吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 爸爸再次向阿媽提出離婚（下）

夫婦情感今日: 3|主題: 42709

收藏本版

發帖

返回列表

跳至頁

查看: 2877 | 回覆: 42

爸爸再次向阿媽提出離婚（下） [複製鏈接]

12 3

lala_ly

大宅

積分: 4128

1^#

發表於 15-7-20 15:48 |只看該作者 |倒序瀏覽 |打印

今個禮拜六，我同C6一齊返外家了解情況。先知原來係我爸爸趁我阿媽行開幾日，去咗個2奶嗰邊。
咁我阿媽當然一返黎就係咁哦佢，我爸最後頂唔順，終於忍唔住講咗出黎，自己係去睇仔....
我阿爸話“如果你接受唔到就離婚，我會淨身出戶，唔會同你爭任何嘢。”
我問阿爸你想點，佢話自己就係想去睇仔，唔係唔返呢個家。
意思即係佢兩邊都放唔低，兩邊都唔捨得，所以幾十年都無法選擇。
我阿爸一年360日都會喺我屋企，只有最多10日會去搵佢哋。

個2奶從18歲跟到我阿爸42歲。我爸講佢係一個賢良淑德，好抵得諗嘅女人！好吃到苦之類（同我阿媽同型）
個仔都8歲了，一年先見自己老豆一次（因為個2奶喺大陸陸豐），個2奶就做下散工湊大個仔，我阿爸每個月就唔係俾好多生活費佢哋，但係2009年我爸幫佢喺陸豐起咗樓。
講到情深處，佢就喊！話自己鬱鬱寡歡唔係因為自己有病（我爸爸上年切咗個腎），係因為個仔發燒感冒都無得去睇佢。
然後我阿媽就話放手，俾我爸走....我阿爸就眼濕濕咁話好，去執行李.....我就大喊叫佢唔好走。
我真係唔想自己阿爸咁可憐，而且我真係唔捨得，見唔到一個人嘅時候，就會好擔心佢過得好唔好！
然後我老公就叫佢冷靜d，唔好走，我阿媽都無繼續叫佢走，就咁大家就冷靜咗落黎。

尋日，我偷偷地攞咗個2奶電話，真係好想打俾佢！發洩下！！！！！
我唔會鬧佢，但係由我十幾歲到宜家，我今年28，十幾年二十年，佢不斷對我哋屋企造成傷害！
以前細個，唔可以做咩！如果到今時今日都唔咗d嘢，顯得自己好似傻婆咁！

請問各位JM，你哋會點！？

0 0 0

私人傳訊

GOGOASIA

大宅

積分: 4827

2^#

發表於 15-7-20 16:05 |只看該作者

回覆：爸爸再次向阿媽提出離婚（下）

你喊住留老豆，但又打電話鬧二奶？有二奶你老豆無責任既咩？

點評

TiffChan

發表於 15-7-20 23:13

私人傳訊

mini1204

翡翠宮

積分: 79224

3^#

發表於 15-7-20 16:09 |只看該作者

仔女唔好管父母既事, 好唔好?

私人傳訊

mandy952

琥珀宮

積分: 175523

4^#

發表於 15-7-20 16:28 |只看該作者

回覆：lala_ly 的帖子

其實你屋企係未得你一個女？男人思想傳統想有個仔呢part真係好難搞，你媽都比佢走，點解你唔比佢走呢？

私人傳訊

soso1227

珍珠宮

積分: 37354

醒目開學勳章畀面勳章

5^#

發表於 15-7-20 16:34 |只看該作者

lala_ly 發表於 15-7-20 15:48
今個禮拜六，我同C6一齊返外家了解情況。先知原來係我爸爸趁我阿媽行開幾日，去咗個2奶嗰邊。
咁我阿媽當然 ...

已經22年，老豆個二奶仲細過你，鬧來做乜？
對方都人老珠黃啦。
你老豆提出淨身出戶，
出戶就唔使，
淨身先啦，
將樓和錢轉俾你媽媽。
再去陸豐搵人同二奶仔驗DNA，
証實真係親生的話，
以後照樣一年睇5日二奶和二奶仔，
係咁多。
既然你話老豆一年陪你媽360日，
你媽一定唔捨得個老伴。

私人傳訊

esse

大宅

積分: 2266

6^#

發表於 15-7-20 16:35 |只看該作者

回覆：爸爸再次向阿媽提出離婚（下）

我唔會打，如爸真是咩都唔要，我會叫媽離婚，你也說已經18歲到現在，大家別再困斗獸，放過大家好嗎.帶伯母週圍去旅行，好好享受晚年，大家都冇感情，何必浪費馀下時間

私人傳訊

seasky21

男爵府

積分: 6956

7^#

發表於 15-7-20 16:43 |只看該作者

回覆：爸爸再次向阿媽提出離婚（下）

下，你唔怪你老豆怪個二奶？話哂人地幫你老豆生左個仔仲跟左你老豆廿幾年，最青春既時候就跟左你老豆，你可以話佢自己拎黎賤，但成件事，最大責任最錯就係你老豆！害左兩個女人仲係度懶情深唔知點揀

點評

TiffChan

發表於 15-7-20 23:15

私人傳訊

oscar0305

大宅

積分: 2133

畀面勳章

8^#

發表於 15-7-20 16:44 |只看該作者

呢個係上一代既事。。。你媽都已經放生你爸了，點解你唔可以放生你媽咪？？

你都已為人老婆，如果換轉角色，你可唔可以同人分享老公？你Ｃ６係咁對你，請問你會點處理？死都唔離婚？等Ｃ６享盡齊人之福？你做唔做到先？你做唔到就唔好迫你媽地做比你睇。。。

在我角度，你＆你爸依家係不停咁傷害緊你媽咪。。。我相信當初如果你媽唔係生左你，一早離左婚九世，你媽當初唔掉低你走左去，你媽已經係盡晒人母應盡既責任！做咩重要死忍難忍一個冇本心既人係屋企都不停咁傷害佢？

一段婚姻或一個家，冇左愛就已經係好難再維持，做咩要迫人扮有個家呢？

點評

spikenard

發表於 15-7-20 23:20

私人傳訊

Bobo113

子爵府

積分: 11316

9^#

發表於 15-7-20 16:52 |只看該作者

引用：仔女唔好管父母既事, 好唔好

原帖由 mini1204 於 15-07-20 發表
仔女唔好管父母既事, 好唔好?

真系唔到你理，由得佢同你阿媽Ｓｅｔｔｌｅ啦，講真你老豆都算有本心啦，一段戚情出問題，打句問句双方都有責仼，何必淨系鬧小三，你老豆牛唔飲水奌㩒得牛頭低吖

私人傳訊

hello_kristy

男爵府

積分: 8463

10^#

發表於 15-7-20 17:03 |只看該作者

引用：Quote:lala_ly 發表於 15-7-20 15:48 今個

原帖由 soso1227 於 15-07-20 發表
已經22年，老豆個二奶仲細過你，鬧來做乜？
對方都人老珠黃啦。
你老豆提出淨身出戶，

哩個idea非常good!!

私人傳訊

sumsum_so

伯爵府

積分: 16562

11^#

發表於 15-7-20 17:06 |只看該作者

回覆：爸爸再次向阿媽提出離婚（下）

Let him go.....
佢留係度你媽咪會開心嘛...？可能你媽咪都想比個機會放生自己....

私人傳訊

ms_ck

子爵府

積分: 13291

12^#

發表於 15-7-20 17:12 |只看該作者

引用：Quote:lala_ly 發表於 15-7-20 15:48 今個

原帖由 soso1227 於 15-07-20 發表
已經22年，老豆個二奶仲細過你，鬧來做乜？
對方都人老珠黃啦。
你老豆提出淨身出戶，

私人傳訊

Nancy20090615

瑪瑙宮

積分: 135943

13^#

發表於 15-7-20 17:18 |只看該作者

本帖最後由 Nancy20090615 於 15-7-20 17:22 編輯

無咩點, 您呀爸係一個個體, 您呀媽係一個個體, 佢地想點佢地自己揀.

個女人您鬧佢有何作用, 佢 ge 存在係您呀爸允許, 咁又點, 您可以追討 d 乜野? 收手喇.

私人傳訊

小豬澄

珍珠宮

積分: 47469

畀面勳章環保接龍勳章

14^#

發表於 15-7-20 17:22 |只看該作者

回覆：爸爸再次向阿媽提出離婚（下）

我會趕個老豆走
慘？有乜咁慘佢自己揀
你對你媽都幾殘忍換轉你你老公係咁 2頭家都要你係咪ok？

私人傳訊

oxford0158

子爵府

積分: 14430

環保接龍勳章 hashtag影視迷勳章

15^#

發表於 15-7-20 17:24 |只看該作者

呢件只係你阿爸同你阿媽兩個人o既事, 你無權話事.

你喊得一次佢留個人係屋企又如何? 你留到個阿爸係到, 你阿媽又會好過咩?

女人最慘係對住個男人, 但個心唔係自己到. 你阿媽都放手, 做乜又要叫番個阿爸番黎? 咁樣你阿媽咪翻唔到身?

你自問一下, 夾硬留底你阿爸係基於乜野心態? 唔想阿爸走? 唔想阿媽無老公? 唔想益個 2 奶? 但有無一個想法為你阿媽諗過?

以前我仲係讀書時, 都有你呢個情況, 阿爸有阿二, 我仲諗住用我做女o既關係去攪掂阿爸阿媽呢段關係. 但而家我做人老婆o既位置諗番轉頭, 覺得自己真天真.

放手啦~ 長痛不如短痛, 無論你阿媽定係作為做女o既你.

私人傳訊

w3407

男爵府

積分: 6765

16^#

發表於 15-7-20 17:33 |只看該作者

回覆 lala_ly 的帖子

樓主, 你話你亞爸可憐, 咁你又有無諗諗你亞媽更可憐。
你亞爸同個二奶24年, 二奶個仔只有8歲, 你亞媽知道十幾二十年, 但你亞爸一直都無去解決個問題, 一直在傷害你同你亞媽, 作為老公, 作為父親, 他還可憐嗎?
如他愛你和你媽, 他應該放棄二奶, 因為那時沒有小孩。如他覺得同二奶是真愛, 他可以放棄你地。如果係因為你的存在, 所以你父母無離婚, 咁你有無諗過你媽這十幾二十年係點樣過??? 你爸雖然話因為你唔離婚, 但他可以同時享齊人之褔, 所以還可以生多個仔。
但你媽呢?? 要同人分老公, 需話360日都在家, 但個心呢??? 真的在家嗎?? 我諗這個你媽應該最感受到。一個女人, 為仔女不離婚, 要忍受老公個心和身有另一個女人, 自己的青春無晒, 原本還青春時可以簡另一個的機會都沒了, 到今時今日, 個女為老公諗, 但就不為自己諗, 作為亞媽的, 心裡那個痛, 更難受。
其實, 你係咪應該問問你媽想點, 要留你亞爸, 定放你亞爸走。

私人傳訊

lovececing

侯爵府

積分: 22315

17^#

發表於 15-7-20 17:38 |只看該作者

回覆：爸爸再次向阿媽提出離婚（下）

最緊要你阿媽點睇，佢唔想同阿爸一齊，俾著我我唔會逼佢地一齊，可能以前你地仲細，你阿媽先死忍住，宜家你都大個仲結埋婚，你阿媽可能都唔想對住你阿爸，只要阿媽開心，我會專重，我會好嬲自己阿爸，通街都係女人，唔好淨係覺得個2奶錯，個男人都要負好大部分責任啦，個2奶都一齊咁耐，要斷嘅話有好多機會啦，我係你阿媽都唔想同d咁嘅男人一齊生活，你阿爸竟然話咩都唔要，就講得出做得到先好，老實講你都嫁咗，有幾何會見到你阿爸，有心嘅咪一個月約出黎一次飲茶law，你阿爸有心見你就會出黎，冇心見嘅Lee d 阿爸見唔見都把啦

我沒有很多朋友, 但有你們就足夠~~~我沒有很多錢,但我所擁有的東西已經比別人多~~~我沒有很多老公, 但有一個把我寵壞就已經足夠

私人傳訊

mini1204