完成澳門加珠海長隆3天遊 (5-7/4/2015), 2大2小 (3 & 9 YRS)
經明星買3人企鵝酒店, 包一晚酒店,自助早餐,晚餐,海洋王國兩日門票, HK$2,525, 另一晚益健假日酒店(珠海)經携程訂 RMB305 (不包早餐)
4月5日早上10點船到澳門氹仔碼頭, 11點到碼頭再搭發財車到威利斯人, 先寄存行李, 而家要10元寄行李, 行一陣再到宫也街食LUNCH, 之後搭的士 ($25)到新豪天地童夢玩, 兩大兩小 (HK$300) 包兩小時, 都幾好玩幾大, 要著長衫長褲同SOCKS去, 大約6:30pm DINNER 係威利斯, 7:30pm 搭免費車 (好多人等車) 到澳門過關, 再搭類似黃巴 ($3) 到珠海橫琴口岸過關, 都好少人十分順利, 再搭車(私家車)問價 $100 (大約30鐘) 到益健假日酒店 (都幾靚), 不過原來酒店係拱北的, 所以遠好多。
4月6日早上8:30 搭的士 (RMB51) 出發到企鵝酒店, 大約30分鐘到, 因未有房攞, 先寄存行李, 周圍拍照, 酒店去海洋王國好近, 因酒店住客可以9:30am先入場, 會檢查袋, 不過都唔係太嚴, 我地照帶水同零食, 先租bb車 (RMB60租金加 RMB200 按金), 這天都很多人入場, lunch 在場內食, 大約 RMB45-60一個餐, 味道ok, Dinner buffet (5:30-9:30) 係企鵝酒店, 十分多人, 要排隊, 但好多選擇, 味道很好, 大約8:00pm 去睇煙花, 都幾精彩,
4月7日早上9:00 食自助早餐, 都很多人, 可能遲左, 到處都要排隊, 但好多選擇, 味道很好, 大約10 點又去海洋王國玩, 玩水戰轉轉車, 要著雨衣, 場內 RMB15, 好貴, 所以自己帶定, lunch 在場內食, 大約3:30pm 離開, 到酒店門口搭的士 RMB30, 都等了大半小時, 20分鐘左右到橫琴口岸過關, 再搭類似黃巴 ($3) 到澳門過關, 之後出面有很多發財車等, 我地搭去威利斯, 再搭去氹仔碼頭, 剛剛好可以搭6點船回香港,
感想都值得一遊, 因有很多精彩表演, 酒店都幾靚^-^
發表於 
返回列表
