婆媳關係今日: 0|主題: 27721

收藏本版

發帖

返回列表

跳至頁

查看: 1312 | 回覆: 11

又係度台詞嘅時候.....(頗長) [複製鏈接]

ringo0920

別墅

積分: 559

1^#

發表於 14-9-14 16:41 |只看該作者 |倒序瀏覽 |打印

啱啱又有咗,其實都好開心,但第一胎比老公個姑姐玩死咗咁濟............大家會話老公姑姐好易搞,但問題係中間夾住個奶奶,所以要度下橋REJECT.
首先分享下上次發生過咩事先
(註:姑姐係私家醫院產科做咗三十幾年,成日都恃才壓我地)

例子一:餵奶
仲佗緊個女時,都會出席家庭活動.有一次係係老爺個生日飯,用成間餐廳都聽到嘅聲調大聲問我餵奶粉定係人奶.

例子二:幫BB沖涼
佢話我同老公頭一次做人父母,唔識幫BB沖涼,所以話頭一個月都上我屋企幫BB沖涼.但其實我同阿媽,家姐住同一個屋苑,所以家姐果兩個仔我都有份湊,沖涼換片果啲完全無問題.再加上我已經有不祥預感,所以同老公講可唔可以REJECT佢.老公同咗奶奶講,因為想借奶奶把口出聲,但奶奶話姑姐誠意拳拳,叫我比姑姐咁做,而惡夢由此而生......
姑姐返醫院係要輪班,所以有時要就佢啲更期.佢有多次係係早上5點上O黎,8點先走.但BB要飲夜奶,朝早4點飲完,我都無抖佢就上O黎,然後要我較水,執毛巾.到佢走我阿B又飲奶,我就要去餵.我生完都真係好想爭取時候抖,但為O左佢O既誠意我就此無O左休息時間.有時就等佢放工先上O黎,上到O黎7點幾,沖完9點,我就要餓到佢走先食飯(因為我阿媽8點多啲開飯).我其實真係唔需要佢幫BB沖涼,我家姐都講O左放O左工幫我,時間FIT哂我O既休息時間

例子三:做手術
我係公立醫院生B,可能手勢唔好,出現分泌物管道閉塞.我本身想等健康院個產後檢查,但佢排O左個產後7星期O既期比我.我奶奶就話唔好等,出去搵個婦科睇.因為如果要做手術,公立醫院排期加手術完休息時間,肯定超過我個產假.咁我聽落又有好道理,但我無睇過婦科,唔知咩醫生好,奶奶就話問姑姐.........
姑姐REFER醫生比我,我上去睇完話要做手術
1, 我公司有MEDICAL,做手術可以CLAIM,但如果個病O既成因係因為生仔就唔包.咁我同姑姐講我想問下個醫生可唔可以係張CLAIM FORM上寫唔關生仔事啦.佢就話,無醫生肯咁樣做O架....如是者話O左我幾日啦.後來興興地就唔鬼理佢直接打比醫生問,醫生話"你個病唔一定係生完B先出現O架,我可以幫你寫唔關事O架".............好彩問下O者,唔係蝕O左萬四蚊
2,個醫生都有做接生,所以同姑姐好熟.我亦都相信姑姐"關心"我所以問關於我O既病情,但係,我無諗過個醫生完全唔尊重我O既病歷私隱講比姑姐知,我亦無諗過姑姐將我個病分享比O的親戚包括男性囉

以上只係勁少部分......

我今次決定請陪月,主要係想塞住佢把口話要上我屋企"幫"我.但最難搞仍然係奶奶.
我想講我奶奶絕對係一個好奶奶,同我傾得埋,當我係女咁.然而就好怕得失啲親戚,就以上例子,大家都見我係有傳過話係唔想姑姐上嚟,但奶奶怕得失個姑仔就犧牲咗我.....仲有,我因為胎盤前置,生女果時大量出血,頭幾日基本係起唔到身,兼且我係勁傳統果隻坐月(即係無沖涼齋薑水抹身,可想而知我有幾咁"乾淨"),但係我老公個姑媽遠道由中東返嚟,我奶奶就無問過我就係坐月頭幾日帶姑媽嚟.........
我有諗過今次係即刻開門見山同奶奶講(因為發現叫老公同奶奶作任何對話都係哂氣),但又怕得罪奶奶.但另一方面,如果我唔講,煮到埋嚟先擋,我又怕我招架唔住

各位,可以比意見嘛?