http://hk.apple.nextmedia.com/enews/realtime/20150727/54020665 |
今年24歲嘅盛女Whitney，前年閃嫁模媽陳靜儀（Mia）前夫莊家傑，上年6月一索得子，生咗囝囝Chalmers後，今年2月宣佈再度有喜，點知5月時B都未生，就突然宣佈離婚!真係「離奇過小說」。當時Whitney就表示呢一胎陀得辛苦過上一胎，24小時都想嘔，好大壓力。
經過咗2個幾月，Whitney又同老公和好喇!仲話咁快同老公莊家傑以及囝囝Chalmers齊齊去影樓影咗一輯靚靚孕照兼全家福，今次Whitney影咗幾個唔同造型，除咗只着內褲，用雙手掩胸嘅美孕照，仲有天使look、黑白貴婦look同公主look等，有啲係一家三口影，有啲就係Whitney畀老公攬到實影嘅甜蜜相，而第一次同媽咪、爹哋，加埋媽咪肚入面個妹妹咁樣影合照嘅Chalmers就全程好興奮，笑到流晒口水好鬼可愛。
Whitney接受我哋電話訪問時話：「係呀！上年都有影呀！但今年特別啲啦！妹妹喺個肚度，又有仔仔，咁一家四口咁，都想留番個紀念。」問佢依家同老公嘅感情係咪已經完全修補？佢就話：「同先生關係有改善到嘅！其實婚姻輔導都畀到好大嘅幫助，所有嘢都比之前更好啦！關係都好咗！」
另外，Whitney之前提過今胎出現胎盤前置，有可能要開刀生，令佢有啲擔心，因為佢希望可以順產生囡囡：「最近照話個胎有升番少少上去，但開刀定順產就仲要等醫生之後再check下。」Whitney又話覺得今次個肚冇上次咁大，佢話：「可能今次陀得無咁好，自己食慾都冇咁好，所以都有食啲花膠，因為聽人講話食咗會長肚，依家食咗又真係覺得大啲喎！」 
 |  5月先話離婚... |  到o依家7月好返喇!咁咪好囉! |
 一家四口(連肚裡BB)影全定福! |  囝囝好興奮! |  Whitney仲好多造型! |
 |  |  嘩，好性感... |
剛才講到今年24歲嘅盛女Whitney，經歷離奇過小說，講到佢係圈外人，但前年識到模媽陳靜儀（Mia）前夫莊家傑仲閃嫁，話咁快上年6月一索得子，生咗囝囝Chalmers後，今年2月宣佈再度有喜，仲好快就生第二胎，以為一家齊齊整整之時，佢5個月就宣佈要離婚！呢幾個月發生喺Whitney身上嘅事真係峰迴路轉，依家同大家温故知新一下先。
話說Whitney婚後一直同老公表現恩愛，今年2月宣佈再陀B，之後經常孖住老公、囝囝同奶奶，甚至帶埋老公同前妻Mia生嘅一對仔女周圍玩、周圍食，三代同堂好不温馨，4月尾仲好開心宣佈第二胎陀囡囡；正當大家排住隊為佢送上祝福，Whitney隔咗2日突然喺網上貼黑底白字圖片，公佈離婚消息，夠晒耐人尋味。
當日Whitney喺貼圖上寫：「終於離婚了，相信有不少人和我一樣感到開心解脫，我會努力照顧我最愛的小孩們，我的事業我的品牌一樣會如常進行出新產品，大家不用擔心。」Whitney仲即時將佢同老公喺facebook、Instagram嘅相全部鏟走，離婚意志好堅定。當時本報都有聯絡過Whitney，佢就話覺得離婚對大家都係最好嘅決定，又話大家都盡咗力:「我哋之間唔係第三者嘅問題，我哋都覺得呢個方法係對大家最舒服、最好嘅！」
不過，世事無絕對，事隔兩個星期，即係喺5月中，我哋又發現Whitney同老公一齊見婚姻輔導，咁即係離婚有彎轉啦！Whitney接受我哋訪問時態度亦明顯有改變，佢話：「其實一個家冇人想散嘅！咁但係……我哋都會努力……畢竟都係第一次睇，但都唔想講太多。」
好喇！轉眼又過咗兩個幾月喇喎！Whitney同老公嘅關係又變成點呢？無錯！故事最終係Happy Ending嘅，唔單止咁，Whitney早前仲同老公，加埋就嚟做哥哥嘅Chalmers，一齊去影樓影咗幾輯好靚嘅美孕照。
 |  |  |
發表於 
呢個盛女真係多新聞~~~
返回列表
