| 有傳盈盈成功懷第二胎。(蘋果日報) |
http://hk.apple.nextmedia.com/enews/realtime/20150401/53590365
錢嘉樂2012年同湯盈盈奉子成婚，眨吓眼，囡囡錢凱晴(Alyssa)已經兩歲，現年39歲嘅湯盈盈同49歲嘅錢嘉樂，早前更自爆有生B計劃，今日雜誌爆盈盈有咗第二胎，不過未夠三個月，暫時未同得大家講住。
據報道表示，盈盈一向「鬼妹仔」性格，好難守三個月「秘密」嘅，有傳盈盈已向身邊朋友透露喜訊，不過就未敢喺微博公佈，又指盈盈未有特別進補，目前仲係乜都照食，報道更爆，嘉樂仔佢哋一家住西貢匡湖居，不過囡囡開始要返學，加上盈盈目前粗身大細，嘉樂仔都唔想愛妻太辛苦，一家搬咗去盈盈位於北角半山嘅舊屋。
該報道引述知情者講，過咗今年六月，盈盈就係高齡產婦，陀B初期特別易攰，嘉樂仔都叫盈盈多啲喺屋企安胎，據知，盈盈對事一直好認真著緊，有指早前網民笑囡囡Alyssa嘅外貌，令盈盈傷心到喊，要嘉樂仔安慰佢。
報道爆日前嘉樂仔去咗睇好友陳志健打拳賽，被問係唔係再做爸爸，佢都難掩內心嘅喜悅，嘉樂仔指希望2016年做老竇，只係講自己都有計劃，想囡囡有個伴，係姊弟又好、姊妹都好，一心想佢哋年齡唔好相距太多，好似佢自己咁，細個可以同阿哥錢小豪一齊玩，感覺冇隔膜，亦希望快啲話畀大家知。
有傳嘉樂仔為咗囡囡學習早睡早起，佢同盈盈都會一齊扮瞓，等囡囡瞓咗先，嘉樂仔先起身做手頭嘅工作。據知，嘉樂仔出年就會做導演，喺現實中再做爸爸，電影方面又做「爸爸」，相信大家都想嘉樂仔出年會雙喜臨門!
 錢嘉樂一家同天明一家去玩，相信好姊妹周家蔚同湯盈盈呢兩位大肚婆應該有排傾。(微博圖片) |  就算有咗，盈盈都係親自照顧囡囡。(微博圖片) |  湯盈盈（左一）個肚微凸! |
 盈盈兼着平底鞋（右二）。 |  睇嚟好小心護肚! |
發表於 
返回列表
