係啊~ 語氣都係一個好大既問題!!
我老公好緊張個囡, 以前成日一返屋企就好惡咁問:"個囡點? 沖左涼未? 食左飯未? 做左功課未? 練左XXX未?" 一返黎就好似審犯咁, 我就好似工人咁答佢, 我就成日話佢鬧我, 佢就成日覺得自己語氣冇問題, 仲話我惡鬧返佢轉頭, 結果鬧交!
呢2年我成日提佢溫柔D, 我有次嘈交時同佢講, "我生左BB, 除左係媽媽, 仲你老婆, 仲係你愛既女人!!!" 之後佢話好似叮一聲咁, 後來語氣又好返D, 又會搵時間同我去拍下拖.
佢成日話同我溝通唔到, 我話點樣溝通唔到? 你一黎就惡聲惡氣, 真係好想拍底你個樣比你自己睇返!
我地由BB出世開始, 就不停周期性地鬧交, 始終我同佢來自不同既家庭, 由細到大既生活習慣, 語氣, 睇事物既方式同角度, 又點會咁容易改變到!
但我地鬧交還鬧交, 一定唔會將事情拖多過1日, 通常唔係訓覺前和好, 就係訓左一晚覺, 第2日就已經乜氣都消晒, 就可以好好地傾下, 通常會係大家講下我點解會咁做, 講晒前因後果, 我考慮過既地方(因為我老公成日覺得我做事好奇怪, 所以我要詳細解釋返當時情況, 我考慮過D乜野, 有咩可行, 然後點解選擇最後要咁做, 通常講完我老公就會明白我, 因為我成日跳STEP諗野的)
最後, 我女都就黎5歲, 最近先叫做溝通得好D, 有D野, 佢唔講我真係唔知的! 樓主你都係, 要多D同老公講, 唔好諗住佢會理解你, 你當佢係小朋友咁, 詳詳細細由頭解釋一次, 等佢明白你點解要做呢D決定, 會好好多架!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
