長大••其間再試o下以朋友身份多d鼓勵、讚賞他﹝要真心及不要以老婆身份﹞，不要只責罵他。
假設男人還珍惜老婆、愛家庭，他會慢慢改變，更重要是你有多少耐性等。最後一句，愛自己多d，堅持及珍惜一份藉得的留戀的感情。祝快樂！

私人傳訊

芬姐

積分: 306

16^#

發表於 04-5-13 14:33 |只看該作者

Re: 我係唔係應該離開?

sweetie baby

你得 25 歲，咁你老公今年幾歲呢？咁你個 bb 幾大呀？

我見你話你地一齊左 12 年，即係你地 13 歲就係埋一齊 ...

私人傳訊

高比

積分: 11894

17^#

發表於 04-5-13 19:56 |只看該作者

Re: 我係唔係應該離開?

sweetieBaby,
我今日先睇到你個topic, 我好心急想話d野你知, 我希望我趕得切, 亦希望你真係會細心看看, 我既case同你95%一樣。
因為我想你快d睇到我呢段msg, 所以其他媽咪留言我都未睇哂!
我地依家好多媽咪講野or比意見, 你都可能只係睇左就算, 因為可能你已經有所決定!如果你覺得你老公次次都係咁, 唔長進唔理屋企, 你要暫時離開無問題, 但千祈你唔可以一下子搬走, 唔可以突然離開, 你一定要同你老公講你依家既處景, 我覺得你更應該話比佢知你依家有呢個男人出現.
希望你仲未confirm同呢個男人一齊啦!如你老公仲係好愛你, 佢一定會做返d野比你睇, 如果你仲愛你老公, 你就一定唔可以同呢個男人一齊, 可能你會講比個男人知, 呢班c9同你講d咁既野, 我唔介意, 甚至可能你會比個男人睇埋我地呢個topic, 我都無問題, 不過我真係可以幫到你, 我唔想你會同我一樣犯了一個令自己後悔既事!
我錯之前有人同我講過叫我諗清楚既野, 我都只係聽左就繼續犯錯, 所以我真係超級希望你真係會考慮一下我講既野,我24歲, 應該想法都會同你差唔多!
呢個男人你有幾熟悉?佢想同你一齊, 依家講野一定好岩你聽, 可能一邊勇你去搬, 一邊又可能話:我唔係迫你搬黎要同我一齊, 我只係想你真係可以同bb一齊會可以開開心心, 我想你可以爭取你應該既野......我唔係話呢個男人唔掂, 不過如果佢真係好愛你, 佢唔會咁做lor
雖然你地未註冊, 但係你兩公婆既關係, 始終都係一場夫妻, 你離開左你老公之後, 你係咪肯定呢個男人會比到你開心幸福?你係咪真係唔會為你老公再捱?你同呢個男人出街敢唔敢大搖大擺?你會唔會唔敢同自己既朋友或家人講呢件事?
我話比你知, 如果你搬去同呢個男人一齊住, 或者你選擇同呢個男人一齊既話, 呢個家, 就係由你一腳去踢散, 永無翻生既機會, 你明唔明呀?
你要搬走同你老公暫時分開, 無問題, 但你千祈唔好同個男人一齊住, 你同我地講, 你可以再同老公傾下, 即係你仲想比機會你老公, 你唔好呢頭同我地講你搬出去自己靜下, 你就自己同個男人一齊呀, 咁做真係超級死蠢!
你同呢個男人一齊住既話, 你係咪已經好熟悉佢既生活習慣?你係咪好愛呢個男人?你係咪肯定你地一齊/同埋bb一齊住都肯定無問題好開心?你係咪肯定呢個男人先係你個mr right?
你係咪唔可以無男人支持?如果bb第時知道呢件事, bb會唔會嬲你一世?
如果你要撐你自己, 你可以話因為你老公咁咁咁, 唔長進....令到個家散, 如果係咁既, 你搬走, 就更加唔可以同呢個男人一齊, 你更加要比你老公知道, 你走係因為咁, 你要話佢知, 你走得無錯, 唔可以係因為你移情別戀而離開!
我想問一句, 個男人出現之前, 你有無諗過要離開你老公?
如果無, 你點解今日會咁諗?係咪呢個男人提出?係咪佢比到好多支持你?
sweetiebaby, 清醒少少啦!
我話比你, 我3個幾月前先係咁, 我搬左出去同條粉腸住....., 但其實我個心係仲有我老公, 我一直都諗住等老公長進d, 我就搬返去, 一家開開心心, 但另一邊, 條死粉腸....日日嘈(生活習慣問題, 兩日性格問題....好q多問題)我最後決定要回老公身邊, 一路都好似做到和平分手果隻, 但人地反轉豬肚, 打比我老公......總知我個case同你好似, 你要搵人傾既話, 我pm我tel比你, 或者icq乜都得, 我真係想幫到你, 比d意見你
你唔好介意我講野直接, 我都唔怕比你知我既醜事, 我只係唔想有人同我一樣蠢多一次, 永遠後悔......

私人傳訊

~BB~

民房

積分: 5

18^#

發表於 04-5-13 23:55 |只看該作者

Re: 我係唔係應該離開?

SweetieBaby,

不經不覺又一個星期了..情況可有好轉?
你老公話會改..咁佢係有搵工搵唔到定係講完就算先?如果佢係有搵.我諗你比d時間佢law
但當金錢牽入了感情,好多事情都會變得複雜.有些時候並唔係想去計較d咩野,但係心裡始終有一種無形壓力. 個種徬徨無依既感覺,真係好辛苦...
我以前也跟你一樣想法, 是自己把他寵壞了. 但是我想跟你說.不要怪責自己. 每一個人都會去寵自己愛的人.這並不是你的錯. 成年人要為自己負責任.

分開並不等於不愛他, 也並不表示會接受另一個人.
我之前跟我的bf分手也是跟他這樣子說, 當時我離開,真的很不捨,而佢亦很嬲我..我真係有諗過如果佢改過我會同番佢一齊,畢竟大家放入了很多的感情跟時間.. 雖然最終我們沒有再走在一起, 但現在我們還是朋友..跟你說我的事情, 並不是鼓勵你離開, 只是想告訴你, 很多事情是要看timing的.

我想說, 分不分開其實真的很難下決定. 或許先分開一段時間, 給他一點壓力. 下個猛藥, 便能治好呢.

別這樣沮喪了, 寶寶會擔心的.. 為了你的bb, 儘快站起來吧
加油

私人傳訊

fannyyeung

積分: 222

19^#

發表於 04-5-14 10:26 |只看該作者

Re: 我係唔係應該離開?

Sweetiebaby,

你而家點呀? 有無好dd呢?
我睇完高比的一番肺腑之言,都希望你可以從她的身上學到一點點, 我都好同意高比話:想昆你個時,梗係乜都順晒你意,仲扮同情你,了解你,想你開心,救你脫離困境,......等等.第日,反轉豬肚就係屎個時你就番唔到轉頭ga la ,你真係要諗清諗楚呀, e 個男人會得到你之後會唔會好似你而家老公咁呢?仲會唔會錫你bb?
無論如何, 請你比我地知道你的消息! 有須要,搵高比傾吓喇.

私人傳訊

fannyyeung