香港18區媽媽會今日: 0|主題: 156906

收藏本版

發帖

返回列表

跳至頁

查看: 5607 | 回覆: 7

[葵青區] 分享: 遇到一間極差的裝修公司, 後悔上當了!!! [複製鏈接]

almat

伯爵府

積分: 16408

1^#

發表於 15-6-26 11:13 |只看該作者 |倒序瀏覽 |打印

本帖最後由 almat 於 15-7-2 20:32 編輯

分享自己經歷: 遇到屯門一間極差的裝修公司, 後悔上當了!!!

Remarks: 這間"富源冷氣XX有限公司" >>> 屯門有龍門居分店, 屯門石排頭路分店, 置樂分店, 葵涌都有分店

我換樓買了龍門居三房, 遇到樓下有一間叫"富源冷氣XX有限公司" 就係惡夢的開始了

本人不認識任何裝修師傅及公司, 因換樓自住, 四出打聽問下有什麼裝修師傅好, 因為始終自己想裝修得好些, 耐用些. 結果見到同座有業主揾佢地裝修, 所以都有揾佢地報價, 佢的價錢唔係因為係屋苑而特別平, 只係一般街外市價吧

我全屋裝修全換, 無乜傢俬要做, 報價時講明2.5個月內做起交貨比我, 第一我巳預多左3星期比佢地遲交貨(所以心中預左3.5個月), 第二我舊屋又咁岩賣出要交樓比人.

惡夢:
1) 裝修期間超HEA咁做, 最終成4.5個月才交返間屋比我
2) 我搬屋當日仲係我屋企裝修緊, 沙塵滾滾
3) 裝修手工極差, 牆身唔平之餘, 油漆仲油到成牆"眼淚" (即係一滴一滴乾晒係牆身, 明顯摸到凹凸)
4) 全屋換左新鋁窗, 但係好多扇窗開關係有EE聲(不是新窗太緊的聲), 開關扣位唔對, 真係無想過差成咁
5) 電制駁錯制, 多次叫佢地上來搞返, 仲有制面刻意報大數, 收樓時發現跟本多出8個電制係無用, 無燈要駁的
6) 師傅勁粗魯, 居然裝柜時撞花我3隻新門, 仲要唔賠錢之餘, 仲要賴話門舖手工差, 當時送新門來時, 我在場有驗收, 完全係靚門無花無DEFECT, 最終要求換門, "富源"唔肯之餘, 門補油仲補到一達達
7) 房有一衣柜手工無想過可以咁差, 仲差過去DSC買呀, 邊位唔對色, 門歪歪斜斜, 柜係啡色, 修邊位居然補灰色上去都夠胆死, 真係比佢吹脹
8) 撞花撞爛左一些燈制制面無賠錢之餘仲要叫我出旺角買過制面, 又晒我錢又晒我時間
9) 窗台雲石歪歪斜斜, 不是垂直, 我要求換, 換完將手工和料錢仲要我再比
10) 一交返間屋比我時, 我都未驗收, 即問我取尾數, 我無即時比因為我要CHECK下用下先知水電有無問題, 睇下窗有無漏水, 結果隔左兩星期都未比, 打電話來和WHATSAPPD來恐嚇我, 話如果明天內唔比埋尾數(只係兩萬幾元), 之後水電有問題, 漏水及有什麼甩油, 地唔平, 全部不會再來執返好.

嘩, 我心想, 當時報價講左有一年保養, 後來聽返街坊講, 間野係做裝冷氣起家, 現在搭單做埋裝修, 但連裝部冷氣都漏水, 最後我揾左另一間水電跟, 因為這間"富源" 除左裝修差, 態度似黑社會咁, 我一心換樓同家人有個安樂窩咋, 比"富源" 裝修到我間屋咁, 又遲交間屋比我, 仲要我不斷洗大左條數, 仲好意思恐嚇我.

仲有佢追尾數時咁恐嚇我, 其實係咪佢地都知自己手工差及有問題, 所以預左會水電有問題或漏水, 所以講定唔比尾數唔會幫我搞, 因為佢地預左我間屋實有問題最終要揾佢地???

我真心想同各位想揾裝修的人講, 第一揾裝修公司真係要小心, 千萬唔好亂揾, 免得好似我咁的經歷, 第二, 我唔想再有人好似我咁比這間"富源" 搞到一肚氣, 所以將我這個裝修經歷公開同大家分享.

0 0 0

私人傳訊

333s

象牙宮

積分: 217246

2^#

發表於 15-6-26 12:10 |只看該作者

almat 發表於 15-6-26 11:13
分享: 遇到屯門一間極差的裝修公司, 後悔上當了!!!
Remarks: 這間"富源冷氣工程有限公司" 除左屯門有龍門居 ...

同座有業主揾佢地裝修... 效果如何??? 有冇看? 水工裝修最好找苑內慣用的CF/家人用過了.

我怕裝修, 最多做水泥. 整廚/廁 + 閣仔存雜物./ 架子
家私: 尽量現購成品. 少煩, 少生氣.
** 時下沒人現場做家私...全是內地運來. 現場裝.. (定做意義不大)
鋁窗: 找鋁窗專業. 鋁的就更換套窗 (成本低) 工夫少. 漏的机會率低.

我的廚房, 炉柜, 星盆壽命差不多. 不考慮整套廚柜.
打爛旧的后. 購現成星盆柜. 煮食柜. (簡單又能省一筆). 以后成品愈出愈好.

想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。

生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。

私人傳訊

almat

伯爵府

積分: 16408

3^#

發表於 15-6-26 12:37 |只看該作者

回覆 333s 的帖子

我上兩星期刻意走上去同座果間按鐘想問下, 個業主好好, 開門比我望下手工, 佢同我感受一樣, 話"富源冷氣工程有限公司" 爛仔裝修公司, 手工劣, 甩漏勁多, 佢間屋早我個半月收返, 佢話佢地執甩漏都執成個月呀, 上來執甩漏個師傅, 居然夠胆死將牆身米白色油油錯左係天花一少處呀, 唉, 邊有咁好彩咁差都比我遇到架