吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 同媽咪嘅關係越來越差

婆媳關係今日: 0|主題: 27778

收藏本版

發帖

返回列表

跳至頁

查看: 4940 | 回覆: 31

同媽咪嘅關係越來越差 [複製鏈接]

叫我做super

大宅

積分: 1390

1^#

發表於 15-8-20 18:13 |只看該作者 |倒序瀏覽 |打印

我一直好羡慕其他人同自己媽咪好closed又咁錫自己, 今日睇左另一位姊妹嘅post, 發現原來有咁多人都好似我咁，唔好意思喺人地嘅版打咁長編，所以自己開一個借BK紓發一下。

簡單講下主角阿皇太后，年近60，自從我11歲阿爸離開左屋企，媽咪自己一個養大我地3姊弟，好窮，加上我細個時又曳唔聽話識埋D壞朋友，令媽咪更加辛苦，所以我同細佬大個懂事之後都比較就媽咪，唔想佢唔開心。可能因為咁，為人比較專制，我老公笑佢係女版希特拉，仲有返緊工嘅，下年先退休，而家環境都過得去，夠食夠洗咁啦。

我自從5年幾前搞結婚開始，成日都同媽咪有磨擦，講左好多好hurt 我嘅野。。我最深刻有以下幾件事。

我結婚前住單人公屋(我自己名)嘅，咁始終得200呎左右唔夠住，準備結婚就同老公決定用間公屋去買間居屋啦，雖然兩公婆人工唔高，但果時樓價未升，好平，買左間700幾建呎只係8x萬，月供只係3千幾，點都唔會供唔起，未買時同媽咪講，佢極力反對，話好多人負資產，我地同佢解釋左我地嘅供樓能力，同埋有日後有小朋友驚唔夠住，但係佢都係不停嘈左幾個月，到最後佢同我講左句，有事唔好要我幫忙，我终於明白哂。。我回左一句我有咩事都唔會煩你，佢先無再講。。我諗住佢驚我問佢借錢我都無咁嬲嘅，後尾先知原來佢一心諗住我結婚後會同奶奶住，叫我比間屋佢住，佢住緊果間比我細佬同老婆+剛出世嘅BB住。。

我結婚出門前一晚，無準備床比我訓，比左張被叫我訓地下，但係明明屋企仲有張放滿雜物嘅上格床。。。果時係3月尾，又凍地又硬，仲要我表妹過左黎陪我，點知要同我一齊訓地下！訓得唔好第二日結婚無哂精神。

結婚隨後果幾年同媽咪關係有好轉，原因係目標轉移到我細佬，細佬結婚時已經話想買樓，媽咪叫佢地儲2年錢先，果時樓價已經開始係咁升，大女未夠一歲時，弟婦再有左BB，無辦法一定要請工人湊，細仔出世後，屋企已經迫到就快路都無得行，所以細佬決定要買樓搬出去，媽咪當然例牌極力反對啦，話樓價太貴，一味叫我弟婦辭職等公屋繼續喺度住，但係我弟婦份工明明各方面都係幾好嘅。。。就係咁媽咪因為同我弟婦相處+細佬買樓搬走嘅問題成日嘈，其實就係因為唔捨得個孫，基本上每一次返去食飯佢都鬧，我幫細佬講幾句好說話就發我脾氣，直至而家，佢地已經搬左幾年，佢仍然仲唔心息，成日都仲講緊細佬而家層樓有幾唔好！

我結婚後一年開始計劃生BB，不過身體有D問題，要做人工受孕，但係做過唔成功，我地亦負擔唔到花太多錢再做，最終到上年諗住唔生啦，政府果邊又有期，我地就抱住做埋呢次，唔得就放棄嘅心態。好幸運地成功左，我同老公當然好開心，我都預左媽咪知道左之後都無乜特別反應，尤其是我老公唔係度果間，佢總會講野激我，我同佢講打算請陪月，佢話唔洗啦，有我奶奶幫手就ok，提都無提過會幫我，我話奶奶煮野唔啱食，又唔想好似要奶奶服侍我咁，佢仲同我講佢以前生完仲要煮飯比一家人食。。。咁都唔緊要，我知佢唔幫我，我可以自己安排，但係可唔可以唔好同我講果時細佬老婆坐月果陣佢點幫佢呢？！

我而家9個月就快生，佢先問我奶奶有無㷛薑醋，我話有，佢就話咁唔洗佢㷛啦，講真，我㸃敢問你吖，一陣你話唔㷛又傷感情。。又同我講話我請左陪月咁就唔洗佢幫手啦！話本來諗住放例假就過來幫我，媽咪做政府工嘅，成日同我講有幾十日假放唔哂，如果真係有心幫我嘅，點都可以攞一至二星期假掛？其實我唔係話媽咪一定要幫我，其實都無諗住幫我點解要問我呢？㸃解要同我講我弟婦坐月時佢就乜都做到足，可唔可以諗下我感受呢？

令我最唔開心嘅就係BB到時會比奶奶湊，我話每日收工去湊返屋企，佢又話比奶奶湊過夜好，叫我一星期先湊返屋企1～2日，話咁樣太辛苦了我一定捱唔到，我話都係開頭辛苦D，大少少唔洗食夜奶就好好多，我話接受唔到BB唔認得我，佢堅持話我捱唔到，我就忍唔住講\"我先係BB媽媽\"點解我唔可以決定？佢就話\"你係媽媽就自己湊返囉！\" 呢句說話真係好hurt ，我相信大部分媽媽都好想自己照顧BB，我都一樣，只係環境唔容許咁做，有必要咁傷害我咩？果晚半夜起身喊左好耐，諗返之前嘅野，我決定到生之前都唔再同媽咪聯絡，唔想情緒太波動，仲諗過生左都唔通知佢，不過又好似太過分了。

當然仲有好多事，之前每一次見完媽咪唔開心我都同自己講媽咪以前受左苦所以而家就下佢都好應該，我而家直頭好驚見到佢，其實係唔係因為更年期所以會咁呢？我真係諗唔通究竟應該繼續忍定係爆佢一次好喇？

呻完，舒服哂！好多謝大家花時間睇完我嘅故事，其實相比起呢度嘅其他姊妹我嘅事可能真係好少事，希望大家都可以快D解決哂唔開心嘅問題啦！

0 0 0

私人傳訊

chelseywong

男爵府

積分: 7527

2^#

發表於 15-8-20 18:30 |只看該作者

引用：我一直好羡慕其他人同自己媽咪好closed又咁

原帖由 叫我做super 於 15-08-20 發表
我一直好羡慕其他人同自己媽咪好closed又咁錫自己, 今日睇左另一位姊妹嘅post, 發現原來有咁多人都好似我咁 ...

好明白你！我搞結婚時都同我媽咪鬧大交，亦都知佢偏心細佬，成日俾說話我聽。我做咩佢都會講，eg 怨我成日唔返屋企，其實我個個禮拜都返娘家，但我細佬一星期打個電話番黎佢就狂話佢好乖（細佬住外國的），又話我成日洗錢，去旅行, 買野etc....但我買樓佢又話唔好，買車又話搭的士仲平過供車...咩都要唱反調...結婚又話做咩咁早結etc
緣份既野我強求唔黎，我宜家只會做好做女既本份，個個月有交家用，個個星期返娘家食飯，就算了...

私人傳訊

Bobo113

子爵府

積分: 11316

3^#

發表於 15-8-20 18:59 |只看該作者

回覆：同媽咪嘅關係越來越差

少見少對話，費事自己激心，等佢做孤獨老人

私人傳訊

叫我做super

大宅

積分: 1390

4^#

發表於 15-8-20 19:13 |只看該作者

引用：Quote:原帖由叫我做super 於 15-08-20 發

原帖由 chelseywong 於 15-08-20 發表
好明白你！我搞結婚時都同我媽咪鬧大交，亦都知佢偏心細佬，成日俾說話我聽。我做咩佢都會講，eg 怨我成日 ...

媽咪錫細佬我都明嘅，我都係得一個細佬，但係我幫細佬時佢又發哂脾氣咁，成日講到佢蝕哂底無用咁，實情係我細佬好好仔，唔食煙唔飲酒又唔去玩，係鍾意打下機咁，錫老婆又顧家又捱得，兩公婆拍拖到結婚十幾年都咁恩愛，如果佢係我個仔我會好驕傲，佢地教到一對仔女又乖又可愛，做父母都係想兒女生活得好姐，仲想點？

私人傳訊

Bobo113

子爵府

積分: 11316

5^#

發表於 15-8-20 19:30 |只看該作者

回覆：同媽咪嘅關係越來越差

其實，腍番轉頭，緊系佢Ｄ格有問題，你老豆先頂佢唔順咪走左攞

私人傳訊

mulan1985

珍珠宮

積分: 41970

好媽媽勳章 BK Milk勳章

6^#

發表於 15-8-20 19:51 |只看該作者

回覆：同媽咪嘅關係越來越差

好同情你，亦好明白你，我結婚都受唔小阿媽氣

現在仔都生埋，佢重要攪攪陣

唔好點評我,電話睇唔到點評

私人傳訊

HAPPY~123

子爵府

積分: 13243

7^#

發表於 15-8-20 20:13 |只看該作者

回覆：同媽咪嘅關係越來越差

真係好小事！佢驚你辛苦姐所以叫你奶奶湊過夜。

私人傳訊

clippy

大宅

積分: 2141

8^#

發表於 15-8-20 20:16 |只看該作者

回覆：同媽咪嘅關係越來越差

無緣，咪見少啲
大住肚，唔好激心
所有野都唔好預佢會出力，無期望，就無失望
朋友都有夾定唔夾啦，何況父母呢？
老實講，太過分我會盡量少見，何苦要自己唔開心呢

私人傳訊

叫我做super

大宅

積分: 1390

9^#

發表於 15-8-20 20:24 |只看該作者

回覆：同媽咪嘅關係越來越差

明白了，少D見面可能係最好嘅辦法，我而家都唔會期望佢會錫我個女，唔好搞到我個女就oK

私人傳訊

jinjinma

複式洋房

積分: 244

10^#

發表於 15-8-20 21:36 |只看該作者

回覆：同媽咪嘅關係越來越差

係羅，大住肚唔好勞氣，我阿媽都係一樣，佢個世界只有「錢」一個字
好似我結婚過大禮咁，之前講明會回返一半俾我，所以我每封都封得大封d，點知佢一見到

，最終只係回返500蚊，攪到我大失預算

，仲要同我講佢駛左好多錢，我心諗乜都係我出晒，佢係有買金俾我，但禮金果度已經雙倍俾返啦！
所以結左婚之後我一個月先見佢一次，因為佢會追收家用

私人傳訊

hoganbaby

公爵府

積分: 27460

11^#

發表於 15-8-20 21:41 |只看該作者

回覆：叫我做super 的帖子

咁嘅啊媽，你又真係過得好攰嘅

私人傳訊

Karypingu

複式洋房

積分: 243

12^#

發表於 15-8-20 22:13 |只看該作者

回覆：mulan1985 的帖子

真係感同身受！因為我阿媽都係咁，由我結婚開始已經怪怪地，之後我有左，又係成日俾說話我聽，又成日話我幫住99同我老公，又話結婚之後就唔同佢親，有次仲經典，今年農曆新年，我地返去吃開年飯，那時我bb沒夠3個月，我老公去左截的士，因為新年好難截的士，我在大堂等老公，因在怕外面冷吹親，我阿媽就送我阿哥落樓，見到我抱住bb無助地等我老公，居然無問我駛唔駛幫手，繼續送我哥同佢個寶貝孫去停車場攞車...見到我咁無助都出聲問下啦....呢件事直到而家講起我仲有d嬲

私人傳訊

叫我做super

大宅

積分: 1390

13^#

發表於 15-8-20 22:38 |只看該作者

引用：真係感同身受！因為我阿媽都係咁，由我結婚

原帖由 Karypingu 於 15-08-20 發表
真係感同身受！因為我阿媽都係咁，由我結婚開始已經怪怪地，之後我有左，又係成日俾說話我聽，又成日話我幫 ...

唔好嬲，我阿媽都超級重男輕女，我細佬一家幾個月先會返去食一次飯，我同老公就隨傳隨到，但係佢當細佬係寶，而家決定左細佬返去我地先返去了，唔洗煩！

私人傳訊

maxifoxy

大宅

積分: 2074

BK Milk勳章

14^#

發表於 15-8-20 22:59 |只看該作者

回覆：同媽咪嘅關係越來越差

由而家開始，到Bb出世三個月，你都唔好再搵你媽啦。生完情緒仲波動，因荷爾蒙影響，好易鑽牛角尖。

諗多d開心野啦

私人傳訊

mrschan127

大宅

積分: 1427

15^#

發表於 15-8-20 23:21 |只看該作者

回覆：同媽咪嘅關係越來越差

小番小錯，唔番唔錯。

私人傳訊

lazywife

侯爵府

積分: 24263

16^#

發表於 15-8-20 23:33 |只看該作者

回覆：同媽咪嘅關係越來越差

自己阿媽無緣，就仲有一個選擇，就係你奶奶，都無緣的話，只有認命

私人傳訊

Amelliamamapapa

複式洋房

積分: 297

17^#

發表於 15-8-20 23:55 |只看該作者

回覆：同媽咪嘅關係越來越差

以為只有自己有這樣的問題，原來同是天涯淪落人。我仲慘，結婚了，有小朋友仲同自己阿媽住（因為爸爸不在世，所有負擔照顧我媽）。媽媽年代唔同，教小朋友方法唔同，請工人又唔滿意（當人馬姐使到盡，工人作少少休息又話養了個廢物），成曰管我呢樣管我果樣，我已經是人阿媽，真的覺得佢好煩，終於忍不住同佢講，如果咁唔滿意不如搬出去同其他兄弟姊妹住，佢又唔肯又喊苦喊突話當年點辛苦養大我地，其實我的兄弟姐妹都冇人想同佢住。一起住又嗌交，唔一起住佢又好似好可憐同我很不孝。真的人都癲！而家可能做的，就是變成同屋共住，少溝通少嗌交！佢又唔滿意，同兄弟姊妹話我壞話，其實一直都是我養佢，其實兄弟姊妹根本沒有俾家用，又冇乜探佢，又要做＂嫁娘＂。再下去，我遲早有一天自己一家人搬家，等佢搵唔我地。等大家冷靜下

私人傳訊

Pangsl314

別墅

積分: 921

18^#

發表於 15-8-21 00:03 |只看該作者

回覆：同媽咪嘅關係越來越差

我絕對明白你呀，你經歷過d我全部都經歷過，由結婚到生b，每一次都吵大鑊。

我第一次有左，立即打電話比阿媽同佢講，我阿媽聽完直頭話唔係黎呀，信我啦你唔係有左，唔駛睇醫生。

我自己聽完忍不住問我老公，佢做婆婆唔應該好開心咩，點解要咁講，打沉我，自己喊左勁耐。到我有左四個月時bb冇左，自己都傷心同阿媽講bb冇左，佢答我都話唔係呀啦，你又唔信，三個月前小氣，你一d都唔醒目（佢從來冇同我講3個月前唔講得怕bb小氣），而我都只係同家人講我有左，我聽完都忍不住喊住同佢講你駛唔駛咁講野呀？自個次之後個幾年，我同阿媽d關係差都冇得再差，直至又有左大囡，關係好返少少，但又係湊囡坐月問題下再嘈過，個次差d產後抑鬱。

其實佢只得我一個女相依為命，我都唔明白？點解佢可以對我咁殘忍，一d感受都唔理我，淨佢理佢自己感受，每次講說話都傷得我好深，有時我都係想好似其他母女咁，大家有傾有講咁姐，但次次都做唔到