母乳餵哺 今日: 0 | 主題: 85708

積分: 245

1^#

發表於 04-6-11 00:32 |只看該作者

我想聽下大家的意見......

各位媽咪,
我心好煩,想聽下大家的意見......

我係全人奶媽媽(而家阿b13個月大),但經常會發炎,所以一直都唔係尼邊痛就果邊痛,不過我都一直堅持,但唔知點解左邊乳房由今年二月開始痛,係劇痛,痛到而家,最初我去健康院睇醫生,睇左三個都話係黴菌感染只有藥查,過左六個星期都無改善,覺得唔妥,去睇私家醫生,點知係發炎,但已經好嚴重,有一舊硬塊形成左係乳房底部,好慘呀,要食不能餵奶的藥,我停了兩個星期,再餵返,但就一直都痛,而且d奶出得唔好,成日塞住又痛,又發炎,痛到晚晚都訓唔到,老公見我咁就成日叫我唔好餵,但我又想餵,但又真係好痛......之前我成日諗...總有一日會好番,忍下痛啦,但已經四個多月了......好多時都想放棄,但一見到阿b又會忍住再餵,跟住好痛...又想放棄...

我係多奶果種人,餵少一餐又脹又痛,飲唔清又痛,放極都有奶,又驚越放越多奶......真係好煩,仲有唔知點解最近幾個月,每次餵完左邊,乳頭總係白哂,血唔到,好痛,試過用熱敷都唔得,唯有用手擠壓,血上一陣又白哂,又痛,都唔知點算好,我真係好想餵,但又真係好痛......睇西醫無意見,通常都叫我唔好餵,睇中醫又試過食d中藥,都係痛......

我好想聽下大家的意見呀......

thanks!

私人傳訊回覆引用

Rion媽咪

積分: 2175

2^#

發表於 04-6-11 00:57 |只看該作者

Re: 我想聽下大家的意見......

mungmung,
我之前都試過, 但好快好番, 我都係嗰句:....

餵人奶嘅原意係想大家(自己同bb)開心, 如果...有任何一方餵得唔舒服or食得唔舒服, 就已經違背咗個原意, 結果搞到大家都唔開心, 既然, 你已經睇過咁多醫生都幫你唔到, 而又keep住痛咗咁耐, 你已經做哂你可以做嘅野, 盡咗力, 就無謂再"免強"喇, 我覺餵/食得開心最緊要

私人傳訊回覆引用

該用戶已被刪除

3^#

發表於 04-6-11 08:52 |只看該作者

Re: 我想聽下大家的意見......

提示: 作者被禁止或刪除內容自動屏蔽

私人傳訊回覆引用

積分: 245

4^#

發表於 04-6-11 09:02 |只看該作者

Re: 我想聽下大家的意見......

無估到兩位媽媽都叫我放棄......我仲係好矛盾......我真係好enjoy餵人奶,不過又好似唔得面對現實... 情緒都down哂,唔知點好!!!

私人傳訊回覆引用

charlene

積分: 1152

5^#

發表於 04-6-11 11:53 |只看該作者

Re: 我想聽下大家的意見......

相信你的問題並非一般的媽媽可以為你解答.

既然健康院幫唔到你,私家醫生,普通西醫甚至有些婦科醫生都未必懂得幫你.

你需要找 D 真係有 lactation title 的哺乳專家幫你.我曾經係中環一間診所見過有,不過聽聞好貴. 你有無試過打去”香港母乳育嬰協會” (熱線2540-3282)求救,睇吓可唔可以要求佢嗰位林姑娘解答你, 非一般的義工媽媽.

難得你未想放棄,繼續積極尋求解決方法.

Keep us informed. 睇吓這裡的媽媽可否再為你找找辦法.

私人傳訊回覆引用

Rion媽咪

積分: 2175

6^#

發表於 04-6-11 12:09 |只看該作者

Re: 我想聽下大家的意見......

mungmung 寫道:
無估到兩位媽媽都叫我放棄......我仲係好矛盾......我真係好enjoy餵人奶,不過又好似唔得面對現實...

我地唔係鼓吹你放棄, 只係想提醒你餵人奶唔係必然嘅, 好多野都係你控制唔到嘅, 只要..你曾經盡過力, 唔理結果係點, 就已經無愧於心!!!!!

mungmung 寫道:
... 情緒都down哂,唔知點好!!!
.....

既然, 餵人奶令到你咁困擾, 都會直接or間接影響埋bb, 咁繼續落去係唔係對大家都仲有益呢!!!!??????

mungmung,
你開心, bb都開心架, 相反你唔開心, bb又點會開心呀

私人傳訊回覆引用

monmantong

男爵府

積分: 7995

7^#

發表於 04-6-11 12:59 |只看該作者

Re: 我想聽下大家的意見......

Mung Mung,

i think elow lactation consulation can help you,

Ms Christine Lam from QE hosptial she is very famous, has a lot of talks in hospial and HK breastfeeding association, she feeded her son until 6 years, and she is very very nice.
i consulted her twice and she helped me much,

you can call QE and asked them to transfer the line to her( i forgot her direct line).
tell her your case via the phone and she will meet you at QE.

DON'T GIVE UP IF YOU STILL FEEL HAPPY WITH BF,
IF YOU NEED FURTHER INFO, PLS PM TO ME.

私人傳訊回覆引用

chingchingmom

積分: 2478

8^#

發表於 04-6-11 16:04 |只看該作者

Re: 我想聽下大家的意見......

monmantong, mungmung:

係呀，林姑娘好好架﹗佢仲係愛嬰醫院香港協會委員，不過我唔知原來佢會做埋non QE patient架﹖

另外，愛嬰醫院同衛生署都有母乳餵哺熱線﹕
愛嬰醫院香港協會﹕2838 7727
衛生署家庭健康服務部﹕2961 8868

私人傳訊回覆引用

譚媽媽

積分: 1623

9^#

發表於 04-6-11 21:08 |只看該作者

Re: 我想聽下大家的意見......

mungmung：
我相信Rion媽咪和茵茵都是看到你的寶寶已經吃了13個月人奶，已經打下了很好的基礎，若堅持餵下去要承受太大的痛苦，或許把努力轉而在照顧孩子的其他需求更好。
因為美國小兒科醫學會的建議也是餵到一歲或以上的，而一歲以後的寶寶甚麼都可以吃了，人奶只是其副食品，可以用其他乳製品或豆漿來代替。
餵到13個月，真的交足功課了。而孩子一歲以後，其他教養問題亦愈來愈重要，試試放開心情不用太執著，從孩子的整體發展來考慮要不要餵下去，或許可以減輕自己的壓力。

私人傳訊回覆引用

Glad

版主

積分: 16354

好媽媽勳章醒目開學勳章

10^#

發表於 04-6-11 21:30 |只看該作者

Re: 我想聽下大家的意見......

mungmung,

你處於這個教人心痛的處境, 你忘了自己的肉體痛苦, 忍受著莫大的精神壓力, 你仍堅持給寶寶吃母乳, 你的決心和愛心很堅定不移, 感到你是一位極偉大的媽媽!

當處於乳腺炎嚴重的情況下, 先處理此問題後, 再度給寶寶吃奶, 你覺得又如何呢?

如果乳腺炎的問題持續下去, 仍未有解決下, 繼續餵奶, 你的身心狀況將會如何呢? 你的寶寶又如何呢?

想一想......
如果仍有一些途徑去處理乳腺炎的問題時, 你在試後, 無論結果如何, 考慮一下將有甚麼是要面對的.

無論甚麼決定, 希望你的身體早日康復!

以下的文章, 你有看過嗎?
http://www.bfvghtc.org/html/faq7-7.htm

願 【母乳餵哺資料庫】 保守著大家的母乳路 ! 無論順逆 , 願大家都以喜樂和盼望的心迎接喜與憂 ! 加油啊 ! 因為我們在這裡耕耘的路上 , 有的是扶持和關顧啊 ! 願 【母乳餵哺區】 是母乳家庭的加油站 !

私人傳訊回覆引用

該用戶已被刪除

11^#

發表於 04-6-11 22:14 |只看該作者

Re: 我想聽下大家的意見......

提示: 作者被禁止或刪除內容自動屏蔽

私人傳訊回覆引用

積分: 245

12^#

發表於 04-6-12 09:47 |只看該作者

Re: 我想聽下大家的意見......

多謝哂大家的意見,我都同母乳熱線的姑娘傾過,我會再試唔同的方法,只要減輕到d痛我都會努力餵,但亦唔會太強求的,我都想試下call林姑娘.
好奇怪,昨日餵3餐都唔係好痛,所以有d希望,不過今朝又痛番......
不過一定要多謝各位

私人傳訊回覆引用

bb女

伯爵府

積分: 18441

13^#

發表於 04-6-12 16:35 |只看該作者

Re: 我想聽下大家的意見......

mungmung:

我很明白你的心情。

與你一樣，我也是經常受乳腺阻塞及乳腺炎的困擾。

我堅持餵母乳要今 (已餵了兩個bb)，除了知道母乳的好處、享受這特別的親子之樂外，我就是不甘心被這些障礙擊敗，令我終止母乳餵哺！

餵母乳已有三年多了，乳腺阻塞差不多一個月一次，乳腺炎至少受過6、7次。我也算是多奶的媽媽，又因要上班，若有一餐奶餵得不順或未能適當排空，乳房便會容易出現硬塊，奶便會塞著。有時若加上身體不適，身心疲累，或乳頭有傷口，便會引致乳腺炎。當然遇到這些情況時，我會很不開心，心情低落，但想到不肯就此被打敗，我又會站起來繼續搏鬥！

所以,我會作出以下預防/對症措施:

1) 避免乳質過油:
- 每天吃一粒 1200mg 的lecithin (卵鱗脂)，有稀釋作用;
- 戒絕奶類食品及令自己多奶的食品。

2) 不穿太緊身的內/外衣:
- 緊身的衣服/胸圍(特別是有鐵線的)，容易壓著乳腺，輕則令乳房脹痛、乳汁被阻，重則會引致乳腺炎。

3) 採用有效姿勢/排空乳房:
- 餵奶時多用欖球式姿勢，有助乳汁被吸出；每次餵奶/泵奶都會盡量排空，以免乳汁滯留，演變成阻塞。(所以有時餵奶一個小時以上都在所不計。)

4) 熟悉自己乳房/乳頭構造:
- 每次洗澡時，都會用手擠一點奶，確定乳房周遭沒有硬塊，及每個乳腺出口(真的要數數有幾多個出口啊)都暢通無阻！

5) 中葯輔助:
- 當覺餵奶有不暢順時，看支持母乳的中醫，飲有助通乳的中葯。

6) 病向淺中醫:
- 乳腺阻塞了，盡快用各方法(吸、泵、擠、按)將阻塞的地方回復路路暢通;
- 患乳腺炎時，立刻看醫生，吃消炎葯 (記著要找個支持母乳的醫生)，仍堅持繼續餵患側，有助發炎的地方快些康復。

(煩嗎？唉！我都覺得好煩！)

mungmung，你的情況我想是因炎症處理不清，及先天乳管幼小的後遺症，希望你盡快找到醫治的方法，可快快樂樂的繼續隨心所欲的餵母乳下去！大家一同共勉！

但情況若不能解決，又嚴重影響你的情緒的話，我想也不用太勉強。你已一直很努力也盡了責，在另方面表達你對寶寶的愛也是一樣的！

bb女 = 恩祺媽 :-)

私人傳訊回覆引用

積分: 245

14^#

發表於 04-6-12 22:57 |只看該作者

Re: 我想聽下大家的意見......

多謝你呀,bb女,你真係好清楚我的情況,你的見意,除了第一項我每樣都有做,食左兩日中藥,情況已經好左一d,我會努力,但不會強求的.多謝你呀!

私人傳訊回覆引用

bb女

伯爵府

積分: 18441

15^#

發表於 04-6-13 10:55 |只看該作者

Re: 我想聽下大家的意見......

mungmung:

你有看中醫，我想可繼續看至你乳房的情況完全好了為止。我覺得中醫可在預防乳腺問題方面對症下葯，而西醫只能在出現問題之後才來治理。

我是懶煲葯，通常有事才去看中醫，其實應該看密一點的！

bb女 = 恩祺媽 :-)

私人傳訊回覆引用

積分: 245

16^#

發表於 04-6-13 19:15 |只看該作者

Re: 我想聽下大家的意見......

BB女,
係呀,我早兩日剛剛認識一位剛生完bb又好想自己餵人奶的女中醫,不過佢無奶,好無耐地放棄左,佢聽我講到自己的情況,都好樂意幫我,我真係好好彩,食中藥真係好好多,之前睇的係男中醫,d藥就無咁work,而家個女中醫就比較夾,希望可以快d根治我的問題啦!
我都好想好似你同其他媽媽咁,可以餵到bb大d呀!
mungmung

私人傳訊回覆引用

小白427

積分: 3548

17^#

發表於 04-6-13 19:41 |只看該作者

Re: 我想聽下大家的意見......

Mungmung

唔知果位女中醫有冇多奶的藥方呢..
可以pm給我去看看嗎?
唔該哂mungmung

私人傳訊回覆引用

Hingying

民房

積分: 177

18^#

發表於 04-6-13 19:46 |只看該作者

Re: 我想聽下大家的意見......

mungmung,

好佩服你餵人奶的努力，做母親真不易為啊

以下是我一點小意見
1.你的左邊乳房底部有硬塊，可嘗試在餵左邊時，bb的下巴向著硬塊的位置。即是bb躺著，你就跪著面向bb讓他吃，到有噴奶反射時，用指節按著硬塊慢慢推向乳頭位置，不用太大力。最好先餵沒有事的右邊才餵有硬塊的左邊。這個姿勢會很累。如果真的很累，可以媽媽躺著bb伏在你身上吃。如果吃完後仍很痛，可以用冰墊敷一敷。

2.乳腺炎的原因除了是乳腺阻塞外，另外一個很重要的原因是抵抗力差了。你的工作忙嗎?是否很大壓力呢?做母親照顧家庭及bb真的勞心勞力，但也千萬別忘了要關心一下自己哦!有疾病真的要好好休息呀!足夠的營養，水份和休息真是不能少。

3.至於乳頭白哂，我不肯定你是否這個原因。我餵完或泵完奶乳頭尖的位置都會白哂。我覺得是因為乳頭長年累月被bb食，已經起哂"枕"，所以食完奶就會白哂，就好像游完水，手指頭變白皺皮一樣。

希望以上意見可以幫到你啦!

私人傳訊回覆引用

積分: 245

19^#

發表於 04-6-14 00:36 |只看該作者

Re: 我想聽下大家的意見......

hingying,
多謝你的意見,我會試的.
mungmung

私人傳訊回覆引用