心聲留言 今日: 1 | 主題: 17522

積分: 191

1^#

發表於 04-5-23 13:21 |只看該作者

如果你個工人做左你好奶奶既密探, 你會點做 ??

尋日個工人無啦啦問我點去婆婆到 ? 我好奇怪因為我每次返亞媽屋企都係老公揸車去, 同埋佢無需要自己搭車去婆婆到. 咁我咪問佢點解咁問, 係唔係佢想去 ?? 唔問無咁嬲, 一問火都黎埋. 原來我奶奶成日打電話黎問我個工人我地d行蹤(當然係我地唔嚮屋企既時間), 好似你先生太太幾點返屋企 ? 你(問我個工人)有無自己去婆婆到 ? 幾時去過婆婆到 ? 係咪成日去 ? 平時先生太太放假唔去佢(奶奶)到會去邊? 太太平時放工做d咩 ? ...... (不能盡錄). 如果係你地, 你會點做 ?????

私人傳訊

tam

積分: 2052

2^#

發表於 04-5-23 13:38 |只看該作者

Re: 如果你個工人做左你好奶奶既密探, 你會點做 ??

嘩，你奶奶都好八喎，你仲慘過比狗仔隊跟呀 :-P

叫個工人以後唔好答佢，問親都答唔知，佢地冇講低去左邊，你咁想知的不如直接打電話問太太/問佢地而家係邊!

仲有你記得提醒個工人，邊個先至係佢老闆。

私人傳訊

superstar

洋房

積分: 134

3^#

發表於 04-5-23 14:26 |只看該作者

Re: 如果你個工人做左你好奶奶既密探, 你會點做 ??

我之所次會請一個唔識廣東話的工人，就係唔想佢做25 :-P

私人傳訊

積分: 191

4^#

發表於 04-5-25 09:13 |只看該作者

Re: 如果你個工人做左你好奶奶既密探, 你會點做 ??

唉, 呢次已經唔係第一次. 上次已經試過一次 (其他仲有無我唔知, 不過都唔想知, 費事激心). 我同佢講 - 係我出糧俾你, 所以你祇要report俾我而唔係report我既行程. 佢話ok. 後尾同我老公單聲, 點知佢話我同個工人講d咁野佢會唔尊重佢亞媽. 激到我死死下.

跟住呢今次我好嚴肅咁同個工人講 "I don't like big mouth" 出左個門口我唔想有人知我咁多野. 太太脾氣比較古怪, 唔鍾意人地知我既私生活, 亦唔需要有人同我做報告. 唔理o個個係我奶奶定係我亞媽. 你知要話唔知, 唔知你要話唔清楚, 總之唔可以講我既野俾人知. 點知佢話奶奶話佢點解咩都唔知, 同一間屋點會唔知 ?? :-x :-x :-x 最後我同我老公講話再係咁我唔俾個工人去佢我亞到佢至唔敢出聲

:-( :-( 各位你話係我奶奶唔好定係我個工人唔恰呢 ??

私人傳訊

可可2003

別墅

積分: 547

5^#

發表於 04-5-25 11:32 |只看該作者

Re: 如果你個工人做左你好奶奶既密探, 你會點做 ??

話俾個工人知, 如果佢再係咁, 就叫佢去你奶奶度出糧, 睇下你奶奶會唔會俾佢.

枯藤老樹昏鴉, 小橋流水人家, 夕陽西下, 斷腸人在天涯.

私人傳訊

BB-Wing

積分: 306

6^#

發表於 04-5-26 19:49 |只看該作者

Re: 如果你個工人做左你好奶奶既密探, 你會點做 ??

我都有呢個問題, 不過佢(亞奶) 只係隨口問下, 一個講廣東話, 一個講英文, 姐姐(即我個幫手)話就話識聽少少廣東話, 但其實在電話就唔係好得, 見住面都話可以加D手勢, 易D明.

有一次,(當然唔係第一次啦) 我亞奶打電話到我家, 我地返晒工, 我都唔知架, 後來我老公打電話去我公司, 同我講, 話亞奶剛打電話黎, 話今晚要黎食飯, 所以問我加D乜"送"好, 然後同我講話亞奶之前打過電話去我地屋企, 亞奶重話姐姐好叻, 識聽佢講野. 我同老公講, 係咪真係呀, 亞奶知唔知姐姐答乜架?!

然後我話要打電話同姐姐講預埋亞奶食飯, 我老公竟然答我話, 唔洗喇, 亞奶自己同姐姐講左會黎食飯, 姐姐知到架喇!! 天呀 ! 有無人會打電話去人地屋企, 同個幫手講話要黎食飯, 而屋企的主人係完全唔知架 !

我當時好嬲, 因為我之前都打過電話返去屋企, 問下亞女點, 但姐姐提都無提過. 我亦同我老公講, 會唔會有問題呢 ? 你亞媽要黎食飯, 無問題, 但係唔係同姐姐講, 要同我地講聲至得架, 如果我老公真係聽唔到佢電話(因工作關係, 不可即時聽電話), 買完"送" 返到屋企都無人知佢要黎食飯架啦 ! 我老公重要重複話, 都話講左比姐姐知!

然後我即刻打返屋企問姐姐, 你知唔知"麻麻"今晚要黎食飯 ? 佢話唔知. 跟住問佢亞奶係咪打過電話黎, 同講乜, 姐姐話有, "麻麻"時常打電話黎, 都係問果D野, 所以唔特別講比我聽, (呢個我地都知, 有時姐姐都會唔鐘意, 因為時常打電話黎都嘈醒BB) 佢話次次都係問呢幾個問題;
1) 太太呢 ? 姐姐就用佢既廣東話講, 返工工呀!
2) 先生呢 ? 姐姐就用佢既廣東話講, 返工工呀!
3) BB 呢 ? (這是最重要的問題) 姐姐就用佢既廣東話講, "訓"覺呀!
姐姐話, 然後亞奶講左D野, 但姐姐係唔知佢講乜, 但姐姐都識同亞奶講話"唔知呀" 跟住佢地就收線喇!

跟住更加"慶", 乜都係亞奶自己講, 人地根本唔識聽, 我同老公講, 唔該你叫亞奶以後唔好同姐姐講這麼多佢唔識聽既野而又以為人地知. 跟住我老公重要幫佢亞媽講大話, 話係自己叫佢亞媽黎食飯而唔係亞奶自己同姐姐講既. 真係一個唔識講大話既人, 如果真係我老公自己叫亞奶黎食飯, 就唔洗同我講話, 讚姐姐叻, 識聽亞奶講野, 又話姐姐知到亞奶黎食飯啦.

之後我地同姐姐講, 如果亞奶打電話黎, 可以唔聽 ! 一係飛左屋企條電話線去我老公個手提, 要打電話返屋企就用fax line, 當然唔會話比人地知 fax line個電話啦.

其實姐姐都好難做, 你就當然唔得罪得啦, 而主人的親友, 佢都唔敢得罪, 真係左右做人難架, 所以, 叫佢話唔知, 不如叫佢唔好聽, 不過, 一定要你老公都明白先得.

私人傳訊

finger

男爵府

積分: 9521

醒目開學勳章畀面勳章

7^#

發表於 04-5-26 21:47 |只看該作者

Re: 如果你個工人做左你好奶奶既密探, 你會點做 ??

其實你個工人都好慘架, 夾係中間, 最好唔好聽佢電話就岩~~

http://jackylau.com/FreePhoto/PhotoData/U0047102.gif

私人傳訊

積分: 191

8^#

發表於 04-5-28 12:25 |只看該作者

Re: 如果你個工人做左你好奶奶既密探, 你會點做 ??

唉, 唔可以唔叫個工人唔聽電話架. 因為我地唔嚮屋企間唔中都會打電話返屋企睇下個囡有無野. 仲有如果屋企無人聽電話 (好似工人同bb沖緊涼), 隔多陣再無人聽佢(奶奶)就會打電話俾我老公話佢聽個工人唔知去左邊, 又要我老公四維打電話搵到個工人為止 (奶奶話驚個工人唔知帶左個囡老邊喎) :-( :-( :-(

我都知個工人難做, 但真係唔可以無晒私隱. 有時放日假唔想俾佢(奶奶)知費時佢又要出去佢度. 點知俾工人口多話佢知太太未起身~~~咁又要俾佢問做mug唔駛返工都唔帶個囡出黎 :-x :-x :-x

各位媽咪, 有無好"橋"可以唔駛工人難做, 又唔駛個工人得罪奶奶既"絕世好橋"呢

私人傳訊

積分: 191

9^#

發表於 04-5-28 12:46 |只看該作者

Re: 如果你個工人做左你好奶奶既密探, 你會點做 ??

BB-Wing

我當然明白你既情況, 做仔既一定係幫個媽講好說話. 唔通要佢幫你一齊鬧佢亞媽咩 ?? 你又唔可以怪責佢.

你仲有條 Fax 線玩下, 我屋企得一條電話線, 所以焗住要聽唔聽唔得.

其實我以經叫全世界搵我都要打我手提電話(包括我外家). 所以一有電話嚮就 99.99%係我奶奶打黎. 我而家已經無接電話好耐. 全部叫我工人聽, 我嚮屋企就話我"訓左" or 沖涼, 唔嚮屋企就話返工 or 唔知. 再唔係就先生太太無講低. (我個工人d廣東話有85-90分, 所以唔可以俾佢知咁多).

私人傳訊

ronleung

積分: 3720

10^#

發表於 04-5-29 12:40 |只看該作者

Re: 如果你個工人做左你好奶奶既密探, 你會點做 ??

你奶奶係咪知道左你去邊之後會話你? 如果唔係怕咩比佢知, 人就係咁麻煩,你越收埋佢越想知,反而你比佢知道你咁千篇一律佢慢慢就會無引, 如果佢係想知你係咪去外家多D, 咁又點, 唔通返外家係錯咩? 佢知左咪自己拎來嬲最好咪同佢個仔投訴下,到你老公叫你去你奶奶度個陣, 你唔話自己唔係頭暈就身韾, 又或者一早PLAN定晒D節目,(最好要比錢買TICKET個D)真係推無可推咪求其坐一陣走囉! 你個工人去度呢就叫佢幫手抹屋, 一來你可以扮下孝順(做比你老公睇的), 二來唔比佢地有咁多傾計的時間, 三來你同工人講係你奶奶唔好比佢咁得閒要佢抹野的, 等佢對你奶奶的印象差D.

私人傳訊

candy_kent

禁止訪問

積分: 12373

11^#

發表於 04-5-31 15:22 |只看該作者

Re: 如果你個工人做左你好奶奶既密探, 你會點做 ??

提示: 作者被禁止或刪除內容自動屏蔽

私人傳訊

積分: 191

12^#

發表於 04-6-1 11:15 |只看該作者

Re: 如果你個工人做左你好奶奶既密探, 你會點做 ??

ronleung,

佢唔會話我亦都唔敢問我, 因為我唔會答佢或者答左同無答無分別. 我唔係怕俾佢知, 而係唔鍾意俾人知我咁多私人野, 個種感覺好似無著衫重要四圍行咁, 周身唔自在. 仲有我幾時返外家, 去幾多次幾時要佢管 ?? 佢係我奶奶唔係我主人, 點解樣樣要佢知要佢理 ?? 佢亦唔會同個仔投訴, 因為個仔唔鍾意聽是非. 佢無地方埋手咪搵個工人黎問.

佢叻到叫我工人做完d野唔駛講俾太太知.. 例如我而家上黎 (我屋企), 不過唔駛同太太講. 又或者明日同bb出黎執多一個禮拜d衫, bb會嚮我(奶奶)度過幾晚... (不過唔駛同太太講). 好彩我個工人未夠膽唔同我講. 哈哈... 我就當無聽過, 同我個囡出街食麥當當, 等佢嚮屋企等下... 跟住同佢講我聽日要同個囡返 playgroup 唔可以去你度喎...

係咪好衰呀 ?? 但如果唔係咁又可以點呢 ??

candy-kent,

我個工人對個囡唔錯, 我唔想嚇得佢以為真係無左份工而失晒暈. 咁對我個囡唔好就敝. 而家淨係同佢講有人問先生太太既事都要話唔知, 邊個打電話黎都唔駛同太太講, 太太唔理啦, 如果有咩事要佢自己同先生講 (佢驚先生). 佢開始知死啦... 睇下點先 :-P :-P :-P

私人傳訊

ronleung

積分: 3720

13^#

發表於 04-6-1 18:04 |只看該作者

Re: 如果你個工人做左你好奶奶既密探, 你會點做 ??

我好認同一樣野就係分清楚每個人的位置,
1)你個工人係請返來服侍你地一家三口的, 如果做家務同埋湊BB有錯的就硬係教/鬧啦, 工人唔了解你的性格同埋你同你奶奶之間的關係都唔算係錯呀, 為了其他野鬧佢好似唔係咁公平, 人心肉做你都希望佢會對你個女好比心機湊BB的, 係咪! 2) 很幸運地你老公咩都唔理, 起碼唔會愚孝, 你可以同你奶奶'鏈'過, 當然係鬧智啦! 講真, 個工人係你請的, 個女又係你度, 佢個仔又唔理的, 佢一個人可以做得D咩呀.
3)你奶奶明知有D野唔到佢話事, 但係又八卦想知又想加入, 都係人知常情, 我覺得佢最唔岩的就係教個工人唔同你講, 咁係最唔識分裝閒的地方.
我諗你已經warning 左你個工人啦, 你奶奶鐘意自說自話咪由得佢等下囉, 我又唔覺得好衰喎, 係佢自己話唔好同你講的,
咁你又唔知佢等緊, 咁...... 你等到就等啦, 奶奶.

私人傳訊

積分: 191

14^#

發表於 04-6-2 09:32 |只看該作者

Re: 如果你個工人做左你好奶奶既密探, 你會點做 ??

ronleung,

多謝你既支持. 佢個仔我老公唔係咩都唔理, 而係太精啦. 知道老婆唔可以得罪, 亞媽唔可以幫. 所以遠離一切是非. 由得我地兩個自己搞掂. 因佢太清楚我的脾氣, 唔會做得太過份, 反而佢幫佢亞媽, 咁就真係無面俾

私人傳訊

ronleung

積分: 3720

15^#

發表於 04-6-2 11:41 |只看該作者

Re: 如果你個工人做左你好奶奶既密探, 你會點做 ??

咦, 你老公又真係幾精喎! 我有個題目係"如何靜靜雞離間老公親戚關係"的係夫婦情感到, 不如你又比D意見我呀.

私人傳訊