Baby Kingdom - 親子王國 香港 討論區 › 首頁 › 夫婦情感› 得不到的她

夫婦情感

收藏本版
發帖
返回列表
跳至頁
得不到的她 [複製鏈接]

首頁
1234

尾頁
   7
iluvchun


別墅

積分: 591


1#
發表於 15-6-7 23:17 |只看該作者
早在拍拖時老公曾向我講過幾次佢中學時追過一個女同學但因為誤會而失去了聯絡

婚後幾年，老公從fb與這女人重遇。老公好開心，我明白佢心情，既然向我坦白，我亦覺得冇問題

不過，老公既喜悅有點過份。佢地每日都有聯絡，個女人經常向我老公訴苦，講自己老公不是。我開始有不安感覺，我同老公講覺得佢地太close。我老公尊重我想法並話會檢討自己

以為件事告一段落。我無意間見到老公同這女人既訊息，內容曖昧之餘佢地仲瞞住我見面，老公仲同個女人講唔可以俾老婆知

當晚我同佢嘈大交，佢發誓同個女人只係朋友關係，佢知我呷醋才瞞住我。我聽完佢解釋後選擇相信佢。我講明佢地兩個唔可以再用任何形式聯絡。老公答應了。

幾年過去了，時間沖淡了，我冇再想起這個女人

直到半年前，老公同一個同性朋友發生了誤會，我想了解一下，所以偷看老公電話。竟然俾我見到老公隔幾日就fb search個女人個名，而且換了新電話仍然有save低這女人的電話號碼。我控制住自己當冇事發生，但每隔一段時間我都會睇下老公Fb, 佢仍然無間斷去search個女人

兩星期前，我發現老公瞞住我同其他人食飯，我才忍唔住問佢係咪仲有搵那個女人。嘈左好耐佢先肯講其實這幾年佢地有keep住聯絡，不過又係話只係好普通既朋友，好一般既問候，但老公卻好像好了解個女人近況，又話個女人同自老公生活得唔開心，做朋友既咪慰問下

我真係好想離婚，佢呃我幾年繼續同這女人聯絡，都可以呃我話佢地係朋友。但我老公卻不斷話愛既人和錫既人只係我，又答應唔會再同個女人有聯絡了，我又心軟了

這次之後我都有自我檢討，我唔希望再有藉口俾老公話我有問題而再對我有隱瞞，其實一向我地感情都唔差，但我更加對佢好些，再安排多些二人相處時間拍下拖

還以為雨過天青了，早兩晚我老公電話彈出whatsapp msg, sender 係那女人，但之前的訊息已被我老公delete了。而最令我心痛既係我老公用了個假名來save這女人的電話號碼

我本想冷靜面對，但上一次因為這女人嘈交只係一星期前，我真係冷靜唔到。我老公解釋這次聯絡係因為生意，又話佢聽我話delete了這女人電話，所以最初唔知係個女人搵佢，傾左幾句才知係邊個

然後再次搬出大堆愛我既證據，又話唔想一對兒女在單親家庭成長

既然這麼愛我，點解又會為左同一個女人三番四次傷害佢所講最愛既人？係唔係得唔到的女人就係最好？老公仲繼續話個女人好可憐，要同佢老公捱世界，我才是個幸運兒，有好老公有不錯既生活。但我見個女人老公fb卻常常post夫妻恩愛相，個女人又用名牌。我老公點解咁蠢，仲信個女人既大話！

其實我相佢地係冇肉體上關係，問題係個女人在我老公心中地位有幾高？以發生既事黎講，我覺得佢重視這女人比我還多，我真係好心痛，因為我之前真係100%相信佢！
私人傳訊

Nancy20090615


瑪瑙宮

積分: 136604


2#
發表於 15-6-7 23:36 |只看該作者
本帖最後由 Nancy20090615 於 15-6-7 23:43 編輯

嘈又嘈過幾次, 又無證据佢出軌, 平日都對您好, 無咩理由再爆佢大大鑊. 如果佢個心係要野, 無這女人都有其他女人, 佢要做咩瞞住您做您都無符, 最後離婚收場您唔會想, 您不如做番本份, 多 d 同佢二人世界, 多 d 溫柔關心下佢.

會唔會可以有人睇細路, 約佢出去爆下房, 增進下感情.
私人傳訊

chak_yi


大宅

積分: 2063


3#
發表於 15-6-8 00:06 |只看該作者

引用：早在拍拖時老公曾向我講過幾次佢中學時追過

原帖由 iluvchun 於 15-06-07 發表
早在拍拖時老公曾向我講過幾次佢中學時追過一個女同學但因為誤會而失去了聯絡

婚後幾年，老公從fb與這女人 ...
又再一次覺得太似我阿哥，佢5年前同一個商場工作識左個後生女，一直大家都覺得互相有好感，好岩傾，直到有一日個女人收工，有個工人姐姐湊住個小朋友接個後生女收工，小朋友叫佢媽咪，甘我大佬就打鼓退堂，冇追落去，無耐個後生女轉左場工作，就冇再聯絡，就係3年前大佬識到阿嫂，一直都ok既，甘阿嫂上年6月有左，9月結婚，點知11月大佬撞番個後生女，佢個女都6.7歲，都仲你個工人姐姐湊住，有番聯絡後，得知，原來條女一直係單親，小朋友冇爸爸既，大佬知係誤會一場，又覺得條女甘多年生活唔易，接下收工，幫佢車下嘢，就開心左，前2個月比我撞到，我同大佬傾哂，開始至今7個月，我都仲有問佢情況，我希望佢有一日話我知，佢分左手，但而家佢話我知，番到條女屋企，先似番個人，佢當左係第二頭住家，阿嫂完全唔知呢件事，2夫妻感情都好好既！條女都知大佬情況，如果個男人冇心斷，真係無佢辦法，好好同佢傾下想點，佢放唔底，不如叫佢放生你！
私人傳訊

kkkk9527


男爵府

積分: 5164


4#
發表於 15-6-8 00:07 |只看該作者
本帖最後由 kkkk9527 於 15-6-8 00:58 編輯

男人好多時你叫佢唔好做佢偏要做，棒打鴛鴦盞令佢更心癢。你c6好明顯唔係一個專情嘅人，你講得啱，如果佢只愛你，個女人只係朋友，點會冒住離婚妻離子散嘅風險，都要同呢個女人聯繫? 其實佢冇資格講唔想仔女向單親家庭長大，因為佢完全冇控制自己，而家佢先至係始作俑者。整鑊嘢出嚟已經夠煩，男人老狗負返啲責任啦好冇?

而家佢一係覺得你可有可無，一係睇死你唔會走。以前識落、追過追唔到、再建立幾年感情…呢場仗真係唔知點打。

另外，我想問你點睇到你老公FB search過啲咩?

點評

funfun759    發表於 15-6-12 17:39
金魚婆    發表於 15-6-10 00:24
TiffChan    發表於 15-6-8 00:39

私人傳訊

TiffChan


子爵府

積分: 14972


5#
發表於 15-6-8 00:51 |只看該作者
俗語講得啱：吃着碗里的，看着锅里的。你老公真貪心。因住無咗個老婆，又得唔到人地。
私人傳訊

ecml


別墅

積分: 711


6#
發表於 15-6-8 02:15 |只看該作者

回覆：iluvchun 的帖子

完全明白！我同你情况差唔多，真係好心痛，條刺出左少少，又再錐入D，想唔源諒，又唔係捉姦在床噤大件事！
私人傳訊

cl9725


大宅

積分: 4102


7#
發表於 15-6-8 02:19 |只看該作者
你C6 一直都騙緊你, 他坦白話他知, 你好介意你和這個女人D野, 如果你唔斷絕再搵個女人, 就離婚. 他要唔比個女人搵到, 改電話, FACEBOOK 都得, 坦白同她講都得. 他自己唔去做者, 你比個最後通碟比C6. 到時你發現他再同個女人聯絡. 就離婚走人.
私人傳訊

eg86


大宅

積分: 1162


8#
發表於 15-6-8 02:47 |只看該作者

回覆：得不到的她

其實佢係咁留意住個女人fb，又一次又一次瞞住你聯絡，甚至乎低裝到用假名save電話，以為可以瞞天過海。你唔係仲咁天真相信你老公對個女人冇嘢呀？有人覺得肉體上出軌先算數，但我覺得思想上嘅出軌更難以接受

點評

wcpcelia    發表於 15-6-8 17:04
Jolin_Yuen    發表於 15-6-8 12:48
私人傳訊

ccyst


別墅

積分: 697


9#
發表於 15-6-8 03:01 |只看該作者

回覆：得不到的她

我c6都系我大肚時比我見到睇番微信同ex既野，戈下好嬲叫佢刪除左佢，但系佢講左句好賤但系事實既說話，就系就算刪除左，啲回憶始終系個肚到，我聽到心痛到相落左個b佢，佢亦有講過後悔簡左我。佢情況系佢系人地第三者，兩年一直無真正得到個女仔，個女仔成日比假希望佢，佢同我一齊之後個女仔又搵番佢，佢話好愛佢，成個心都淨系放到佢，佢死會跟埋一齊死既說話，跟住我地就分開左。過左幾個月佢又番黎搵我，之後條女又再搵佢，佢爭扎左好奈，又覺得搵個愛佢既好過佢愛既，跟住就繼續同我一齊，無奈就結婚，但系我一直活系ex既陰影入面，成日發惡夢ex又再無限復活。 不過ex話依家先知佢老公對佢好好，覺得好彩唔係同我c6結婚，但c6個心就一直系佢到，平時對住我同bb都是比較心不在焉的

點評

happybaby128    發表於 15-6-13 14:10
私人傳訊

ccyst


別墅

積分: 697


10#
發表於 15-6-8 03:09 |只看該作者

回覆：得不到的她

所以就算你叫佢刪除都無用，佢地重更加懶系苦命鴛鴦咁，除非你可以承受到同個空殼一齊
私人傳訊

cl9725


大宅

積分: 4102


11#
發表於 15-6-8 03:17 |只看該作者
都唔明個男人個心都不在自己到, 仲要勉強一齊, 攪到自已成日唔開心. 為甚麼呢, 天下又不是得他一個男人, 是時候醒覺啦! 對自己好D 啦!
私人傳訊

TropyC


男爵府

積分: 8352


12#
發表於 15-6-8 10:31 |只看該作者

回覆：得不到的她

我c6都係咁⋯話斷唔斷⋯前後四五年⋯前排又係發現佢用個九唔搭八既名save個女人既電話，個女人仲有打來，我已經唔想再理。
私人傳訊

eggpudding


子爵府

積分: 14327


13#
發表於 15-6-8 10:31 |只看該作者

回覆：得不到的她

男人有時智慧都係差d
係人都鍾意同第二個人講自己另一半點差點差
呢d係一種手段
只能夠話佢唔係全心全意去愛你
信就留
唔信就走
睇你自己想點
未經本人同意,請勿轉載內容!
私人傳訊

Babyfungmama


大宅

積分: 2567


14#
發表於 15-6-8 10:59 |只看該作者
其實我覺得如果真係朋友咁簡單，又點會為個女人三番四次同你嘈，又呃你話無揾，好明顯佢地係有小小關係，如果係我我唔會再忍受，灘牌同佢講清楚，係你面前打比個女人話唔會再揾佢，如果佢唔肯仲不停揾籍口，呢個男人要唔要都罷
私人傳訊

purple_girl


大宅

積分: 1489


15#
發表於 15-6-8 11:03 |只看該作者
我之前情況同妳差唔多! 個小三又係話自己幾慘幾可憐， 我C6又係話我好幸福，最愛係我，心裡亦只得我，同佢係朋友，可憐佢所以關心佢咁囉!

我 C6 轉咗電話，就連之前同小三傾計個 skype 都刪除埋! 小三亦被我串到無面，自己叫我C6唔好搵佢! 妳可以參考下，要C6轉電話，FB unfriend 個女人，仲要全天開 GPS 任 check，睇佢肯唔肯!
私人傳訊

iluvchun


別墅

積分: 591


16#
發表於 15-6-8 11:11 |只看該作者
本帖最後由 iluvchun 於 15-6-8 11:12 編輯
kkkk9527 發表於 15-6-8 00:07
另外，我想問你點睇到你老公FB search過啲咩?
fb有個"search / 搜尋"既位置 , 只要click入去就可以睇到search record
私人傳訊

kkkk9527


男爵府

積分: 5164


17#
發表於 15-6-8 11:16 |只看該作者
iluvchun 發表於 15-6-8 11:11
fb有個"search / 搜尋"既位置 , 只要click入去就可以睇到search record


Thanks

希望你心情已好一點
私人傳訊

eggpudding


子爵府

積分: 14327


18#
發表於 15-6-8 11:28 |只看該作者

引用：Quote:iluvchun 發表於 15-6-8 11:11 fb有

原帖由 kkkk9527 於 15-06-08 發表
Thanks

希望你心情已好一點
你唔好學大多
有時可能知得太多唔係好事
未經本人同意,請勿轉載內容!
私人傳訊

tansyneko


琥珀宮

積分: 152982


19#
發表於 15-6-8 12:47 |只看該作者
私人傳訊

iluvchun


別墅

積分: 591


20#
發表於 15-6-8 12:50 |只看該作者
多謝各位jm意見

呢件事發生之後, 我控制唔到自己唔去諗起這女人

就算我老公除了工作之外已經好多時間放於家庭, 但每當佢離開我視線範圍 (佢閒時會約朋友食飯飲酒或自己去運動) , 甚至只係對住部電話, 我都會諗佢可能同個女人見面或聯絡

我知我揀得原諒佢, 就應該放低件事, 我安慰自己話佢只係個心掛住個女人, 唔係肉體上發生關係, 但我由同佢拍拖之後就全心全意去愛佢, 愛佢既父母, 愛我地既家庭, 我真係接受唔到佢心入面仲有第二個女人

而且個女人仲要扮可憐黎搏佢同情

我同老公都有捱既時候, 佢失意時我不離不棄仲全力精神上 + 金錢上支持佢; 而家生活得到改善, 我都同佢慳家, 仲繼續一邊返工一邊用心照顧小朋友

我知老公一定唔會改電話號碼, 亦唔想迫得佢太緊

佢再一次答應我唔會再同個女人聯絡, 如果個女人搵佢, 佢會話我知亦唔會delete msg, 會俾哂我睇

呢一刻, 我揀左留底, 但每日就好似驚弓之鳥...
私人傳訊


首頁
1234

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy