吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 你們可以幫我分析呢位朋友值得keep嗎？

夫婦情感今日: 1|主題: 42785

收藏本版

發帖

返回列表

跳至頁

查看: 5234 | 回覆: 87

你們可以幫我分析呢位朋友值得keep嗎？ [複製鏈接]

12 3 4 5

Tzekiu

大宅

積分: 4605

1^#

發表於 15-6-30 00:20 |只看該作者 |倒序瀏覽 |打印

其實吾關c6事，關於一名女性朋友，我想講某部分的事請大家幫我分析下，其實我都同幾位朋友傾過，佢地都叫我算，因為佢地覺得其實佢係妒忌我，點解大家都係女人我會比佢好，佢之前同我fd係因為大家都甘慘又無錢。但我想多聽意見，因為我當佢係最好朋友

簡介一下：我同佢a小姐認識近10年，大家經歷過好多，佢離婚，自殺，無錢，再重投社會工作，再拍拖，我無論如何半夜凌晨有咩事我都會飛的去搵佢，驚佢睇吾開，做傻事。但自從我認識左我老公，就覺得好多野吾同晒，之前太多野無辦法講，就從我懷孕起講......

1:佢係我最好朋友，我有左第一時間打比佢報喜，好想佢恭喜我，點知A小姐：下，你吾係要呀，比著我吾要囉，你岩岩停左避孕藥，生左個bb係白痴點算，9萬隻字叫我落左佢

2:佢個時自殺幾次入院，我幾次半夜飛的過去，仲要係九龍去新界，每天n個電話問候，有時間就過去訓驚佢亂諗野，但我大肚時佢只來過3次搵我食飯，仲要係順路，佢講明吾會特登來，渣車都吾會話好遠好忙，但我見佢fb 成日出去玩，又飲天光，電話關心都無，少於5次啦，其實懷孕過既jm 都知，大肚婆係會想有身邊人多關心，我老公又忙做野，吾能夠成日陪

3:我問佢萬一我突然生，我老公去左外國做野，吾能夠及時飛反來，我又吾想麻煩6299 你可以渣車來接我嗎？
A小姐答：我吾知到時點，你有工人，自己坐的士囉

4：先講吾係晒命，我老公經濟ok,所以會買下名牌比我，吾知我係咪心多，每次出去佢都會啤住我d手袋，手錶之後黑面，又成日叫我富婆你吾明ga la（態度好衰個隻）

5:來到我新居9萬幾字狂踩，又話細到死。我個間雖則吾係豪宅，但都全海景 3房2聽，都吾明佢仲咩係甘踩

6:佢個仔每年最少2次有禮物，新年&生日，我7個月大住肚，佢一個電話打來話仔仔無厚外套穿，我馬上飛出去買，但我個仔出世後，滿月，百日電話都無個打來。

7：之前一早講好話bb 滿月我想請你地食餐飯，當然地點，時間我就晒佢，唯一我要求佢渣車來接我bb,佢當時都答應，點知前一晚我what\'s app 問係咪來接我地，佢竟然發爛炸，話同條仔冷戰，吾識渣車來，叫我同bb 坐的士去，甘我咪話甘不如改期啦我吾想帶住一個月既bb 由九龍去新界坐的士，感覺上無私家車安全，點知佢仲要串我甘你咪以後都吾洗出街咩，之後又話甘呀聽日再算啦之後當然無去，大家都無聯絡

0 0 0

私人傳訊

hello_kristy

男爵府

積分: 8463

2^#

發表於 15-6-30 00:46 |只看該作者

回覆：Tzekiu 的帖子

唔會刻意避佢，或者做d乜，但對佢收起熱情…

個人意見only…
但心理準備係，比佢同其他人數自己不是。

私人傳訊

evaw

子爵府

積分: 10798

3^#

發表於 15-6-30 01:00 |只看該作者

回覆：Tzekiu 的帖子

妒忌緊有尐，但你似乎都太過重視佢，你想你對佢咁好，佢點都要為你做點事咁，朋友為朋友做事，付出不要寄望有收穫。
再者，佢有工作有其他朋友，你又有小孩子，大家嘅分配都未必磨合到，自己放開尐，一切隨緣啦～

私人傳訊

Tzekiu

大宅

積分: 4605

4^#

發表於 15-6-30 01:11 |只看該作者

引用：妒忌緊有尐，但你似乎都太過重視佢，你想你

原帖由 evaw 於 15-06-30 發表
妒忌緊有尐，但你似乎都太過重視佢，你想你對佢咁好，佢點都要為你做點事咁，朋友為朋友做事，付出不要寄望 ...

一路吾明就係點解會妒忌，吾係應該替對方高興？

私人傳訊

happytabo

子爵府

積分: 11971

2024年龍年勳章

5^#

發表於 15-6-30 01:25 |只看該作者

回覆：你們可以幫我分析呢位朋友值得keep嗎？

人係會有妒忌之心, 好多嘢可能你冇心, 但佢看在眼裡, 太大對比, 會不自覺覺得你扮嘢, 朋友都要講緣份, 可以共患難係因為大家都係可憐人, 當其中一方環境唔同, 心態協調唔到, 就冇得勉強, 算吧啦, 總之對得住自己就無謂勉強啦

私人傳訊

WBBLF

大宅

積分: 2057

好媽媽勳章

6^#

發表於 15-6-30 01:28 |只看該作者

回覆：你們可以幫我分析呢位朋友值得keep嗎？

我覺得你無理過佢感受，有點曬命，仲要人替你高興和照顧你！
佢自己已經經歷咁多不好的事情，好淒涼！
你已經咁多人錫仲想點！

私人傳訊

evaw

子爵府

積分: 10798

7^#

發表於 15-6-30 01:31 |只看該作者

引用：Quote:原帖由 evaw 於 15-06-30 發表妒忌緊

原帖由 Tzekiu 於 15-06-30 發表
一路吾明就係點解會妒忌，吾係應該替對方高興？

女人睇女人總有可挑剔嘅地方，平常朋友唔會嘅，會好慶幸你祝福你有美滿嘅事，但你朋友係有經歷，有濟遇問題，而女人天性易妒忌，眼紅你一定有，差在表唔表露出黎姐。

私人傳訊

寶寶劉

禁止訪問

積分: 3383

8^#

發表於 15-6-30 01:33 |只看該作者

回覆：你們可以幫我分析呢位朋友值得keep嗎？

提示: 作者被禁止或刪除內容自動屏蔽

私人傳訊

katieng116

子爵府

積分: 11418

9^#

發表於 15-6-30 01:45 |只看該作者

回覆：你們可以幫我分析呢位朋友值得keep嗎？

我。。身同感受

我都有為呢d事而唔快樂。
慢慢我明白一個道理
真正嘅朋友係會望朋友富貴，朋友環境好左，係應該鄧對方開心

有點時候不是囇命，而只是想將自己的快樂，第一時間和（好朋友）分享。。但卻換來冷言冷語，那感受我懂

我唯有安慰自己。。真心朋友
一個便夠

點評

久美王子

發表於 15-7-18 12:44

私人傳訊

doryi

子爵府

積分: 12521

10^#

發表於 15-6-30 01:57 |只看該作者

回覆：Tzekiu 的帖子

我同你個case有D似！不過我同佢都未結婚！只可以咁講佢個妒忌心太強！其實已經係你做啲mug佢已經唔鍾意!朋友都要講緣份冇咗就算啦!!

私人傳訊

peonica

公爵府

積分: 29104

2018復活節勳章

11^#

發表於 15-6-30 02:53 |只看該作者

覺得你朋友係自卑多d.
佢自己生活唔太如意，見到你生活美滿，有時會覺得比下去，差距越來越大唔知點面對。
你亦太著緊大家的關係先會唔開心。
隨緣啦，相信不同時期會有不同朋友，既然已不再係同路咪疏遠做返點頭之交。

私人傳訊

SVbaby

男爵府

積分: 5711

12^#

發表於 15-6-30 07:49 |只看該作者

回覆：你們可以幫我分析呢位朋友值得keep嗎？

「不招人妒是庸才」，令人妒忌證明你真的很幸福！看開點，其實做朋友好講「對等」丶「平衡」，最好大家環境差不多不會妒忌。我唔係話唔同level 不能做朋友，但説實在同level比較容易明白對方感受講野冇咁忌諱。有D人接受唔到別人比自己好，事實你朋友失婚感情冇著落憂柴憂米，而你好像很幸福很風光，相形見絀令她自卑。
既然佢唔能夠替你高興你就放生佢搵過一D知己。

私人傳訊

skac

子爵府

積分: 11389

13^#

發表於 15-6-30 08:45 |只看該作者

本帖最後由 skac 於 15-6-30 08:45 編輯

其實，我唔會要求朋友幫我做咁多嘢，又接又送，連你生仔佢都要standby,聽到都有壓力...相信你同佢住處都有一段距離，呢d 我會寧願麻煩屋企人多d. 因為做朋友一旦對對方有要求，佢達唔到，就會產生太多猜忌或比較。唔排除佢有d 方面係妒忌你，但會否本身佢都唔開心，而你又覺得佢對你唔夠體貼，所以諗得重咗？但另方面，你生咗但電話都冇個又係衰d... 我諗你可試吓放低對佢嘅要求同期望，盡量簡單化，再觀察吓呢個人其他方面值唔值得交往啦。

私人傳訊

mother904

翡翠宮

積分: 81805

畀面勳章

14^#

發表於 15-6-30 09:11 |只看該作者

她已經不是你的朋友，放開她吧

朋友是可以互相扶持，互相幫助的，既然她不願意對你付出，無論原因是甚麼，這個人都已不再值得來往。

要風光雪月，聊天找伴，另找和你現在生活環境相近的吧，大家都會舒服些。

日日是好日

私人傳訊

魚子媽媽

男爵府

積分: 6487

玩具勳章

15^#

發表於 15-6-30 09:32 |只看該作者

引用：我覺得你無理過佢感受，有點曬命，仲要人替

原帖由 WBBLF 於 15-06-30 發表
我覺得你無理過佢感受，有點曬命，仲要人替你高興和照顧你！
佢自己已經經歷咁多不好的事情，好淒涼！
你已 ...

同意!真正既朋友係唔會計較自己為朋友既付出，因為凡此種種都係發自內心的。
你同佢現在身份不同，我不是指貧富與否，而係指你係已婚生子，佢未，生活圈子會唔同，想法思維應該有不同吧！
若你認為你單方面對佢好太不公平心不甘，咁請你收起你的熱情，也請你放棄對你朋友的期望，否則你會越來越失望。

私人傳訊

wing514

珍珠宮

積分: 35503

育兒性格勳章 BK Milk勳章 hashtag影視迷勳章

16^#

發表於 15-6-30 09:35 |只看該作者

本帖最後由 wing514 於 15-6-30 09:35 編輯

如果有一絲懷疑呢個朋友仲值唔值得KEEP 既
基本上都可以BYE BYE 得
樓主你都講得出佢咁多衰野, 可能對方一樣好唔妥你
咁仲KEEP 住為咩?

私人傳訊

mwmyway

侯爵府

積分: 20051

17^#

發表於 15-6-30 09:35 |只看該作者

回覆：Tzekiu 的帖子

我會疏遠呢d朋友

係post到傾下好啦，不接受加好友同打招呼謝謝！

私人傳訊

jeremylui83

子爵府

積分: 14244

畀面勳章

18^#

發表於 15-6-30 09:50 |只看該作者

唔洗特登去諗keep唔keep呢段友誼。。順其自然。。
有時做朋友都要看緣份，能量配合就會自己走埋一齊。。

私人傳訊

凍奶茶少奶

子爵府

積分: 10155

19^#

發表於 15-6-30 09:51 |只看該作者

成件事與妒忌無關

只係你對人好，然後期望回報與收穫，收唔到繼而失望
無論你富或貧、已婚未婚都有機會發生，就係「你對人好，然後期望回報與收穫，收唔到繼而失望」

雖然A小姐未婚，但都有自己生活，都會忙，冇可能圍住你轉

你話的士唔及私家車安全，所以唔出去……..
無言。似係一唔合你心水，就會反枱果種人。

冇私家車就唔出街…….好老實，你兩個都窮過，都捱過，佢唔會明白點解你一嫁左就變得咁矜貴，無私家車不出門？

新朋友會以為你BLUE BLOOD，由細到大未坐過公共交通工具，會體諒你。

但佢係舊朋友，你幾窮幾落泊幾折墮，佢都見過、陪過、一齊捱過、互相扶持過，你而家先黎扮驕矜，你估佢點諗？會覺得你為左扮貴族、唔肯落地行，連朋友都唔肯見。

在你朋友角度會覺得「一嫁左就變晒，生埋仔變得不可理喻」

在你埋怨朋友的同時，有冇諗過自己有幾野蠻？

道不同不相為謀，你朋友仲要拼生活，唔會有太多閒情功夫去迎合你，放棄佢啦

你應該搵一D同你志同道合，一樣生活無憂冇野搵野來煩果種人，一有不合意就話人地妒忌自己，你同佢地會投契D