國家地區媽媽會

收藏本版
發帖
返回列表
跳至頁

首頁
1

尾頁
   3
zxzx


伯爵府

積分: 17352


1#
發表於 15-4-7 17:56 |只看該作者
我想同父母 (under aged 70 ) and 小朋友 (aged 2), 去美國三藩市同洛杉磯玩。

香港旅行社好小團出發，我打算買機票去到當地參加當地旅行社。美國的媽媽們，請問有冇當地旅行社的資料或好介紹？

其實去美國主要一嘗父母的心願， 打算今年聖誕左右出發， 唔知當地旅行社local tour 會唔會休息冇團呢？

唔打算自由行因為我人生路不熟有老有嫩， 我又不會自駕， 相信美國公共交通工具都唔容易搭， 所以打算參加旅行團。

主要去三藩市， 拉斯維加斯，洛杉磯。 希望大家可以俾d 當地旅行社 資料我, 萬分感激謝謝。
私人傳訊

rose-mag


王國長老

積分: 174135

母親節2025勳章 2025勳章 2025勳章蛇年勳章 2024年龍年勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


2#
發表於 15-4-8 01:16 |只看該作者
zxzx 發表於 15-4-7 01:56
我想同父母 (under aged 70 ) and 小朋友 (aged 2), 去美國三藩市同洛杉磯玩。

香港旅行社好小團出發，我 ...
你嚟幾多日？有本地團可以預訂，亦有多種選擇，以你有老有嫩情況，我會建議巴士團，會定時放你落車買下水飲買下嘢食去下廁所，不過有時停低午膳地方冇咩選擇，通常導遊都會帶你去食飯，大部份食中餐。有樣嘢同香港跟團去旅行唔同，呢D本地團只係包住宿同車費，你食飯係要自己再另外俾錢，一般導遊帶去嘅都唔會好貴，以人頭計，但我肯定係唔係大小同價，因為以前我跟果陣冇小朋友。小費係最後收，一般都係團費嘅大概15至20％，以人頭計，其實都唔會係好多錢，D導遊都係賺呢D小費，佢地人工唔高。

呢邊導遊好多台灣人，可能會講國語，有D會識講廣東話，一定識英文，你聽得明溝通到就冇大問題，一般景點都會自由活動，約個時間喺某地區再見上車，只要你識得到時返去等就係。

我係好多年前未移民時跟過團，之後有親戚嚟都幫佢地預訂過，去過二日團優山美地加赫氏古堡，四日團優山美地、LV加大峽谷，有親戚跟過七日團去埋迪士尼、環球影城。個人覺得LV時間要多少少，我上次四日團去係下午到，第二日早上食完早餐走，其實睇唔到幾多嘢。你留意每個團出發日子唔同，有D只周五開團，有D會一星期開幾團。

比較老牌一D嘅本地旅行團可以睇下麗山，呢個係佢地個網，我果陣都報呢一間，聽人講其實有好多細間旅行社都係賣團去麗山。http://lassentours.net/san-francisco-tour.aspx
花旗太太生活在花旗國，留意時差，你問我未必即時答到。
私人傳訊

andykwan


大宅

積分: 1360


3#
發表於 15-4-18 00:37 |只看該作者

回覆：rose-mag 的帖子

如果只是由SF 去 LA, 坐megabus 去兩日, 容易嗎?
私人傳訊

rose-mag


王國長老

積分: 174135

母親節2025勳章 2025勳章 2025勳章蛇年勳章 2024年龍年勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


4#
發表於 15-4-18 01:43 |只看該作者
andykwan 發表於 15-4-17 08:37
如果只是由SF 去 LA, 坐megabus 去兩日, 容易嗎?
我未坐過megabus，睇個網好似都幾快，早班車6點由SF出發去到LA下午1點幾，收費好平到20一位，但晏少少就要去到148一位。你本身去過LA未？megabus喺LA個站應該都屬於市區，但之後你要觀光的話，最好都係租車，因為LA地方要等巴士真係天荒地老都等唔到，好多景點都隔開好遠，有車會控制時間好D，同埋LA繁忙時間主要道路係勁塞車，其實SF灣區都係咁。我去LA玩果陣，朋友都plan好幾點要出發，唔係就塞喺路中心，邊度都去唔到。LA兩日好似有D趕，4日3夜會好少少，由SF去LA揸車6至10個小時不等，睇你揸幾快，同埋幾早出發，一般人都係一早開車，到LA就下午。我同朋友去就半夜三點幾由SF揸車落去南灣匯合，再由南灣揸車落LA，中途停低食早餐，再每兩個小時停一停去下廁所買下零食，去到LA食中午飯。主要觀光一日行outlets買嘢，第4日食完早餐就揸返屋企，中途食午飯，輕輕鬆鬆避開繁忙時間。

有朋友太太試過由灣區早上10點幾出發，去到LA已係晚上八九點，因為中間勁塞車，仲要塞喺公路上餓到顛都走唔到。

花旗太太生活在花旗國，留意時差，你問我未必即時答到。
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy