吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 係咪俾奶奶湊就唔可以有要求 T.T

在職全職今日: 2|主題: 48018

收藏本版

發帖

返回列表

跳至頁

查看: 1995 | 回覆: 33

[在職媽媽] 係咪俾奶奶湊就唔可以有要求 T.T [複製鏈接]

teacha

大宅

積分: 1225

1^#

發表於 15-7-5 23:46 |只看該作者 |倒序瀏覽 |打印

純呻，長篇。

其實我好感激我奶奶肯幫我湊仔，夜晚係佢氹囝囝瞓，雖然囝囝而家三個月自己戒咗夜奶，但都要成日拍心口氹返佢瞓，所以成日覺得自己好衰，對佢有虧欠咁，所以日頭我一定會自己湊，連街都唔會落。

而且由我生咗到而家，我奶奶都好盡力照顧我，就算要出街都會煮埋飯俾我食先走。

咁嘅奶奶仲有咩可以怨？

但始終大家湊仔理念會有唔同，加上佢又好強勢，我根本無say, 老公仲要實撐佢阿媽，搞到我成日都屈住屈住，又谷住度氣覺得好唔開心，無人可以講。

例如佢覺得俾bb睇電視無問題，但我地屋企部電視有成40吋，距離沙發只得米半，我覺得太近對bb對眼唔好，我今日用手擋住bb對眼唔俾佢睇，奶奶仲教bb撥開我隻手，我同bb講：第時近視點算？我奶奶就代阿b講：我唔會近視嘅。唉。。。

仲有就係佢會一路抱住阿b一路食飯(順便睇埋電視)，啲汁跌落啲衫同包被度都算，佢係會用隻手接住啲食完嘅骨同渣，然後再掂阿b，但我唔會出聲，覺得無影響阿b健康都會忍，只係每次都唔想佢抱，叫佢食完先到我食，但佢點都唔肯，頭先仲夾硬抱走咗我個仔！！！唉。。。

今日令我最唔開心嘅係佢話唔好俾阿b咁早瞓，話尋晚十點幾瞓到第二朝五點起身就唔瞓，要玩到朝早七點先瞓，所以今晚要十一點幾先俾佢瞓，但我覺得bb十點幾瞓係最好，唔想佢咁夜瞓！不過我唔敢出聲，因為氹佢瞓嗰個又唔係我，我邊有資格出聲？

我平時日頭湊阿b都會盡量氹阿b瞓多啲，但佢成日又大聲講嘢又好大聲聽歌，然後見阿b唔瞓就問：阿b做咩唔瞓？ROAR!!!

有時阿b喊緊，佢就叫我食飯，話啲飯凍哂，但佢又食緊我點食？ -_-#

仲有好多瑣碎嘅磨擦，無傷大雅就算。我老公隔日先返屋企，返到嚟都係瞓，有時抱下阿b好似幫咗我好大忙咁。有時同佢講，佢會話：我阿媽都算係咁啦！又話係我要求高，成家人都好難滿足我。

因為第一胎又餵人奶，所以坐月嗰時好辛苦，身體又唔好，日日都喊，佢地成日叫我要笑，我奶奶仲話因為我成日喊身體又點會好。阿b一滿月就被老公家姐個女傳染搞到要入醫院，我唔開心又被佢地話。

我子宮頸驗到有細胞變異，啲朋友叫我樂觀啲，好似有咩問題都係因為我心情差搞到咁。可能聽我呻得多都覺得我煩，我覺得無人明白我，唔想屈住屈住，唯有打上嚟呻下。

啲人話做得媽媽就要堅強啲保護子女，但我覺得自己好無能，樣樣都想做好但自己身體又負荷唔到，搞到自己成日唔開心，解決唔到就想放棄，坐月嗰時有諗過自殺。遲下返埋工都唔知點算。。。

唉，呻完，多謝睇哂嘅jm...

0 0 0

私人傳訊

每日媽媽

男爵府

積分: 7368

BK Milk勳章

2^#

發表於 15-7-6 09:05 |只看該作者

引用：純呻，長篇。其實我好感激我奶奶肯幫我湊仔

原帖由 teacha 於 15-07-05 發表
純呻，長篇。

其實我好感激我奶奶肯幫我湊仔，夜晚係佢氹囝囝瞓，雖然囝囝而家三個月自己戒咗夜奶，但都要 ...

放鬆d啦! 我第一胎都好緊張，比你還緊張，攪到好唔開心!

老人家湊bb唔睇電視又好悶嘅，呢樣好難避免，只可以你放工返嚟盡量自己湊返，咁當然你要同奶奶表示好多謝佢幫手湊bb; 你放工返嚟，佢可以休息下，你來接棒，咁會好d，或且你耐唔中買d佢喜歡食嘅嘢俾佢，氹下佢，咁佢又唔會覺得你放工返嚟就唔需佢。

你亦要調整你心情，佢都錫bb，起碼唔會係工人湊，你都唔知個工人會點對bb，因為工人只係受薪，佢有咩唔高興都可能會搵bb發洩，咪仲唔放心!

你目前要做嘅係盡量多d同bb玩，建立好嘅親子關係，你又可以帶佢落街行下，咁咪會少咗睇電視囉!

加油! 記住你嘅人生亦都唔係剩係放眼响bb度，佢都會成長，會有自己嘅人生，所以呢d只係好小事。

點評

ac_tpyaa

發表於 15-7-7 14:02

Bonbonho Agree 發表於 15-7-6 15:58

私人傳訊

chu_peipei

子爵府

積分: 10411

3^#

發表於 15-7-6 09:50 |只看該作者

回覆：係咪俾奶奶湊就唔可以有要求 T.T

咁樣睇其實全部都係細問題，樓主真係要學識隻眼開隻眼閉呀。始終你遲d要番工，日頭湊bb既係你99，你可以有意見但唔好喺小位方面，日子耐會容易有磨擦到時仲難攪。我都係俾99湊bb, bb足2個月我就番工，餵人奶到而家，好肯定既係老人家嗰套係唔會同我地後生聽既一套一模一樣，雙方都要學習互相協調，大方向配合到就算，真係唔可以太堅持。你可以堅持，咁就唔番工自己湊，無野係完全符合到你心意架。我到而家都抱住99中意呀b湊到bb開心肥肥白白我就少俾意見架喇。

點評

Bonbonho

發表於 15-7-6 15:59

私人傳訊

winwin1110

大宅

積分: 4772

4^#

發表於 15-7-6 10:38 |只看該作者

回覆：係咪俾奶奶湊就唔可以有要求 T.T

你要唔要返工，如果唔駛返盡量自己湊返！咁近睇電視真係唔好，除近視還有機會影嚮專注力。

私人傳訊

Littlecatta2013

珍珠宮

積分: 40517

5^#

發表於 15-7-6 11:27 |只看該作者

回覆 teacha 的帖子

加油，自己身體都好緊要架

。
我仔18個月大，育嬰園湊，99做back-up，bb病左唔番得學99黎湊。我99都好，衞生安全做到足(我俾佢話番轉頭我唔衞生

)，但有d野我就算同老人家講左都唔會配合

，我只好隻眼開隻眼閉，不過佢地唔係成日湊，只係做back-up就冇所謂。

我媽同我99都係電視長開，唔係睇緊都照開，唔開唔安樂o個隻，
如果我仔唔肯食飯，我媽最鐘意攞玩具出黎。阿媽就易出聲d，但如果我仔係佢湊一定縱到飛起。
我99最鐘意攤哂所有玩具響地下，我仔玩到周圍到係，沒有意識玩完要執番好，每次我仔無番學99湊完o個幾日d脾氣零舍臭(我99應該係遷就哂佢)，要幾日先可以俾我同c6調整番。

私人傳訊

大細心

男爵府

積分: 6480

開心吸收勳章美好大世界2017勳章最關心BB問題熱投勳章認識瑞士牛牛第一回

6^#

發表於 15-7-6 12:20 |只看該作者

自己阿媽湊都不可以出聲 ............. 放 bb 落地爬, 入屋不除鞋。

私人傳訊

jlam

伯爵府

積分: 18248

好媽媽勳章

7^#

發表於 15-7-6 13:16 |只看該作者

回覆：係咪俾奶奶湊就唔可以有要求 T.T

本帖最後由 jlam 於 15-7-6 14:59 編輯

姊妹你要注意自己心理質素，有沒有產後抑鬱的情況，字面看，你將事情睇重，唔係你計較奄尖，係心中有個結，拉緊左，去見見健康院姑娘，做個評估先。想想，懷孕40週，賀爾蒙是一點一點轉變的，但，一下子生了小朋友，那賀爾蒙由40突然間變0，身體如何接受？是有一定難道的，最初唔察覺，係因為被新生的狂喜超越了，可是，當生活情況漸漸平穩，大約小B滿月時，心中就會開始糾結，然後仍然不能自拔的話，就不再是由生理因素引起，是轉變成心理因素。為了小B，去做評估。

想想，丈夫人品性格好到令你嫁佢並生兒育女，還不是呀奶奶湊大，奶奶其實是「有業績」的，別懷疑，放鬆點，加油呀。

私人傳訊

jlam

伯爵府

積分: 18248

好媽媽勳章

8^#

發表於 15-7-6 13:27 |只看該作者

回覆：係咪俾奶奶湊就唔可以有要求 T.T

我呀，上當年，呀女幾個月大，有一日，我突然間早放工，見到我奶奶，對腳打開少少，就咁放我女響佢大肶，然後，自己條圍裙疊上我女身體好似張被咁，響上面批萍果呀！我開門返去，佢嚇到立即將萍果皮掃落地，想踢入檯底搏我睇唔到，而當時，一隻手揸刀，一隻手揸萍果，我女，響佢大肶，圍裙下訓左

私人傳訊

jlam

伯爵府

積分: 18248

好媽媽勳章

9^#

發表於 15-7-6 13:28 |只看該作者

回覆：係咪俾奶奶湊就唔可以有要求 T.T

仲有，成塊「叉燒」，連汁，跌落我女塊面好似做facial咁。

私人傳訊

jlam

伯爵府

積分: 18248

好媽媽勳章

10^#

發表於 15-7-6 13:30 |只看該作者

回覆：係咪俾奶奶湊就唔可以有要求 T.T

姊妹，而一切都會過去的，我女15歲啦，真係會過去架。只要，一切以「人命安全第一」，其他野，算數，唔好拉到自己咁緊。

私人傳訊

jlam

伯爵府

積分: 18248

好媽媽勳章

11^#

發表於 15-7-6 13:43 |只看該作者

回覆：係咪俾奶奶湊就唔可以有要求 T.T

仲有，將個沙田柚，同呀女一齊放網床，終於，呀女食左沙田柚個「頂」，粒星星咁個頂頂，而呀奶奶第一句唔係怕我女吞左，係話「冇左個頂，唔襟擺」死未？

私人傳訊

teacha

大宅

積分: 1225

12^#

發表於 15-7-6 14:26 |只看該作者

引用：你要唔要返工，如果唔駛返盡量自己湊返！咁

原帖由 winwin1110 於 15-07-06 發表
你要唔要返工，如果唔駛返盡量自己湊返！咁近睇電視真係唔好，除近視還有機會影嚮專注力。

...

我一定要返工呀。

私人傳訊

teacha

大宅

積分: 1225

13^#

發表於 15-7-6 14:29 |只看該作者

引用：Quote:原帖由 teacha 於 15-07-05 發表純呻

原帖由 每日媽媽 於 15-07-06 發表
放鬆d啦! 我第一胎都好緊張，比你還緊張，攪到好唔開心!

老人家湊bb唔睇電視又好悶嘅，呢樣好難避免，只可 ...

我有同佢講話放低阿b，唔洗單手食飯咁辛苦，但佢一嘢就喺我手上抱走咗阿b。

其實未生b前我地關係都算好，只要唔涉及阿b我對佢都好恭敬。

私人傳訊

Heiheic

別墅

積分: 854

BK Milk勳章

14^#

發表於 15-7-6 15:02 |只看該作者

回覆 teacha 的帖子

其實買個high chair比bb, 食飯果時坐住咪得lor~
兩個都唔洗抱又可以食飯

其實旁人睇好小事, 樓主產後未回復先會咁困擾,
幾個月後自己睇返就會一笑置之

上年bb出世後, 因為輕磅, 我都有試過唔開心同自責, 覺得自己唔識湊唔配做人媽媽(冇人奶)

到返工後, 自己跳返出黎, 生活唔再只得bb就慢慢好d na~
你已經好我好多, 唔好咁緊張, 同99有意見唔同, 唯有隻眼開隻閉, 總之, 湊到bb健康就ok!到時你返工, 剩係放工返黎先見就會好d~

私人傳訊

hin080908

禁止訪問

積分: 14461

15^#

發表於 15-7-6 15:07 |只看該作者

提示: 作者被禁止或刪除內容自動屏蔽

私人傳訊

beauty_shanshan

大宅

積分: 2976

16^#

發表於 15-7-6 15:40 |只看該作者

唉, 你奶奶對你都算好了,
不過我都明白, 又唔可以話佢,
忍下忍下就會唔開心.

我自己個B 俾阿媽同奶奶湊, 我要返工.
佢地平時D 野只要唔影響到BB安全, 我都已經唔出聲了.

但係好似我阿媽咁, 佢自己出左名勁懶訓,
日頭幫我湊B 都可以湊到成日同B 一齊訓,
一齊訓唔緊要, 但係佢要同阿B 一齊訓沙發先激死.
佢話阿B 訓埋邊, 佢訓開邊喎.
我阿B又識反身, 佢自己又懶訓,
一陣我阿B 反左身, 佢自己訓訓下驚跌所以迫埋D,
咁我阿B 未焗鬼死 ?!
我知道左之後真係嬲到爆炸, 叫佢唔好咁訓佢都仲要駁咀話無事.
我唔係唔俾佢訓, 我只係要求佢訓個陣訓返阿B 落BB 床姐.

所以你奶奶已經好好了, 你睇開D 啦.