親子旅遊今日: 5|主題: 161734

收藏本版

發帖

返回列表

跳至頁

查看: 360 | 回覆: 8

[台灣] 台中五日四夜 [複製鏈接]

horsebabymum2

大宅

積分: 2380

1^#

發表於 15-7-31 23:19 |只看該作者 |倒序瀏覽 |打印

7月24-28 hk express

9大2小1個九月大bb

第一天機場舉牌接機 1000台幣

其餘四日包車每天6000台幣

本身訂左鍾師傅,臨出發前兩日問佢係咪親自接待,佢先話係另一個叫阿源既司機接,我嬲左,因為訂佢時乜都話得,無講過自己無期,無經過我同意無知會我就將我放左俾另一司機,後來佢講左一堆藉口,又話公司忙又話公司要佢開會又話阿媽入院又話好嚴重,來到呢d位,我都唔想多講,勉強無幸福,臨時臨急,死死地接受佢安排

第一日夜機住黎客商旅逛逢甲夜市

第二日九點半司機接去,日月潭遊湖,水社上船, 遊玄光寺伊達邵,司機在伊達接我地去lan車站,坐lan車去九族市集,因為已經下午兩點所以無入,坐lan車落返去,司機接去孔雀園再去文武廟就返民宿住真美館

第三日九點半司機接,去左廣興紙療聽講解自己試整紙再去埔里酒廠跟住上清境食午餐食完想上青青草原睇show 點之塞車miss左惟有先行下小瑞士花園再行下附近步道就返民宿住五里坡

第四日司機九點來接先去青青草原睇show 餵羊跟住落左埔里食lunch 食完就去左一福堂買手信係司機介紹但後來發現機場禁區仲平行完手信店去左集集火車站再去妖怪村再返台中住皇家季節酒店 check in後司機再送我地去一中夜市先走我地自己行街食野再去左宮原眼科食雪糕

第五日司機九點半接先去紙箱王再新社莊園,之後司機車左去食菇餐都ok 食完去左彩紅眷村,高美濕地梧棲漁港,起漁港買左海鮮就起附近餐廳食飯,食完就返機場返香港

整體而言,行程都on schedule,除左去唔到九族文化村,源司機都不過不失,唔會好hard sell好多野講,個人都算老實,我地問佢野都答到,睇佢車頭,有掛導遊駐冊證,一落機亦都主動同我地講九人車其實係包埋司機位,我地算係超載一個人,而保險都只係保八個人,我再問佢可否轉大車,佢話九人車之後就係二十人車,我再問佢點算,佢都話好少被抓,駕駛安全d就可以,而總結幾日,佢手車好穩好舒服,佢架車有配備car seat我bb坐車訓得好甜,雖然九人逼八個位,但位置鬆洞唔會辛苦,佢話架車係自己,就算接五個人都會開大車,所以如果大家想book佢可以pm我

另外源師傅同其他導遊一樣會問你去唔去一d購物點我相信係有回俑例如一福堂雖然後來發現買貴左但我地自己係自願買既佢無逼我地佢問我地要唔要去茶莊試茶我地講話無興趣佢亦都無再提清境埔里新社三餐飯都係佢介紹佢車我地去我留意到間餐廳會包佢食我地無咩所謂最緊要d野食ok 價錢ok就好