懷孕前後

收藏本版
發帖
返回列表
跳至頁

首頁
1

尾頁
   1
jojojulie


大宅

積分: 1410


1#
發表於 15-6-5 20:49 |只看該作者
有冇jm同我一樣，一聽到身邊人話\"放鬆啲啦\"、\"唔好咁緊張啦\"，個人即刻唔知好嬲定係點咁，總之好un耳，好想爆炸...

BB50日大，由出世有小毛病要留院訓暖箱插胃喉，已經好擔心，到番到屋企，陪月又唔掂當，要日日同佢食飯，聽佢呻個女比得少家用佢，再到新工人成日唔開心，話係因為我對佢惡，連老公都叫我要對佢好啲，我生完開始有鼻鼾，老公竟然要我出廳訓梳化，佢自己就舒服訓天光，我都算，反正我半夜照顧BB,都唔想嘈住佢訓覺，影響佢番工，但前兩日我地為BB嘈左兩句，佢轉頭話\"你又發脾氣，唔好諗住我會氹番你\"

同老公講我心情，佢好灰氣咁叫我唔好咁緊張，我咁樣會令佢好大壓力，同朋友講，佢地無仔女就叫我開心啲啦放鬆啲啦，真係鬼唔知咩！我夠想日日開心咁笑啦！邊個想個心屈住屈住！其實對住個仔我係開心的，有時望住佢我就覺得咩都夠～宜家日日暱响房，唔想對住工人，怕佢又話我惡，怕佢做得唔開心唔知點對我間屋，宜家屋企裡面，老公BB我工人，我係最低等嘅一個，唔係我諗埋一邊，係事實了...

我諗只有哩度先有人明白我...
私人傳訊

vickypang


大宅

積分: 4872


2#
發表於 15-6-5 23:05 |只看該作者

引用：有冇jm同我一樣，一聽到身邊人話\\\"放鬆啲啦

原帖由 jojojulie 於 15-06-05 發表
有冇jm同我一樣，一聽到身邊人話"放鬆啲啦"、"唔好咁緊張啦"，個人即刻唔知好嬲定係點咁，總之好un耳， ...
產後其實真係好容易諗埋一邊，我之前生呀仔時都有差唔多既想法，自己暱埋係房喊！不唔知為左咩，係無啦啦想喊就喊！你已經好好，有陪月幫手做家務，之後接住有姐姐幫手！我個case其實有少少近似你。我就無陪月，但有朋友黎煮飯我食，其他家務就自己做，回想...我都係要聽我朋友講負面野，仲要跟本我都係得休息，佢都算好好，山長水遠入黎煮食比我食，因為我本身真係唔識煮飯我要直到呀仔滿月先有工人姐姐到港！至於我老公，都好似你老公咁，又話我發脾氣之類啦...詳細唔太記得，我都覺得佢唔體諒我，不過有一點好少少既係，佢瞓廳，我瞓床，因為佢知道我坐緊月，唔會趕我出廳瞓！但而家事後諗返，其實我地媽媽雖然呢刻會容易有情緒，但爸爸既佢地...無啦啦多左個小生命，唔知點應對新既轉變，心裹又要擔心個老婆可能唔講出口唔知點表達，佢地果刻其實都有一定壓力！樓主而家做左人媽媽啦，要為bb為左個家庭，加油！努力去維繫一個完整無缺既屋企比bb，唔好因為覺得老公唔體諒自己而去鬧交，慢慢同老公傾訴下，總有一d字眼佢會叮一聲咁諗起原來老婆都辛苦，到時佢就會明白你！大家一齊努力，慢慢調節一家三口既生活啦！
私人傳訊

Meir079


侯爵府

積分: 24385


3#
發表於 15-6-5 23:11 |只看該作者

回覆：jojojulie 的帖子

產後的婦女容易同老公嘈，要識開懷，凡事睇開D就唔會令自己煩上加煩
私人傳訊

barbora


子爵府

積分: 10443


4#
發表於 15-6-6 00:46 |只看該作者

回覆：jojojulie 的帖子

你係新手媽咪，好多嘢一時之間未習慣未適應到新生活啫！bb仲咁細，你產後因為荷爾蒙分泌問題導情緒有起伏其實好正常嘅！遲吓你個仔一路長大，越識越多嘢嘅時候，你會發覺其實自己好開心，可以見證住小朋友成長嘅一點一滴！！

barbora
私人傳訊

jojojulie


大宅

積分: 1410


5#
發表於 15-6-6 06:34 |只看該作者

回覆：已經唔知自己開心定唔開心了

慶幸我老公支持我炒左個陪月，佢只係做左8日咋！寧願坐月無啖好食，都唔想吸收咁多負能量，講真坐月真係無得休息，仲要應酬多個，我到宜家都未習慣到屋企有工人，所以成日暱响房，又或者洗佢出街買野
我成日同自己講我係幸福的，有老公努力工作，有工人洗，最重要BB健康，成日睇jm啲post,原來寫完真係會輕鬆好多，多謝你地鼓勵支持！
私人傳訊

cookieman


男爵府

積分: 6281

開心吸收勳章 我的育兒心得勳章


6#
發表於 15-6-6 09:59 |只看該作者

回覆：已經唔知自己開心定唔開心了

如果妳不喜歡工人，可以看看家人有沒有空來幫忙照顧妳和bb,等妳可以好好輕鬆一下，不要想太多，突然多了bb已經手忙腳亂，還要應付本是陌生人的工人，不適應是正常的
私人傳訊

aimaowang


大宅

積分: 2053


7#
發表於 15-6-6 10:10 |只看該作者

回覆：已經唔知自己開心定唔開心了

陪月甘大曬？五開心咪炒區咯
私人傳訊

jenny323


大宅

積分: 1012


8#
發表於 15-6-6 11:55 |只看該作者
我而家先17W，我未生已經覺得有好多野煩，有時聽到D人咁講"放鬆啲啦"、"唔好咁緊張啦"，我都會突然覺得好煩，因為佢地都唔明白我要煩既野.....
其實我自從有左之後，個人都好易炆....
私人傳訊

jocberry


大宅

積分: 3052

叻叻勳章 睛靈勳章


9#
發表於 15-6-6 12:38 |只看該作者

回覆：已經唔知自己開心定唔開心了

樓主，產後情緒較易波動，我回想過之前生完都會有一段時間諗埋一邊，一來要照顧bb，二來身體未復原，三來生活轉變左未必適應到等; 你唔開心就搵人傾下，同老公多d傾下，但唔好預老公可以幫你解決d問題，好多時新爸爸們都仲未適應多個bb, 同唔知佢地既角色係要back up個老婆的，加油!!
私人傳訊

jojojulie


大宅

積分: 1410


10#
發表於 15-6-6 15:10 |只看該作者

回覆：jenny323 的帖子

我都係，但好矛盾架，又嫌人煩但又知道大家只係緊張關心自己，好難控制情緒，不過回想番陀果時，都係開心幸福的，你都要加油，BB同妳一齊努力中!
私人傳訊

jojojulie


大宅

積分: 1410


11#
發表於 15-6-6 15:11 |只看該作者

引用：我而家先17W，我未生已經覺得有好多野煩，

原帖由 jenny323 於 15-06-06 發表
我而家先17W，我未生已經覺得有好多野煩，有時聽到D人咁講"放鬆啲啦"、"唔好咁緊張啦"，我都會突然覺得好煩 ...
我都係，但好矛盾架，又嫌人煩但又知道大家只係緊張關心自己，好難控制情緒，不過回想番陀果時，都係開心幸福的，你都要加油，BB同妳一齊努力中!
私人傳訊

jojojulie


大宅

積分: 1410


12#
發表於 15-6-6 15:17 |只看該作者

回覆：jojojulie 的帖子

我寧願自己一個人，同BB二人世界，先有真正嘅休息，可能真係人奶比較攰，直至宜家都無好好訓一覺，個人真係虛虛地，野都唔想講多句呢～
哈哈真係講得啱呀！真係唔好期望老公會做啲咩～我都化喇...
宜家望住BB比我泵脹左，大粒左，真係好開心，全人奶好有成功感YEAH!
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy