Baby Kingdom - 親子王國 香港 討論區 › 首頁 › 心聲留言› 我只係想"呻"下咋!

心聲留言

收藏本版
發帖
返回列表
跳至頁
我只係想"呻"下咋! [複製鏈接]

首頁
1

尾頁
   0
Tiffiny


大宅

積分: 3219


1#
發表於 04-5-30 00:57 |只看該作者

我只係想"呻"下咋!

唔好意思，我近排好唔開心，比我o係度宣洩下好嗎？

我個仔已經十一歲，由歲半開始就由我一手一腳湊大，是關佢真係好難湊，bb時已經成日唔訓覺，攪到係人都怕左佢，適逢我地要去澳洲坐移民監，所以自己湊翻! 到兩年幾後入左籍，咁o岩老爺病到七彩，兩個月做左兩次手術，無人照顧佢，咁我就同老公返香港照顧佢喇!仔仔當時三歲幾，亦剛好可以讀幼稚園，點知惡夢就開始。

由k1開始，次次見家長我都比老師鬧到喊，話我個仔雖現成績好，但上堂好唔專心，好多事，攪亂晒秩序，成日出位，咁我當時已經好唔開心，因為我自問由細到大都知佢難教，所以我好比心機同佢傾計，講道理，我唔係無負責任，反而係用晒我所有時間同精神去教佢，咁我真係唔知仲可以點。

到後來小一，去健康院檢查，我同醫生講我個仔的情況，我話唔知佢係咪過度活潑症，我真係好辛苦，於是醫生轉介左我個仔去做評估，點知結果話係資優，我果時仲擔心，因為當時"馮漢柱"唔再做，而佢學校又講明唔會有乜跟進，自己經濟又唔好，要顧埋老爺頭家，每個月幫佢交租都要5，6千蚊，仲邊有閒錢比個仔用，想翻出去做野，個仔又話唔要姊姊，要媽媽湊，自己又怕個仔比人教仲死，如是者每次見家長都比老師話，連同平日大大小小o既投訴，真係令我覺得無晒出路。

一直捱到個仔小三，老爺過左身，經濟壓力小左，思前想後，覺得係咁落去唔係辦法，於是同老公相量，不如帶翻個仔返澳洲讀書，希望比到一個適合佢o既地方佢成長。基本上老公非常同意，但佢放棄唔到香港o既事業，所以最後，我自己一個人帶左個仔返澳洲，到步後，果邊學校話呀仔可以跳班，於是比佢由小三跳到小五，由於兩地教育唔同，接受小朋友學習態度都有好大分別，呀仔讀得好開心，我亦從未試過耳根可以咁清靜，但兩年後，老公依然放棄唔到佢o既事業，因為真係發展得好好，加上個仔主動要求我，話想返香港同daddy一齊，佢當時同我講：[媽咪，一個family無左daddy就唔可以叫做family!]，咁我話：[仔呀，返香港讀書你會好辛苦o架喎!] 咁呀仔就答我：[媽咪我唔怕辛苦，我最多比心機d喇!]

就係咁，等呀仔學期尾，我地就返左香港，而當時我真係唔知應該點幫個仔搵學校，佢o係澳洲已經讀完小六，返香港點好呢？ 主流學校一定唔o岩佢，咁o岩又有d新理直資學校出現，咁我咪惟有幫佢試囉! 到最後終於有一間收左佢插班讀中一，但我心知佢成績一定唔會好，因為佢只得香港小三程度，即使英文唔太落後，但中，數都好難追，雖然話係資優，但唔等如係超人，所以我都心裡有數。

唉! 點知惡夢又開始，兩個星期就收到三個不同老師的投數，又係唔專心，態度唔好，攪爛同學物件咁，我問個仔點解會咁，佢話控制唔到自己，我同佢講媽咪真係知點幫佢好! 我成日同佢傾計，日日問佢學校有無事發生，佢都話無野，問佢係咪唔明上堂老師講乜，佢又話明，真係攪到我頭都大晒，好彩d老師好明白事理，當我解釋左個仔o既情況，佢地全部都話：[ 哦! 原來佢咁細個，咁我地明喇!不過佢都要留意下d態度，成績都係其次!]

我已經同佢班主任講左，話佢因為之前跳左兩班，返o黎又係插班，年紀又細，佢12月出世，而家先得11歲，我話可唔可以比佢留班，比多個機會佢，咁老師話只可以轉達比校長知，要由校長決定，但係我真係好擔心佢d操行，真係好怕校長唔會考慮我o既要求，比人踢走，就唔知點好。

我好有挫敗感，覺得自己好無用，教到個仔咁，又帶佢走黎走去，係咪我o既錯？

其實真係好懷疑當日有無評估錯，真係好辛苦，人地唔知仲以為我地做呀媽好開心，湊著呢d細路，真係有苦自己知，成日比人以為我地無家教，咁多年黎我咩野難聽o既說話都聽過，只有"good"一聲吞左算數，惟有時時鼓勵自己唔好放棄，比d心機，好在老公明白同支持。

講真我係好驚，唔知個仔幾時先肯定性，教佢真係死好多細胞，但係唔通唔理佢咩？但係每次老師打比我，真係會好想死，好想搵個窿捐落去，最慘自己唔係無盡力，真係乜都試過，你話仲可以點？ :-( 唉......................
私人傳訊

bandband


子爵府

積分: 11510


2#
發表於 04-5-30 01:15 |只看該作者

Re: 我只係想"呻"下咋!

其實我就咁睇你所講,我認為你囝囝都係身不由己.你問佢做乜會咁曳,佢都識得同你講佢控制唔到啦,既然係咁,點解唔俾佢番去澳洲讀?雖則你囝囝又講得好啱,一個家始終亞媽亞爸响哂度會似番頭家,但係現實問題嘛,既然剩係對付囝囝响香港呢啲行為問題都搞到咁,仲邊有心機同時間去讀書,莫講話可以開開心心咁一家團聚~!一來已經搞到你好辛苦,二來一睇就知你囝囝好唔習慣,分明間硬嚟,倒不如番去澳洲讀,一來你無咁辛苦,二來你個囝囝都可以安心去求學(至少都無咁大壓力),同埋你同囝囝去澳洲住啫,都可以等囝囝放長假時飛番嚟香港一家團聚,總好過依家呢一刻成家人一齊捱苦啦!試吓再同你囝囝商量吓,始終佢係資優,諗嘢成熟過人,我諗佢聽完你呻佢都會明白同諒解你既!放鬆啲啦~!唔好搞到自己咁緊張同唔開心.
老公VOICEMAIL 1 2 3
私人傳訊

小白427


大宅

積分: 3548


3#
發表於 04-5-30 01:16 |只看該作者

Re: 我只係想"呻"下咋!

TIFFINY

好明白你的心情

我有個小建議
唔知你有冇聽收音機習慣
逢星期日11:00AM-1-00PM, 新城電台娛樂台(99.7), 有個"爸爸媽媽坐起來"的節目. 有位DR 梁係兒童心理學家, 佢應該可以俾好意見你.

因為我聽左好耐, 有好多類似你的CASE, DR 梁都俾到意見佢地 , 你都嘗試下聽或打電話上去丫, 可能有D得著呀.

或去WEB SITE了解下先
http://www.997metroshowbiz.com/bama/index.html
私人傳訊

Tiffiny


大宅

積分: 3219


4#
發表於 04-5-30 01:49 |只看該作者

Re: 我只係想"呻"下咋!

小白427，

我有聽過呢個節目，亦都試過主持提議o既方法，最後都係一樣。

bandband，

過去兩年我就係同個仔每兩個月飛一次返香港，因為澳洲係翻10個星期就放一次假，所以讀書好舒服，但係咁樣飛法，老公搵多多都唔夠，等如幫航空公司打工，而且好疲倦，一放假就飛，等如無假放，加上平日爸爸唔o係身邊，個仔真係無咁開心，佢情緒會無咁穩定，因為佢好鐘意爸爸，當爸爸係偶像，所以先比佢翻o黎。仲有我同老公都好掛住對方，只能夠日日係網上見，睇住個webcam，但係想搵佢個膊頭"唉"下都唔得，我又無人無物o係果邊，好似之前個仔踩單車輪流跌斷左，右手，又試過入醫院都係得我自己一個人攪掂，長此以往係咁，我怕我會唔再需要老公，咁我地就會有第二d問題，所以咪返黎算囉! 我個仔係好種意翻學o既人，佢日日都好開心，只係唔夠專心，所以我希望佢快d開竅。

私人傳訊

小白427


大宅

積分: 3548


5#
發表於 04-5-30 02:04 |只看該作者

Re: 我只係想"呻"下咋!

咁你不如直接搵dr 梁 or 打上電台

如果你認為佢可以幫到你的話
私人傳訊

bandband


子爵府

積分: 11510


6#
發表於 04-5-30 02:10 |只看該作者

Re: 我只係想"呻"下咋!

咁你真係要同你老公放多啲時間同你囝囝傾吓...始終要俾佢知道依家佢咁樣做會令你地唔開心同辛苦...
老公VOICEMAIL 1 2 3
私人傳訊

Tiffiny


大宅

積分: 3219


7#
發表於 04-5-30 02:21 |只看該作者

Re: 我只係想"呻"下咋!

band，小白，

多謝你地回應，我會繼續努力，唔會放棄! 其實我"呻"完已經舒服好多。

夜喇! 我都要休息，因為之前我剛做完手術，咁夜訓對我唔好，你地都早d休息啦。Good Night!
私人傳訊

SandyKL


琥珀宮

積分: 163501


8#
發表於 04-5-30 02:37 |只看該作者

Re: 我只係想"呻"下咋!

Tiffiny,

睇完妳嘅說話，完全明白妳兩難之處，其實可唔可以係學校方面着手呢?我覺得妳仔仔唔適合讀傳統學校，可唔可以俾佢係香港搵間國際學校讀?唔係直資，因為直資好基本上教學方針都係傳統，我認為妳經濟許可嘅話，可以俾佢讀「啟思」或「耀中」此一類真正活動式教學嘅國際學校，到妳個仔上大學時，再俾佢番澳洲讀，必可接駁得上。

資優兒需比其他人，灌注更多時間及心機給他們，但終有日，妳可收到回報，俾D耐性。
私人傳訊

Tiffiny


大宅

積分: 3219


9#
發表於 04-5-30 14:09 |只看該作者

Re: 我只係想"呻"下咋!

SandyKL,

其實而家仔仔讀緊果間學校已經好好，問題只係仔仔未摸索到點先可以幫自己專心d，因為佢真係好貪玩，好唔定性，所以我諗緊係咪我要去讀d有關課程，睇下點幫個仔，希望搵倒出路，有個資優仔，真係好憂心，仲要成日同佢鬥快，要諗野快過佢一步，等佢無得出蠱惑，我真係好疲倦!但係個仔係自己生o既，如果連我都放棄，個仔就無梗o架喇! :-(
私人傳訊

HEE


別墅

積分: 747


10#
發表於 04-5-30 14:22 |只看該作者

Re: 我只係想"呻"下咋!

Dear Tiffiny,

I really understand your situation. All of the mother is living under the pressure. Actually, fathers always say they have to earn the money but can they consider their wife work for 24 hrs.

No worry about your son. You talk with him or try to change the International School. You know the education between the two country are not the same.

My friend also has a gril come back H.K. at 11. She also went to Band 2 school in H.K. After F.5 , she come back and further study. She never has good remark at Maths but she got the achievement now.

Tiffiny, try to relax and talk to your husband(if he understand). I think he can give you some support.

Sorry for my long air


regs
私人傳訊

KWT


男爵府

積分: 6353

hashtag影視迷勳章


11#
發表於 04-6-1 11:06 |只看該作者

Re: 我只係想"呻"下咋!

Dear Tiffiny,

其實我的情況跟你差不多,仔仔比你兒子細半年,但他沒有跳班,每學校放假,他爸爸就會飛來澳洲住十日八日.那時我所有親戚朋友都回流返香港,在澳洲也是一個朋友都沒有,加上我又不信教,亦不想要人幫助而勉強有信仰.最後也認識很多好朋友.我仔仔主動要求返回香港,不想與爸爸分開,最後我們也回流.起初打算入讀澳洲國際學校,而校方亦取錄他,但考慮他們沒有中文,仔仔亦同意入讀傳統小學.

那時他每天要做功課,日日做到晚上九點多鐘.看他一筆一劃寫中文字,好像畫畫一樣,他也常說,同學只要十分鐘就做完的功課,為什麼他要做兩小時還不做完.且學校規定要用原子筆寫中文字,格仔又細,寫錯了又難改,而他又時常寫錯,辛苦下來,分數又不高.每次陪他做功課,中作,我也覺得非常辛苦.在澳洲每星期只有兩三版A4紙功課,在香港.....真難為了他,始終他都沒有怨言,路是他選擇一早知道.每次測驗考試,即使識答題目,都不夠時間做完張試卷.成績普通.幸好他都一一克服過來.

我想我仔仔讀小學尚且追得那麼辛苦,你仔仔讀中學,情況更惡劣.加上又是資優兒,若中文追不上,很是矛盾.我覺得澳洲國際學校不錯,很能銜接澳洲學校的課程,師資很好,你可以試試.或者你仔仔會比較適應.倘若情況沒有改善,真要考慮返回澳洲,魚與熊掌,只可擇一.
私人傳訊

Tiffiny


大宅

積分: 3219


12#
發表於 04-6-1 12:13 |只看該作者

Re: 我只係想"呻"下咋!

KWT,

恭喜你仔仔最終都能夠適應，真的替你高興。

其實我仔仔中文已經pick up得唔錯，好像今個星期要背默三首唐詩，他都能掌握得到，只是可能作文時因為詞彙唔夠，所以字數有限。其實老師已經很好，只是叫他多看點書，並沒有給予太大壓力。基本上我仔仔很喜歡這間學校，而這學校已經是很活動的，但人始終要懂得守規則，社會是有秩序的，不能夠因為你聰明就有特權。

我其實好明白仔仔的問題，他就是太好奇，太八掛，太貪玩，專注力又不足，加上他外型又太高大，永遠給人的印象是應該很成熟的，但往往他所做的事又給人很幼稚的感覺，真的令我很頭痛。

我想我真的需要讀一些課程，學習怎讓幫助他。
私人傳訊

Tiffiny


大宅

積分: 3219


13#
發表於 04-6-1 12:35 |只看該作者

Re: 我只係想"呻"下咋!

Dear HEE,

多謝你的分享! 其實我擔心的不是孩子的成績，反而是他的行為，真的不知道他何時才會"定性"! 基本上，我丈夫已經很體量，亦會和我合作，只是通常作為母親的都會比較擔心，真是"養兒一百歲，長憂九十九"!
私人傳訊

gigi2


大宅

積分: 1869


14#
發表於 04-6-1 14:00 |只看該作者

Re: 我只係想"呻"下咋!

Tiffany,

In case you want to talk with Dr. Leung and the following are his contact details:

Tel no.: 2136 1591
Email : [email protected]

For your information, Dr. Leung’s son is also gifted whose IQ is over 147 which beyond all current IQ tests can be detected .

If you want to have another choice, you may try Dr. Kwok who got double doctorates in HK and USA respectively for child psychology:

HK Institute of Children's Mental Health

I want to stress that I'm not selling any service for the above. Just came across and chatted with Dr. Leung in one occasion which I find him a very impressive and convincing gentleman. Dr. Kwok is the one who confirmed my girl is not autistic but instead quite self centred and clever. He further advised us if we shall take her to receive IQ test after she has reached 6 years old.
那時我為得到這孩子祈禱，上主就賞賜了我所懇求的，所以我現在把他獻於上主，他一生是屬於上主的。（撒上：２７－２８）你教導孩童應行的道路，待他老年時也不會離棄。（箴２２：６）
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy